شي جينپيڭ ينفورماتسيالىق كومەك ٴبولىمىن كوزدەن كەشىرگەندە بىلاي دەپ باسا دارىپتەدى
قۇدىرەتتى وسىزاماندانعان ينفورماتسيالىق كومەك ٴبولىمىن قۇلشىنا قۇرىپ، ارميامىزدىڭ ينتەرنەت ينفورماتسيا جۇيەسى قۇرىلىسىنىڭ قارىشتاي دامۋىن ىلگەرىلەتۋ كەرەك
12 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك ءبولىمىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان ينفورماتسيالىق كومەك ءبولىمى 1 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتاپ، ينفورماتسيالىق كومەك بولىمىندەگى بارلىق وفيتسەر - اسكەرلەرگە ىقىلاستى سالەم جولدادى. سۋرەتتە: شي جينپيڭ ۋاكىلدەرمەن ىقىلاستى قول الىسۋدا.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 12 ـ ايدىڭ 5 ـ كۇنى بەيجيڭنەن بەرگەن حابارى (ٴتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 12 ـ ايدىڭ 4 ـ كۇنى ينفورماتسيالىق كومەك ٴبولىمىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان ينفورماتسيالىق كومەك ٴبولىمى 1 ـ رەتكى پارتيا قۇرىلتايىنىڭ اشىلعاندىعىن قىزۋ قۇتتىقتاپ، ينفورماتسيالىق كومەك بولىمىندەگى بارلىق وفيتسەر ـ اسكەرلەرگە ىقىلاستى سالەم جولدادى. ول بىلاي دەپ باسا دارىپتەدى: جاڭا داۋىردە ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، بورىش ارقالاۋدى كۇشەيتىپ، باتىلدىقپەن جاڭالىق اشىپ، تابىسقا جەتىپ، اسكەري ٴبولىمنىڭ نەگىزىن نىعايتىپ، قۇدىرەتتى وسىزاماندانعان ينفورماتسيالىق كومەك ٴبولىمىن قۇلشىنا قۇرىپ، ارميامىزدىڭ ينتەرنەت ينفورماتسيا جۇيەسى قۇرىلىسىنىڭ قارىشتاي دامۋىن ىلگەرىلەتۋ كەرەك.
ينفورماتسيالىق كومەك ٴبولىمى _ ارميا اسكەر ٴتۇرىنىڭ قۇرىلىمدىق ورنالاسىمىن رەتتەۋ، رەفورمالاۋ بارىسىندا جاڭادان قۇرىلعان ستراتەگيالىق اسكەر ٴتۇرى، شي جينپيڭ بيىل 4 ـ ايدا ينفورماتسيالىق كومەك بولىمىنە ٴوزى ارميا تۋىن تاپسىرعان ٴارى ٴتالىم بەرگەن ەدى.
تۇستەن بۇرىن ساعات 10 مولشەرىندە، شي جينپيڭ ينفورماتسيالىق كومەك ٴبولىمى ورگانىنا كەلىپ، قىزۋ قول شاپالاق ٴۇنى ىشىندە ينفورماتسيالىق كومەك ٴبولىمى 1 ـ رەتكى پارتيا قۇرىلتايىنىڭ بارلىق ۋاكىلدەرىن ىقىلاسپەن قابىلداپ، كوپشىلىكپەن توپتىق ەستەلىك سۋرەتكە ٴتۇستى.
سونان كەيىن، شي جينپيڭ ينفورماتسيالىق كومەك ٴبولىمىنىڭ قىزمەت مالىمەتىن تىڭدادى ٴارى ماڭىزدى ٴسوز سويلەدى. ول بىلاي دەپ اتاپ كورسەتتى: قازىر جاڭا ٴبىر كەزەكتى عىلىم ـ تەحنيكا توڭكەرىسى جانە اسكەري ىستەر توڭكەرىسى قاۋىرت دامىپ، سوعىس فورماتسياسى جىلدام وزگەرىپ، ينتەرنەت ينفورماتسيا جۇيەسىنىڭ وسى زامانعى سوعىستاعى ورنى، رولى بۇرىن بولىپ كورمەگەن دەڭگەيدە كورنەكتىلەنە ٴتۇستى. ينفورماتسيالىق كومەك ٴبولىمى ەڭ الدىمەن ٴبىر جاۋىنگەر ٴبولىم، ارميانى قۇدىرەتتەندىرۋ، سوعىستا جەڭۋ بيىگىندە تۇرىپ، ينتەرنەت ينفورماتسيا جۇيەسى قۇرىلىسىنىڭ ايرىقشا ماڭىزدىلىعىن تولىق جەتە تانىپ، ارقالاعان تاريحي اۋىر مىندەتتى جەتە تانىپ، ينتەرنەت ينفورماتسيا جۇيەسىنىڭ قۇرىلىسىن جانە سوعىسقا دايىندالۋ، سوعىس جۇرگىزۋگە قىزمەت وتەۋ، تىرەك بولۋ قابىلەتىن جەدەل جوعارىلاتۋى كەرەك.
شي جينپيڭ بىلاي دەپ باسا دارىپتەدى: يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن تەڭ ىلگەرىلەۋگە تاباندى بولىپ، ٴبىر تۇتاس جوسپارلاپ جوبا جاساۋدى كۇشەيتىپ، دامۋ ۇلگىسىندە جاڭالىق اشىپ، بەلسەنە ىزدەنىس جاساپ، امالياتتان وتكىزىپ، ينتەرنەت ينفورماتسيا جۇيەسى قۇرىلىسىنىڭ قىزمەتتەرىن تىڭعىلىقتى تۇردە ويداعىداي ىستەۋ كەرەك. نازاردى سوعىس جۇرگىزە الۋعا، جەڭىستى سوعىس جۇرگىزۋگە شوعىرلاندىرىپ، ينفورماتسيالىق قىزمەت وتەۋ، قامتاماسىز ەتۋ ٴتاسىلىن ساپالىلاندىرىپ، ينتەرنەت ينفورماتسياسى الەۋمەتتىك قىزمەت وتەۋ تۇعىرى قۇرىلىسىن تەز قارقىنمەن ورنىقتى ىلگەرىلەتىپ، ٴار ٴتۇرلى ساندى مالىمەت ينفورماتسيالارىن توعىستىرا ويداعىداي پايدالانىپ، ينتەرنەت ينفورماتسياسى حاۋىپسىزدىگى بويىنشا ساقتانۋعا ايرىقشا ٴمان بەرىپ، جۇيەمەن جەدەل توعىسىپ، جۇيەگە دەم بەرىپ، جۇيەگە قۋات ۇستەپ، قولباسشىلىق ۇلگىسىندە جاڭالىق اشۋعا، شايقاس جۇرگىزۋ تاسىلىندە بۇرىلىس جاساۋعا جەتەكشىلىك ەتۋ كەرەك. رەفورما مىندەتىنىڭ تياناقتانۋىن ۇزدىكسىز ىلگەرىلەتىپ، قىزمەتتەردى ىلگەرىلەتۋ مەحانيزمىن قۇرىپ، اقاۋسىزداندىرىپ، قاتىستى زاڭ ـ ەرەجەلەردى، تۇزىمدەردى سايكەستى كەمەلدەندىرىپ، بىرگە قۇرۋ، بىرگە پايدالانۋ، بىرگە يگىلىكتەنۋ تاماشا ەكولوگياسىن تۇلعالاپ، ينتەرنەت ينفورماتسيا جۇيەسى قۇرىلىسىنىڭ ساپاسىن جانە ونىمدىلىگىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: ينفورماتسيالىق كومەك ٴبولىمى العاشقى قۇرىلۋ مەزگىلىندە تۇر، وزىندىك قۇرىلىستى جاپپاي كۇشەيتىپ، نەگىز قالايتىن، ۇزاق بولاشاققا ٴتيىمدى قىزمەتتەردى ويداعىداي ىستەۋگە باسا ٴمان بەرىپ، اسكەري ٴبولىمنىڭ دامۋ نەگىزىن بەكەمدەۋ كەرەك. ورتالىق اسكەري ىستەر كوميتەتى ساياسي قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ ارمياعا شارتسىز باسشىلىعى سىندى ٴتۇبىرلى پرينسيپكە جانە تۇزىمگە تاباندى بولىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، يدەيالىق تامىر ماسەلەسىن مىقتى يگەرۋ ارقىلى يدەيالىق ستيل دۇرىستاۋدى تەرەڭدەتىپ، قاتاڭ تۇردە ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، اسكەري ٴبولىمنىڭ شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتۋ كەرەك. ينفورماتسيالىق كومەك ٴبولىمىنىڭ تۇڭعىش كەزەكتى پارتكومى شارۋاشىلىق قۇرۋ تانىمى مەن ٴورىس اشۋ رۋحىن كۇشەيتىپ، ماڭداي الدى مىندەتتى، ماڭداي الدى جاۋاپكەرشىلىكتى ارقالاپ، ٴار دارەجەلى پارتكوم القاسىن ٴدال تاڭداپ، مىقتى ورنالاستىرىپ، الدىڭعى شەپ قولباسشىلىق شتابىن جانە الدىڭعى شەپ جاۋىنگەر قامالىن كۇشەيتىپ قۇرىپ، پارتيا ۇيىمىنىڭ باسشىلىق قابىلەتىن، ۇيىمدىق قابىلەتىن، اتقارۋ قابىلەتىن جوعارىلاتۋ كەرەك. تۇتاس تىزبەك بويىنشا قۇرىلىستى يگەرۋ ۇستانىمىن دايەكتىلەندىرىپ، دارىندىلاردى باۋلۋ ۇلگىسىندە جاڭالىق اشىپ، جوعارى ساپالى ماماندانعان ينتەرنەت ينفورماتسيا دارىندىلارى شارشى توبىن تۇلعالاۋ كەرەك. قۇرىلىستى دالمە ـ ٴدال يگەرۋگە تاباندى بولىپ، عىلمي باسقارۋدى كۇشەيتىپ، تۇرگە ٴبولىپ جەتەكشىلىك ەتۋگە ٴمان بەرىپ، نەگىزگى ساتى قۇرىلىسىن تىڭعىلىقتى تۇردە ويداعىداي يگەرىپ، اسكەري ٴبولىمنىڭ جۇيەلى ٴتارتىبىن جانە حاۋىپسىزدىگىن، ورنىقتىلىعىن ساقتاۋ كەرەك.
شي جينپيڭ ەڭ سوڭىندا بىلاي دەپ باسا دارىپتەدى: ورتالىق اسكەري ىستەر كوميتەتى جالپى جاعداي بويىنشا ٴبىر تۇتاس جوسپارلاۋدى كۇشەيتىپ، اسكەري ىستەر كوميتەتى ورگانىنىڭ قاتىستى تاراۋلارى ىرىقتىلىقپەن الدا ٴجۇرىپ جەتەكشىلىك ەتىپ، ٴارقايسى ورىن بەلسەنە سايكەسىپ، سەلبەسىپ، ينفورماتسيالىق كومەك ٴبولىمىن بىرگە ويداعىداي قۇرىپ، ارميامىز ينتەرنەت ينفورماتسيا جۇيەسى قۇرىلىسىنىڭ جاڭا جاعدايىن اشۋى كەرەك.
جاڭ يوۋشيا، حى ۋيدۇڭ، ليۋ جىنلي، جاڭ شىڭمين قاتارلىلار قيمىلعا قاتىناستى.