اۆتونوميالى رايوندىق اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتىنىڭ 1 ـ رەتكى جالپى ٴماجىلىسى اشىلدى
كورىكتى شينجياڭ قۇرۋعا بەرىك حاۋىپسىزدىك قامتاماسىزدىعىن ازىرلەۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يۇنمەي 12 ـ ايدىڭ 9 ـ كۇنى ۇرىمجىدەن حابارلايدى. 12 ـ ايدىڭ 9 ـ كۇنى اۆتونوميالى رايوندىق اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتىنىڭ 1 ـ رەتكى جالپى ٴماجىلىسى اشىلدى. ٴماجىلىس باس شۋجي شي جينپيڭنىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىردى، اۆتونوميالى رايوندىق پارتكومنىڭ تالابى بويىنشا، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ونان ارى كۇشەيتۋدى اقىلداسىپ، قازىرگى جانە مۇنان بىلايعى ٴبىر مەزگىلدەگى ٴتۇيىندى مىندەتتەردى ورنالاستىردى، ەلەۋلى اپات حاۋىپ ـ قاتەرلەرىنەن بار كۇشپەن ساقتانىپ جانە ونى جويىپ، كورىكتى شينجياڭ قۇرۋعا بەرىك حاۋىپسىزدىك قامتاماسىزدىعىن ازىرلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى، اۆتونوميالى رايوندىق اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتىنىڭ مەڭگەرۋشىسى ەركىن تۇنياز ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، ەلەۋلى اپات حاۋىپ ـ قاتەرلەرىنەن كۇش سالا ساقتانىپ جانە ونى جويىپ، جاراتىلىستىق اپاتتان ساقتانۋ دەڭگەيىن ورنىقتى جوعارىلاتىپ، ەلەۋلى اپاتتارعا تابىستى توتەپ بەرىپ، حالىق بۇقاراسىنىڭ ٴومىرىنىڭ، مال ـ مۇلكىنىڭ حاۋىپسىزدىگىنە شىنايى كەپىلدىك ەتتى. الايدا مىنانى تولىق تانىپ جەتۋىمىز كەرەك: شينجياڭ _ بۇكىل ەل بويىنشا جاراتىلىستىق اپات ٴبىرشاما اۋىر ولكەلەردىڭ ٴبىرى، جاراتىلىستىق اپات جانە ٴوندىرىس حاۋىپسىزدىگى جاعدايى اۋەلگىدەي توتەنشە اۋىر. اۆتونوميالى رايوندىق پارتكومنىڭ، ۇكىمەتتىڭ قىزمەت ورنالاستىرۋى بويىنشا، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ويداعىداي ىستەۋ جاۋاپكەرشىلىك سەزىمىن جانە كوكەي تەستىلىك سەزىمىن ونان ارى كۇشەيتىپ، حاۋىپ ـ قاتەر تانىمىن، تومەنگى شەكتە ويلاۋدى بەرىك ورناتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ ٴتۇزىلىس مەحانيزمى رەفورماسىن تەرەڭدەتىپ، جاراتىلىستىق اپاتتان ساقتانۋ، جونگە سالۋ ٴتۇيىندى ينجەنەرياسىن اتقارۋدى ىلگەرىلەتىپ، نەگىزگى ساتىنىڭ نەگىزىن كۇش سالا بەكەمدەپ، جاراتىلىستىق اپاتتان ساقتانۋ، جونگە سالۋ جۇيەسىن جانە قابىلەتىن وسىزامانداندىرۋ قۇرىلىسىن جەدەل ىلگەرىلەتۋ كەرەك.
ٴماجىلىس مىنالاردى باسا دارىپتەدى: اپاتتان ساقتانۋ، اپات زيانىن ازايتۋ، اپاتتان قۇتقارۋ ٴتۇزىلىس ـ مەحانيزمىن ۇزدىكسىز اقاۋسىزداندىرىپ، جاراتىلىستىق اپاتتان ساقتانۋ جانە ونى تىزگىندەۋ ۇقىعى مەن جاۋاپكەرشىلىگىنىڭ شەكاراسىن ايقىنداپ، عىلمي، جوعارى ٴونىمدى كەڭەسۋ، سايكەستىرۋ مەحانيزمىن ورناتىپ جانە اقاۋسىزداندىرىپ، باستاماشىلدىقپەن جالپى قىزمەتتى يگەرۋ، ٴبىر تۇتاس جوسپارلاپ سايكەستىرۋ رولىن ويداعىداي ساۋلەلەندىرۋ كەرەك. جاراتىلىستىق اپاتتى باقىلاۋ، ولشەۋ، الدىن الا ساقتاندىرۋ جۇيەسى قۇرىلىسىن ورنىقتى ىلگەرىلەتىپ، جاراتىلىستىق اپاتتان ساقتانۋ دەڭگەيىن كۇش سالا جوعارىلاتىپ، وتكەلدى الدىعا جىلجىتۋعا تاباندى بولىپ، قاينارىنان جونگە سالۋدى كۇشەيتۋ كەرەك. شۇعىل جاعدايعا توتەپ بەرۋدى، قۇتقارۋ ـ كومەكتەسۋدە قامتاماسىز ەتۋ قابىلەتىن جاپپاي جوعارىلاتىپ، شۇعىل جاعدايعا توتەپ بەرۋ، قۇتقارۋ ـ كومەكتەسۋ كۇشىن قۇرىپ كۇشەيتىپ، ٴتۇرلى قۇتقارۋ ـ كومەكتەسۋ دايىندىقتارىن تىڭعىلىقتى ويداعىداي ىستەۋ كەرەك. «”14 ـ بەسجىلدىق“ الەۋمەتتىك حاۋىپسىزدىك جانە اپاتتان ساقتانۋ، اپات زيانىن ازايتۋ بويىنشا عىلىم ـ تەحنيكادا جاڭالىق اشۋ ارناۋلى جوباسىن» جەدەل ۇيىمداستىرىپ، اتقارىپ، كاسىپتىك دارىندىلاردى باۋلۋ جۇيەسىن كەمەلدەندىرىپ، نەگىزگى ساتىنىڭ قابىلەتىن جوعارىلاتۋ ينجەنەرياسىن زور كۇشپەن اتقارىپ، عىلىم جالپىلاستىرۋ ۇگىت ـ تاربيە قيمىلىن ۇيىمداستىرىپ، ورىستەتىپ، اپاتتان ساقتانۋ، اپات زيانىن ازايتۋ بىلىمدەرىنىڭ كاسىپورىندارعا، اۋىل ـ قىستاقتارعا، الەۋمەتتىك اۋماقتارعا، مەكتەپتەرگە، وتباسىلارىنا جەتكىزىلۋىن ىلگەرىلەتىپ، اپاتتان ساقتانۋدىڭ، اپات زيانىن ازايتۋدىڭ حالىقتىق ساقتىق سىزىعىن بەكەمدەۋ كەرەك.
ٴماجىلىس مىنالاردى تالاپ ەتتى: پارتيانىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىنە ٴبىر تۇتاس باسشىلىعىنا تاباندى بولىپ، ۇدايىلانعان شۇعىل جاعدايعا توتەپ بەرۋدى باسقارۋ باسشىلىق ٴتۇزىلىسىن ورناتۋ جانە اقاۋسىزداندىرۋ كەرەك. جەر ـ جەر، تاراۋلار ”پارتكوم مەن ۇكىمەت تەڭ جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك وتەۋگە“ تاباندى بولىپ، ”ٴۇش باسقارۋ، ٴۇش ٴسوزسىز“ تالابىن قاتاڭ تياناقتاندىرىپ، ساقتانۋ ـ تىزگىندەۋ جاۋاپكەرشىلىگىن قاتايتىپ، ناقتىلاندىرىپ، اپات حاۋىپ ـ قاتەرلەرى كومەسكى كىناراتتارىن ٴبىر ـ بىردەن تەكسەرۋدى، جونگە سالۋدى ۇزدىكسىز تەرەڭدەتۋ كەرەك. ٴتۇرلى قىزمەتتەردى جاڭالىق اشا ىلگەرىلەتىپ، جوعارى دەڭگەيدە جوبالاۋ مەن نەگىزگى ساتىدا ىزدەنىس جاساۋدى اناعۇرلىم ويداعىداي ۇشتاستىرىپ، عىلىم ـ تەحنيكادا جاڭالىق اشۋدى جەتەكشىلىك جانە تىرەك ەتكەن شۇعىل جاعدايعا توتەپ بەرۋ، باسقارۋ جاڭا ۇلگىسىن قالىپتاستىرىپ، رايونىمىزدىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن، دەڭگەيىن ۇزدىكسىز جوعارىلاتۋ كەرەك.
ٴماجىلىس اۆتونوميالى رايوندىق اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتىنىڭ قىزمەت ەرەجەسىن، كەڭسە قىزمەتى ەگجەي ـ تەگجەيلى ەرەجەسىن، جاراتىلىستىق اپاتتان ساقتانۋ جاۋاپكەرشىلىگى بەلگىلەمەسىن جانە قۇتقارۋ، كومەك بەرۋ بويىنشا شۇعىل جاعدايعا توتەپ بەرۋ جوباسىن قارادى.
ٴيۇسۇپجان مامەت ٴماجىلىستى باسقاردى ٴارى تۇتاس رايوننىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى جاعدايىنان حابارلاندىردى. سۋ يۇڭ، حۋ كايجياڭ قاتارلىلار ماجىلىسكە قاتىناستى.
