ستراتەگيالىق سەنىمدى بەكەمدەپ، اناعۇرلىم جارقىن بولاشاق اشايىق
— باس شۋجي شي جينپيڭنىڭ 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندەگى ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
دامۋعا ۇمتىلدى، بىرگە يگىلىككە كەنەلۋدى قاستەرلەدى، ٴۇمىت جەتكىزدى، ”ٴبىر بەلدەۋ، ٴبىر جولدى“ بىرگە قۇرۋ تاريحتىڭ دۇرىس جاعىندا تۇردى، ٴداۋىردىڭ العا باسۋ لوگيكاسىنا ۇيلەسەدى.
12 ـ ايدىڭ 2 ـ كۇنى اشىلعان 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندە باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىس جاعدايىن ٴبىر تۇتاس جوسپارلاۋ بيىگىنەن ”ٴبىر بەلدەۋ، ٴبىر جولدى“ بىرگە قۇرۋدا قول جەتكەن كەلەلى تابىستاردى تولىق تۇراقتاندىرىپ، كەزەكتەگى جانە بۇدان بىلايعى ٴبىر مەزگىلدەگى ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە جان ـ جاقتى ورنالاستىرۋ جاساپ،”ٴبىز ستراتەگيالىق سەنىمدى بەكەمدەپ، ستراتەگيالىق تاباندىلىقتان جازباي، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ’ٴبىر بەلدەۋ، ٴبىر جولدى‘ بىرگە قۇرۋدىڭ اناعۇرلىم جارقىن بولاشاعىن اشۋىمىز كەرەك“ دەپ باسا دارىپتەدى.
2013 ـ جىلى ”ٴبىر بەلدەۋ، ٴبىر جولدى“ بىرگە قۇرۋ باستاماسىن جاسامپازدىقپەن العا قويعاننان بەرى، باس شۋجي شي جينپيڭ ىلگەرىندى ـ كەيىندى ”ٴبىر بەلدەۋ، ٴبىر جولدى“ بىرگە قۇرۋدىڭ ستراتەگيالىق ورنى، پرينسيبى، ۇستانىمى، نىسانا ـ مىندەتتەرى، ٴادىس ـ جولدارى سياقتىلار جونىندە جۇيەلى بايىمداۋ جاساپ، ”ٴبىر بەلدەۋ، ٴبىر جولدى“ بىرگە قۇرۋدىڭ تەرەڭدەۋىنە، ناقتىلانۋىنا جەتەكشىلىك ەتتى. 11 جىلدان بەرى، ”ٴبىر بەلدەۋ، ٴبىر جولدى“ بىرگە قۇرۋ باستان ـ اياق بەيبىت بولۋ جانە سەلبەسۋ، اشىق جانە سيىسىمدى بولۋ، ٴوزارا ۇيرەنىپ ٴبىر ـ بىرىنەن ۇلگى الۋ، ٴوزارا پايدا جەتكىزىپ تەڭ يگىلىككە كەنەلۋ سىندى جىبەك جولى رۋحىن بەرىك ۇستانىپ، باستان ـ اياق بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولدى، سەلبەستىك سالاسى ۇزدىكسىز كەڭەيىپ، سەلبەستىك كولەمى ۇزدىكسىز زورايىپ، سەلبەستىك دەڭگەيى ۇزدىكسىز جوعارىلادى، حالىقارالىق باۋراۋ قۋاتى، ىقپال قۋاتى، ۇيىستىرۋ قۋاتى ۇزدىكسىز كۇشەيدى. ەلىمىزدىڭ رەفورما جاساعاننان، ەسىك اشقاننان كەيىن العا قويعان تۇڭعىش الەمدىك سيپاتتى، كەڭ كولەمدى، جان ـ جاقتى حالىقارالىق ەكونوميكالىق سەلبەستىك باستاماسى رەتىندە، ”ٴبىر بەلدەۋ، ٴبىر جولدى“ بىرگە قۇرۋ دۇنيە جۇزىندە كولەمى ەڭ ۇلكەن، اۋماعى ەڭ كەڭ، ىقپالى ەڭ تەرەڭ حالىقارالىق ەكونوميكالىق سەلبەستىك تۇعىرىنا اينالىپ، بىرگە قۇراتىن ەلدەرمەن دوستىقتى نىعايتۋعا، بىرگە قۇراتىن ەلدەردىڭ ەكونوميكالىق، قوعامدىق دامۋىن جەبەۋگە جۇڭگو ۇلەسىن قوستى.
11 جىل كوكتەمدە گۇلدەپ، كۇزدە ماۋەلەدى، ”ٴبىر بەلدەۋ، ٴبىر جولدى“ بىرگە قۇرۋ جۇڭگوشا ٴىرى ەل ديپلوماتياسىن ىلگەرىلەتۋگە ماڭىزدى ستراتەگيالىق تىرەك ورناتىپ، جوعارى دەڭگەيدە سىرتقا ەسىك اشۋدى كەڭەيتۋگە ماڭىزدى ستراتەگيالىق جەتەكشىلىك ازىرلەدى. ٴبىز ”ٴبىر بەلدەۋ، ٴبىر جولدى“ بىرگە قۇرۋدى اماليات تۇعىرى ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، كوپ ەلدەرمەن جانە وڭىرلەرمەن ەكى جاقتى جانە وڭىرلىك تاعدىرلاس ورتاق تۇلعا قۇرىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن جۇرت جۇرەگىنە تەرەڭ ۇيالاتتىق. 150دەن استام مەملەكەتپەن، 30دان استام حالىقارالىق ۇيىممەن ”ٴبىر بەلدەۋ، ٴبىر جولدى“ بىرگە قۇرۋ سەلبەستىك حۇجاتىنا قول قويىسىپ، سەلبەستىك سەرىكتەستىك قارىم ـ قاتىناس تورىن ۇزدىكسىز كەڭەيتتىك. وڭىرلىك ەسىك اشۋدى ىشكەرىلەي ىلگەرىلەتىپ، وڭىرلىك ەسىك اشۋ ورنالاسىمىن كۇش سالا ساپالىلاندىرىپ، تەڭىز جاعالاۋىنداعى ەسىك اشۋ مەن ىشكى قۇرلىقتاعى شەكارا بويىنداعى ەسىك اشۋدىڭ ٴبىرىن ـ ٴبىرى جەبەۋىن، بىرگە دامۋىن جۇزەگە اسىرىپ، قۇرلىق پەن تەڭىز، ٴىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ٴوزارا كومەكتەسەتىن جاپپاي ەسىك اشۋ جاعدايىن قالىپتاستىردىق. 30 مەملەكەتپەن جانە وڭىرمەن 23 ەركىن ساۋدا كەلىسىمىنە قول قويۋدان دۇنيە جۇزىنە بەت العان جوعارى ولشەمدى ەركىن ساۋدا رايونى تورابىن ورنىقتى كەڭەيتۋگە دەيىن، شەتەل قارجىسىنىڭ بازارعا كىرۋىنە رۇقسات ەتۋدىڭ ۇنامسىز ٴتىزىمىن ۇزدىكسىز قىسقارتۋدان جۇڭگومەن ديپلوماتيالىق قارىم ـ قاتىناس ورناتقان ەڭ دامىماعان ەلدەردىڭ بارىنە %100 باجى تۇرىندەگى ونىمدەرىنەن كەدەن باجىسىن الماۋ مامىلەسىن جاساۋعا دەيىن... ”ٴبىر بەلدەۋ، ٴبىر جولدى“ بىرگە قۇرۋ ارقىلى ەلىمىزدىڭ سىرتقا اشىلعان قاقپاسى بارعان سايىن ايقارا اشىلىپ، ەسىك اشۋدا، دامۋدا ۇزدىكسىز جاڭا ٴورىس اشىلدى.
”ٴبىر بەلدەۋ، ٴبىر جولدى“ بىرگە قۇرۋ جۇڭگودان باستاۋ العان، جەتىستىگى مەن ورايى دۇنيە جۇزىنە ٴتان. 11 جىلدان بەرى، ”ٴبىر بەلدەۋ، ٴبىر جولدى“ بىرگە قۇرۋ دۇنيە ٴجۇزىنىڭ بىرگە دامۋىن، گۇلدەنۋىن جەبەۋگە بولاشاعى نۇرلى دۇرىس جول اشىپ، الەمدىك باسقارۋ جۇيەسى وزگەرىسىن جەبەۋگە دۇرىس العا باسۋ بەتالىسىن كورسەتتى. ٴبىز ۇلاستىرۋدى، تۇتاستىرۋدى نەگىزگى جەلى ەتىپ، ٴبىر قىدىرۋ بەلگى سيپاتتى نىسانداردىڭ جانە حالىق تۇرمىسىنا تيىمدىلىك جەتكىزەتىن ”شاعىن ٴارى كوركەم“ نىسانداردىڭ تياناقتانىپ تامىر تارتۋىن ىلگەرىلەتىپ، بىرگە قۇراتىن ەلدەرمەن ەكونوميكا ـ ساۋدا سەلبەستىگى دەڭگەيىن ۇزدىكسىز جوعارىلاتىپ، بىرگە قۇراتىن ەلدەردىڭ حالىق تۇرمىسى قۇت ـ ىرىسىن جاقسارتۋعا ماڭىزدى ۇلەس قوستىق. جاكارتا _ باندۇڭ جوعارى قارقىندى تەمىر جولى سالىنىپ شىعىس وڭتۇستىك ازيادا جوعارى قارقىندى تەمىر جول بارلىققا كەلدى، جۇڭگو _ لاوس تەمىر جولى لاوستىڭ ”قۇرلىقتىق تۇيىقتالعان ەلدەن“ ”قۇرلىقتى بايلانىستىراتىن ەلگە“ اينالۋىنا دەم بەردى، چيانكاي پورتى وڭتۇستىك امەريكاداعى تۇڭعىش زەردەلى پورت جانە جاسىل پورت بولدى، مومباسا _ نايروبي تەمىر جولى قۇرىلىسى كەنياعا 50 مىڭعا جۋىق جۇمىس ورنىن ازىرلەدى... ٴار ەلگە باقىت اكەلەتىن، دۇنيە جۇزىنە يگىلىك جەتكىزەتىن وسى ”باقىت جولدارى“ بارعان سايىن كەڭەيە ٴتۇستى. ٴبىز الەمدى كوكەيدە ساقتايتىن دۇنيە كوزقاراسىنا تاباندى بولىپ، تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا بىردەي، سيىسىمدى ەكونوميكانىڭ جاھاندانۋىن جەبەپ، الەمدىك باسقارۋ جۇيەسىنىڭ اناعۇرلىم ٴادىل، ۇيلەسىمدى بەتالىسقا قاراي دامۋىن پارمەندى ىلگەرىلەتتىك.
وتكەندى قورىتىندىلاۋداعى ماقسات _ بولاشاققا ٴتىپتى دە جاقسى بەت الۋ. اماليات مىنانى تولىق دالەلدەدى: ”ٴبىر بەلدەۋ، ٴبىر جولدى“ بىرگە قۇرۋ _ جۇڭگونىڭ دۇنيە جۇزىمەن ورايدى ٴبولىسىپ، دامۋعا بىرگە ۇمتىلۋداعى شۇعىلالى داڭعىل جولى، بىرگە گۇلدەنۋگە باستايتىن وراي جولى، ٴار ەلدىڭ بىرگە دامۋىنىڭ ۇلكەن ساحناسى، ول ٴار ەل بارىس ـ كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن قالىپتاستىرىپ، ادامزات بىرگە دامۋىنىڭ ەڭ ۇلكەن ورتاق بولگىشىن توپتادى. بۇل باستاما اعىمعا ۇيلەسىپ، حالىقتىڭ قالاۋىنان شىقتى، حالىق تۇرمىسىنا تيىمدىلىك جاسادى، الەمدى يگىلىككە كەنەلتتى، قۋاتتى سەرپىمدىلىككە، قاۋلاعان تىرشىلىك قۋاتىنا جانە كەڭ دامۋ بولاشاعىنا يە.
تاريحتىڭ ۇلكەن اۋقىمىنا ىلەسىپ، ٴومىردىڭ دۇرىس جولىمەن الىسقا بەت الدى. بۇگىنگى دۇنيە جۇزىندە وزگەرىس پەن بىلىقپالىق قاباتتاسىپ، 100 جىلدىق وزگەرىس جەدەل قۇبىلۋدا، ادامزات قوعامى تاعى دا تاريحتىڭ جول ايىرىعىنا كەلدى. ”وراي مەن اۋقىم ٴبىز جاقتا“ دەگەن ستراتەگيالىق سەنىمدى بەكەمدەپ، ”قانشالىقتى قيان ـ كەسكى بولسا دا باستان ـ اياق سابىرلىلىقتان جازبايتىن“ ستراتەگيالىق تاباندىلىقتى ساقتاپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدى بۇلجىماي ىلگەرىلەتسەك، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن ۇزدىكسىز كەڭەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسا الامىز.
(شينحۋا اگەنتتىگىنىڭ 12 ـ ايدىڭ 3 ـ كۇنى بەيجيڭنەن بەرگەن حابارى)
