شينحۋا اگەنتتىگىنىڭ 11 ـ ايدىڭ 29 ـ كۇنى پنومپەننەن بەرگەن حابارى (ٴتىلشى ۋ چاڭۋي). جۇڭگو شينجياڭ دوستىق اۋىس ـ كۇيىس ۋاكىلدەر ۇيىرمەسى 11 ـ ايدىڭ 29 ـ كۇنى كامبودجانىڭ پنومپەنىندە شينجياڭ ”جاقسى جەر“ اتىنداعى ۇگىتتەۋ ـ تانىستىرۋ ٴماجىلىسىن جانە سۋرەت كورمەسىن وتكىزدى.
كامبودجا حالىق پارتياسى ورتالىق كوميتەتىنىڭ تۇراقتى مۇشەسى، كامبودجا _ جۇڭگو دوستىق قوعامىنىڭ باستىعى ايساڭ ـ اۋ، سونداي ـ اق كامبودجا پارلامەنتى، كەڭەس پالاتاسى، مادەنيەت ـ كوركەمونەر مينيسترلىگى، ساياحات مينيسترلىگى، ەگىن، ورمان، بالىق شارۋاشىلىعى مينيسترلىگى، جوعارى مەكتەپتەر، پاراسات قويماسى، كاسىپورىندار، حۋاچياۋ، حۋارىن، مەديا سياقتى ٴار سالانىڭ سيلى قوناقتارىنان 100دەي ادام ماجىلىسكە قاتىناستى.
شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ ارناۋ سوزىندە شينجياڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىگىندە، قوعامى جاراسىمدى، ورنىقتى، دامۋ ارىنى تەبىندى، ۇلتتارى ىنتىماقتى، بەرەكەلى، حالقى تىنىش ٴومىر، شات ـ شادىمان تىرشىلىك كەشىرگەن تابىستارى مەن وزگەرىستەرىن ەگجەي ـ تەگجەيلى تانىستىرىپ، ”شينجياڭ جاقسى جەر“ ەكەندىگىن كوپ تۇرعىدان باياندادى.
جۇڭگونىڭ كامبودجادا تۇراتىن باس ەلشىسى ۋاڭ ۋىنبين ارناۋ سوزىندە جۇڭگو _ كامبودجا ەكى ەلدىڭ دوستىق بارىس ـ كەلىس جاساۋ بارىسىنا قايىرىلا قاراپ، شينجياڭمەن كامبودجا جەرگىلىكتى ورىندارىنىڭ اۋىس ـ كۇيىس، سەلبەستىك جاساۋىنىڭ تاماشا بولاشاعىنا كوز جىبەرىپ، ەكى جاقتىڭ جاڭا داۋىردەگى جۇڭگو _ كامبودجا تاعدىرلاس ورتاق تۇلعاسىن قۇرۋعا جەرگىلىكتى ورىندار ۇلەسىن قوسۋىن ٴۇمىت ەتتى.
شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىندەگى، سۋ يگىلىگى مەڭگەرمەسىندەگى جانە ٴۇرىمجى قالالىق حالىق ۇكىمەتىندەگى قاتىستى قىزمەتكەرلەر قاتىستى ارناۋلى تاقىرىپتار جونىندە ۇگىتتەۋ ـ تانىستىرۋ جۇرگىزدى. سول ورىندا تاعى سۋرەت كورمەسى وتكىزىلىپ، ماجىلىسكە قاتىناسقان سيلى قوناقتارعا وسى زامانعى شينجياڭنىڭ كوركەم كەلبەتى كورسەتىلدى.
