ستراتەگيالىق تاباندىلىقتى ساقتاپ، ٴتۇرلى حاۋىپ ـ قاتەردى، سىن ـ سايىستاردى باتىلدىقپەن جەڭەيىك
— باس شۋجي شي جينپيڭنىڭ 4 ـ رەتكى”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندەگى ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”قازىرگى قاتاڭ دا كۇردەلى حالىقارالىق ورتادا ’ٴبىر بەلدەۋ، ٴبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋدە وراي مەن سىن ـ سايىس قاتار ٴومىرٴسۇرىپ وتىر، الايدا، جالپى جاقتان العاندا، وراي سىن ـ سايىستان باسىم“.
باس شۋجي شي جينپيڭنىڭ 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندە ماڭىزدى ٴسوز سويلەپ، حالىقارالىق جاعدايداعى وزگەرىس پەن الەمدىك دامۋ اۋقىمىن تەرەڭ اڭعارىپ، كوز الدا ٴدوپ كەلگەن وراي مەن سىن ـ سايىستاردى دالمە ـ ٴدال يگەرىپ، ويداعىداي شەشۋگە ٴتيىستى كەلەلى ماسەلەلەر جونىندە تەرەڭ بايىمداۋ جاساپ، ٴبىزدىڭ ٴتۇرلى حاۋىپ ـ قاتەردى، سىن ـ سايىستاردى جەڭۋىمىزگە، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ ورنىقتى قاداممەن الىسقا جەتۋىن ىلگەرىلەتۋگە ماڭىزدى يدەيالىق نۇسقاۋ جانە ستراتەگيالىق جەتەكشىلىك ازىرلەدى.
”ٴبىر بەلدەۋ، ٴبىر جولدى“ بىرگە قۇرۋ ەكونوميكانىڭ جاھاندانۋى سىندى تاريحي اۋقىمعا سايكەسىپ، ٴار ەلدىڭ، اسىرەسە، قالىڭ وركەندەپ كەلە جاتقان ەلدەردىڭ بەيبىتشىلىكتى جەبەۋ، دامۋدى كوزدەۋ ارمانىنا سايكەستى، ادامزاتتىڭ بىرگە دامۋىنىڭ ەڭ ۇلكەن ورتاق بولگىشىن توپتاپ، دۇنيەنىڭ دۇرىس جولى بولىپ، كەڭىنەن قارسى الۋعا بولەنگەن الەمدىك الەۋمەتتىك ونىمگە جانە حالىقارالىق سەلبەستىك تۇعىرىنا اينالىپ ۇلگەردى. العا باسۋ جولىندا ٴتيىمدى جاعداي دا، ٴتيىمسىز جاعداي دا بولادى. تەك ستراتەگيالىق تاباندىلىقتى ساقتاپ، نىساندى باعدار ەتۋدەن، ارەكەتتى باعدار ەتۋدەن جازباي، العان بەتتەن قايتپاي، ٴبىر جوبانى سوڭىنا دەيىن جالعاستىرىپ، ٴتۇرلى حاۋىپ ـ قاتەردى، سىن ـ سايىستاردى باتىلدىقپەن جەڭگەندە عانا، ”ٴبىر بەلدەۋ، ٴبىر جولدى“ بىرگە قۇرۋدىڭ اناعۇرلىم جارقىن بولاشاعىن جاراتا الامىز.
باس شۋجي شي جينپيڭ بىلاي دەپ باسا دارىپتەدى: ’”ٴبىر بەلدەۋ، ٴبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋدە، ٴسوز جوق، ٴتۇرلى حاۋىپ ـ قاتەرگە، سىن ـ سايىستارعا ۇيلەسىمدى توتەپ بەرىپ، وڭىرلىك قاقتىعىستاردىڭ ىقپالىن ٴونىمدى جەڭۋ كەرەك“. كەزەكتە دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتتى، سىڭار جاقتىلىق، قورعامپازدىق كورنەكتى كۇشەيىپ، ٴىشىنارالىق قاقتىعىس پەن الاساپىراندىق ٴجيى تۋىلۋدا، بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، باسقارۋ قىزىل سيفرى ازايماستان كوبەيىپ كەلەدى، ايقىنسىزدىق، ورنىقسىزدىق، مەجەلەۋ قيىن فاكتورلار كوبەيۋدە. بارعان سايىن كۇردەلىلەسكەن حالىقارالىق اۋقىمدا ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋىڭ شەشۋشى ٴتۇيىنى جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴوزارا ۇشتاستىرۋعا تاباندى بولۋدا. پايدالىسىنا ۇمتىلىپ، زالالدىسىنان ساقتانىپ، حاۋىپ ـ قاتەردى ورايعا اينالدىرۋعا شەبەر بولىپ، كۇنى بۇرىن قامدانىپ، تالداۋ جاساۋدى، تۇجىرىم جاساۋدى كۇشەيتىپ، ستراتەگيالىق قابىلەتتى، جوسپار جاساۋ قابىلەتىن، وزگەرىسكە توتەپ بەرۋ قابىلەتىن جوعارىلاتىپ، سەلبەستىك جاساسۋدىڭ نەگىزگى تاعانىن بەكەمدەپ، سەلبەستىك جاساسۋدىڭ جاڭا ٴورىسىن كەڭەيتۋىمىز كەرەك.
بىرگە قۇراتىن ەلدەردىڭ تابىس سەزىمىن كۇشەيتۋ مەن وزىمىزگە ٴتيىمدى بولۋدان جازباۋدىڭ قارىم ـ قاتىناسىن دۇرىس ٴبىر جاقتى ەتۋ _ ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدىڭ ىشكى تالابى ٴارى، ٴسوزسىز، باستان ـ اياق مىقتاپ يگەرۋگە ٴتيىستى ماڭىزدى پرينسيپ جانە العا باسۋ بەتالىسى. بار كۇشىمىزدى سالۋعا، شاماعا قاراي ىستەۋگە تاباندى بولىپ، سەلبەستىك جاساسۋدىڭ قابىسۋ ٴتۇيىنىن، مۇددەنىڭ توعىسۋ ٴتۇيىنىن ٴداپ باسىپ تاۋىپ، كەلەلى بەلگى سيپاتتى ينجەنەريالاردى جانە ”شاعىن ٴارى كوركەم“ حالىق تۇرمىسى نىسان قۇرىلىستارىن ٴبىر تۇتاس جوسپارلاپ ىلگەرىلەتىپ، بىرگە قۇراتىن ەلدەردىڭ ەكونوميكاسىنىڭ، قوعامىنىڭ دامۋىنا جانە حالىق تۇرمىسىن جاقسارتۋىنا كۇش ۇستەپ، بىرگە قۇراتىن ەلدەردەگى حالىقتاردىڭ قاتىسۋ سەزىمىن، تابىس سەزىمىن، باقىت سەزىمىن ۇزدىكسىز كۇشەيتۋ كەرەك. وزىمىزگە ٴتيىمدى بولۋعا، ٴوزارا پايدا جەتكىزىپ تەڭ يگىلىككە كەنەلۋگە تاباندى بولىپ، ىستەۋگە تيىستىلەرىن ىستەپ، ىستەمەۋگە تيىستىلەرىن ىستەمەۋىمىز، ”قۇرعاق ۋادە“ بەرۋدەن، ەلىكتىرۋدەن اۋلاق بولىپ، ساياسي ەسەپتى، ستراتەگيالىق ەسەپتى، كەلەلى جاعداي ەسەبىن، ۇزاق بولاشاقتىق ەسەپتى، ەكونوميكالىق ەسەپتى ٴبىر تۇتاس جوسپارلاپ ويداعىداي ەسەپتەپ، ەلىمىزدىڭ ستراتەگيالىق مۇددەسىن ٴونىمدى قورعاۋىمىز كەرەك.
”ٴبىر بەلدەۋ، ٴبىر جولدى“ بىرگە قۇرۋدىڭ ىشكەرىلەي ىلگەرىلەتىلۋىنە ىلەسە، ەلىمىزدىڭ شەتەلدەردەگى قازىنا ـ مۇلكى دە بارعان سايىن ارتىپ كەلەدى. ەلىمىزدىڭ شەتەلدەگى مۇددەسىنىڭ حاۋىپسىزدىگىن قايتكەندە اناعۇرلىم ويداعىداي قامتاماسىز ەتۋ _ ٴبىزدىڭ الدىمىزعا قويىلعان كەلەلى تاقىرىپ. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسى» شەتەلگە ساياتىن مەملەكەت حاۋىپسىزدىگى مەحانيزمىن كەمەلدەندىرۋدى ارقاۋ ەتىپ ورنالاستىرۋ جاساپ، ”توڭىرەكتىك حاۋىپسىزدىك قىزمەتىن سايكەستىرۋ مەحانيزمىن ورناتۋ جانە اقاۋسىزداندىرۋ“، ”شەتەلدەگى مۇددەنى جانە شەتەلگە قارجى قوسۋدان تونەتىن حاۋىپ ـ قاتەردەن ساقتاندىرۋ، ساقتانۋ ـ تىزگىندەۋ، قورعاۋ ٴتۇزىلىس ـ مەحانيزمىن كۇشەيتۋ، حاۋىپسىزدىك سالاسىنداعى حالىقارالىق زاڭ اتقارۋ سەلبەستىگىن تەرەڭدەتۋ“ سياقتى ٴبىر قىدىرۋ رەفورما شارالارىن العا قويدى. تومەنگى شەكتە ويلاۋدى بەكەمدەپ، حاۋىپ ـ قاتەر تانىمىن كۇشەيتىپ، ٴتۇرلى مەحانيزمدى جانە دايىندىق جوبالارىن ۋاقىتتى مىقتى يگەرىپ كەمەلدەندىرىپ، حاۋىپ ـ قاتەرلەردى ٴبىر ـ بىردەن تەكسەرۋدى، باقىلاۋ ـ ولشەۋدى، باعالاۋدى، الدىن الا ساقتاندىرۋدى ۇدايىلاندىرا ورىستەتىپ، ەلىمىز ازاماتتارىنىڭ، زاڭدىق تۇلعالارىنىڭ شەتەلدەگى زاڭدى ۇقىق ـ مۇددەسىن ٴونىمدى قورعاپ، ەلىمىزدىڭ شەتەلدەگى مۇددە حاۋىپسىزدىگىنە شىنايى كەپىلدىك ەتۋىمىز كەرەك.
ورايدى يگەرۋ قايراتتانا العا ۇمتىلۋدى ەرەكشە قاجەت ەتەدى؛ سىن ـ سايىستاردى جەڭۋ باتىلدىقپەن جاۋاپكەرشىلىك ارقالاۋعا ۇندەيدى. كەزەكتە ”ٴبىر بەلدەۋ، ٴبىر جولدى“ بىرگە قۇرۋ جوعارى ساپالى دامۋدىڭ جاڭا كەزەڭىنە قادام باستى، بۇل _ جاڭا جورىقتا جۇڭگونىڭ ادامزاتتىڭ بەيبىتشىلىگى مەن دامۋ ىستەرىنە جاڭا دا اناعۇرلىم زور ۇلەستەر قوسۋىنىڭ تىڭ باستاماسى. ستراتەگيالىق تاباندىلىقى ساقتاپ، ستراتەگيالىق ورايدى يگەرىپ، بىرىنەن سوڭ ٴبىرىن جالعاپ ىستەپ، شەگە قاعۋ رۋحىمەن سوڭىنا دەيىن يگەرگەندە، ”ٴبىر بەلدەۋ، ٴبىر جولدى“ بىرگە قۇرۋدىڭ اناعۇرلىم جوعارى ساپالى دامۋىن، اناعۇرلىم جوعارى دەڭگەيدەگى جاڭا دامۋىن جۇزەگە اسىرىپ، اشىق، سيىسىمدى، ۇلاسقان، تۇتاسقان، بىرگە داميتىن دۇنيە ٴجۇزىن قۇرۋدى ىلگەرىلەتە الاتىندىعىمىز ٴسوزسىز.
(شينحۋا اگەنتتىگىنىڭ 12 ـ ايدىڭ 4 ـ كۇنى بەيجيڭنەن بەرگەن حابارى)
