«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
تۋراشىلدىقتان اينىماي جاڭالىق اشۋعا، ٴسوز جوق، تاباندى بولۋ كەرەك
شينحۋا اگەنتتىگىنىڭ 11 ـ ايدىڭ 30 ـ كۇنى بەيجيڭنەن بەرگەن حابارى. 12 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 23 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «تۋراشىلدىقتان اينىماي جاڭالىق اشۋعا، ٴسوز جوق، تاباندى بولۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2013 ـ جىلى 1 ـ ايدان 2024 ـ جىلى 8 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان سۇرىپتالىپ الىنعان.
ماقالادا مىنالار باسا دارىپتەلدى: ٴبىز بۇرىنعىلار ىستەپ كورمەگەن ۇلى ىسپەن شۇعىلدانىپ وتىرمىز، تۋراشىلدىقتان اينىماعاندا عانا باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ٴداۋىردى يگەرۋگە، داۋىرگە جەتەكشىلىك ەتۋگە بولادى. عىلىمعا عىلمي پوزيتسيامەن قاراپ، اقيقاتقا اقيقاتشىل رۋحپەن تالپىنىپ، ماركسيزمنىڭ نەگىزگى قاعيداسىنا مىزعىماي تاباندى بولىپ، پارتيانىڭ جالپى بەتتىك باسشىلىعىنا مىزعىماي تاباندى بولىپ، جۇڭگوشا سوتسياليزمگە مىزعىماي تاباندى بولىپ، ٴداۋىردىڭ قادامىنا تىعىز ىلەسىپ، امالياتتىڭ دامۋىنا ۇيلەسىپ، جاڭا دۇنيە اتاۋلىعا قىزۋ ىنتامەن مامىلە جاساپ، تانىمنىڭ كەڭدىگى مەن تەرەڭدىگىن ۇزدىكسىز كەڭەيتىپ، بۇرىنعىلار ايتىپ كورمەگەن جاڭا سوزدەردى ايتۋعا باتىل بولىپ، بۇرىنعىلار ىستەپ كورمەگەن ىستەردى ىستەۋگە باتىل بولىپ، جاڭا نازاريا ارقىلى جاڭا امالياتقا جەتەكشىلىك ەتۋىمىز كەرەك. ماركسيزمنىڭ جۇڭگوشالانۋى، زامانالانۋى سىندى وسى كەلەلى تاقىرىپتىڭ ٴوزى ٴبىزدىڭ ماركسيزم سىندى رۋحاني تامىردان استە كەشۋىمىزگە، جۇڭحۋانىڭ تاڭداۋلى ٴداستۇرلى مادەنيەتى سىندى جان تامىردان استە كەشۋىمىزگە بولمايتىندىعىن بەلگىلەگەن. ماركسيزم يدەياسىنىڭ جاۋھارىن جۇڭحۋانىڭ تاڭداۋلى ٴداستۇرلى مادەنيەتىنىڭ جاۋھارىمەن ٴونىمدى ۇشتاستىرىپ، جاڭا نازاريالىق ابزالدىلىققا اينالدىرىپ، جاڭا يدەيالىق بيىككە ۇزدىكسىز شىعۋىمىز كەرەك.
ماقالادا مىنالار اتاپ كورسەتىلدى: تۋراشىلدىقتان اينىماي جاڭالىق اشۋ _ پارتيامىزدىڭ جاڭا داۋىردە ەل باسقارۋداعى ماڭىزدى يدەيالىق ٴادىسى. پارتيا 18 ـ قۇرىلتايىنان بەرى، پارتيامىز بۇرىنعى بار نەگىزدە ۇزدىكسىز العا باسىپ، ماسەلەنى باعدار ەتۋدەن جازباي، وسىزامانداندىرۋ قۇرىلىسى بارىسىندا ورىن تەپكەن كورنەكتى قايشىلىقتار مەن ماسەلەلەردى شەشۋدى ارقاۋ ەتىپ، رەفورمانى جاپپاي تەرەڭدەتىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ جونىندە ىزدەنىس جاساۋ مۇراگەرلىك ەتۋ بارىسىندا دامۋدىڭ، تۋراشىلدىقتان اينىماۋ بارىسىندا جاڭالىق اشۋدىڭ تاريحي بارىسى سانالادى. جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا جورىعىندا الدىمەن جۇڭگو ۇلگىسىندەگى وسىزامانداندىرۋدىڭ توركىنى مەن قاينارىن، تامىرى مەن رۋحىن ويداعىداي قورعاپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىنە، ماندىك تالابىنا جانە كەلەلى پرينسيبىنە تيتتەي دە اۋىتقىماي تاباندى بولىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، پارتيا 18 ـ قۇرىلتايىنان بەرگى ٴبىر قىدىرۋ كەلەلى باعىت ـ ساياساتتارعا تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىسىنا شىنايى كەپىلدىك ەتۋ كەرەك. سونىمەن بىرگە جاڭالىق اشۋدى مەملەكەتتىڭ دامۋ جالپى جاعدايىندا كورنەكتى ورىنعا قويىپ، ٴداۋىردىڭ دامۋ تالابىنا ۇيلەسىپ، كەلەلى نازاريالىق جانە امالياتتىق ماسەلەلەردى شەشۋدى كوزدەپ، بەلسەنە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي ـ اق باسقا جاقتارداعى جاڭالىق اشۋدى بار كۇشپەن ىلگەرىلەتىپ، دامۋدىڭ جاڭا سالاسىن، جاڭا جارىس جولىن ۇزدىكسىز اشىپ، دامۋدىڭ جاڭا قوزعالىس قۋاتىن، جاڭا باسىمدىعىن سومداۋ كەرەك.
ماقالادا مىنالار اتاپ كورسەتىلدى: رەفورمانى ونان ارى جاپپاي تەرەڭدەتۋدىڭ كەلەلى پرينسيبىن تەرەڭ ٴتۇسىنۋ جانە يگەرۋ كەرەك. تۋراشىلدىقتان اينىماي جاڭالىق اشۋعا تاباندى بولۋدا، ٴارى جولدى وزگەرتپەيتىن، ەرىك ـ جىگەردى وزگەرتپەيتىن كۇشتى تاباندىلىق تانىتىپ، ٴتورت نەگىزگى پرينسيپكە تاباندى بولۋدان، ”ٴتورت سەنىمدى“ بەكەمدەۋدەن اۋىتقىماۋ، ٴارى باتىلدىقپەن جاڭالىق اشاتىن، جۇرەكتىلىكپەن قامال الاتىن ارىن مەن باتىلدىقتى ساقتاپ، رەفورمانىڭ ۇزدىكسىز تىڭ سەرپىلىستەرگە قول جەتكىزۋىن ىلگەرىلەتۋ كەرەك. تۋراشىلدىقتان اينىماۋ مەن جاڭالىق اشۋدىڭ بىرلىگىنە تاباندى بولىپ، رەفورمالاۋعا تيىستىلەرىن بۇلجىماي رەفورمالاۋ، رەفورمالاۋعا ٴتيىستى ەمەستەرىن رەفورمالاماۋ كەرەك. مەيلى قالاي رەفورما جۇرگىزۋدە بولسىن، پارتيانىڭ جالپى بەتتىك باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزم جولىنا تاباندى بولۋ، حالىق دەموكراتياسى ديكتاتۋراسىنا تاباندى بولۋ سياقتى ٴتۇبىرلى دۇنيەلەردەن مۇلدە اۋىتقۋعا بولمايدى، سونىمەن بىرگە باتىلدىقپەن جاڭالىق اشىپ، رەفورمالاۋعا تيىستىلەرىن، رەفورمالاۋعا بولاتىندارىن ويداعىداي رەفورمالاپ، تياناقتى رەفورمالاپ، كوز جەتكەن سوڭ بۇلجىماي يگەرۋ كەرەك.
ماقالادا مىنالار اتاپ كورسەتىلدى: جۇڭحۋا ۇلتى _ تۋراشىلدىقتان اينىماي جاڭالىق اشاتىن ۇلت. تۋراشىلدىقتان اينىماي جاڭالىق اشۋعا تاباندى بولىپ، جۇڭحۋانىڭ تاڭداۋلى ٴداستۇرلى مادەنيەتىنىڭ سوتسياليستىك قوعامعا ۇيلەسۋىن ىلگەرىلەتىپ، جۇڭحۋا ۇلتىنىڭ وزىندىك رۋحاني بوگەنايىن كورسەتىپ، جۇڭگو رۋحىن، جۇڭگو قۇندىلىعىن، جۇڭگو كۇشىن اناعۇرلىم ويداعىداي سومداۋ كەرەك. جۇڭحۋانىڭ تاڭداۋلى ٴداستۇرلى مادەنيەتىنىڭ جاسامپازدىقپەن كادەگە جاراۋىن، جاڭالىق اشا دامۋىن ىلگەرىلەتۋ بارىسىندا ماركسيزمنىڭ ٴتۇبىرلى جەتەكشى يدەياسىنا تاباندى بولىپ، توڭكەرىستىك مادەنيەتتى جالعاستىرىپ، اسقاقتاتىپ، سوتسياليستىك وزىق مادەنيەتتى دامىتىپ، جۇڭحۋانىڭ تاڭداۋلى ٴداستۇرلى مادەنيەتىنەن سارقىلماس قاينار بۇلاق قاراستىرۋ كەرەك. جاڭا داۋىردەگى مادەنيەت قىزمەتكەرلەرى، ٴسوز جوق، تۋراشىلدىقتان اينىماي جاڭالىق اشاتىن دۇرىس سالت پەن ارىن ارقىلى تاريحي مادەنيەت تامىردى جالعاستىرىپ، زامانىمىزدىڭ تاماشا داستانىن جازۋى كەرەك.
