شي جينپيڭ جاڭا داۋىردەگى ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
جۇڭگونىڭ بايتاق دالاسىنا تامىر تارتىپ، جۇڭحۋا مادەنيەت تامىرىن جالعاستىرىپ، ٴىلمي نەگىزدى بەكەمدەپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋگە اناعۇرلىم زور ۇلەس قوسۋ كەرەك
ساي چي ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى قىزمەتى ماجىلىسىنە قاتىناستى ٴارى ٴسوز سويلەدى
شينحۋا اگەنتتىگىنىڭ 11 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا جاڭا داۋىردەگى ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى _ پارتيانىڭ يدەيا ـ نازاريا قۇرىلىسىنداعى نەگىزدىك ينجەنەريا، ستراتەگيالىق ينجەنەريا. 20 جىلدان بەرى، ينجەنەريا باستان ـ اياق وزەكتى ارقاۋ ەتىپ، كەلەلى جاعدايعا قىزمەت وتەپ، ٴبىر قىدىرۋ جوعارى ساپالى زەرتتەۋ جەتىستىكتەرىن شىعارىپ، پارتيانىڭ جاسامپاز نازارياسىن ۇيرەنۋ، زەرتتەۋ، ۇگىتتەۋ، ماركسيزمنىڭ يدەولوگيا سالاسىنداعى جەتەكشى ورنىن بەكەمدەۋ سياقتى جاقتاردا ماڭىزدى رول اتقاردى.
شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا تۋراشىلدىقتان اينىماي جاڭالىق اشۋعا تاباندى بولىپ، نازاردى جاڭا داۋىردەگى جۇڭگوشا سوتسياليزم يدەياسىن ۇيرەنۋگە، ۇگىتتەۋگە، دايەكتىلەندىرۋگە شوعىرلاندىرىپ، جۇيەلىلەنگەن، عىلمي قاعيدالى زەرتتەۋدى، ٴتۇسىندىرۋدى كۇش سالا تەرەڭدەتىپ، ۇيرەنۋدىڭ، ۇگىتتەۋدىڭ باعىتتامالىلىعىن، ناقتى ونىمدىلىگىن كۇش سالا كۇشەيتىپ، پارتيانىڭ جاسامپاز نازارياسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتۋ كەرەك. ”ەكى ۇشتاستىرۋعا“ تاباندى بولىپ، جۇڭگونىڭ بايتاق دالاسىنا تامىر تارتىپ، جۇڭحۋا مادەنيەت تامىرىن جالعاستىرىپ، ٴىلمي نەگىزدى بەكەمدەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ امالياتىنداعى كەلەلى ماسەلەلەردى ىشكەرىلەي زەرتتەپ، جۇڭگو فيلوسوفيا، قوعامدىق عىلىمدارىندا دەربەس ٴبىلىم جۇيەسىن جەدەل ورناتىپ، جوعارى ساپالى نازاريا دارىندىلارىن باۋلىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋگە اناعۇرلىم زور ۇلەس قوسۋ كەرەك.
ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى قىزمەتى ٴماجىلىسى 11 ـ ايدىڭ 29 ـ كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ٴارى ٴسوز سويلەدى.
ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسىنىڭ ورنى مەن رولىن ەگجەي ـ تەگجەيلى باياندادى، تۋراشىلدىقتان اينىماي جاڭالىق اشۋعا تاباندى بولىپ، پارتيانىڭ جاسامپاز نازارياسىن ۇيرەنۋدى، زەرتتەۋدى، ۇگىتتەۋدى ىلگەرىلەتۋدىڭ مىندەت ـ تالابىن ايقىندادى، ”ەكى ۇشتاستىرۋعا“ تاباندى بولىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدەگى ىقىلاستى ٴۇمىتىن ورتاعا قويدى، جاڭا ٴداۋىر ينجەنەرياسىنىڭ اتقارىلۋىنا ماڭىزدى بويسۇنۋ ولشەمىن ازىرلەدى.
ساي چي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە ايرىقشا ٴمان بەردى، باس شۋجي شي جينپيڭ ماركسيزمدىك نازاريانى زەرتتەۋ جانە كەمەلدەندىرۋدى كۇشەيتۋدى ارقاۋ ەتىپ، ٴبىر قىدىرۋ ماڭىزدى بايىمداۋ جاريالاپ، ماركسيزمگە تاباندى بولۋدىڭ جانە ونى دامىتۋدىڭ بەتالىستىق، ٴتۇبىرلى سيپاتتىق ماسەلەلەرىنە ىشكەرىلەي جاۋاپ بەرىپ، ماركسيزمدىك نازاريانى زەرتتەۋدىڭ جانە كەمەلدەندىرۋدىڭ باعىتتىق نىساناسىن، نەگىزگى پرينسيبىن، ٴتۇبىرلى مىندەتىن، ٴتۇيىندى قىزمەتىن جۇيەلى باياندادى. ٴبىز ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، جەتە ۇعىنىپ ۇيرەنۋىمىز، ٴتۇسىنۋىمىز، ٴبىر تۇتاس دايەكتىلەندىرۋىمىز، تياناقتاندىرۋىمىز كەرەك.
ساي چي بىلاي دەپ باسا دارىپتەدى: ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسىندا جاڭالىق اشۋدا شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، زەرتتەۋدى، ۇگىتتەۋدى ٴتۇبىرلى مىندەت ەتىپ، ۇيرەنۋدىڭ، تاربيەلەۋدىڭ باعىتتامالىلىعىن، ناقتى ونىمدىلىگىن جوعارىلاتىپ، جۇيەلىلەنگەن، عىلمي قاعيدالى زەرتتەۋدى، ٴتۇسىندىرۋدى تەرەڭدەتىپ، ۇگىتتەۋدىڭ، جالپىلاستىرۋدىڭ باۋراۋ قۋاتىن، تارتىمدىلىعىن كۇشەيتۋ كەرەك. ماركسيزمنىڭ نەگىزگى قاعيداسىن زەرتتەۋدى تەرەڭدەتىپ، جۇڭگونىڭ ناقتى، ٴىس جۇزىندىك ماسەلەلەرىنە ىشكەرىلەي جاۋاپ قايتارىپ، جۇڭحۋانىڭ تاڭداۋلى ٴداستۇرلى مادەنيەتىنىڭ باي مازمۇنى مەن داۋىرلىك قۇنىن تەرەڭ اشىپ، ”ەكى ۇشتاستىرۋ“ جونىندەگى زەرتتەۋدى جانە يگەرۋدى ۇزدىكسىز كۇشەيتىپ، نازاريالىق جاسامپازدىقتىڭ ومىرشەڭ قۋاتىن ٴۇرتىس مازداتۋ كەرەك. پارتيانىڭ جاسامپاز نازارياسىن جەتەكشى ەتۋگە تاباندى بولىپ، ٴداۋىر تالابىنا سايكەسىپ، جۇڭگونىڭ ٴىس جۇزىندىگىن تياناق ەتىپ، بەلگى سيپاتتى ۇعىمداردى، ٴتول جاسامپازدىق نازاريالاردى جۇيەلى سۇرىپتاپ، قورىتىندىلاپ، فيلوسوفيا، قوعامدىق عىلىمداردىڭ دەربەس ٴبىلىم جۇيەسىن ورناتۋدى ىلگەرىلەتۋ كەرەك. ۇيىمدىق باسشىلىقتى كۇشەيتىپ، ٴتۇزىم ـ مەحانيزمدى كەمەلدەندىرىپ، شابىتتاندىرۋ مەن قامتاماسىز ەتۋدى كۇشەيتىپ، تاماشا ٴىلىم ەكولوگياسىن قالىپتاستىرىپ، ٴبىر تۇتاس جوسپارلاۋى پارمەندى، باسقارۋى عىلمي، شابىتتاندىرۋ جاعىندا جاڭالىق اشقان قىزمەت ارناسىن جەدەل قالىپتاستىرۋ كەرەك.
لي شۋلەي ٴماجىلىستى باسقاردى. شىن يچين ماجىلىسكە قاتىناستى.
ورتالىق كوميتەت پارتيا مەكتەبىندەگى (مەملەكەتتىك اكىمشىلىك شۋەيۋانى)، ورتالىق كوميتەت پارتيا تاريحىن جانە حۇجات زەرتتەۋ ورنىنداعى، وقۋ ـ اعارتۋ مينيسترلىگىندەگى، جۇڭگو قوعامدىق عىلىمدار اكادەمياسىنداعى جاۋاپتى جولداستار، ينجەنەريالىق كەڭەس بەرۋ مۇشەلەرىنىڭ ۋاكىلدەرى، نازاريالىق قىزمەت تۇعىرىنىڭ ۋاكىلدەرى جانە قاتىستى ماماندار، وقىمىستىلار پىكىر اۋىستىرىپ ٴسوز سويلەدى.
ورتالىق كوميتەت ۇگىت، يدەيا، مادەنيەت قىزمەتى باسشىلىق گرۋپپاسىنىڭ مۇشەلەرى، ينجەنەرياعا جاۋاپتى ورىندارداعى، ورتالىق كوميتەت ۇگىت، مادەنيەت ورىندارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ٴبىر ٴبولىم ينجەنەريالىق كەڭەس بەرۋ مۇشەلەرى جانە مامان ـ وقىمىستىلار، جەرگىلىكتى پارتكومداردىڭ ۇگىت بولىمدەرىندەگى، ورتالىق باسقاراتىن جوعارى مەكتەپتەردەگى نەگىزگى جاۋاپتى جولداستار، ت. ب ماجىلىسكە قاتىناستى.
