شينحۋا اگەنتتىگىنىڭ 12 ـ ايدىڭ 4 ـ كۇنى پاراگۆايدىڭ اسۋنسونىنان بەرگەن حابارى (تىلشىلەر جوۋ يۇڭسۇي، جۋ يۇيبو). جۇڭگو ٴوتىنىش ەتكەن ”كوكتەم مەرەكەسى _ جۇڭگولىقتاردىڭ ٴداستۇرلى جاڭا جىلدى قۇتتىقتاۋ قوعامدىق امالياتى“ 12 ـ ايدىڭ 4 ـ كۇنى پاراگۆايدىڭ اسۋنسونىندا وتكىزىلگەن بىرلەسكەن مەملەكەتتەر ۇيىمى وقۋ ـ اعارتۋ، عىلىم، مادەنيەت ۇيىمى بەيزاتتىق مادەنيەت مۇرالارىن قورعاۋ ۇكىمەت ارالىق كوميتەتىنىڭ 19 ـ كەزەكتى تۇراقتى ماجىلىسىندە باعالاۋ ـ ساراپتاۋدان ٴوتىپ، بىرلەسكەن مەملەكەتتەر ۇيىمى وقۋ ـ اعارتۋ، عىلىم، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارى ۋاكىلدىك تۋىندىلارى تىزىمىنە ەنگىزىلدى. وسىلايشا، جۇڭگودا جيىنى 44 ٴتۇر بىرلەسكەن مەملەكەتتەر ۇيىمى وقۋ ـ اعارتۋ، عىلىم، مادەنيەت ۇيىمىنىڭ بەيزاتتىق مادەنيەت مۇرالارى تىزىمىنە، تىزىمدىگىنە ەنگىزىلىپ، جالپى سانى جاعىنان دۇنيە ٴجۇزى بويىنشا ٴبىرىنشى ورىندا تۇردى.
كوكتەم مەرەكەسى _ ماعىناسى ەڭ تەرەڭ، مازمۇنى ەڭ باي، ات سالىساتىن ادام سانى ەڭ كوپ، ىقپالى ەڭ كەڭ جۇڭگونىڭ ٴداستۇرلى مەرەكەسى. ٴار جولعى كوكتەم مەرەكەسىنىڭ الدى ـ ارتىندا بۇكىل دۇنيە جۇزىندەگى حۋارىندار كونە جىلدى ۇزاتىپ، جاڭا جىلدى قارسى الۋ، باق ـ بەرەكە تىلەۋ، باس قوسىپ، جاراسىمدى بولۋ سىندى نەگىزگى تاقىرىپ توڭىرەگىندە وسى مەرەكەنى قۇتتىقتايدى. سان مىڭ جىلدان بەرى، كوكتەم مەرەكەسى جەكە، وتباسى جانە مەملەكەت سىندى سۇيىسپەنشىلىك دانەكەرىن ۇزدىكسىز ساقتاپ جانە كۇشەيتىپ، جۇڭحۋا وركەنيەتىنىڭ ۇزاققا جالعاسۋى جونىنەن ماڭىزدى رول اتقارىپ كەلدى. شەتەلدەگى تارالۋ كولەمىنىڭ كۇن سايىن كەڭەيۋىنە ىلەسە، كوكتەم مەرەكەسى دۇنيە ٴجۇزى جاپپاي قابىلدايتىن، شىنايى مويىندايتىن جانە سۇيىنەتىن جۇڭحۋا مادەنيەتى تاڭباسىنا اينالدى.
”كوكتەم مەرەكەسى _ جۇڭگولىقتاردىڭ ٴداستۇرلى جاڭا جىلدى قۇتتىقتاۋ قوعامدىق امالياتى“ جۇڭگولىقتارعا ورتاق، بۇكىل ەلدىڭ جەر ـ جەرىندە كەڭ كولەمدى امالياتى بار، جۇڭگولىقتاردىڭ جول ـ جوسىن سۇيىسپەنشىلىگىنە، مەملەكەت سۇيىسپەنشىلىگىنە ارقاۋ بولعان، ادام مەن تابيعات جاراسىمدى قاتار ٴومىر سۇرەتىن، ادام مەن ادام تاتۋ ـ ٴتاتتى بىرگە جاساساتىن قۇندىلىق ۇستانىمىن ايگىلەگەن، ول وتباسىنىڭ بەرەكەسىن، قوعامنىڭ جاراسىمدىلىعىن، ەكونوميكانىڭ دامۋىن، قورشاعان ورتانى قورعاۋدى جەبەۋ سياقتى جاقتاردا ماڭىزدى رول اتقارۋدا. وسى مۇرا ٴتۇرىنىڭ ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمىنە ەنگىزىلۋى ەل ٴىشى ـ سىرتىنداعى جۇڭحۋا ۇلاندارىنىڭ مادەنيەت جاعىنداعى شىنايى مويىنداۋىن نىعايتۋ، الەمدىك وركەنيەت باستاماسىن امالياتتا ايگىلەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جونىنەن ماڭىزدى ٴمان الادى.
