جەرگىلىكتى سيىردىڭ ورنىنا سيمەنتال سيىرىن باعىپ، پايدانى ەسەلەپ ارتتىردى
انار بۇلت \ شينجياڭ گازەتىنىڭ ٴتىلشىسى جاڭ تيڭ
11 ـ ايدىڭ 24 ـ كۇنى شىڭگىل اۋدانى ارالتوبە قالاشىعى قاراولەڭ قىستاعىنىڭ تۇرعىنى بايمۇرات قابدوللانىڭ وتباسىلىق ەگىس الاڭىنا بارعانىمىزدا ولشەمدەندىرىلگەن سيىر قورادا كۇيلى سيمەنتال سيىرلارى جەم جەپ جاتىر ەكەن، بايمۇرات ٴشوپ سالىپ، قورانى تازالاۋمەن قاربالاس بولىپ ٴجۇر ەكەن. بيىل 48 جاستاعى ونىڭ سيىر باققاندىعىنا 7 _ 8 جىلدىڭ ٴجۇزى بولىپتى.
بۇرىن بايمۇرات جەرگىلىكتى سيىر باعىپ كەلگەن ەكەن، الايدا، ەكونوميكالىق ونىمدىلىگى كورنەكتى بولماپتى. ەكونوميكالىق ەسەپ جاساعاننان كەيىن، 2021 ـ جىلى ول ۇيىندەگى 120 جەرگىلىكتى سيىردى ساتىپ، 900 مىڭ يۋانعا 30 سيمەنتال سيىرىن ساتىپ الىپ، سيىر تۇقىمىن اسىلداندىرىپتى جانە سويىس سيىر باعىپتى.
”جەرگىلىكتى سيىر مەن اسىل تۇقىمدى سيىردىڭ باعاسىنىڭ ايىرماشىلىعى زور، سيمەنتال سيىرىن باعۋدىڭ ادەتتەگى سيىردى باعۋعا قاراعاندا پايداسى ٴبىر ەسەدەن استام ارتىق“، ـ دەدى بايمۇرات.
2022 ـ جىلى ول وتباسىلىق ەگىس الاڭىن قۇرىپ، ”وتباسىلىق ەگىس الاڭى + بازا + شارۋا“ باعىمشىلىق ۇلگىسىن قولدانىپ، اسىل تۇقىمدى سيىر جەتىلدىرۋ بازاسى مەن سويىس سيىر باعىمشىلىق بازاسىن قۇرىپ، توڭىرەگىندەگى قىستاق تۇرعىندارىن بىرگە دامۋعا باستادى. شىڭگىل اۋدانى اۋىل شارۋاشىلىعى تاراۋىنىڭ تەحنيكتەرى بەلگىلى مەرزىمدە كەلىپ، ەگىس الاڭىنىڭ دامۋداعى قيىنشىلىقتارىن شەشىپ، سويىس سيىرىن كولەمدەندىرىپ باعۋدى، قورادا باعۋدى جايىپ باعۋمەن ۇشتاستىرۋ سياقتى جاقتاعى تەحنيكاعا باعىتتاي وتىرىپ جەتەكشىلىك ەتتى.
سيىردى ويداعىداي باعۋمەن بىرگە، بايمۇرات بوس تۇرعان ۇيلەرىنەن پايدالانىپ، ٴسۇت ونىمدەرىن وڭدەۋ شەبەرحاناسىن دا قۇردى.
”ٴار سيمەنتال سيىرىن 10نەشە مىڭ يۋانعا ساتۋعا بولادى، ٴسۇت ونىمدەرىن ساتۋدان دا ايتارلىقتاي كىرىس كىرەدى“. بايمۇرات قازىر قولىندا 70 سيىر، 200 دەن استام قوي بار ەكەندىگىن، جاپا ـ ماشاقاتتان قورىقپاي، كوبىرەك ۇيرەنسە بولعانى، تۇرمىسىنىڭ بارعان سايىن جاقسارا تۇسەتىندىگىنە سەنەتىندىگىن ايتتى.
