شينحۋا اگەنتتىگىنىڭ 12 ـ ايدىڭ 8 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى رەداكسيالاعان شي جينپيڭ جولداستىڭ «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندە» اتتى كىتابى تاياۋدا ورتالىق حۇجات باسپاسىنان باسىلىپ شىعىپ، بۇكىل ەلدە تاراتىلدى.
وسى ارناۋلى تاقىرىپتىق شىعارمالار جيناعىنا شي جينپيڭ جولداستىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى 37 ماڭىزدى ماقالاسى ەنگىزىلگەن، مۇنىڭ ىشىندە ٴىشىنارا ماقالالارى تۇڭعىش رەت اشىق جاريالانىپ وتىر.
حالىق قۇرىلتايى ٴتۇزىمى _ ەلىمىزدىڭ ٴتۇبىرلى ساياسي ٴتۇزىمى، جۇڭگو توپىراعىندا ٴوسىپ ـ ونگەن شىت جاڭا ساياسي ٴتۇزىم، ادامزاتتىڭ ساياسي ٴتۇزىم تاريحىنداعى ۇلى جاسامپازدىق. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تاريحي ورىندى تياناق ەتىپ، پارتيانىڭ حالىق قۇرىلتايى قىزمەتىنە باسشىلىعىن جاپپاي كۇشەيتىپ، جالپى بارىستىق حالىق دەموكراتياسىن كۇش سالا دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى بەلسەنە ىلگەرىلەتىپ، حالىق وزىنە ـ ٴوزى قوجايىن بولاتىن ٴتۇزىم جۇيەسىن اناعۇرلىم اقاۋسىزداندىرىپ، داۋىرمەن ىلەسە نەگىزگى زاڭعا وزگەرىس ەنگىزىپ، پارتيا تاريحىنداعى تۇڭعىش رەتكى ورتالىقتىڭ حالىق قۇرىلتايى قىزمەتى ٴماجىلىسىن اشىپ، حالىق قۇرىلتايىنىڭ ۇيىمدىق ٴتۇزىمىن جانە قىزمەت ٴتۇزىمىن اقاۋسىزداندىرىپ، حالىق قۇرىلتايى قىزمەتىندە تاريحي سيپاتتى جەتىستىككە قول جەتكىزۋدى ىلگەرىلەتتى. شي جينپيڭ جولداس پارتيانىڭ باسشىلىعىنا تاباندى بولۋدىڭ جانە ونى كەمەلدەندىرۋ، جۇڭگوشا سوتسياليستىك ٴتۇزىمدى بەكەمدەۋ ستراتەگيالىق بيىگىن نەگىزگە الىپ، ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، سوتسياليستىك دەموكراتيالىق ساياسيدىڭ دامۋ زاڭدىلىعىن تەرەڭ يگەرىپ، پارتيانىڭ سوتسياليستىك دەموكراتيالىق ساياسي قۇرىلىستى كۇشەيتۋدەگى امالياتتىق تاجىريبەلەرىن جۇيەلى قورىتىندىلاپ، حالىق قۇرىلتايى ٴتۇزىمى نازارياسىندا جانە امالياتىندا جاڭالىق اشۋدى ٴۇرتىس ىلگەرىلەتىپ، ٴبىر قىدىرۋ جاڭا ۇستانىمداردى، جاڭا يدەيالاردى، جاڭا تالاپتاردى العا قويىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىرىپ، جاڭا ٴداۋىردىڭ جاڭا جورىعىندا حالىق قۇرىلتايى تۇزىمىنە ويداعىداي تاباندى بولۋعا، ونى ويداعىداي كەمەلدەندىرۋگە، ويداعىداي اتقارۋعا ٴتۇبىرلى بويسۇنۋ ولشەمىن ازىرلەدى.
