باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، تەڭ يگىلىككە كەنەلىپ دامۋدىڭ جاڭا ٴورىسىن كەڭەيتەيىك
— باس شۋجي شي جينپيڭنىڭ 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندەگى ماڭىزدى ٴسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
’”ٴبىر بەلدەۋ، ٴبىر جولدى‘ بىرگە قۇرۋ جوعارى ساپالى دامۋدىڭ جاڭا كەزەڭىنە ٴوتتى“. 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ماجىلىسىندە باس شۋجي شي جينپيڭ ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، جاڭا كەزەڭدە ٴدوپ كەلگەن جاڭا ورايلاردى، جاڭا سىن ـ سايىستاردى كوزدە ۇستاپ، كەزەكتەگى جانە بۇدان بىلايعى ٴبىر مەزگىلدەگى ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە جان ـ جاقتى ورنالاستىرۋ جاساپ، ”اناعۇرلىم جوعارى دەڭگەيدەگى، اناعۇرلىم سەرپىمدى، اناعۇرلىم باياندى تەڭ يگىلىككە كەنەلىپ دامۋدىڭ جاڭا ٴورىسىن ۇزدىكسىز كەڭەيتۋ كەرەكتىگىن“ باسا دارىپتەدى.
11 جىل بوران ـ شاشىندى باستان كەشىرە وتىرىپ، ”ٴبىر بەلدەۋ، ٴبىر جولدى“ بىرگە قۇرۋ جۇڭگو باستاماسىنان حالىقارالىق امالياتقا بەت الىپ، ۇستانىمنان ارەكەتكە اينالىپ، ”ۇلكەن نوبايدان“ ”نازىك كارتيناعا“ ويىسىپ، ”قاتتى بولشەكتەردىڭ ۇلاستىرىلۋىنان” “جۇمساق بولشەكتەردىڭ ۇلاستىرىلۋىنا“، ونان ارى ”جۇرەكتەردىڭ توعىسۋىنا“ دەيىن ٴورىسى كەڭەيىپ، جوبا كارتاسىنان ناقتى كورىنىس كارتاسىنا اينالىپ، ناقتى، سۇبەلى تابىستارعا قول جەتكىزدى. 2023 ـ جىلى 10 ـ ايدا ٴتوراعا شي جينپيڭ 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلى باسشىلار تالقى مىنبەرىندە جۇڭگو جاقتىڭ كەلەسى قادامدا قولداناتىن 8 ٴتۇرلى ارەكەتىن جاريالادى، بۇل ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋدىڭ جاڭا كەزەڭىنە وتكەندىگىن كورسەتەدى. جوعارى ساپالى دامۋدىڭ جاڭا كەزەڭى _ ازيا _ ەۆروپا ۇلى قۇرلىعىنىڭ ستەرەولدى تۇتاسۋىنىڭ، جاسىل جىبەك جولىنا جەتەكشىلىك ەتۋدىڭ، سيفرلى جىبەك جولىنا قۋات ۇستەۋدىڭ جاڭا كەزەڭى، ول جۇڭگونىڭ ٴار جاقپەن بىرگە دۇنيە جۇزىندەگى ٴار ەلدىڭ وسىزاماندانۋىن جۇزەگە اسىرۋ جولىندا قاجىماي ـ تالماي قۇلشىنۋىنىڭ جاڭا باستاماسىنىڭ بەلگىسى، ول ادامزاتتىڭ العا باسۋىن كوزدەيتىن، دۇنيە ٴجۇزىنىڭ ۇلى بىرلىگىن كوزدەيتىن دارقان پەيىلدى جانە الەمدى كوكەيدە ساقتايتىن، داۋىرگە جەتەكشىلىك ەتەتىن ٴىرى ەلدىك جاۋاپكەرشىلىكتى ايگىلەدى.
باس شۋجي شي جينپيڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ جالپى تالابىن، جەتەكشى پرينسيبىن، امالياتتىق جولىن، ٴتۇيىندى قىزمەتتەرىن تەرەڭ بايىمداپ، جاڭا كەزەڭدە ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەپ، العا باسۋ بەتالىسىنا جەتەكشىلىك ەتتى. ورنىقتىلىق بارىسىندا ىلگەرىلەۋ پارتيامىزدىڭ ەل باسقارۋداعى ماڭىزدى پرينسيبى ەكەندىگىن، ٴسوز جوق، جەتە تانۋىمىز كەرەك. حالىقارالىق ورتا نەعۇرلىم قىم ـ قۋىت، كۇردەلى بولعان سايىن، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان سولعۇرلىم جازباۋىمىز، نىسان قۇرىلىسىن تىڭعىلىقتى، ورنىقتى جۇرگىزىپ، بايىپتىلىقپەن ىلگەرىلەتىپ، سەلبەستىكتىڭ جاڭا اياسىن ورنىقتى كەڭەيتۋىمىز كەرەك. بىرگە اقىلداسۋعا، بىرگە قۇرۋعا، بىرگە يگىلىكتەنۋگە، اشىق، جاسىل، كىرشىكسىز بولۋعا، جوعارى ولشەمدى، حالىق تۇرمىسىنا تيىمدىلىك جاساۋدىڭ باياندىلىعىنا تاباندى بولۋ _ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ جەتەكشى پرينسيبى. ٴبىز سەلبەسىپ تەڭ يگىلىككە كەنەلۋ ۇستانىمى مەن دۇرىس ادىلەت ـ مۇددە كوزقاراسىن بەلسەنە دارىپتەپ، ەسىك اشۋدىڭ تابيعي ٴتۇسى، جاسىل ٴتۇسى سىندى نەگىزگى تۇسىنەن، كىرشىكسىزدىك سىندى ايقىن تۇسىنەن جازباي، ٴار جاقتىڭ مۇددە توعىسۋ ٴتۇيىنى مەن سەلبەستىكتىڭ ەڭ ۇلكەن ورتاق بولگىشىن قاراستىرىپ، تەڭ يگىلىككە كەنەلىپ دامۋدىڭ جاڭا ٴورىسىن ۇزدىكسىز كەڭەيتۋىمىز كەرەك.
”ٴبىر بەلدەۋ، ٴبىر جولدى“ بىرگە قۇرۋ _ ۇزاق پەريودتى، مەملەكەت شەكاراسىن اتتاعان، جۇيەلى دۇنيە جۇزىلىك ينجەنەريا، عاسىرلىق ينجەنەريا. بولاشاقتى بەتكە الىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ 8 ٴتۇرلى ارەكەتىن جەتەكشى، ٴوزارا ۇلاستىرۋ، ٴوزارا تۇتاستىرۋدى نەگىزگى جەلى ەتىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴوزارا ۇشتاستىرۋعا، ۇكىمەت جەتەكشىلىك ەتۋ مەن بازار اينالىمىن ٴوزارا ۇشتاستىرۋعا، عىلمي ورنالاسىم مەن يكەمدى ساپالىلاندىرۋدى ٴوزارا ۇشتاستىرۋعا، ساننىڭ ارتۋى مەن ساپانىڭ جوعارىلاۋىن ٴوزارا ۇشتاستىرۋعا تاباندى بولىپ، نەگىزدىك قۇرىلعىلار سىندى ”قاتتى بولشەكتەردىڭ ۇلاستىرىلۋىن“، ەرەجە، ولشەم سىندى ”جۇمساق بولشەكتەردىڭ ۇلاستىرىلۋىن“ جانە بىرگە قۇراتىن ەلدەر حالقىنىڭ ”جۇرەكتەرىنىڭ توعىسۋىن“ تەرەڭدەتۋدى ٴبىر تۇتاس جوسپارلاپ، بەلگى سيپاتتى كەلەلى ينجەنەريالاردى جانە ”شاعىن ٴارى كوركەم“ حالىق تۇرمىسى نىسانى قۇرىلىسىن ىلگەرىلەتۋدى ٴبىر تۇتاس جوسپارلاپ، ٴداستۇرلى سالاداعى سەلبەستىكتى بەكەمدەۋدى جانە جاڭادان گۇلدەنگەن سالالارداعى سەلبەستىكتى ورنىقتى كەڭەيتۋدى ٴبىر تۇتاس جوسپارلاعاندا عانا، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋ بەتالىسىمەن العا ىلگەرىلەۋىن جەبەۋگە بولادى.
ٴتۇزىم قۇرىلىسىندا ٴتۇبىرلى سيپات، جالپى جاعدايلىق سيپات، ورنىقتىلىق سيپات جانە ۇزاق ۋاقىتتىق سيپات قامتىلعان. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋ مەحانيزمىن كەمەلدەندىرۋدى العا قويدى. اڭگىمە ماجىلىسىندە باس شۋجي شي جينپيڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ مەحانيزمى قۇرىلىسىن ىلگەرىلەتۋ جونىندە جۇيەلى ورنالاستىرۋ جاساپ، ”9 ٴتۇرلى مەحانيزمدى“ كەمەلدەندىرۋدىڭ كەلەلى تالابىن ايقىندادى. وڭىرلەر، تاراۋلار، ورىندار ساياسي دەڭگەيدى جوعارىلاتىپ، دايەكتىلەندىرۋدى، تياناقتاندىرۋدى ويداعىداي يگەرىپ، ستراتەگيالىق ويدى، حاۋىپسىزدىك تانىمىن، جۇيە كوزقاراسىن، حالىقارالىق كوز ايانى ۇزدىكسىز كۇشەيتىپ، ”بىرلىككە كەلتىرۋ“ جاعىنا كوبىرەك كۇش سالىپ، ”ناقتىلاندىرۋ“ جاعىندا ونىمدىلىككە قول جەتكىزۋ كەرەك. جۇيەلىلەندىرۋدى، مەحانيزمدەندىرۋدى ىلگەرىلەتۋدى ماڭىزدى ٴتۇيىن ەتىپ، جوعارى دەڭگەيدە جوبالاۋدى ۇزدىكسىز كەمەلدەندىرىپ، ناقتى ىستەۋ شارالارىن بەلگىلەپ، سىرتقى سەلبەستىكتى تەرەڭدەتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ ورنىقتى، باياندى بولۋىن ىلگەرىلەتۋ كەرەك.
”ٴبىر بەلدەۋ، ٴبىر جولدى“ بىرگە قۇرۋ دۇرىس جولمەن ٴجۇردى، ۇلى ٴىس تىندىردى، ول ۇلى امالياتتى قاجەت ەتەدى. جاڭا جورىقتا جوبانى سوڭىنا دەيىن كەسكىندەۋگە تاباندى بولىپ، بىرىنەن سوڭ ٴبىرىن جالعاستىرىپ ىستەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتسەك، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، بىرگە قۇراتىن ەلدەرمەن ۇزاق ۋاقىت يگىلىگىن كورۋ، بارشا حالىقتى باقىتقا كەنەلتۋدەي ۇزاق ۋاقىتتىق تابىسقا قول جەتكىزىپ، ادامزاتتىڭ اناعۇرلىم كوركەم بولاشاعىن اشا الامىز.
(شينحۋا اگەنتتىگىنىڭ 12 ـ ايدىڭ 5 ـ كۇنى بەيجيڭنەن بەرگەن حابارى)
