انار بۇلت \ شينجياڭ گازەتىنىڭ ٴتىلشىسى جاڭ لەي 11 ـ ايدىڭ 28 ـ كۇنى ۇرىمجىدەن حابارلايدى. 11 ـ ايدىڭ 28 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 16 ـ ٴماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
تۇراقتى كوميتەت قۇرامىنداعىلاردان 60 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس «شينجياڭ ۇيعۇر اۆتونوميالى رايونىنىڭ ＜جۇڭحۋا حالىق رەسپۋبليكاسىنىڭ ارحيۆ زاڭىن> اتقارۋ ٴادىسى»، «شينجياڭ ۇيعۇر اۆتونوميالى رايونىنىڭ ＜جۇڭحۋا حالىق رەسپۋبليكاسىنىڭ قۇمايتتانۋدان ساقتانۋ، قۇمدى تىزگىندەۋ زاڭىن> اتقارۋ ٴادىسى»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ＜شينجياڭ ۇيعۇر اۆتونوميالى رايونىنىڭ اۋىل ـ قىستاق كوللەكتيۆ شارۋاشىلىق ۇيىمدارىنىڭ مال ـ مۇلكىن باسقارۋ ەرەجەسى> سياقتى 9 جەرگىلىكتى زاڭ ەرەجەگە وزگەرىس ەنگىزۋ جونىندەگى قاۋلىسىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ＜شينجياڭ ۇيعۇر اۆتونوميالى رايونىنىڭ تەحنيكا بازارى ەرەجەسى> سياقتى 7 جەرگىلىكتى زاڭ ەرەجەنى كۇشىنەن قالدىرۋ جونىندەگى قاۋلىسىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ كوكدالا قالاسىنىڭ 3 قالاشىعىنىڭ كەزەك اۋىستىرۋ سايلاۋ ۋاقىتىن رەتتەۋ تۋرالى قاۋلىسىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ＜شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ اكىمشىلىك جازا زاڭىن» دايەكتى اتقارۋ تۋرالى قاۋلىسىن> كۇشىنەن قالدىرۋ جونىندەگى قاۋلىسىن» داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ «ٴۇرىمجى قالاسىنىڭ ٴورت ٴسوندىرۋ، ورتتەن ساقتانۋ ەرەجەسىن»، «ىلە قازاق اۆتونوميالى وبلىسىنىڭ حالىقتىق تۇسەلحانالاردى باسقارۋ جانە جەبەۋ ەرەجەسىن»، «قۇمىل قالاسىنىڭ قۇبا ٴتۇز ەكولوگيالىق قورشاعان ورتاسىن قورعاۋ ەرەجەسىن»، «قۇمىل وزەنى مەملەكەتتىك سازدىق باقشاسىن قورعاۋ ەرەجەسىن»، «تۇرپان قالاسىنىڭ توي ـ تومالاق، ٴولىم ـ ٴجىتىم ىستەرىندە ەسكى سالت ـ سانانى وزگەرتۋ بەلگىلەمەسىن»، «قىزىلسۋ قىرعىز اۆتونوميالى وبلىسىنىڭ اس ـ سۋ قىزمەت وتەۋ كاسىبىنىڭ قورشاعان ورتانى لاستاۋىنان ساقتانۋ جانە ونى وڭاۋ بەلگىلەمەسىن» بەكىتۋ جونىندەگى قاۋلىسىن، «2024 ـ جىلعى اۆتونوميالى رايون دارەجەلى مەجە ەسەپتى رەتتەۋ جوباسىن» بەكىتۋ جونىندەگى قارارىن داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى وقۋ ـ اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى بايانداماسىن، ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.
ٴماجىلىس تاعى كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ٴارى نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى پان شي، اۆتونوميالى رايوندىق باقىلاۋ ـ تەكسەرۋ كوميتەتىندەگى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى قاتىستى جاۋاپتى جولداستار، ت. ب ماجىلىسكە سىرتتاي قاتىناستى.
ماجىلىستەن كەيىن «حالىق قۇرىلتايى ٴتۇزىمىنىڭ دامۋ بارىسى» اتىنداعى ارناۋلى تاقىرىپتىق لەكسيا وتكىزىلدى.
11 ـ ايدىڭ 28 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 42 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ماجىلىسىندە داۋىسقا سالۋعا تاپسىرىلاتىن كەڭەستىك جوبالاردى بەكىتتى.
