ەكونوميكالىق قىزمەت جونىندە پىكىر جانە ۇسىنىس الدى
جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ٴماجىلىسىن اشتى
شي جينپيڭ باسقاردى ٴارى ماڭىزدى ٴسوز سويلەدى
لي چياڭ قاتىستى جاعدايلاردان حابارلاندىردى، ۋاڭ حۋنيڭ، ساي چي، ديڭ شۋەشياڭ قاتىناستى
شينحۋا اگەنتتىگىنىڭ 12 ـ ايدىڭ 9 ـ كۇنى بەيجيڭنەن بەرگەن حابارى. 12 ـ ايدىڭ 6 ـ كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەر اڭگىمە ٴماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە ٴارقايسى دەموكراتيالىق پارتيا ـ توپتىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ٴماجىلىسىن باسقاردى ٴارى ماڭىزدى ٴسوز سويلەپ، بىلاي دەپ باسا دارىپتەدى: كەلەر جىل _ ”14 ـ بەسجىلدىق“ جوبانىڭ اياقتالاتىن جىلى، جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن قۇرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اناعۇرلىم بەلسەندى دە ٴونىمدى ماكرولىق ساياسات اتقارىپ، ەل ٴىشى سۇرانىسىن كەڭەيتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتىپ، تۇرعىن ٴۇي بازارىن، جارنا بازارىن ورنىقتىرىپ، ٴتۇيىندى سالالارداعى حاۋىپ ـ قاتەرلەردەن جانە سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭ كۇشتى قاۋلاتىپ، ەكونوميكانىڭ ٴۇرتىس قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپالى ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي چياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن بيىلعى ەكونوميكالىق قىزمەتكە قاتىستى جاعدايلاردان حابارلاندىرىپ، كەلەر جىلعى ەكونوميكالىق قىزمەتكە قاتىستى ويلاردى تانىستىردى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ٴتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ٴتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ٴتوراعاسى جياڭ زوجۇن، 3 ـ قىركۇيەك ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ٴتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى باۋ شينحى ىلگەرىندى ـ كەيىندى لەبىز ٴبىلدىردى. ولار جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەكونوميكالىق جاعداي جونىندەگى تالداۋىن، تۇجىرىمىن جانە كەلەر جىلعى ەكونوميكالىق قىزمەت جونىندەگى جوسپارىن، ويلارىن بۇكىلدەي قۇپتادى ٴارى جاڭاشا وندىرگىش كۇشتەردى جەدەل دامىتۋ، ماكرولىق رەتتەۋ ـ مەڭگەرۋ سەرپىنىن لايىقتى ارتتىرۋ، قازىنالىق قارجىنىڭ ونىمدىلىگىن جوعارىلاتۋ، عىلىم ـ تەحنيكادا جاڭالىق اشۋ ەكولوگياسى قۇرىلىسىن كۇشەيتۋ، ەنەرگيا تۇتىنۋدىڭ جاڭا ەكولوگياسىن تۇلعالاۋ، مەملەكەتتىك تاجىريبەحانا قۇرىلىسىن ىلگەرىلەتۋ، تىڭنان ارتقان شەبەرلىك دارىندىلارىنىڭ جۇمىستانۋىن جەبەۋ، حالىقتىق شارۋاشىلىقتىڭ اقاۋسىز دامۋىن جەبەۋ، ەكى جاعالاۋدىڭ توعىسپالى دامۋىن تەرەڭدەتۋ سياقتىلار جونىندە پىكىر جانە ۇسىنىس بەردى.
كوپشىلىكتىڭ ٴسوزىن مۇقيات تىڭداعاننان كەيىن، شي جينپيڭ مىنالاردى ٴبىلدىردى: كوپشىلىك بيىلعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىرىپ، كەلەر جىلعى ەكونوميكالىق قىزمەت جونىندە كوپتەگەن تاماشا ۇسىنىس ـ پىكىرلەردى العا قويدى. ٴبىز مۇقيات اقىلداسامىز، قابىلدايمىز.
شي جينپيڭ بىلاي دەپ اتاپ كورسەتتى: بيىل اناعۇرلىم قىم ـ قۋىت، كۇردەلى حالىقارالىق، ەل ٴىشى ورتاسىنا ٴدوپ كەلدىك، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قىسىمعا توتەپ بەرىپ، قيىندىقتاردى جەڭىپ، وزگەرىسكە بايىپتىلىقپەن توتەپ بەرىپ، كەشەندى شارا قولداندى، ەلىمىزدىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، ەكونوميكالىق، قوعامدىق دامۋداعى نەگىزگى نىسانا ـ مىندەتتەر ٴساتتى ورىندالۋ الدىندا تۇر، جۇڭگو ۇلگىسىندەگى وسىزامانداندىرۋدا جاڭادان نىق قادام تاستالدى.
شي جينپيڭ بىلاي دەپ باسا دارىپتەدى: بيىل جىل باسىنان بەرى، ٴارقايسى دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، ”جاڭاشا وندىرگىش كۇشتەردى دامىتۋ“، ”ەل ٴىشى ۇلكەن اينالىمىن ىركىلىسسىزدەندىرۋ“ ٴتۇيىندى تەكسەرۋىن، تەكسەرۋ ـ زەرتتەۋىن بەلسەنە ورىستەتىپ، چاڭجياڭنىڭ ەكولوگيالىق ورتاسىن قورعاۋدى دەموكراتيالىق جاقتان باقىلاۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتىنە ٴتۇرلى تەكسەرۋ ـ زەرتتەۋ باياندامالارىن، ۇسىنىس ـ پىكىرلەرىن جولداپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا، ٴونىمدى شارا اتقارۋىنا ماڭىزدى دايەك ازىرلەدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ بىلاي دەپ اتاپ كورسەتتى: كەلەر جىلعى ەكونوميكالىق قىزمەتتى ويداعىداي ىستەۋدە، ەڭ الدىمەن، ٴسوز جوق، ٴسوزسىز جەڭۋ سەنىمىن بەكەمدەۋ كەرەك. ەلىمىزدىڭ ەكونوميكالىق نەگىزى ورنىقتى، باسىمدىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋ سىندى تىرەكتىك شارت ـ جاعدايى مەن نەگىزگى بەتالىسى وزگەرگەن جوق. ٴبىز ستراتەگيالىق تاباندىلىقتى ساقتاپ، وزىمىزگە ٴتيىمدى سىرتقى ورتانى بەلسەنە سومداپ، ٴوز ىستەرىمىزدى بۇلجىماي ويداعىداي ىستەپ، ٴارقايسى جاقتاعى بەلسەندى فاكتورلاردى دامۋداعى ناقتى ناتيجەگە اينالدىرۋىمىز كەرەك.
شي جينپيڭ بىلاي دەپ باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋ بۇكىل پارتيانىڭ، بۇكىل قوعامنىڭ بىرگە قۇلشىنۋىن، قاجىرلىلىقپەن كۇرەس جاساۋىن قاجەت ەتەدى. كەزەكتە ەلىمىزدىڭ دامۋى كوپتەگەن ايقىنسىزدىقتارعا جانە سىن ـ سايىستارعا ٴدوپ كەلىپ وتىر، ٴسوز جوق، بارىنشا ٴمان بەرىپ، شىن مانىندە شەشۋىمىز كەرەك. قيىنشىلىق، سىن ـ سايىس جىل سايىن كەزدەسەدى، ايتسە دە ٴبىز ەجەلدەن بوران ـ شاشىندا سىننان ٴوتىپ دامىپ، سىناقتان ٴوتۋ بارىسىندا زورايىپ كەلەمىز. قىزمەت دايىندىعىن تولىق ويداعىداي ىستەپ، كەلەر جىلعى ەكونوميكالىق، قوعامدىق دامۋ نىساناسىن قاجىماي ـ تالماي قۇلشىنۋ ارقىلى جۇزەگە اسىرىپ، ىستەر دامۋىنىڭ جاڭا جاعدايىن اشۋىمىز كەرەك.
شي جينپيڭ ٴارقايسى دەموكراتيالىق پارتيا ـ توپتارعا، مەملەكەتتىك ساۋدا ـ ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ٴتۇرلى ٴۇمىت ارتتى. ٴبىرىنشى، ساياسي دەڭگەيدى جوعارىلاتىپ، پارتيا مەن ۇكىمەتتىڭ ەكونوميكالىق قىزمەتتى ويداعىداي ىستەۋىنە سايكەسۋ كەرەك. كەلەلى جاعداي تانىمىن، جالپى جاعداي كوزقاراسىن كۇشەيتىپ، سانالى تۇردە پارتيا مەن مەملەكەت قىزمەتىنىڭ جالپى جاعدايىندا ۇكىمەت ىسىنە ات سالىساتىن پارتيا رولىن تولىق ساۋلەلەندىرۋ كەرەك. بىرلىكساپتىڭ وزگەشە باسىمدىعىن ساۋلەلەندىرىپ، پارتيا مەن ۇكىمەتكە سايكەسىپ ساياساتتى ۇگىتتەپ، مەجەنى ورنىقتىرىپ، قايشىلىقتاردى شەشىپ، قالىڭ مۇشەلەر مەن بايلانىس ورناتقان بۇقارانى ەكونوميكالىق جاعدايعا، دامۋ اۋقىمىنا جاپپاي ديالەكتيكالىق تۇرعىدان قاراۋعا جەتەكتەپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك. ەكىنشى، دارىندىلار شوعىرلانۋ باسىمدىعىن ساۋلەلەندىرىپ، بەلسەندى تۇردە جۇڭگو كوممۋنيستىك پارتياسى ورتالىق كوميتەتىنىڭ شەشىم جاساۋىنا اقىل كورسەتۋ، كۇش سالۋ كەرەك. رەفورماعا، دامۋعا، ورنىقتىلىققا ساياتىن شەشۋشى ماسەلەلەردى ىشكەرىلەي زەرتتەپ، بولجامدىلىققا جانە مەڭگەرىمدىلىككە يە پىكىر ـ ۇسىنىستاردى العا قويۋ كەرەك. دەموكراتيالىق باقىلاۋدىڭ سيپاتىن، ورنىن ٴداپ باسىپ يگەرىپ، قىزمەتتەردى ٴبىر تۇتاس جوسپارلاۋدى، سايكەستىرۋدى كۇشەيتىپ، ٴتۇرلى مەملەكەت ستراتەگيالارىنىڭ اتقارىلۋىنا دەم بەرۋ كەرەك. ٴۇشىنشى، وزىندىك قۇرىلىستى كۇشەيتىپ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ قابىلەتىن ونان ارى كۇشەيتۋ كەرەك. باسشىلىق القاسى جانە قوسىن قۇرىلىسىن كۇشەيتىپ، قاتاڭ تالاپ قويىپ، قاتاڭ تەجەپ، قاتاڭ باقىلاپ، شىرىكتەسۋ ارەكەتتەرى بايقالسا قاتاڭ جازاعا تارتۋ كەرەك. نازاريامەن قارۋلانۋدى جانە ٴبىلىمدى جاڭالاۋدى كۇشەيتىپ، امالياتتىق شىنىعۋدى كۇشەيتىپ، مىندەت اتقارۋ شەبەرلىگىن جانە ۇكىمەت ىسىنە ارالاسۋ، ۇكىمەت ىسىنە كەڭەس بەرۋ دەڭگەيىن ۇزدىكسىز جوعارىلاتۋ كەرەك.
شى تايفىڭ، ليۋ گوجۇڭ، حى ليفىڭ، جاڭ گوچيڭ، ۋ جىڭلۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.
پارتيا سىرتىنداعى قايراتكەرلەردەن تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، ان ليجيا، تيان شۋان قاتارلىلار اڭگىمە ماجىلىسىنە قاتىناستى.
