ٴار ەلدى باقىتقا كەنەلتەتىن، دۇنيە جۇزىنە تيىمدىلىك جاسايتىن ”باقىت جولىن“ اشتى
— ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدا جاڭا قارىشتاۋ، جاڭا دامۋ جۇزەگە اسىرىلدى
شينحۋا اگەنتتىگىنىڭ تىلشىلەرى ۋي يۇيكۇن، جوۋ يۋان
بايىرعى جىبەك جولى ون مىڭ شاقىرىمعا سوزىلىپ، مىڭ جىل جالعاسىپ، بەيبىت بولۋدى، سەلبەسۋدى، اشىق، سيىسىمدى بولۋدى، ٴوزارا ۇيرەنىپ، ٴبىر ـ بىرىنەن ۇلگى الۋدى، ٴوزارا پايدا جەتكىزىپ تەڭ يگىلىككە كەنەلۋدى وزەك ەتكەن جىبەك جولى رۋحىن قالىپتاستىردى.
2013 ـ جىلى كۇزدە ٴتوراعا شي جينپيڭنىڭ جاعدايدى باعامداپ، ”ٴبىر بەلدەۋ، ٴبىر جولدى“ بىرگە قۇرۋ باستاماسىن العا قويۋى ادامزات دامۋ تاريحىنداعى بەلەستىك مانگە يە ىسكە اينالدى.
11 جىلدان بەرى، ٴارقايسى جاقتاردىڭ بىرگە قۇلشىنۋىندا، ”ٴبىر بەلدەۋ، ٴبىر جولدى“ بىرگە قۇرۋ ۇستانىمنان ارەكەتكە، جوبادان رەالدىققا اينالىپ،”ۇلكەن نوبايدى“ ”نازىك كارتيناعا“ اينالدىرىپ دۇنيە جۇزىندەگى اۋماعى ەڭ كەڭ، كولەمى ەڭ زور حالىقارالىق سەلبەستىك تۇعىرى بولىپ، شىنايى، سالماقتى جەتىستىككە قول جەتكىزدى.
بايىرعى جىبەك جولىندا تىڭ تىرشىلىك تىنىسى قاۋلادى. جۇڭگو ٴارقايسى جاقتارمەن قول ۇستاسا ساپارلاس بولىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، كوركەم بولاشاققا جەتكىزەتىن شۋاقتى داڭعىلدى سالدى.
دۇنيە ٴجۇزىن باقىتقا كەنەلتەتىن ”دامۋ بەلدەۋى“
”بايىرعى جىبەك جولىنان ۇلگى الىپ، ۇلاستىرۋ ـ تۇتاستىرۋدى نەگىزگى جەلى ەتىپ، ٴار ەلمەن ساياساتتى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى كۇشەيتىپ، دۇنيە ٴجۇزىنىڭ ەكونوميكالىق ارتۋىنا جاڭا قوزعالىس قۋاتىن ۇستەۋ، الەمدىك دامۋعا جاڭا ٴورىس اشىپ، حالىقارالىق ەكونوميكالىق سەلبەستىككە جاڭا تۇعىر ورناتۋ كەرەك“.
2023 ـ جىلى 10 ـ ايدىڭ 18 ـ كۇنى ٴتوراعا شي جينپيڭ 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىندا ”ٴبىر بەلدەۋ، ٴبىر جول“ باستاماسىنىڭ اۋەلگى ماقساتىن تەرەڭدەي ٴتۇسىندىردى.
ۇلى يدەيا تاريحتىڭ اقىل ـ پاراساتىن ۇيىستىرىپ، بولاشاقتاعى بەتالىس جونىندە وي سالادى.
ساياساتتى بايلانىستىرۋدىڭ، قۇرىلعىلاردى ۇلاستىرۋدىڭ، ساۋدانى ىركىلىسسىزدەندىرۋدىڭ، قارجىنى اينالىمعا سالۋدىڭ، جۇرت تىلەگىن توعىستىرۋدىڭ سەلبەستىك جوباسىن كەسكىندەۋدەن بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن العا قويۋعا؛ اشىق، جاسىل، كىرشىكسىز بولۋ ۇستانىمىن باستاماشىلدىقپەن دارىپتەۋدەن جوعارى ولشەمدى، باياندى، حالىق تۇرمىسىنا تيىمدىلىك جاساۋ نىساناسىن العا قويۋعا دەيىن... ٴتوراعا شي جينپيڭ ٴارقايسى جاقتاردىڭ وسى جاسامپازدىق ٴىستى قول ۇستاسا ىلگەرىلەتۋىنە ايقىن العا باسۋ بەتالىسىن كورسەتتى.
11 جىل كوكتەمدە گۇلدەپ، كۇزدە ماۋەلەدى. ”ٴبىر بەلدەۋ، ٴبىر جولدى“ بىرگە قۇرۋ سۇبەلى تابىستارعا قول جەتكىزدى:
_ ەلىمىز ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن ٴۇش كەزەك ٴساتتى وتكىزىپ، 150دەن استام مەملەكەتپەن، 30دان استام حالىقارالىق ۇيىممەن ”ٴبىر بەلدەۋ، ٴبىر جولدى“ بىرگە قۇرۋ سەلبەستىك حۇجاتىنا قول قويىستى؛
_ ”التى ٴدالىز، التى جول، كوپ ەل، كوپ پورت“ سىندى ۇلاستىرۋ ـ تۇتاستىرۋ جۇلگەسى نەگىزىنەن قالىپتاسىپ، جۇڭگو _ لاوس تەمىر جولى، جاكارتا _ باندۇڭ جوعارى جىلدامدىقتى تەمىر جولى، ۆەنگريا _ سەربيا تەمىر جولى، پيراەۋس پورتى سياقتى ٴبىر توپ بەلگى سيپاتتى نىساندى سالدى؛
_ ەلىمىز كوپ جاقتى گۇلدەندىرۋ بانكەسىمەن بىرلەسىپ كوپ جاقتى اشۋ، قارجى قۇراۋ سەلبەستىك ورتالىعىن قۇردى، گۇلدەندىرۋ بانكەسى، يمپورت ـ ەكسپورت بانكەسى جەكە ـ جەكە 350 ميلليارد يۋان حالىق اقشاسىندىق قارجى قۇراۋ تەرەزەسىن اشىپ، كوپ نەگىزدى، ورنىقتى، باياندى قارجى قوسۋ، قارجى قۇراۋ جۇيەسىن نەگىزىنەن ورناتتى؛
_ بيىل 9 ـ ايدىڭ سوڭىنا دەيىن، ەلىمىزدىڭ بىرگە قۇراتىن ەلدەرمەن اراداعى جۇك ساۋداسى سوماسى جالپى 160 تريلليون يۋانعا جەتتى. ”كۋالاندىرىلعان شارۋاشىلىق جۇرگىزۋشىنى(AEO) “ ٴوزارا مويىنداۋ كەلىسىمىنە قول قويۋ سانى مەن ٴوزارا مويىنداعان مەملەكەت سانى تۇگەلدەي بۇكىل الەم بويىنشا ٴبىرىنشى بولىپ، ساۋدا، قارجى قوسۋدىڭ ەركىندەنۋ، قولايلىلانۋ دەڭگەيى كورنەكتى جوعارىلادى...
11 ـ ايدىڭ 15 ـ كۇنى تۇستەن بۇرىن ساعات 10نان 20 مينۋت وتكەن كەز، چۇڭچيڭ ىنتىماق قىستاعى ورتالىق ۆوگزالى X8083 رەتكى جۇڭگو _ ەۆروپا كەزەكشى پويەزىنىڭ (چۇڭچيڭ _ دۋيسبۋرگ) ۆوگزالىنان باياۋ قوزعالىپ شىعۋىمەن، قاتىناعان جۇڭگو _ ەۆروپا كەزەكشى پويەزىنىڭ جالپى سانى 100 مىڭنان استى.
ەشقاشان توقتامادى، ەۆروپا _ ازيا قۇرلىعىندا ارلى ـ بەرلى قاتىناعان وسى ”قۇرىش كەرۋەن“ جاڭا بەلەستەن اسىپ، جەلى بويىنداعى ەكونوميكا ـ ساۋدا سەلبەستىگىنىڭ جاڭا تۇعىرىن قۇردى. بۇگىنگى تاڭدا، جۇڭگو _ ەۆروپا كەزەكشى پويەزى 25 ەۆروپا ەلىنىڭ 227 قالاسىنا جانە 11 ازيا ەلىنىڭ 100دەن استام قالاسىنا جەتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ جاندى امالياتىنا اينالدى.
كوپ جاققان وتتىڭ الاۋى الىستى شارپيدى، ٴوزارا كومەكتەسۋ، ٴوزارا جاردەمدەسۋ الىسقا جەتكىزەدى.
”ٴبىر بەلدەۋ، ٴبىر جولدى“ بىرگە قۇرۋ ”قاتتى ۇلاستىرۋ“، ”جۇمساق ۇلاستىرۋ“، ”جۇرەكتەردى ۇلاستىرۋ“ سيمفونياسىن جازىپ، ٴار ەل بارىس ـ كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن قالىپتاستىرىپ، ادامزات بىرگە دامۋىنىڭ ەڭ ۇلكەن ورتاق بولگىشىن توپتاپ، دۇنيە ٴجۇزىن باقىتقا كەنەلتكەن ”دامۋ بەلدەۋىنە“ اينالدى.
جوعارى ساپالى دامۋدى بىرگە جەبەپ، حالىقتى باقىتقا كەنەلتتى
بيىل 10 ـ ايدىڭ 26 ـ كۇنى قىرعىزستاننىڭ استاناسى بىشكەكتەگى قىرعىزستان مەملەكەتتىك تەحنيكا داشۋەسىندە جىجياڭ مىندەتىنە الىپ سالعان قىرعىزستان لۋبان شەبەرحاناسى رەسمي ماڭدايشالىعىن اشتى.
لۋبان شەبەرحاناسى جۇڭگونىڭ بايىرعى كورنەكتى ۇستاسى لۋبان اتىنداعى كاسىپتىك وقۋ ـ اعارتۋ حالىقارالىق اۋىس ـ كۇيىس تۇعىرى، نەگىزىنەن ”ٴبىر بەلدەۋ، ٴبىر جولدى“ بىرگە قۇراتىن ەلدەردىڭ تەحنيكالىق شەبەرلىك دارىندىلارىن باۋلۋىنا كومەكتەسىپ، ”ٴبىر بەلدەۋ، ٴبىر جول“ بويىنداعى ”تەحنيكا بەكەتى“ اتالعان.
لۋبان شەبەرحاناسىن بىرگە قۇرۋ _ ٴتوراعا شي جينپيڭ باستان ـ اياق كوڭىل ٴبولىپ، ىلگەرىلەتىپ كەلە جاتقان ماڭىزدى نىسان. 2023 ـ جىلى 5 ـ ايدا ٴتوراعا شي جينپيڭ جۇڭگو _ ورتا ازيا باسشىلار ماجىلىسىندە ارقاۋ ٴسوز سويلەگەندە، ”ورتا ازيا ەلدەرىندە اناعۇرلىم كوپ لۋبان شەبەرحاناسى اشىلادى“ دەگەن ەدى.
2016 ـ جىلى تۇڭعىش لۋبان شەبەرحاناسى _ تايلاند لۋبان شەبەرحاناسى ىسكە قوسىلدى. 8 جىلدان استام ۋاقىتتان بەرى، جۇڭگو ازيا، ەۆروپا، افريكا سىندى 3 قۇرلىقتا 30دان استام لۋبان شەبەرحاناسىن سەلبەسىپ سالىپ، ماعلۇماتتىق وقۋ ـ اعارتۋ بويىنشا جيىنى 10 مىڭعا جۋىق وقۋشى تاربيەلەپ، 31 مىڭ ادام ـ رەت استام كاسىپتىك باۋلۋ جۇرگىزىپ، جۇڭگو _ شەتەل گۋمانيتارلىق اۋىس ـ كۇيىسىنىڭ كوپىرىن سالدى.
مەملەكەت اراسىنداعى قارىم ـ قاتىناستىڭ نەگىزى حالىقتىڭ ەتەنە بولۋىندا، حالىقتىڭ ەتەنە بولۋى جۇرەكتەردىڭ توعىسۋىندا.
”ٴبىر بەلدەۋ، ٴبىر جولدى“ بىرگە قۇرۋ باستاماسى العا قويىلعان كۇننەن باستاپ، حالىقتى باقىتقا كەنەلتۋ، حالىق تۇرمىسىنا تيىمدىلىك جاساۋ ونىڭ وزگەرمەس نىساناسى بولدى. 11 جىلدان بەرى ”شاعىن دا كوركەم“، ”ٴتيىمدى دە ناقتى“ حالىق تۇرمىسى ينجەنەريالارى، حالىق تىلەگى ينجەنەريالارى ناقتىلانىپ، تياناقتانىپ كەلەدى.
2014 ـ جىلى 12 ـ ايدا جۇڭگو كاسىپورنى مىندەتىنە الىپ سالعان سەربيانىڭ استاناسى بەلگرادقا ورنالاسقان زەمۋن ـ بوركا ۇلكەن كوپىرى سالىنىپ بولىپ، كولىك قاتىناپ، 70 جىلدان بەرگى بەلگراد قالاسىنداعى دۋناي وزەنىندە ٴبىر عانا كوپىر بولۋ تاريحىن اياقتاتتى؛
2021 ـ جىلى 12 ـ ايدا جۇڭگو_لاوس تەمىر جولىنىڭ تۇتاس جەلىسى اشىلىپ ىسكە قوسىلىپ، لاوستىڭ ”قۇرلىقتىق تۇيىقتالعان ەلدەن” “قۇرلىقتى بايلانىستىراتىن ەلگە“ اينالۋ اسىل ارمانىنا جەتكىزىپ، زات اينالىمى تاسىمالىن قولايلى جانە وزىندىك قۇنى تىزگىندەلەتىن ەتىپ وزگەرتتى؛
2022 ـ جىلى 3 ـ ايدا جۇڭگو كومەكتەسىپ سالعان تبونگ ـ كمۋم جۇڭگو_كامبودجا دوستىق شيپاحاناسى پايدالانۋعا بەرىلىپ، كامبودجانىڭ ەمدەۋ شارت ـ جاعدايىن جاقسارتىپ، جەرگىلىكتى تۇرعىنداردىڭ اۋرۋ كورسەتۋ شىعىنىن ازايتتى؛
2024 ـ جىلى 8 ـ ايدا جۇڭگو كاسىپورنى مىندەتىنە الىپ سالعان ناۋرۋ ايۆو پورتى كەمەجايىنىڭ دەڭگەيىن كوتەرىپ جاڭالاۋ نىسانى سۋ سىڭبەيتىن ناسوس ۇيىنە رەسمي سۋ جۇرگىزىپ، پايدالانۋعا بەرىلىپ، جەرگىلىكتى تۇرعىنداردىڭ سۋدان قالىپتى پايدالانۋ قاجەتىن اناعۇرلىم ويداعىداي قاناعاتتاندىردى...
تاس جول، تەمىر جولدار، مەكتەپ، شيپاحانالار سالىنىپ بولىپ ىسكە قوسىلىپ، حالىق تۇرمىسى ناقتى ىستەرى ـ نىساندارى جەدەل ىلگەرىلەتىلىپ، بىرگە قۇراتىن ەلدەر حالقىنىڭ كوكەي تەستى ماسەلەلەرىن شەشۋىنە، ٴوندىرىس ـ تۇرمىس شارت ـ جاعدايلارىن جاقسارتۋىنا كومەكتەسىپ، ناقتى تابىس سەزىمىن، باقىت سەزىمىن، حاۋىپسىزدىك سەزىمىن اكەلدى.
دامۋ حيكايالارىندا ادام ماڭگى ەڭ بەلسەندى باس كەيىپكەر بولىپ تابىلادى. بىرگە قۇراتىن ەلدەر حالقىنىڭ نازارىندا ”ٴبىر بەلدەۋ، ٴبىر جول“ بارعان سايىن جاقسارعان تۇرمىس، سونداي ـ اق العا باسۋ جولىن نۇرلاندىرعان شام ـ شىراق بولدى.
فيجيدىڭ ناديى (Nadi)، جۇڭگو ـ تىنىق مۇحيت ارال ەلدەرى جۇنساۋ ٴشوبى تەحنيكالىق ۇلگى كورسەتۋ ورتالىعىندا، قالىڭ جۇنساۋ ٴشوبىنىڭ ٴوسۋى ادامدى تاڭ قالدىرادى، 11 ـ ايدا ٴبىر كۇننىڭ وزىندە 5 تە 8 سانتيمەتر وسەدى ەكەن.
2012 ـ جىلى فيجي اۋىل شارۋاشىلىعى جانە سۋ جولى مينيسترلىگى نادي جالپىلاستىرۋ ٴمانساپتىسى اتلەني ۋيناكالو جۇڭگو ماماندارىمەن تىعىز سەلبەسىپ، جۇنساۋ ٴشوبى تەحنيكاسىن فيجيگە ەنگىزەدى. ”جۇنساۋ شوبىنەن جوعارى ساپالى تاعامدىق، دارىلىك ساڭىراۋقۇلاق باپتاپ وسىرۋگە بولادى، سونداي ـ اق ونى ساپالى جەم ـ ٴشوپ ورنىندا پايدالانىپ، مال شارۋاشىلىعىنىڭ دامۋىنا دەم بەرەدى، ول فيجي حالقىنىڭ كەدەيلىكتەن ارىلىپ، بايۋداعى ’التىن كىلتى“‘، ـ دەدى ول.
جۇنساۋ ٴشوبى تەحنيكالىق باۋلۋ كۋرسىن اشۋ، جۇنساۋ ٴشوبى تەحنيكالىق ۇلگى كورسەتۋ بازاسىن قۇرۋ سياقتى اۋىس ـ كۇيىس، سەلبەستىك جاساسۋ فورماسى ارقىلى بۇگىنگى تاڭدا جۇنساۋ ٴشوبى نىسانى 100دەن استام ەلدە تياناقتانىپ، تامىر تارتىپ، كەدەيلىكتەن ارىلتۋ، جۇمىستانۋ، قۇمدى تىزگىندەۋ، ەلەكتر تاراتۋ سياقتى سالالاردا وراسان زور كومەسكى كۇشىن جارىققا شىعارىپ، دۇنيە ٴجۇزىن باقىتقا كەنەلتەتىن ”باقىت شوبىنە“ اينالدى.
’”ٴبىر بەلدەۋ، ٴبىر جول‘ قۇرىلىسى قۇر ۇران عانا ەمەس، ول كوزبەن كورۋگە، قولمەن ۇستاۋعا كەلەتىن ناقتى شارا بولىپ، وڭىردەگى مەملەكەتتەرگە ناقتى تيىمدىلىك جەتكىزەدى“. ٴتوراعا شي جينپيڭنىڭ ماڭىزدى تۇجىرىمى ”ٴبىر بەلدەۋ، ٴبىر جولدى“ بىرگە قۇرۋ باستاماسىنىڭ گۋمانيتارلىق قۇنىن ەگجەي ـ تەگجەيلى ٴتۇسىندىردى.
مۇحيتتى، قۇرلىقتى اتتادى، حالىقتاردىڭ كوڭىلدەرى توعىستى. وقۋ ـ اعارتۋ، عىلىم، مادەنيەت، دەنە تاربيە، ساياحات، ارحەولوگيا سياقتى سالالارداعى سەلبەستىك تەرەڭدەي ىلگەرىلەتىلدى؛ لۋبان شەبەرحاناسى، ”نۇرلى ساپار“ مەن جۇنساۋ ٴشوبى سياقتى ٴبىرسىپىرا ”شاعىن دا كوركەم“ جارقىن تۇيىندەر، ايگىلى ماركالار بىرگە قۇرعان ەلدەردىڭ ەكونوميكاسىنىڭ، قوعامىنىڭ دامۋىن جەبەپ، حالىقتىڭ قۇت ـ ىرىسىن ارتتىردى... ٴار ەل حالقىنا تيىمدىلىك جاسايتىن وسى دامۋ جولى جۇرگەن سايىن كەڭەيە ٴتۇستى.
جىبەك جولىنىڭ ٴداۋىر جاڭا تاراۋىن قول ۇستاسا جازدى
جەرگىلىكتى ۋاقىت 11 ـ ايدىڭ 14 ـ كۇنى، جۇڭگو مەن پەرۋ ەكى ەل مەملەكەت باسشىسىنىڭ بىرگە كۋا بولۋىندا، ەكى جاق ۋاكىلدەرى ”ٴبىر بەلدەۋ، ٴبىر جولدى“ بىرگە قۇرۋدىڭ سەلبەستىك جوباسىنا قول قويدى. جۇڭگو مەن پەرۋ نەگىزدىك قۇرىلعىلار جانە زات اينالىمى، ساۋدا، قارجى قوسۋ، سيفرلى ەكونوميكا سياقتى ٴتۇيىندى سالالارداعى ٴوزارا پايدا جەتكىزەتىن سەلبەستىكتى تەرەڭدەتە تۇسپەك.
”ٴبىر بەلدەۋ، ٴبىر جولدى“ بىرگە قۇرۋ، جوعارى ساپالى دامۋدىڭ جاڭا كەزەڭىنە قادام تاستاۋىنا ىلەسە، ٴتىپتى دە كوپ سەرىكتەس ەلدەر جۇڭگومەن قوس باعىتتا ۇمتىلىپ، قول ۇستاسا سەلبەستىك جاساسۋدىڭ جاڭا تاراۋىن اشتى.
5 ـ ايدا، ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرى حاتشىلار باسقارماسىنىڭ ماڭدايشالىعى اشىلىپ، حاتشىلار باسقارماسىنىڭ قىزمەتى رەسمي باستالدى؛
9 ـ ايدا، 3 ـ كەزەكتى ”ٴبىر بەلدەۋ، ٴبىر جول“ ٴبىلىم مەنشىك ۇقىعى جوعارى دارەجەلىلەر ٴماجىلىسى پاتەنت ۇقىعىن تەز قاراپ تەكسەرۋ سىناق ٴتۇيىنى، جاعراپيالىق بەلگىنى قورعاۋ جانە سەلبەستىك سىناق ٴتۇيىنى سياقتى ٴبىرسىپىرا جاڭا دا ناقتى سەلبەستىك نىساندارىن ىسكە قوساتىندىعىن جاريالادى؛
10 ـ ايدا، 3 ـ كەزەكتى ”ٴبىر بەلدەۋ، ٴبىر جول“ ەنەرگيا مينيسترلەرى ٴماجىلىسى «”ٴبىر بەلدەۋ، ٴبىر جول“ جاسىل ەنەرگيا سەلبەستىك ارەكەت جوسپارىن (2024 ـ جىلدان 2029 ـ جىلعا دەيىن)» جاريالاپ، ”ٴبىر بەلدەۋ، ٴبىر جول“ جاسىل ەنەرگيا سەلبەستىك ارەكەتىنىڭ جولىن اناعۇرلىم ايقىندادى...
بيىل جىل باسىنان بەرى، ٴارقايسى جاقتار سەلبەستىگى ۇزدىكسىز تەرەڭدەپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتتى.
كەزەكتە دۇنيە ٴجۇزىنىڭ 100 جىلدىق وزگەرىس جاعدايى جەدەل قۇبىلىپ، دۇنيە ٴجۇزى وزگەرىسى، ٴداۋىر وزگەرىسى، تاريح وزگەرىسى بۇرىن بولىپ كورىلمەگەن تاسىلمەن قانات جايۋدا. ٴار ەل تىلدەسۋ ارقىلى الاۋىزدىقتى جويۋدى، سەلبەستىك جاساسۋ ارقىلى دامۋدى جەبەۋدى شۇعىل قاجەت ەتتى، ”ٴبىر بەلدەۋ، ٴبىر جولدى“ بىرگە قۇرۋدىڭ ٴمانى بارعان سايىن كورنەكتىلەنىپ، بولاشاعى اناعۇرلىم نۇرلى بولا ٴتۇستى.
”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ جونىنەن جۇڭگونىڭ بەكىمى بار، پەيىلى بار، ونان دا ماڭىزدىسى، ارەكەتى بار:
2023 ـ جىلى 10 ـ ايدا، 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىندا سويلەنگەن ارقاۋ سوزىندە، ٴتوراعا شي جينپيڭ جۇڭگونىڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋعا قولداۋ كورسەتكەن 8 ٴتۇرلى ارەكەتىن جاريالادى.
ٴبىر جىلدان استام ۋاقىتتان كەيىن، ٴتوراعا شي جينپيڭ 20 ەل توبى باسشىلارىنىڭ 19 ـ رەتكى باسشىلار ٴماجىلىسىنىڭ 1 ـ كەزەڭدىك ماجىلىسىندە ماڭىزدى ٴسوز سويلەپ، جۇڭگونىڭ الەمدىك دامۋدى قولداۋداعى 8 ٴتۇرلى ارەكەتىن جاريالادى. مۇندا ”قول ۇستاسىپ’ ٴبىر بەلدەۋ، ٴبىر جولدى‘ جوعارى ساپالى بىرگە قۇرۋ“ 8 ٴتۇرلى ارەكەتتىڭ ٴبىرىنشى ورنىنا قويىلدى.
تاعدىرلاس بولىپ، ارمانعا بىرگە قانات قاقتى.
بۇل بارعان سايىن كەڭەيە تۇسكەن ”سەلبەستىك جولى“ _ ەلىمىز جۇڭگو _ ەۆروپا كەزەكشى پويەزىنىڭ جوعارى ساپالى دامۋىن جەدەل ىلگەرىلەتىپ، ”جىبەك جولى تەڭىز تاسىمالى“ پورت، سۋ جولى ساۋداسىنىڭ ٴبىر تۇلعالانا دامۋىن بەلسەنە ىلگەرىلەتىپ، اناعۇرلىم كوپ ەلمەن ەركىن ساۋدا كەلىسىمىنە، قارجى قوسۋدى قورعاۋ كەلىسىمىنە اقىلداسىپ قول قويادى.
بۇل ورايعا تولى ”دامۋ جولى“ _ ەلىمىز جاسىل نەگىزدىك قۇرىلعىلار قۇرىلىسى، جاسىل ەنەرگيا، جاسىل قاتىناس سياقتى سالالارداعى سەلبەستىكتى ۇزدىكسىز تەرەڭدەتىپ، ”ٴبىر بەلدەۋ، ٴبىر جول“ عىلىم ـ تەحنيكادا جاڭالىق اشۋ ارەكەت جوسپارىن ۇزدىكسىز اتقارىپ، ٴار ەلدىڭ جاس عالىمدارىنىڭ جۇڭگوعا قىسقا مەرزىمدىك قىزمەت ىستەۋىن قولدايدى.
بۇل كۇللى ەلدىڭ ىقىلاستى نازارىن اۋدارعان ”جالپىعا ٴتيىمدى جول“ _ ەلىمىز اۋىل ـ قىستاقتاردا كەدەيلىكتى ازايتۋدى ىلگەرىلەتۋ جوسپارىن جانە كەدەيلىكتى ازايتۋدان ۇلگى كورسەتۋ سەلبەستىك تەحنيكالىق كومەك بەرۋ نىسانىن ۇزدىكسىز اتقارادى، مەجەمەن 2030 ـ جىلعا بارعاندا قاتىستى بىرگە قۇراتىن ەلدەردەن 7 ميلليون 600 مىڭ ادامدى مۇلدەم كەدەيلىكتەن ارىلتىپ، 32 ميلليون ادامدى ورتاشا كەدەيلىكتەن ارىلتادى. سونىمەن بىرگە، ”ٴبىر بەلدەۋ، ٴبىر جولدى“ بىرگە قۇرۋدى ىلگەرىلەتۋدى بىرلەسكەن مەملەكەتتەر ۇيىمىنىڭ 2030 ـ جىلعا دەيىنگى باياندى دامۋ كەڭەستىك تارتىبىمەن ٴونىمدى تۇيىلىستىرەدى، سايكەستى ونىمدىلىكتى ارتتىرادى...
جول تابان استىندا، ارمان الدا. جۇڭگو دۇنيە جۇزىمەن قول ۇستاسىپ، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن بۇلجىماي ىلگەرىلەتىپ، قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋدىڭ كوركەم كارتيناسىن بىرگە كەسكىندەيدى.
(شينحۋا اگەنتتىگىنىڭ 12 ـ ايدىڭ 1 ـ كۇنى بەيجيڭنەن بەرگەن حابارى)
