”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ ورنىقتى قاداممەن الىسقا جەتۋىن بىرگە ىلگەرىلەتەمىز
— باس شۋجي شي جينپيڭنىڭ 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندەگى ماڭىزدى ٴسوزى ماجىلىسكە قاتىناسۋشىلار اراسىندا قىزۋ اڭىس قوزعادى
شينحۋا اگەنتتىگىنىڭ تىلشىلەرى
باس شۋجي شي جينپيڭ 12 ـ ايدىڭ 2 ـ كۇنى بەيجيڭدە 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىنە قاتىناستى ٴارى ماڭىزدى ٴسوز سويلەدى. ماجىلىسكە قاتىناسۋشىلار مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ ويى ورەلى، مازمۇنى باي بولىپ، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەدى، العا باسۋ بەتالىسىن كورسەتتى، ونى مۇقيات ۇيرەنىپ، ٴتۇسىنىپ، باتىل دايەكتىلەندىرىپ، تياناقتاندىرىپ، زەيىن ـ زەردەنى، كۇش ـ قۋاتتى ۇيىستىرىپ، ”ٴبىر بەلدەۋ، ٴبىر جولدى“ بىرگە قۇرۋدىڭ ورنىقتى قاداممەن الىسقا جەتۋىن بىرگە ىلگەرىلەتەمىز.
”ٴبىر بەلدەۋ، ٴبىر جولدى“ بىرگە قۇرۋ باستاماسى العا قويىلعاننان بەرى، ەلىمىز 150دەن استام مەملەكەتپەن، 30دان استام حالىقارالىق ۇيىممەن ”ٴبىر بەلدەۋ، ٴبىر جولدى“ بىرگە قۇرۋ سەلبەستىك حۇجاتىنا قول قويىستى. وسى رەتكى اڭگىمە ماجىلىسىندە باس شۋجي شي جينپيڭ ”ٴبىر بەلدەۋ، ٴبىر جولدى“ بىرگە قۇرۋدا قول جەتكىزگەن كەلەلى تابىستاردى تولىق تۇراقتاندىرىپ، ماجىلىسكە قاتىناسۋشىلاردىڭ كۇشتى ۇندەستىگىن تۋدىردى.
”ٴبىر بەلدەۋ، ٴبىر جول“ قۇرىلىسىن ىلگەرىلەتۋ قىزمەتى باسشىلىق گرۋپپاسى كەڭسەسىنىڭ مەڭگەرۋشىسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە مىنالاردى ٴبىلدىردى: باس شۋجي شي جينپيڭ ”ٴبىر بەلدەۋ، ٴبىر جولدى“ بىرگە قۇرۋدى ٴوزى جوبالاپ، ٴوزى ورنالاستىرىپ، ٴوزى ىلگەرىلەتتى. 11 جىلدان بەرى، ”ٴبىر بەلدەۋ، ٴبىر جولدى“ بىرگە قۇرۋ كەلەلى تابىستارعا قول جەتكىزىپ، الەمدىك باسقارۋ جۇيەسىنىڭ وزگەرىسى مەن ەكونوميكانىڭ، قوعامنىڭ گۇلدەنىپ ـ كوركەيۋىنە، دامۋىنا جۇڭگو پاراساتىن ۇسىنىپ، جۇڭگو جوباسىن ازىرلەپ، دۇنيە جۇزىندەگى كولەمى ەڭ ۇلكەن، اۋماعى ەڭ كەڭ، ىقپالى ەڭ تەرەڭ حالىقارالىق ەكونوميكا سەلبەستىك تۇعىرىنا اينالىپ، حالىقارالىق باۋراۋ قۋاتى، ىقپال قۋاتى، ۇيىسۋ قۋاتى ۇزدىكسىز كۇشەيدى.
سىرتقى ىستەر مينيسترلىگىنىڭ ورىنباسار مينيسترى ما جاۋشۇي بىلاي دەدى: ”ٴبىر بەلدەۋ، ٴبىر جولدى“ بىرگە قۇرۋ باستاماسى _ باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ٴبىر تۇتاس جوسپارلاپ، ٴوزى جوبالاپ، ٴوزى ورنالاستىرىپ، ٴوزى ىلگەرىلەتكەن كەلەلى حالىقارالىق سەلبەستىك باستاماسى، ول ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدى تۇعىرىنا، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ماڭىزدى تۇتقاسىنا، جۇڭگوشا ٴىرى ەل ديپلوماتياسىن كەڭەيتۋدىڭ قۋاتتى قوزعاۋشى كۇشىنە اينالدى. ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، ”ٴبىر بەلدەۋ، ٴبىر جول“ حالىقارالىق سەلبەستىگىن جاپپاي ىلگەرىلەتىپ، ”ٴبىر بەلدەۋ، ٴبىر جول“ الەمدىك سەرىك تورىن بەكەمدەيمىز جانە كۇشەيتەمىز.
جۋىق جىلداردان بەرى، دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتتى، سىڭار جاقتىلىق، قورعامپازدىق كورنەكتى كۇشەيىپ، ٴىشىنارالىق قاقتىعىس پەن الاساپىراندىق ٴجيى تۋىلۋدا. وسىنداي جاعدايدا باس شۋجي شي جينپيڭ ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە ”ٴتورتتى ٴوزارا ۇشتاستىرۋ“ جانە ”ٴۇشتى ٴبىر تۇتاس جوسپارلاۋ“ سياقتى ٴبىر قىدىرۋ جاڭا تالاپتى العا قويدى.
جۇڭگو قوعامدىق عىلىمدار اكادەمياسى جۇڭگو شەكارا ٴوڭىردى زەرتتەۋ ورنىنىڭ باستىعى شيڭ گۋاڭچىڭ مۇنان تەرەڭ اسەر الدى. ول بىلاي دەدى: باس شۋجي شي جينپيڭنىڭ ماڭىزدى ٴسوزى وتە كۇشتى ستراتەگيالىق ويدى، حاۋىپسىزدىك تانىمىن، جۇيە كوزقاراسىن جانە حالىقارالىق كوز ايانى ايگىلەپ، جاڭا جاعداي اياسىندا ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋعا ستراتەگيالىق وي جەلىسىن جانە جەتەكشىلىك ازىرلەدى، ول اناعۇرلىم جوعارى دەڭگەيدەگى، اناعۇرلىم سەرپىمدى، اناعۇرلىم باياندى تەڭ يگىلىككە كەنەلىپ دامۋ جاڭا ٴورىسىن ۇزدىكسىز اشۋعا پايدالى.
”ٴبىر بەلدەۋ، ٴبىر جولدى“ بىرگە قۇرۋ سەلبەستىك جوباسىن ٴبىر تۇتاس جوبالاپ باسقارۋ مەحانيزمىن كەمەلدەندىرۋ، ”قاتتى بولشەكتەردىڭ ۇلاستىرىلۋىن“، ”جۇمساق بولشەكتەردىڭ ۇلاستىرىلۋىن“، ”جۇرەكتەرىنىڭ توعىسۋىن“ سايكەسە ىلگەرىلەتۋ مەحانيزمىن كەمەلدەندىرۋ... وسى رەتكى اڭگىمە ماجىلىسىندە باس شۋجي شي جينپيڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋ مەحانيزمى قۇرىلىسى جونىندە ٴبىر قىدىرۋ ماڭىزدى ورنالاستىرۋ جاسادى.
قاتىستى تاراۋدان ماجىلىسكە قاتىناسۋشىلار مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن جانە وسى رەتكى اڭگىمە ٴماجىلىسىنىڭ ورنالاستىرۋىن باتىل تۇردە ويداعىداي دايەكتىلەندىرىپ، تياناقتاندىرىپ، ىلگەرىلەتۋ مەحانيزمىن ۇزدىكسىز كەمەلدەندىرىپ، دامۋ ستراتەگياسىن ٴتۇيىلىستىرۋدى تەرەڭدەتىپ، ساۋدا، قارجى قوسۋ سەلبەستىگىن كەڭەيتىپ، ٴوزارا ۇلاسقان، تۇتاسقان توردى جەدەل ورناتىپ، ۇلگى كورسەتۋ ونىمدىلىگىنە يە بەلگى سيپاتتى ٴبىر توپ كەلەلى ينجەنەريانى كۇش سالا تۇلعالاپ، حالىق تۇرمىسىنا تيىمدىلىك جاراتاتىن، جۇرت جۇرەگىن جىلىتاتىن ”شاعىن ٴارى كوركەم“ ٴبىر توپ نىساندى شىنايى قۇرىپ، دەن قويا مۇقيات ىستەپ، ۇزاق ۋاقىت كۇش سالىپ، ”بىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن جاپپاي ىلگەرىلەتەمىز.
ٴبىر جوبانى سوڭىنا دەيىن جالعاستىرىپ، ٴبىرىن ـ بىرىنە جالعاپ ىستەۋ كەرەك. جينالىسقا قاتىناسۋشىلار مىنالاردى ٴبىلدىردى: ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن شىنايى ىلگەرىلەتۋ قىزمەتتى تياناقتاندىرۋدى مىقتاپ يگەرىپ، باتىلدىقپەن جاۋاپكەرشىلىك ارقالاپ ىسكەرىلىك كورسەتىپ، كەلەسى التىن 10 جىلدىققا دامۋدىڭ بىرىككەن كۇشىن توپتاۋدى قاجەت ەتەدى.
حۋبەي _ ”ٴبىر بەلدەۋ، ٴبىر جولدى“ بىرگە قۇرۋداعى ماڭىزدى تۇتاستىرۋ ٴتۇيىنى. باس شۋجي شي جينپيڭنىڭ ماڭىزدى ٴسوزى حۋبەي ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى شاۋ شينيۇيگە ارقالاعان مىندەتىنىڭ اۋىر ەكەندىگىن تەرەڭ سەزىندىردى. ”چاڭجياڭ وزەنىنىڭ التىن سۋ ارناسىنىڭ داريالارمەن تۇتاسىپ، تەڭىزگە ۇلاسۋى، جۇڭگو ـ ەۆروپا كەزەكشى پويەزىنىڭ (ۋحان) ازيا ـ ەۆروپانى تۇتاستىرۋى، حۋاحۋ حالىقارالىق اۋەجايىنىڭ دۇنيە جۇزىنە تاسىمالداپ جەتكىزۋى سىندى باسىمدىقتى تولىق ساۋلەلەندىرىپ، ەسىك اشۋ تورابى فۋنكتسياسىن جۇيەلى جوعارىلاتىپ، ىشكى قۇرلىقتىق ەسىك اشۋ بيىگىن كۇش سالا تۇلعالاپ، ەل ىشىندەگى ۇلكەن اينالىمنىڭ ماڭىزدى ٴتۇيىنىن جانە ەل ٴىشى، حالىقارا سىندى قوس اينالىمنىڭ ماڭىزدى تورابىن جەدەل قۇرىپ، ’ٴبىر بەلدەۋ، ٴبىر جولدى‘ جوعارى ساپالى بىرگە قۇرۋدى بۇلجىماي ىلگەرىلەتەمىز“، ـ دەدى شاۋ شينيۇي.
قازىر جۇڭگو _ ەۆروپا كەزەكشى پويەزىنىڭ جالپى قاتىناعان سانى 100 مىڭنان اسىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ جاندى امالياتىنا اينالدى. يشين ـ وۋ ساۋداعا قىزمەت وتەۋ توبى شەكتى سەرىكتەستىگىنىڭ القا باستىعى فىڭ شۇيبين مىنالاردى ٴبىلدىردى: دامۋ ورايىن مىقتاپ يگەرىپ، حاۋىپسىزدىك تانىمىن ۇزدىكسىز جوعارىلاتىپ، ي ـ ۋ جۇڭگو _ ەۆروپا كەزەكشى پويەزىنىڭ جۇمىس جۇرگىزۋ ساپاسى مەن دەڭگەيىن ۇزدىكسىز جوعارىلاتىپ، ٴوزارا پايدا جەتكىزىپ تەڭ يگىلىككە كەنەلەتىن وسى ساۋدا ارناسىن ويداعىداي قۇرامىز، جۇرت جۇرەگىن بايلانىستىراتىن وسى دوستىق كوپىرىن ويداعىداي سالامىز.
( شينحۋا اگەنتتىگىنىڭ 12 ـ ايدىڭ 2 ـ كۇنى بەيجيڭنەن بەرگەن حابارى)
