لي لي
شينجياڭ گازەتىنىڭ تىلشىسىمەن تانىس بولۋدان ىلگەرى، پارتيا گازەتى ماعان قۇزىرلى، وبيەكتيۆ، ۇستامدى، قاتاڭ بولىپ بىلىنەتىن. بىلەگى ۇزىلگەن ۇل بالانىڭ جاۋاپتى شيپاگەرى رەتىندە، وسى ٴىستىڭ جالپى بارىسىن حابارلاۋعا قاتىناسقاننان كەيىن بارىپ حالىقتىڭ وسى گازەتىنىڭ تۋادا بىتكەن مەيىرى مەن جاۋاپكەرشىلىك ارقالاۋىن شىنايى سەزىندىم.
2021 ـ جىلى ”1 ـ مامىر“ كەزىندە بىلەگى ۇزىلگەن ۇل بالانىڭ اڭگىمەسى ەندى عانا تۋىلعان ەدى. بالاعا 3 ساعاتتان استام ۋاقىت وپەراتسيا جاساعاننان كەيىن، مەن دوستار شەڭبەرىندە كۇن ـ ٴتۇن دەمەي شايقاس جاساعان قىزمەتتەستەرىمە العىسىمدى ٴبىلدىردىم. شينجياڭ گازەتىنىڭ ٴتىلشىسى سۋ لۋپيڭ بۇل ىستەن حاباردار بولعاننان كەيىن، سول مەزەتتە ـ اق مەنىمەن حابارلاستى، سونداي ـ اق تۇنگى ساعات بىردە مەنىڭ ۇيىمە كەلىپ تىلشىلىك ىستەدى. بۇرىن مەن شيپاگەردىڭ وپەراتسيا توسەگىندە اجالعا اراشاشى، جارالىعا مەدەت بولۋ ٴۇشىن ۋاقىتپەن جارىسىپ، شارشاۋدى بىلمەۋىن بۇلجىماس كاسىپتىك ٴمورال دەپ بىلەتىنمىن، سول ساتتە مەن اقپارات ٴتىلشىسىنىڭ دە شىندىقتىڭ جاي ـ جاپسارىنا ٴۇڭىلىپ، ەڭ باستاپقى ناق ينفورماتسياعا يە بولۋ ٴۇشىن بار كۇشىن سارقا جۇمساپ بىزبەن بىردەي قۇلشىنىپ جاتقاندىعىن كوردىم. سول كۇنگى سۇحبات اياقتاعاندا ساعات تاڭعى ساعات 3كە تاياعان ەدى.
وسى رەتكى حابارلاۋدا مەن مەديانىڭ قۋاتىن اڭعاردىم. ۇل بالا شياۋماي تۇتاس شينجياڭنىڭ، اۋەلى، بۇكىل ەل حالقىنىڭ نازارىن اۋداردى، كوپشىلىكتىڭ ىقىلاستى كومەگىندە ونى قۇتقارۋ، ەمدەۋ جانە ساۋىقتىرۋ بارىسى وتە ٴساتتى بولدى.
وسى رەتكى حابارلاۋدان ٴوز باسىم دا كوپتەگەن تابىسقا يە بولدىم. مەديانىڭ حابارلاۋى ارقىلى مەن تۇتاس ٴىس بارىسىندا ٴار ۇلت باۋىرلاستاردىڭ كۇش جالعاپ ادامدى قۇتقارعان اسەرلى مازمۇندارىن ەگجەي ـ تەگجەيلى ۇعىندىم. بۇل مەنىڭ ”ىنتىماق“ دەگەن ٴسوز جونىندەگى تۇسىنىگىمدى ونان ارى تەرەڭدەتتى: بالكىم، جايشىلىقتا ٴبىز سەزىنە الماۋىمىز مۇمكىن، ناعىز قيىنشىلىققا جولىققانىمىزدا ادامداردىڭ جۇرەگىنەن تەرەڭ ورىن العان سۇيىسپەنشىلىك پەن ىزگىلىك بىردەي قاۋلاپ، ايرىقشا كۇش ـ قۋات تانىتادى. وسى ىستەن كەيىن مەن قىزمەت بارىسىندا ٴتىپتى دە كوپ ناۋقاستىڭ سەنىمىنە يە بولدىم، مەن وزىمە، ٴسوز جوق، العىس سەزىمىن ۇنەمى كوكەيگە ۇيالاتىپ، شيپاگەرلىك جاۋاپكەرشىلىكتى ەستە بەرىك ساقتاۋىم كەرەك دەدىم.
بىلەگى ۇزىلگەن ۇل بالانىڭ ىسىنەن كەيىن، ”ۇزىلگەن بىلەكتى جالعاۋدىڭ 8 ساعاتتىق التىن قۇتقارۋ ۋاقىتىنان“ اناعۇرلىم كوپ ادام حاباردار بولدى. مەديالار حابار تاراتقاندا بىزگە كومەكتەسىپ ٴبىر رەتكى كەڭ ٴارى ىشكەرىلەگەن مەديتسينالىق بىلىمدەردى جالپىلاستىردى. سوڭعى 3 جىلدان بەرى، ٴبىز وسى تەكتەس اۋرۋلاردى كوپتەپ ەمدەدىك، ادامداردىڭ ٴبارى ”قۇتقارۋدىڭ التىن ۋاقىتى“ دەگەن ۇعىمدى ٴبىلدى، قانشا ەرتە جەتكىزسە، وپەراتسيانىڭ ٴساتتى بولۋ سالىستىرماسى دا سونشا جوعارى بولاتىنىن ۇعىندى. قازىر مەن دە قىسقا بەينەجازبا تۇعىرىندا مەديتسينالىق بىلىمدەرمەن وي ٴبولىسىپ، شيپاگەرلىك بىلىمدەردى جالپىلاستىرىپ، 10 مىڭنان استام جانكۇيەر جينادىم.
وسى بىرنەشە جىلدا مەن جانە بولىمدەگى قىزمەتتەستەرىم حوتانعا ىسساپارمەن بارعانىمىزدا، شياۋمايدىڭ ۇيىنە بارىپ ونىڭ ساۋىعۋ جاعدايىن كورىپ تۇردىق. بيىل مەنىڭ اتىممەن اتالعان ماماندار قىزمەت كەڭسەسى حوتان قالاسىندا، سونداي ـ اق حوتان اۋدانىندا ىرگە تەپتى، شيپاحانامىز مەرزىم سايىن عىلمي اۋىس ـ كۇيىس جاساۋ جانە وپەراتسيا، تەگىن ەمدەۋ ارقىلى جەرگىلىكتى ورىننىڭ قول ـ اياقتىڭ ٴبىرشاما قاتەرلى، اۋىر جاراقات العاننان كەيىنگى كوپ پاندەردىڭ سەلبەسىپ، شۇعىل قۇتقارۋ دەڭگەيىن جوعارىلاتۋىن جەبەپ، وڭتۇستىك شينجياڭداعى اناعۇرلىم كوپ ناۋقاستىڭ ەسىك الدىندا ـ اق وپەراتسيا جاساتىپ جانە ەمدەلىپ، اۋىرتپالىعىن جەڭىلدەتۋىنە مۇمكىندىك جاسايمىز.
مەملەكەتپەن بىرگە العا باسىپ، داۋىرمەن بىرگە ساپارلاس بولامىز، مەنىڭ شينجياڭ گازەتىمەن اڭگىمەم ٴالى دە جالعاسۋدا. شينجياڭ گازەتى شىعا باستاعاندىعىنىڭ 75 جىلدىعى قارساڭىندا، مەن ونىڭ قاي ـ قاشان دا جالىنداعان جىگەرمەن ارمانعا قانات قاعۋىن تىلەيمىن!
(اۆتور شينجياڭ مەديتسينا داشۋەسى قاراستىلىعىنداعى 4 ـ شيپاحانا ＜اۆتونوميالى رايوندىق جۇڭ ـ ي شيپاحاناسى> سۇيەك اۋرۋلارى 5 ـ ٴبولىمىنىڭ ورىنباسار مەڭگەرۋشىسى)
