ورتالىق كوميتەت كەڭسەسى، مەملەكەتتىك كەڭەس كەڭسەسى
«جاڭاشا قالا نەگىزدىك قۇرىلعىلارى قۇرىلىسىن ىلگەرىلەتىپ، سەرپىمدى قالا تۇلعالاۋ جونىندەگى پىكىردى» جاريالادى
شينحۋا اگەنتتىگىنىڭ 12 ـ ايدىڭ 5 ـ كۇنى بەيجيڭنەن بەرگەن حابارى. قالا حاۋىپسىزدىگى سەرپىمدىلىگىن جوعارىلاتۋ ارەكەتىن تەرەڭدەتىپ، سيفرلانعان، توراپتانعان، زەردەلىلەنگەن جاڭاشا قالا نەگىزدىك قۇرىلعى قۇرىلىسىن ىلگەرىلەتۋ، كوتەرىمدىلىگى، سايكەسۋ قۋاتى كۇشتى، قالپىنا كەلۋ قارقىنى تەز سەرپىمدى قالا تۇلعالاۋ، قالانىڭ حاۋىپ ـ قاتەردەن ساقتانۋ، مەڭگەرۋ جانە باسقارۋ قۋاتىن كۇشەيتۋ ٴۇشىن، جاقىندا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «جاڭاشا قالا نەگىزدىك قۇرىلعى قۇرىلىسىن ىلگەرىلەتىپ، سەرپىمدى قالا تۇلعالاۋ جونىندەگى پىكىردى» جاريالادى.
«پىكىردىڭ» جالپى تالابى مىناداي: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ قالا قىزمەتى جونىندەگى ماڭىزدى بايىمداۋىن جان ـ جاقتى تياناقتاندىرۋ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرۋ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴبىر تۇتاس جوسپارلاپ، ماسەلەنى باعدار ەتۋگە، جۇيە كوزقاراسىنا تاباندى بولۋ، ۇكىمەت جەتەكشىلىك ەتۋگە، قوعام ات سالىسۋعا تاباندى بولۋ، شىندىقتى ٴىس جۇزىنەن ىزدەۋگە، جەرگىلىكتى جاعدايعا قاراي ىستەۋگە تاباندى بولۋ، عىلىم ـ تەحنيكادا جاڭالىق اشۋعا، سيفر ارقىلى قۋات ۇستەۋگە تاباندى بولۋ، جاڭا ۇرپاق ينفورماتسيا تەحنيكاسى مەن قالانىڭ نەگىزدىك قۇرىلعى قۇرىلىسىنىڭ تەرەڭ توعىسۋىن ىلگەرىلەتۋ، ينفورماتسيا تۇعىرى قۇرىلىسىن جەتەكشى، زەردەلى قۇرىلعى قۇرىلىسىن نەگىز، زەردەلى قولدانۋ جاعدايىن سۇيەنىش ەتىپ، قالا نەگىزدىك قۇرىلعىلارىن سيفرلاندىرا جاڭالاۋدى جەبەپ، زەردەلى، جوعارى ٴونىمدى جاڭاشا قالا نەگىزدىك قۇرىلعى جۇيەسىن ورناتىپ، قالا قۇرىلعىلارىنىڭ سەرپىمدىلىگىن، باسقارۋدىڭ سەرپىمدىلىگىن، كەڭىستىك سەرپىمدىلىگىن ۇزدىكسىز جوعارىلاتىپ، قالانىڭ حاۋىپسىز دامۋىن ىلگەرىلەتۋ كەرەك.
«پىكىردە» مىنالار العا قويىلدى: 2027 ـ جىلعا بارعاندا، جاڭاشا قالا نەگىزدىك قۇرىلعى قۇرىلىسىندا كورنەكتى ىلگەرىلەۋشىلىكتەرگە قول جەتكىزىپ، سەرپىمدى قالا قۇرىلىسىنا تىرەكتىك رولىن ۇزدىكسىز كۇشەيتىپ، كوشىرۋگە، جالپىلاستىرۋعا كەلەتىن تاجىريبەلەردەن، ادىستەردەن ٴبىر توبىن قالىپتاستىرۋ كەرەك. 2030 ـ جىلعا بارعاندا، جاڭاشا قالا نەگىزدىك قۇرىلعى قۇرىلىسىندا كورنەكتى تابىستارعا قول جەتكىزىپ، جوعارى دەڭگەيلى سەرپىمدى قالادان ٴبىر توبىن قۇرۋدى ىلگەرىلەتىپ، قالا حاۋىپسىزدىگى سەرپىمدىلىگىن ۇزدىكسىز جوعارىلاتىپ، قالا اينالىمىن اناعۇرلىم حاۋىپسىز، اناعۇرلىم ٴتارتىپتى، اناعۇرلىم زەردەلى، اناعۇرلىم جوعارى ٴونىمدى ەتۋ كەرەك.
«پىكىردە» تاعى زەردەلىلەنگەن قالا ىستەرى نەگىزدىك قۇرىلعىلارىن سالۋ جانە جاڭالاۋدى اتقارۋ، زەردەلى قالانىڭ نەگىزدىك قۇرىلعىلارى مەن ينتەرنەتكە جالعانعان زەردەلى اۆتوموبيلدەردىڭ سايكەستى دامۋىن جەبەۋ، زەردەلى قونىس اۋماعىن دامىتۋ، ٴۇي قۇرىلىستارىن زەردەلى باسقارۋ دەڭگەيىن جوعارىلاتۋ، سيفرلى وتباسى قۇرىلىسىن ورىستەتۋ، زەردەلى جاساۋ مەن قۇرىلىستىڭ ونەركاسىپتەنۋىن سايكەستى دامىتۋدى ىلگەرىلەتۋ، قالانىڭ ينفورماتسيا ۇلگىسى (CIM) تۇعىرىن كەمەلدەندىرۋ، قالا اينالىمىن باسقارۋ، قىزمەت وتەۋ تۇعىرىن ورناتۋ، كەمەلدەندىرۋ، عىلىم ـ تەحنيكا ارقىلى جەتەكشىلىك ەتۋ مەن دارىندى باۋلۋدى كۇشەيتۋ، تۇزىلىستە، مەحانيزمدە جاڭالىق اشۋ، ينتەرنەت جانە ساندى مالىمەت حاۋىپسىزدىگىن قامتاماسىز ەتۋ سياقتى ٴتۇيىندى مىندەتتەر جونىندە تالاپ قويىلدى.
