شينحۋا اگەنتتىگىنىڭ 11 ـ ايدىڭ 28 ـ كۇنى بەيجيڭنەن بەرگەن حابارى. 11 ـ ايدىڭ 27 ـ كۇنى مەملەكەت ٴتوراعاسى شي جينپيڭ ورسيگە تەلەگرامما جولداپ، ونىڭ ۋرۋگۆاي شىعىس جاعالاۋ رەسپۋبليكاسىنىڭ زۇڭتۇڭدىعىنا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ۋرۋگۆاي ٴبىر ـ بىرىنە سەنىم ارتقان جاقسى دوستار، سەلبەسىپ تەڭ يگىلىككە كەنەلەتىن جاقسى سەرىكتەر. ديپلوماتيالىق قارىم ـ قاتىناس ورناتقان 36 جىلدان بەرى، ەكى ەل باستان ـ اياق ٴوزارا قۇرمەت ەتۋگە، تەڭ تۇرعىدا مامىلە جاساۋعا، ٴوزارا پايدا جەتكىزىپ تەڭ يگىلىككە كەنەلۋگە تاباندى بولىپ، ٴبىر ـ ٴبىرىنىڭ وزەكتى مۇددەسىنە ساياتىن ماسەلەلەردە ٴبىرىن ـ ٴبىرى باتىل قولداپ كەلدى، ٴار سالاداعى ناقتى ىستەر سەلبەستىگىنىڭ جەتىستىگى قوماقتى بولىپ، ەكى ەل حالقىنىڭ دوستىعى جۇرت جۇرەگىنە تەرەڭ ۇيالادى. مەن جۇڭگو _ ۋرۋگۆاي قارىم ـ قاتىناسىنىڭ دامۋىنا وسكەلەڭ ٴمان بەرەمىن، سايلانعان زۇڭتۇڭ ورسيمەن بىرگە قۇلشىنىپ، جۇڭگو _ ۋرۋگۆاي دوستىعىن جالعاستىرىپ، جۇڭگو مەن ۋرۋگۆايدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ اناعۇرلىم كوپ جەتىستىككە قول جەتكىزۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
سول كۇنى مەملەكەتتىڭ ورىنباسار ٴتوراعاسى حان جىڭ ۋرۋگۆايدىڭ سايلانعان ورىنباسار زۇڭتۇڭى گاۋسقا قۇتتىقتاۋ تەلەگرامماسىن جولدادى.
