انار بۇلت \ شينجياڭ گازەتىنىڭ ٴتىلشىسى شى شين 12 ـ ايدىڭ 8 ـ كۇنى ۇرىمجىدەن حابارلايدى. 12 ـ ايدىڭ 7 ـ كۇنىنە دەيىن، شينجياڭ ”تيانشان“ كوپ ۇلگىدە بىرلەسىپ تاسىمالداۋ ماركالى كەزەكشى پويەزىنىڭ (تومەندە قىسقارتىلىپ شينجياڭ ”تيانشان“ كەزەكشى پويەزى دەلىنەدى) 2024 ـ جىلعى تاسىمال كولەمى 500 رەتتەن اسىپ، جۇك تاسىمال مولشەرى 440 مىڭ توننا بولىپ، يمپورت ـ ەكسپورت ساۋدا سوماسىنىڭ مولشەرمەن 12 ميلليارد 500 ميلليون يۋان ارتۋىن جەبەدى.
2023 ـ جىلى شينجياڭ ساۋدا، زات اينالىمى (توبى) شەكتى سەرىكتەستىگى شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگىمەن بىرىكتىرىلدى، سونداي ـ اق شينجياڭ ”تيانشان“ كوپ ۇلگىدە بىرلەسىپ تاسىمالداۋ ماركالى كەزەكشى پويەزى تۇلعالانىپ، شينجياڭ حالىقارالىق قۇرلىقتىق پورت توبى جۇمىس جۇرگىزۋگە جاۋاپتى بولدى. شينجياڭ ”تيانشان“ كەزەكشى پويەزى كوپ ۇلگىدە بىرلەسىپ تاسىمالداۋ باسىمدىعىن تولىق ساۋلەلەندىرىپ، تەمىر جول، تاس جول سياقتى كوپ ٴتۇرلى تاسىمال بايلىعىن بىرىكتىرىپ، جوعارى ٴونىمدى، قولايلى جۇك تاسىمال قىزمەت وتەۋىمەن قامداپ، شينجياڭ ٴۇشىن جان ـ جاقتى، كوپ ساتىلى ەكونوميكا ـ ساۋدا ارناسىن قۇردى.
شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى كەزەكشى پويەز ىستەرى ٴبولىمىنىڭ باس ديرەكتورى جىڭ يۋە بىلاي دەپ تانىستىردى: بيىل 3 ـ ايدىڭ 6 ـ كۇنى شينجياڭ ”تيانشان“ كەزەكشى پويەزىنىڭ العاشقى تۇتاس ارالىق ۋاقىت كەستەسىن نەگىز ەتكەن كەزەكشى پويەزى ٴساتتى جولعا شىقتى، وسىدان كەيىن ٴار سارسەنبى كۇنى ٴبىر رەت تۇراقتى جيىلىكپەن جۇرگىزىلىپ، جۇرگىزىلۋ ۋاقىتى ادەتتەگى كەزەكشى پويەزدىڭ جۇرگىزىلۋ ۋاقىتىنان %60تىڭ ۇستىندە قىسقاردى.
6 ـ ايدىڭ 10 ـ كۇنى شينجياڭ ”تيانشان“ كەزەكشى پويەزىنىڭ رەسەي (ماسكەۋ) باعىتىنداعى جەلىسى ٴساتتى اشىلىپ، جۇڭگو _ ەۆروپا باعىتى ”0“ دەن ”1“ گە دەيىنگى سەرپىلىستى جۇزەگە اسىردى.
10 ـ ايدىڭ 16 ـ كۇنى شينجياڭنىڭ تۇڭعىش ٴۇرىمجى _ قاشقار سولتۇستىك _ وزبەكستان ”تيانشان“ تەمىر جول، تاس جول كوپ ۇلگىدە بىرلەسىپ تاسىمالداۋ كەزەكشى پويەزى جۇرگىزىلىپ، شەكارا اتتاعان كوپ ۇلگىدەگى بىرلەسىپ تاسىمالداۋدىڭ ”ٴبىر تالون ٴتۇزىمىنىڭ“، ”ٴبىر كونتينەر ٴتۇزىمىنىڭ“ دامۋىن ىلگەرىلەتتى.
بيىل شينجياڭ حالىقارالىق قۇرلىقتىق پورت توبى ىلگەرىندى ـ كەيىندى ”شينجياڭ قۇرلىقتىق پورتى تيانشان“ ۋيشين شاعىن باعدارلاماسىن جانە ”شينجىگاڭ“ شينجياڭ حالىقارالىق قۇرلىقتىق پورت جالپىلىق قىزمەت وتەۋ، باسقارۋ جۇيەسى تۇعىرىن قۇرىپ ٴارى قولدانىسقا بەرىپ، قاريدارلار ٴۇشىن كەزەكشى پويەز بولمەسىنە تاپسىرىس بەرۋ، قاراجات تەكسەرۋ، ساۋدا ەسەبىن جابۋ سياقتىلار ٴبىر تۇلعالاندىرىلعان قىزمەت وتەۋ ازىرلەدى. ”تەمىر جولدا جىلدام وتكىزۋ“ ۇلگىسىن كەڭ كولەمدە جالپىلاستىردى، قازىر شينجياڭ ”تيانشان“ كەزەكشى پويەزى ”تەمىر جولدا جىلدام وتكىزۋ“ ۇلگىسىن قولدانىپ 13105 گرۋپپا پويەز جۇرگىزدى، بۇل سول مەزگىلدەگى پويەز جۇرگىزۋ مولشەرىنىڭ %88.77ىن يەلەدى.
