جۇڭگو جاسىل ازىق ـ تۇلىكتى دامىتۋ ورتالىعى حابارلاندىرۋ جاريالادى
ٴپايزاۋات قاۋىنى، ٴپايزاۋات شينمەيـى تىزىمنەن ورىن الدى
ٴپايزاۋات اۋداندىق توعىسپالى مەديا ورتالىعى الميرا ياسىن
11 ـ ايدىڭ 8 ـ كۇنى جۇڭگو جاسىل ازىق ـ تۇلىكتى دامىتۋ ورتالىعى جاريالاعان حابارلاندىرۋدا كورسەتىلۋىنشە، ٴپايزاۋات اۋدانى ٴپايزاۋات قاۋىنىن، ٴپايزاۋات شينمەيىن ٴوندىرۋ بازاسى جاسىل ازىق ـ تۇلىك شيكىزاتىن ولشەمدەندىرىپ ٴوندىرۋ بازاسىنىڭ تەحنيكالىق ولشەم تالاپتارىنا ۇيلەسىپ، مەملەكەتتىك جاسىل ازىق ـ تۇلىك شيكىزاتىن ولشەمدەندىرىپ ٴوندىرۋ بازالارى تىزىمىنە ەنگىزىلگەن.
مەملەكەتتىك جاسىل ازىق ـ تۇلىك شيكىزاتىن ولشەمدەندىرىپ ٴوندىرۋ بازاسى دەگەنىمىز جاسىل ازىق ـ تۇلىك وندىرىلەتىن جەردىڭ قورشاعان ورتا ساپاسى ولشەمىنە ۇيلەسەتىن، جاسىل ازىق ـ تۇلىك تەحنيكالىق ولشەمى، جالپى بارىستىق ساپانى تىزگىندەۋ جۇيەسى سياقتىلاردىڭ تالابى بويىنشا ٴوندىرۋ جانە باسقارۋ جۇرگىزەتىن، بازانى باسقارۋ جۇيەسىن ورناتقان، اقاۋسىزداندىرعان ٴارى ٴونىمدى جۇرگىزگەن، بەلگىلى كولەمى بار، سونداي ـ اق جۇڭگو جاسىل ازىق ـ تۇلىكتى دامىتۋ ورتالىعىنىڭ تەكسەرىپ بەكىتۋىنەن وتكەن ەگىمشىلىك اۋماعىن نەمەسە باعىمشىلىق ورنىن مەڭزەيدى.
سوڭعى جىلدارى، ٴپايزاۋات اۋدانى عىلمي ەگۋ جانە باپتاۋ ارقىلى ٴپايزاۋات قاۋىنىنىڭ، ٴپايزاۋات شينمەيىنىڭ ساپاسىن ۇزدىكسىز جوعارىلاتىپ، بازاردى تولاسسىز ساپالى ونىمدەرمەن قامدادى. قازىر ٴپايزاۋات قاۋىنى ەگىلگەن جەر اۋدانى 250 مىڭ مۋدان استامعا تۇراقتانىپ، ٴونىم مولشەرى 600 مىڭ توننادان استام بولدى؛ ٴپايزاۋات شينمەيى ەگىلگەن جەر اۋدانى 570 مىڭ مۋ، جەمىس تۇسكەن كولەمى 410 مىڭ مۋ بولىپ، ەگىلگەن جەر اۋدانى بۇكىل ەلدەگىنىڭ %50ىن ۇستاپ، ٴونىم مولشەرى ٴتىپتى بۇكىل ەلدەگىنىڭ %70تەن استامىن يەلەدى.
ٴپايزاۋات اۋدانى جاسىل شيكىزات ٴوندىرىس بازاسىن قۇرۋ قىزمەتى نىساناسىن تىعىز ارقاۋ ەتىپ، كولەم باسىمدىعى زور، كاسىپ سالاسىنىڭ دامۋ نەگىزى جاقسى، ەكولوگيالىق ورتاسى ساپالى بازانى قۇرۋ بىرلىگى ەتىپ تاڭداپ، ۇيىمدىق قىزمەت وتەۋ جۇيەسىن قۇرۋ، اقاۋسىزداندىرۋ، ۇگىتتى، باۋلۋدى كۇشەيتۋ، ولشەمدەندىرۋ شاراسىن تياناقتاندىرۋ ارقىلى ٴپايزاۋات قاۋىنىن، ٴپايزاۋات شينمەيىن نەگىز ەتكەن 700 مىڭ مۋدان استام ساپالى جەمىس بازاسىن قۇرىپ، جەمىس باعىن ولشەمدەندىرىپ باسقارۋدى جاپپاي جالپىلاستىرىپ، اكىمشىلىك، تەحنيكالىق جاقتاردان قوس ارنالى كوتەرمەگە الۋ جاۋاپكەرشىلىك ٴتۇزىمىن ورناتىپ، اعاش فورماسىن جاقسارتۋ، دەرت ـ دەربەزدەر مەن زياندى جاندىكتەردەن ساقتانۋ ـ جويۋ، جەمىس باعىنداعى ارام شوپتەردى تىزگىندەۋ، رەتسەپ بويىنشا تىڭايتقىش بەرۋ سياقتى ولشەمدەندىرىپ ٴوندىرۋ تەحنيكالارىن قاتاڭ تياناقتاندىرىپ، جاڭاٴمالى قالاشىعىن، تەرىم قالاشىعىن، ميشا اۋىلىن، شاپتۇل قالاشىعىن نەگىز ەتكەن ساپالى شينمەي ٴوندىرىس بەلدەۋىن، عولتوعىراق قالاشىعى، گۇللۇك اۋىلى، ودەكىلىك اۋىلى سياقتى اۋىل ـ قالاشىقتاردى نەگىز ەتكەن ساپالى ٴپايزاۋات قاۋىنى ٴوندىرىسى شوعىرلى اۋماعىن قالىپتاستىرىپ، ”كوپ اۋىلدا ٴبىر كاسىپ بولۋ، ٴبىرتالاي قىستاقتا ٴبىر ماركا بولۋ“ سىندى كاسىپ سالاسىن دامىتۋ ارناسىن نەگىزىنەن قالىپتاستىردى.
ٴپايزاۋات قاۋىنى، ٴپايزاۋات شينمەيى كاسىپ سالاسى جوقتان بار بولۋ، كىشكەنەدەن زورايۋ سىندى دامۋ بارىسىن باستان وتكەردى. جۇڭگو جەمىس ونىمدەرىن اينالىمعا سالۋ قوعامى جىجياڭ داشۋەسى جۇڭگو اۋىل ـ قىستاقتاردى دامىتۋ زەرتتەۋ مەكەمەسى اۋىل شارۋاشىلىق ماركالارىن زەرتتەۋ ورتالىعىمەن بىرلەسىپ جاريالاعان «2024 ـ جىلعى جۇڭگو جەمىس ونىمدەرى ماركاسىنىڭ قۇنىن باعالاۋ بايانداماسىندا» ٴپايزاۋات شينمەيى 2 ميلليارد 945 ميلليون يۋاندىق ماركا قۇنىمەن 2024 ـ جىلعى جەمىس ونىمدەرى وڭىرلىك الەۋمەتتىك ماركا قۇنىنىڭ تىزىمىنەن ورىن الىپ، 836.25 نومىرمەن 2024 ـ جىلعى جۇڭگو جەمىس ونىمدەرى جاعراپيالىق بەلگىسى اۋىل شارۋاشىلىق ونىمدەرى اۋماعى الەۋمەتتىك ماركا داڭق تىزىمىنەن ورىن الدى، ٴپايزاۋات قاۋىنى 827.30 نومىرمەن 2024 ـ جىلعى جۇڭگو جەمىس ونىمدەرى جاعراپيالىق بەلگىسى اۋىل شارۋاشىلىق ونىمدەرى اۋماعى الەۋمەتتىك ماركا داڭقتى تىزىمىنەن ورىن الدى. ماركانىڭ تانىمالدىعى مەن ىقپال كۇشىن ونان ارى جوعارىلاتۋ ٴۇشىن ٴپايزاۋات اۋدانى ”ٴپايزاۋات شينمەيى“ جاعراپيالىق بەلگىسى انىقتامالىق ساۋدا ماركاسىن تىركەۋگە الدىرۋ قىزمەتىن بەلسەنە ىلگەرىلەتتى ٴارى 2020 ـ جىلى ٴساتتى تىركەۋگە الدىردى، سودان كەيىن ”ٴپايزاۋات شينمەيى“ جاعراپيالىق بەلگىسى 2023 ـ جىلى 10 ـ ايدا مەملەكەتتىك 2 ـ توپتاعى جاعراپيالىق بەلگىنىڭ قولدانىلۋىن جەبەۋ ٴتۇيىندى بايلانىس جەتەكشىلىك تىزىمىنە ەنگىزىلىپ، ٴپايزاۋات شينمەيى ماركا قۇرىلىسى ٴۇشىن پارمەندى زاڭدىق قامتاماسىزدىق ازىرلەدى.
