”استىق رەتسەبىن“ جازدى
انار بۇلت \ شينجياڭ گازەتىنىڭ ٴتىلشىسى ليۋ ي
شينجياڭ استىعى بيىل كوپ رەت قولامتالى تاقىرىپقا اينالدى. وتانىمىزدىڭ باتىس سولتۇستىگىنە ورنالاسقان شينجياڭ قۋاڭ، يەن دالا دەگەن ەسكى اسەردەن ارىلىپ، ٴوزىنىڭ ”استىق مەكەنى“ ارمانىن جۇزەگە اسىرماقشى بولدى.
دۇمبە ٴبيدايدىڭ 100 مۋلىق، 1000 مۋلىق، 10 مىڭ مۋلىق زور كولەمدە بىرلىك ٴونىم الۋ رەكوردى ٴۇرتىس بۇكىل ەل بويىنشا 1 ـ ورىندا تۇردى؛ جازدىق ٴبيدايدان مەملەكەت بويىنشا 100 مۋلىق اتىزدان زور كولەمدە بىرلىك ٴونىم الۋ رەكوردىن جاراتتى؛ جۇگەرىدەن مەملەكەت بويىنشا 100 مۋلىق، 1000 مۋلىق، 10 مىڭ مۋلىق، 100 مىڭ مۋلىق، ٴبىر ميلليون مۋلىق اتىزدان زور كولەمدە بىرلىك ٴونىم الۋ رەكوردىن جاراتتى ٴارى بۇكىل ەل بويىنشا ٴبىر ميلليون مۋ دارەجەلى جۇگەرى ”توننالىق استىق اتىزىن“ ەڭ الدىمەن قۇردى...
بىلتىر استىقتان تۇڭعىش رەت 20 ميلليون توننالىق ۇلكەن وتكەلگە قادام تاستاپ، جالپى ٴونىمنىڭ ارتۋ مولشەرى، ەگىمشىلىك كولەمىنىڭ ارتۋ مولشەرى بۇكىل ەل بويىنشا 1 ـ ورىندى يەلەگەننەن كەيىن، 2024 ـ جىلى شينجياڭنىڭ نەگىزگى استىق داقىلدارى تاعى دا بۇكىل ەل بويىنشا زور كولەمدە بىرلىك ٴونىم الۋ رەكوردىن جاڭالاپ، ”بارلىعىندا تىڭ تابىسقا جەتۋدى“ جۇزەگە اسىردى.
استىق حاۋىپسىزدىگى _ ”مەملەكەتتىڭ زور ٴىسى“. ”جۇڭگونى كىم باعادى؟“، بۇل بۇكىل دۇنيە ٴجۇزى باستان ـ اياق نازار اۋدارىپ وتىرعان ماسەلە.
دۇنيە ٴجۇزىنىڭ سۇراۋىنا قاراتا باس شۋجي شي جينپيڭنىڭ ٴسوزى ايرىقشا ەكپىندى بولدى: ”ٴبىز جۇڭگولىقتاردىڭ اس كەسەمىزدى ٴوز قولىمىزدا مىقتاپ ۇستاپ تۇرۋعا سەنىمىمىز كامىل، قايراتىمىز قاپتال جەتەدى“.
بۇكىل ەل قۇرلىق جەر اۋدانىنىڭ التىدان ٴبىرىن يەلەيتىن شينجياڭ جونىنەن العاندا، ”جۇڭگولىقتاردىڭ اس كەسەسىن مىقتى ۇستايتىن“ وسى ۇلى جورىقتا قاتىناسپاۋعا نەگىزى جوق.
پارتيا ورتالىق كوميتەتى، مەملەكەتتىك كەڭەس بەلگىلەگەن مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىندا“ ساپالى ەگىن، مال شارۋاشىلىق ونىمدەرى بازاسى ايقىن ورتاعا قويىلدى. بۇل ٴارى شينجياڭ جونىندەگى ىقىلاستى تىلەك، ٴارى شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدەگى كەلەلى وراي.
استىق وندىرىسىندە ٴۇرتىس 2 جىل كورنەكتى ناتيجە ٴتىزىمىن تاپسىرعان شينجياڭدا ٴالى دە ٴورىس بار ما؟ ”بارلىعىندا تىڭ تابىسقا جەتكەننەن“ كەيىن قايتكەندە جاڭا ”استىق رەتسەبىن“ جازىپ، مەملەكەتتىڭ استىق حاۋىپسىزدىگىنە شينجياڭ ۇلەسىن كوبىرەك قوسۋ تۇتاس رايوننىڭ استىق وندىرىسىندەگى تىڭ تاقىرىپقا اينالدى.
كومەسكى كۇشتەردى اشتى:
”جەكە ـ دارا ۇدەرە ىلگەرىلەيتىن“ ٴداۋىر ٴوتىپ كەتتى
بۇكىل ەل ٴبىر تۇتاس جۇيە، بۇكىل ەلدىڭ كەلەلى جاعدايى تۇرعىسىنان شينجياڭ قىزمەتىن جوسپارلاعاندا، شاحمات جاعدايى دەرەۋ جاندانا ٴتۇستى.
مەملەكەتتىڭ استىق حاۋىپسىزدىگىنە اناعۇرلىم زور ۇلەس قوسۋ ٴۇشىن، ەڭ اۋەلى، ٴوزىنىڭ قاتىپ ـ سەمگەن تانىمى مەن ورنىن بۇزۋ كەرەك.
مەملەكەتتىڭ قاجەتىن، شينجياڭنىڭ قابىلەتىن تياناق ەتىپ، اۆتونوميالى رايوندىق پارتكوم مەن ۇكىمەت اۋقىمدى باعامداپ، استىق قىزمەتى باعىتىن ”رايون ىشىندە تەپە ـ تەڭ بولۋ، ٴسال ىركىندى قالۋدان“ ” رايون ىشىندە ىركىندى قالۋ، مەملەكەتتى قامداۋعا“ رەتتەپ، ”جەر كولەمىن كەڭەيتۋ، بىرلىك ونىمنەن قامال الۋ، جالپى مولشەرىن ارتتىرۋ، ٴوندىرىس قۋاتىن جوعارىلاتۋ“ سىندى قىزمەت وي جەلىسىن العا قويىپ، استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋدى جاپپاي ناقتىلاندىردى.
استىق ٴونىمىن ارتتىرۋ _ جۇيەلى ينجەنەريا، ٴارى اۋىل شارۋاشىلىعى ٴوندىرىسىنىڭ جالپىلىق دەڭگەيىنە ۇيلەسۋ، ٴارى ٴوندىرىس قۋاتىنىڭ جوعارىلاۋى الا كەلگەن ەگىستىك جەر مەن سۋ بايلىعى تەجەمىنە عىلمي توتەپ بەرۋ كەرەك.
جالپى جاعداي بويىنشا جوبالاپ، ەگجەي ـ تەگجەيلى اتقاردى. شينجياڭ استىق وندىرەتىن 35 ٴىرى اۋداننىڭ ٴوندىرىس قۋاتىن جوعارىلاتۋداعى شەشۋشى رولىن ساۋلەلەندىرىپ، كاسىپ سالاسى تەحنيكا جۇيەسىنە، اۋىل شارۋاشىلىعى تەحنيكاسىن جالپىلاستىرۋ جۇيەسىنە جانە قوعامدىق قىزمەت وتەۋ جۇيەسىنە سۇيەنىپ، قۇنارلى اتىز، ساپالى تۇقىم، جاقسى ماشينا، تاماشا ٴادىس ـ امالداردى شوعىرلى جالپىلاستىرىپ، ”كوپ تەحنيكا شوعىرلانعان، كەڭ كولەمدە جالپىلاسقان“ ٴونىم مولشەرىن بىركەلكى ارتتىرۋ جاعدايىن قالىپتاستىرىپ، عىلمي جولمەن ەگىن ەگۋ ارقىلى ٴونىم مولشەرىنە قول جەتكىزدى.
تاياۋ 2 جىلداعى شينجياڭنىڭ استىق ٴوندىرىسى ساندى مالىمەتىنە قاراعاندا، شينجياڭدا ٴبيدايدىڭ بىرلىك ٴونىمى ٴۇرتىس 6 جىل ارتىپ، 2024 ـ جىلى مۋ باسىندىق ورتاشا ٴونىم 394.77 كيلوگرامعا جەتكەن؛ جۇگەرىنىڭ ورتاشا بىرلىك ٴونىم دەڭگەيى ۇزدىكسىز بۇكىل ەلدىڭ الدىڭعى ورنىندا بولىپ، 2023 ـ جىلى مۋ باسىنا 612.77 كيلوگرامعا جەتىپ، بۇكىل ەل بويىنشا 1 ـ ورىندى يەلەگەن، بىرلىك ٴونىمنىڭ جوعارىلاۋىن كورنەكتى ەرەكشەلىك ەتكەن استىقتىڭ ٴونىمىنىڭ بىركەلكى ارتۋى تالاسسىز شىندىق بولدى.
الايدا، ساندى مالىمەتتىڭ بويلىق سالىستىرماسىنان قاراعاندا، شينجياڭدا ٴبيدايدىڭ ورتاشا بىرلىك ٴونىمى قازىر ٴالى دە بۇكىل ەلدىڭ مۋ باسىندىق 399.1 كيلوگرامدىق ورتاشا دەڭگەيىنەن تومەن بولعان، جۇگەرىنىڭ ورتاشا بىرلىك ٴونىمى مەن جوعارى ٴونىم رەكوردىنىڭ پارقى ٴبىر ەسەدەن اسىپ، ٴبيدايدىڭ ورتاشا بىرلىك ٴونىمىنىڭ الدىدا كەلە جاتقان ولكەلەرمەن ٴالى دە پارىقتى بولۋ، نەگىزگى استىق داقىلدارىنىڭ جوعارى ٴونىم رەكوردىندا الدىڭعى ورىندا تۇرۋ، ورتاشا بىرلىك ٴونىمى جوعارى بولماۋداي ەرەكشەلىك جارىققا شىقتى.
بۇل جونىندە اۆتونوميالى رايوندىق اۋىل شارۋاشىلىعى عىلىم اكادەمياسى استىق داقىلدارىن زەرتتەۋ ورنىنىڭ باستىعى، اۆتونوميالى رايوندىق ٴبيداي كاسىپ سالاسى تەحنيكا جۇيەسىنىڭ باس مامانى لي جيانجياڭ تالداۋ جاساپ بىلاي دەدى: بۇل شينجياڭنىڭ الدىمەن جوعارى ولشەمدى ەگىنجايدا استىق ەگۋىمەن ٴارى سايكەستى وزىق ەگۋ تەحنيكاسىمەن قاتىستى. جوعارى ولشەمدى ەگىنجاي قۇرىلىسىن ۇزدىكسىز ىلگەرىلەتۋدەن سىرت، سايكەستى ەگۋ تەحنيكاسىن ورتا، تومەن ٴتۇسىمدى اتىزدارعا جالپىلاستىرىپ، كەڭەيتىپ، ٴونىمنىڭ تولىق، بىركەلكى ارتۋىن جۇزەگە اسىرۋ _ بولاشاقتا شينجياڭنىڭ استىق ٴوندىرىس قۋاتىن جوعارىلاتۋدىڭ تەتىگى.
”شينجياڭ ورتا، تومەن ٴتۇسىمدى اتىزدارعا تەحنيكا كەڭەيتۋ شارت ـ جاعدايىن ازىرلەگەن“. لي جيانجياڭ بىلاي دەدى: شاعىن كولەمدى سىناق اتىزدارىنىڭ رەكوردىنا ۇقسامايتىنى، زور كولەمدەگى بىرلىك ٴونىم دەڭگەيى ٴبىر ٴوڭىردىڭ سىناق اتىز ٴونىم مولشەرىن كەڭ اتىز ٴونىم مولشەرىنە اينالدىرۋ قابىلەتىن بەينەلەيدى. بيىلعى رەكورد شينجياڭنىڭ استىقتان مول ٴونىم الۋ تەحنيكاسىنىڭ سىناق كەزەڭىنەن ٴوتىپ، ٴىس جۇزىندىك ٴوندىرىس بارىسىندا كەڭ كولەمدە قولدانۋ نەگىزىن ازىرلەگەندىگىن، ٴونىمدى ارتتىرۋدىڭ اناعۇرلىم كوپ كومەسكى كۇشىن اشۋعا بولاتىندىعىن دالەلدەدى.
قازىر سۋ مەن تىڭايتقىشتى ٴبىر تۇلعالاندىرۋ قۇنتتاپ ەگۋ سياقتى كەيبىر جوعارى ونىمگە قول جەتكىزۋ بارىسىندا قولدانىلاتىن تەحنيكالار شينجياڭنىڭ استىق وندىرىسىندە بارعان سايىن كوپ قولدانىلىپ، كوپتەگەن ٴوڭىردىڭ استىق ٴوندىرىسىندەگى ٴداستۇرلى ۇلگىنى وزگەرتتى.
بيىل دۇمبە ٴبيداي ەگۋ مەزگىلىندە ساۋان قالاسى دۇمبە ٴبيداي مەن جۇگەرىنى ارالاستىرىپ ەگۋ جاڭا ۇلگىسى جونىندە ىزدەنىس جاساپ، ٴبيداي ەككەن كەزدە جۇگەرى ەگىلەتىن جەردى قالدىرىپ، ٴبيداي ٴدان العان مەزگىلدە جۇگەرى ەگىپ، جازدا ٴبيداي، كۇزدە جۇگەرى جيناۋدى جۇزەگە اسىرىپ، استىق ٴوندىرىس ۇلگىسىن ٴبىر جىلدا ٴبىر ماۋسىمنان ٴبىر جىلدا 1.5 ماۋسىمعا وزگەرتىپ، ٴوندىرىس ونىمدىلىگىن كورنەكتى جوعارىلاتتى.
”ٴبيدايدىڭ ٴونىم مولشەرى ازايمادى، ونىڭ ۇستىنە نەشە ٴجۇز كيلوگرام جۇگەرى ارتىق الىندى“. ساۋان قالاسى داچۋان اۋىلى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆىنىڭ القا باستىعى حى حۇڭتاۋ بىلاي دەدى: جاڭا ۇلگى داقىلداردىڭ قالىپتى ٴوسۋىن قامتاماسىز ەتۋمەن بىرگە، قايتالاي ەگۋ بارىسىنداعى جەر جىرتۋ، تۇقىم ٴسىڭىرۋ سياقتى بۋىنداردى ازايتىپ، ەگىس ۋاقىتىن ٴبىر ايعا جۋىق ۇنەمدەپ، ارالاستىرىپ ەگىپ ٴونىمدى ارتتىرۋدى ٴىس جۇزىندە جالپىلاستىرۋدىڭ مۇمكىندىگىنە يە ەتتى. قازىر سەلبەستىك كووپەراتيۆى تەحنيكانى ونان ارى كەمەلدەندىرىپ، جاڭا تەحنيكا اكەلگەن ٴونىمدى ارتتىرۋدىڭ كومەسكى كۇشىن تولىق اشۋدا.
جاڭالادى:
”جۇلدىز“ تۇقىمدار كۇش بەرە باستادى
سوڭعى جىلداردان بەرى، جەرگىلىكتى ”نوپوسى“ بار ٴبىر توپ استىق تۇقىمى شينجياڭدا ”استىق مەكەنى“ ارمانىن جۇزەگە اسىرۋ بارىسىندا ”اعالاپ العا شىقتى“.
شينجياڭنىڭ عىلمي زەرتتەۋ قىزمەتكەرلەرى تاڭداپ جەتىلدىرگەن شيندۇڭ 60 دۇمبە ٴبيدايى وڭتۇستىك شينجياڭ وڭىرىندە جالپىلاستىرىلىپ، ناقتى ونىمدىلىگىمەن تۇقىمنىڭ ماڭىزدىلىعىن دالەلدەدى. بۇرىن ەرتە پىساتىن، ٴونىمنىڭ ارتۋ كومەسكى كۇشى زور ٴبيداي سورتى كەمشىل بولعاندىقتان، وڭتۇستىك شينجياڭ وڭىرىندە ٴبيداي ورىلعاننان كەيىن جۇگەرىنىڭ ٴوسۋ مەزگىلىندە ۇزاق ۋاقىت تەمپەراتۋرا جەتكىلىكسىز، ٴوندىرىس قۋاتى ٴبىرشاما تومەن بولعاندىقتان، كوپتەگەن جۇگەرى تەك سۇرلەم جەم رەتىندە عانا پايدالانىلدى. شيندۇڭ 60تىڭ جالپىلاسۋىنا ىلەسە، ونىڭ ەرتە پىساتىن جانە مول ٴونىم بەرەتىن ەرەكشەلىگى اكەلگەن ارتىقشىلىعى وڭتۇستىك شينجياڭداعى دۇمبە ٴبيداي + قايتالاي ەگىلگەن جۇگەرى سىندى ”ٴبىر جىلدا ەكى رەت پىساتىن“ استىق وندىرىسىندە شىنايى باسىمدىقتى ساۋلەلەندىردى.
”ٴبيداي مەن جۇگەرىنىڭ ۋاقىتقا تالاسۋ ماسەلەسى ٴونىمدى شەشىلدى“. اۆتونوميالى رايوندىق اۋىل شارۋاشىلىعى عىلىم اكادەمياسى استىق داقىلدارىن زەرتتەۋ ورنىنىڭ زەرتتەرمەنى ساليقان ساي بىلاي دەپ تانىستىردى: شيندۇڭ 60قا ەرتە پىساتىن جۇگەرى تۇقىمىن سايكەستىرىپ، وندىرىستە ”ەكى ەرتەنى سايكەستىرۋدى“ جۇزەگە اسىرىپ، جۇگەرىنى قايتا ەگۋگە ٴتىپتى دە كوپ جارىق، جىلۋ، جيىندىق تەمپەراتۋرا بايلىعىن ازىرلەدى.
2023 ـ جىلى وڭتۇستىك شينجياڭداعى ”ەكى ەرتەنى“ سايكەستىرۋدەن ۇلگى كورسەتۋ اتىزىنىڭ جىلدىق مۋ باسىندىق ٴتۇسىمى تۇڭعىش رەت 1300 كيلوگرامنان استى. كەزەكتە عىلمي زەرتتەۋ قىزمەتكەرلەرى تۇقىم ارتىقشىلىعىن نەگىز ەتىپ، ”ەكى ەرتە“ نەگىزىندە ۇيلەسەتىن ٴوسىرۋ تەحنيكاسىن قولداندى، 2 جىل ىشىندە مۋ باسىندىق ٴونىمنىڭ 1400 كيلوگرامعا جەتۋىنەن ٴۇمىت بار.
تۇقىم شارۋاشىلىعى _ وسى زامانعى اۋىل شارۋاشىلىعىنىڭ ”چيپى“، استىق حاۋىپسىزدىگىن قامتاماسىز ەتۋدىڭ ماڭىزدى نەگىزى. ٴونىم مولشەرى، ساپاسى كورنەكتى، قارسىلىق قۋاتى كۇشتى ساپالى تۇقىمداردى جالپىلاستىرۋ _ شينجياڭنىڭ تۇقىم شارۋاشىلىعىن گۇلدەندىرۋدەگى شەشۋشى شاراسى. قازىر شينجياڭ ٴوزى جەتىلدىرگەن ٴبيداي، جۇگەرى، كۇرىش سياقتى استىق داقىلدارى تۇقىمى ٴوندىرىستىڭ باستاماشىسىنا اينالىپ وتىر. 2024 ـ جىلى شينجياڭدا ەگىس داقىلدارى تۇقىمىن ٴوندىرۋ مولشەرى ٴبىر ميلليون 400 مىڭ توننادان اسىپ، وندىرىلگەن بۋدانداستىرىلعان جۇگەرى تۇقىمىنىڭ %95ى حيلۇڭجياڭ، شاندۇڭ سياقتى جەرلەرگە جەتكىزىلىپ، شينجياڭ ىشىندە اۋىل شارۋاشىلىق ٴوندىرىسىن قامتاماسىز ەتىپ قانا قويماي، بۇكىل ەلدىڭ اۋىل شارۋاشىلىعىنا پايدالانىلاتىن تۇقىم حاۋىپسىزدىگىنە دە ۇلەس قوستى.
”كونە تۇقىمنىڭ ورنىنا جاڭا تۇقىمدى جەدەل اۋىستىرۋعا تۋرا كەلەدى“. لي جيانجياڭ بىلاي دەدى: تاياۋ جىلداردان بەرى، شينجياڭ استىقتىڭ، اسىرەسە، ٴبيداي تۇقىمىنىڭ جاڭالانۋىن ۇزدىكسىز جەدەلدەتتى، الايدا ساپالى، جوعارى ٴتۇسىمدى ٴبيداي تۇقىمىنىڭ ىشىندە كونە تۇقىمنىڭ يەلەيتىن سالىستىرماسى ٴالى دە %70كە جەتىپ وتىر. ۋاقىتتىڭ وتۋىمەن كونە تۇقىمنىڭ قاسيەتىنىڭ ازعىنداۋ قاتەرى ٴومىر ٴسۇرىپ قانا قويماي، ساپاسى مەن ٴوندىرىس ەرەكشەلىگى دە استىق كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدىڭ جاڭا تالابىنا ۇيلەسە المايدى.
لي جيانجياڭ بىلاي دەدى: بۇدان كەيىن عىلمي زەرتتەۋ قىزمەتكەرلەرى شينجياڭنىڭ استىق ٴوندىرىسى ٴىس جۇزىندىگىنە ۇيلەسەتىن ٴتىپتى دە كوپ ”جۇلدىز تۇقىمداردى“ تاڭداپ وسىرەدى. تاڭداپ ٴوسىرۋ بارىسى بازار سۇرانىسىنا اناعۇرلىم جاناسىپ، ەرتە پىساتىن، جوعارى ٴونىمدى، ساپالى، سۋ ۇنەمدەيتىن، قارسىلىق قۋاتى سياقتى ەرەكشەلىكتەردى ارقاۋ ەتىپ، ونىمدەردىڭ ارناۋلى پايدالانۋ ەرەكشەلىگىن كورنەكتىلەندىرىپ، اناعۇرلىم كوپ جاڭا تۇقىمنىڭ كاسىپ سالاسىنىڭ دامۋ بارىسىندا ”كوكتەۋىنە“ مۇمكىندىك جاساپ، استىق ٴوندىرىسىنىڭ جالپىلىق قۋاتىن جوعارىلاتادى.
تىزبەكتى كەڭەيتتى:
”جوعارى ٴونىمدى، مول، تاماشا“ بولۋ بوي كورسەتە باستادى
شينجياڭ استىعىنىڭ ساپاسى جاقسى ەكەنى جۇرتتىڭ بارىنە ايگىلى، ٴبىراق قانشا جاقسى ٴونىم بولسا دا، ەگەر كاسىپ تىزبەگى ۇزارماسا، ”اۋەلگى ايگىلى ماركا“ دەگەن اتىن عانا ساقتاپ، شاڭ ـ توزاڭ باسقان مەرۋەرت سياقتى كورىنبەي قالادى.
اۋىل شارۋاشىلىق ونىمدەرىن دە ”جوعارى ٴونىمدى، مول، تاماشا“ ەتۋگە بولادى! جاقسى نارسەلەردى جاقسى باعادا ساتۋ ٴۇشىن، ۇزاق ۋاقىتتان بەرگى ”اۋەلگى ايگىلى ماركاعا“ شەكتەن تىس يەك سۇيەۋ وي قالىبىن تالقانداۋ كەرەك.
شونجى اۋدانى بانجيەگوۋ قالاشىعى ياۋجانزى قىستاعىنىڭ اتىن ەستىپ كەلەتىن ساياحاتشىلار كوپ، باسقاسى ەمەس، تەك ”ياۋجانزى“ ۇنىنان جاسالعان لاعىماننان ٴدام تاتۋ، قىستاق پەن ٴبيدايدىڭ حيكاياسىن ٴبىلۋ ٴۇشىن كەلەدى. 2023 ـ جىلى وسى قىستاقتىڭ جالپى ٴونىم قۇنى 560 ميلليون يۋانعا، قىستاق تۇرعىندارىنىڭ جان باسىندىق جىلدىق ورتاشا كىرىسى 30 مىڭ 600 يۋانعا جەتىپ، قىستاق تۇرعىندارى ”ٴبيدايعا“ سۇيەنىپ كىرىستەرىن ارتتىرىپ بايىدى.
”ياۋجانزىنىڭ“ حيكاياسى ادامداردىڭ استىق ساتۋدان ۇن ونىمدەرىن ساتۋعا، ٴبيداي داقىلدارىن ەگۋدەن ٴبيداي مادەنيەتىن تاراتۋعا دەيىنگى اناعۇرلىم تەرەڭ تولعانىسىن قوزعادى. بۇل قىستاق ورگانيكالى ٴبيداي ەگۋدى نەگىز ەتىپ، كاسىپ سالاسى تىزبەگىن ۇزدىكسىز ۇزارتىپ، ورگانيكالى ۇن، قولمەن تارتىلعان لاعىمان، ازىقتىق ماي، ۇساق قارا استىق سياقتى 4 ۇلكەن تۇردەگى 40 نەشە ٴتۇرلى ٴونىم ٴوندىرىپ، وڭدەپ، ٴبيداي ەرەكشە بايلىعىن سۇيەنىش ەتىپ ساياحات كاسىبىن دامىتىپ، تۇتىنۋشىلاردىڭ ”ياۋجانزى“ ماركاسى جونىندەگى تانىمىن تەرەڭدەتۋمەن بىرگە، شارۋالاردىڭ كىرىسىن ارتتىرۋ ارناسىن دا كەڭەيتتى.
اۋىل شارۋاشىلىعىندا وڭدەۋ بولماسا، ٴبارى بوس قالادى. قازىر شينجياڭ استىق ـ ماي كاسىپ سالاسىن ماڭىزدى ەرەكشە، باسىمدىققا يە كاسىپ سالاسى ەتىپ، ”10 ٴىرى كاسىپ سالاسى شوعىرىنا“ ەنگىزىپ ٴبىر تۇتاس جوسپارلاپ، استىق ـ ماي كاسىپ سالاسى ٴوندىرىسى، وڭدەۋ، اينالىمعا سالۋ، ساقتاۋ جانە تۇتىنۋدى ٴبىر تۇلعالاندىرا دامىتۋدى ىلگەرىلەتىپ، ٴونىمدى ارتتىرۋمەن بىرگە، كىرىستى ارتتىرۋدى اناعۇرلىم تولىق جۇزەگە اسىردى.
تاياۋدا اشىلعان 6 ـ كەزەكتى جۇڭگو استىق ساۋداسى جينالىسىندا الاتاۋ ساعاسى اۋىل شارۋاشىلىعىنا تيىمدىلىك جاساۋ ينجەنەرياسى تەحنيكا شەكتى سەرىكتەستىگى كورسەتكەن استىق ـ ماي كاسىپ سالاسىنىڭ ”ەگىمشىلىك، باعىمشىلىق+“ جانە ”ەگىمشىلىك، زاپاس ساقتاۋ+ “ سىندى كاسىپ ۇلگىسى كورمەگە قاتىناسقان ساۋداگەرلەردىڭ نازارىن جاپپاي اۋداردى.
”ەگىمشىلىك، باعىمشىلىق جانە وعان قوسىلعان اينالمالى دامۋ سىندى وي جەلىسى ارقىلى استىق ـ ماي كاسىپ سالاسىنىڭ دامۋىنا قايتالاي ۇڭىلدىك“. وسى سەرىكتەستىكتىڭ ورىنباسار جوراسى زوۋ حوۋيۇڭ بىلاي دەدى: شينجياڭ استىق ـ ماي كاسىپ سالاسىن دامىتۋدا بايلىق باسىمدىعى مەن وڭىرلىك ورىن باسىمدىعىن ازىرلەگەن، كاسىپ سالاسىن دامىتۋ بارىسىندا قوسۋ امالىن قولدانىپ، ٴتۇرلى ابزال بايلىقتاردى بىرىكتىرگەندە عانا، كاسىپ سالاسىن دامىتۋدىڭ باسىمدىعى مەن باسەكەلىك قۋاتىن قالىپتاستىرۋعا بولادى.
تۇتاس تىزبەك بويىنشا كۇش سالۋدىڭ ماقساتى ٴتىپتى دە كوپ ايگىلى جاقسى ونىمدەردى جەتىلدىرۋ ٴۇشىن. قازىر شينجياڭ شيكىزات ٴوندىرۋ، كاسىپورىن جەتىلدىرۋ، كاسىپ سالاسى تىزبەگىن ۇزارتۋ، ماركا قۇرىلىسى سىندى 4 تۇرعىدان ٴبىر ۋاقىتتا كۇش سالىپ، تەحنيكانى جاڭالاۋدى، عىلىم ـ تەحنيكادا جاڭالىق اشۋدى جانە ونىمدەردىڭ دارەجەسىن جوعارىلاتۋدى ىلگەرىلەتىپ، ساپالى استىق ـ ماي وندىرىسىمەن قامداۋ دەڭگەيىن ۇزدىكسىز جوعارىلاتىپ، استىق ـ ماي ٴوڭىرى الەۋمەتتىك ماركاسىنىڭ، كاسىپورىن ماركاسىنىڭ، ٴونىم ماركاسىنىڭ تانىمالدىعىن جانە بازاردى يەلەۋ مولشەرىن جوعارىلاتىپ، ”شينجياڭنىڭ جاقسى استىق ـ مايى“ التىن ٴارىپتى ماڭدايشالىقتى جارقىراتىپ، استىق ـ ماي كاسىبىنىڭ دامۋىن اناعۇرلىم جوعارى دەڭگەيگە كوتەرىلۋگە باستادى.
استىق _ حالىقتىڭ جانى، مەملەكەتتىڭ باعالى اسىلى. قازىر مەملەكەتتىڭ جاڭا ٴبىر رەتكى 100 ميلليارد جىڭ استىق ٴوندىرىس قۋاتىن جوعارىلاتۋ ارەكەتى جاپپاي اتقارىلدى، شينجياڭ، ٴبىر جاعىنان، ٴوندىرىستىڭ ساپاسىن جوعارىلاتۋدى يگەرىپ، ەندى ٴبىر جاعىنان، كاسىپ سالاسىنىڭ ونىمدىلىگىن ارتتىرۋدى يگەرىپ، جوعارى ساپالى دامۋدىڭ قاجەتىنە ۇيلەسەتىن ”جاڭا استىق رەتسەبى“ جونىندە ىزدەنىس جاساۋ ارقىلى مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋگە اناعۇرلىم زور ۇلەس قوسۋدا.
