شينحۋا اگەنتتىگىنىڭ 12 ـ ايدىڭ 3 ـ كۇنى بەيجيڭنەن بەرگەن حابارى (ما جويان). 12 ـ ايدىڭ 3 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا رەسمي ساپارلاي كەلگەن نەپال زۇڭليى وليمەن كەزدەستى.
شي جينپيڭ وليدىڭ جۇڭگو _ نەپال دوستىق ىستەرىنە ۇزاق ۋاقىت تاباندىلىقپەن كۇش سالىپ كەلگەندىگىن القاپ، بىلاي دەپ اتاپ كورسەتتى: جۇڭگو مەن نەپال تاۋ ـ وزەنى تۇتاسقان جاقسى كورشى، جاقسى دوس، جاقسى سەرىك، ەكى ەل باستان ـ اياق ٴبىر ـ بىرىنە شىنايى مامىلە جاساپ، ٴبىرىن ـ ٴبىرى قۇرمەتتەپ، ٴوزارا قولداۋ كورسەتتى، ەكى جاقتى قارىم ـ قاتىناس اقاۋسىز ورنىقتى دامۋدى ساقتادى. كەلەر جىلى _ جۇڭگو مەن نەپالدىڭ ديپلوماتيالىق قارىم ـ قاتىناس ورناتقاندىعىنىڭ 70 جىلدىعى. جۇڭگو جاق جۇڭگو _ نەپال قارىم ـ قاتىناسىن توڭىرەكتىك ديپلوماتيادا ماڭىزدى ورىنعا قويادى، نەپال جاقپەن ديپلوماتيالىق قارىم ـ قاتىناس ورناتقانداعى اۋەلگى ماقساتىنان جازباي، ٴداستۇرلى دوستىقتى بەكەمدەپ، جۇڭگو مەن نەپالدىڭ دامۋعا جانە گۇلدەنۋگە بەت العان، ۇرپاقتار بويى دوس بولاتىن ستراتەگيالىق سەلبەستىك سەرىكتەستىك قارىم ـ قاتىناسىنىڭ جاڭا اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق نەپالدىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىن تاڭداۋىنا قۇرمەت ەتەدى، نەپالدىڭ مەملەكەتتىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن قولدايدى، نەپال جاقپەن ستراتەگيالىق ٴوزارا سەنىمدىلىكتى ۇزدىكسىز بەكەمدەپ، ٴبىر ـ ٴبىرىنىڭ وزەكتى مۇددەسىنە ساياتىن ماسەلەلەردە تاباندىلىقپەن ٴوزارا قولداۋ كورسەتۋدى قالايدى. جۇڭگو مەن نەپالدىڭ گيمالاي اتتاعان ستەرەولدى ۇلاستىرۋ ـ تۇتاستىرۋ تورى قۇرىلىسى بىرتىندەپ بولجالدان رەالدىققا اينالۋدا. جۇڭگو جاق نەپال جاقپەن ناقتى ىستەر سەلبەستىگىن ٴۇرتىس تەرەڭدەتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرىپ، شەكارا وتكەلى، قاتىناس، ەلەكتر تورى، حابارلاسۋ سياقتى ۇلاستىرۋ ـ تۇتاستىرۋ سەلبەستىگىن كۇشەيتۋدى، نەپالدىڭ ”قۇرلىقتىق تۇيىقتالعان ەلدەن” “قۇرلىقتى بايلانىستىراتىن ەلگە“ اينالۋدى جەدەلدەتۋىنە كومەكتەسىپ، نەپالدىڭ ەكونوميكالىق، قوعامدىق دامۋىنا شاماسى جەتەتىن كولەمدە ۇزدىكسىز قولداۋ كورسەتۋدى قالايدى، جۇڭگو كاسىپورىندارىن نەپالعا بارىپ قارجى قوسىپ، شارۋاشىلىعىن شالقىتۋعا شابىتتاندىرادى. جۇڭگو جاق نەپالدىڭ جۇڭگودا 2025 ـ جىلدى ”نەپال ساياحات جىلى“ ەتىپ جاريالاۋىن قولدايدى، نەپالدىق دوستاردىڭ جۇڭگوعا كەلىپ ساۋدامەن شۇعىلدانۋىن، ساياحاتتاۋىن، وقۋىن قارسى الادى. جۇڭگو جاق سونىمەن بىرگە نەپال جاقپەن بىرلەسكەن مەملەكەتتەر ۇيىمى سياقتى كوپ جاقتى جۇلگەدە سايكەسۋدى، سەلبەسۋدى كۇشەيتىپ، وركەندەپ كەلە جاتقان قالىڭ ەلدىڭ ورتاق مۇددەسىن قورعاۋدى قالايدى.
ولي مىنالاردى ٴبىلدىردى: ٴتوراعا شي جينپيڭنىڭ دانىشپان باسشىلىعىندا، جۇڭگو اسا زور دامۋ تابىستارىنا قول جەتكىزدى، مۇنى ادامزاتتىڭ العا باسۋ تاريحىنداعى كەرەمەت دەۋگە ابدەن بولادى، جۇڭگونىڭ دوسى رەتىندە، نەپال جاق مۇنى ايرىقشا ماقتانىش ەتتى، بۇدان ەرەكشە شابىت الدى، جۇڭگونىڭ تابىستى تاجىريبەلەرىن ۇيرەنىپ، ۇلگى ەتىپ، ٴوزىنىڭ دامۋىن، گۇلدەنۋىن جۇزەگە اسىرۋدى ٴۇمىت ەتەدى. نەپال مەن جۇڭگو اراسىندا تەك دوستىق عانا بار، ماسەلە جوق، ەكى ەل قارىم ـ قاتىناسى دوستىقتى، تەڭدىكتى جانە قۇرمەت ەتۋدى نەگىز ەتكەن. جۇڭگو جاقتىڭ قىسىلعاندا قول ۇشىن بەرگەندىگىنە، نەپالعا ٴتۇرلى باعالى قولداۋ كورسەتكەندىگىنە، نەپالدىڭ ”قۇرلىقتىق تۇيىقتالعان ەلدەن“ ”قۇرلىقتى بايلانىستىراتىن ەلگە“ اينالۋىنا كومەكتەسكەندىگىنە العىس ايتامىن. نەپال جاق ”ٴبىر بەلدەۋ، ٴبىر جولدى“ بىرگە قۇرۋعا ۇزدىكسىز بەلسەنە ات سالىسۋدى قالايدى، اناعۇرلىم كوپ جۇڭگو كاسىپورنىنىڭ نەپالعا كەلىپ قارجى قوسۋىن، ٴتۇرلى سالاداعى ناقتى ىستەر سەلبەستىگىن تەرەڭدەتۋىن قارسى الادى. شيزاڭ مەن تايۋان تۇگەلدەي جۇڭگو تەرريتورياسىنىڭ ايرىلماس ٴبىر بولىگى، نەپال جاق ٴبىر جۇڭگو پرينسيبىنە بۇلجىماي بويسۇنادى، ٴارقانداي كۇشتىڭ نەپال تەرريتورياسىنان پايدالانىپ جۇڭگوعا قارسى قيمىلدارمەن شۇعىلدانۋىنا، جۇڭگونىڭ مۇددەسىنە زيان جەتكىزۋىنە جول بەرمەيدى، ٴارقانداي شەتەلدىڭ جۇڭگونىڭ ىشكى ىسىنە كيلىگۋىنە قارسى تۇرادى. جۇڭگو جاق العا قويعان الەمدىك دامۋ باستاماسى سياقتى جەلىلەس ماڭىزدى باستامالار ادامزاتتىڭ قازىرگى كۇردەلى حالىقارالىق جاعدايعا جانە الەمدىك سىن ـ سايىستارعا بىرگە توتەپ بەرۋىنە ٴتيىمدى، نەپال جاق جۇڭگو جاقپەن كوپ جاقتى ىستەستىكتى كۇشەيتىپ، جەر شارىنىڭ وڭتۇستىگىندەگى ەلدەردىڭ ورتاق مۇددەسىن قورعاۋدى قالايدى.
ەكى جاق «جۇڭحۋا حالىق رەسپۋبليكاسى مەن نەپالدىڭ بىرلەسكەن مالىمدەمەسىن» جاريالادى.
ۋاڭ ي كەزدەسۋگە قاتىناستى.
