— شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگونىڭ ەكونوميكا كەمەسىن مەڭگەرىپ تولقىن جارا العا ىلگەرىلەۋدە
شينحۋا اگەنتتىگىنىڭ تىلشىلەرى
ۋاقىت 2024 ـ جىلدىڭ سوڭىنا تاياعاندا، جۇڭگونىڭ ەكونوميكا كەمەسى جاڭا شەشۋشى كەزەڭگە ٴوتتى _
ٴبىرىنشى ماۋسىمدا تاماشا باستامانى جۇزەگە اسىرعاننان ەكىنشى، ٴۇشىنشى ماۋسىمدا قۇلدىراۋ قىسىمى ارتقانعا دەيىن، ونان ٴتورتىنشى ماۋسىمدا قايتا ورلەۋ اۋقىمى كۇشەيگەنگە دەيىن بيىل جۇڭگونىڭ ەكونوميكالىق اينالىمىندا تولقۋ بولعانىمەن، جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەپ، قايتا ورلەۋ، جاقسارۋ جاعدايى ۇزدىكسىز كورنەكتىلەندى.
العا باسۋ جولى استە داڭعىل جول ەمەس. سىرتقى ورتاعا نازار سالساق، حالىقارالىق ورتا ٴتىپتى دە قاتاڭ دا كۇردەلى، دۇنيە ٴجۇزى ەكونوميكاسىنىڭ ارتۋ قوزعالىس قۋاتى جەتكىلىكسىز، ٴىشىنارا ەلدەردىڭ ەلىمىزدى شاۋجايلاۋ، قىسىم ٴتۇسىرۋ ارەكەتتەرى ۇزدىكسىز كوبەيدى. ىشكى جاققا نازار سالساق، ەل ىشىندەگى ٴونىمدى سۇرانىس جەتكىلىكسىز، ەكونوميكالىق اينالىمدا جىكتەلۋ جارىققا شىقتى، ٴتۇيىندى سالالارداعى حاۋىپ ـ قاتەر، كومەسكى كىناراتتار ٴالى دە ٴبىرشاما كوپ، جاڭا، كونە قوزعالىس قۋاتىنىڭ اۋىسۋىندا تولعاقتى تۇيىندەر ورىن تەۋىپ وتىر.
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ماجىلىسىندە مىنالار اتاپ كورسەتىلدى: ”قيىنشىلىققا دۇرىس قاراپ، سەنىمدى بەكەمدەپ، ەكونوميكالىق قىزمەتتى ويداعىداي ىستەۋ جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتۋ كەرەك“.
قازىر جۇڭگو تيپ جاڭالاپ، دارەجەسىن جوعارىلاتۋ اياق الىسىن جەدەلدەتىپ، جوعارى ساپالى دامۋدى قۇلشىنا ىلگەرىلەتۋدىڭ شەشۋشى كەزەڭىندە تۇر، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە تۇر.
شەشۋشى كەزەڭدە شەشۋشى تالعام جاساۋ قاجەت. ٴتۇرلى حاۋىپ ـ قاتەر، سىن ـ سايىستاردان جانە ايقىنسىزدىقتان تايسالماي، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ٴبىر تۇتاس مەڭگەرىپ، باتىلدىقپەن جاۋاپكەرشىلىك ارقالاپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قامال الىپ قيىندىقتاردى جەڭىپ، قايراتتانا كۇرەس جۇرگىزىپ، جۇڭگو ەكونوميكاسى سىندى الىپ كەمەنى مەڭگەرىپ، بوران ـ شاشىننان قورىقپاي، تولقىن جارا العا ىلگەرىلەدى.
(1)”تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن قۇلشىنا جۇزەگە اسىرۋ كەرەك“
10 ـ ايدىڭ 29 ـ كۇنى، بەيجيڭ، جۇڭگو كوممۋنيستىك پارتياسى ورتالىق كوميتەتى پارتيا مەكتەبى (مەملەكەتتىك اكىمشىلىك شۋەيۋانى). ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسى وسى ارادا وقۋ باستادى.
باس شۋجي شي جينپيڭ وقۋ باستاۋ سالتىندا بىلاي دەپ ايرىقشا باسا دارىپتەدى: ”سوڭعى 2 ايداعى قىزمەتتەردى شىنايى ويداعىداي يگەرىپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن قۇلشىنا جۇزەگە اسىرۋ كەرەك“.
بيىلعى ەكونوميكالىق، قوعامدىق دامۋ نىسانا ـ مىندەتتەرىن جۇزەگە اسىرۋ كەزەكتەگى ەكونوميكالىق، قوعامدىق دامۋدىڭ كەلەلى جاعدايىنا سايادى، كەلەر جىلعى ”14 ـ بەسجىلدىق“ جوبانىڭ ٴساتتى اياقتاۋىنا سايادى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جالپى جاعدايىنا سايادى.
نىساناعا قاراي بار كۇشىن سالدى.
ەلىمىزدىڭ دامۋى ٴدوپ كەلىپ وتىرعان كۇردەلىلىك، سىن ـ سايىس، قاتاڭدىق كوپ جىلدان بەرى بولىپ كورگەن ەمەس.
تولقىن قانشا اساۋ بولعان سايىن، جول باستاپ، رول ۇستاۋشىنىڭ باتىلدىعى مەن تاباندىلىعىن سونشا ايگىلەيدى.
ىشكەرىلەي تالداۋ جاساپ، دالمە ـ ٴدال تۇجىرىمداپ، عىلمي شەشىم جاسادى... كەزەكتەگى ەكونوميكالىق اينالىمدا جارىققا شىققان جاڭا جاعداي، جاڭا ماسەلەلەرگە مەڭزەس، باس شۋجي شي جينپيڭ ٴبىر قىدىرۋ ماڭىزدى ماجىلىستەردى باسقارىپ اشىپ، ٴبىر قىدىرۋ ايقىن تالاپتاردى العا قويىپ، ٴبىر قىدىرۋ كەلەلى شارالاردى ورنالاستىردى.
ٴبىرىنشى شەپتە تەكسەرۋ ـ زەرتتەۋ جۇرگىزىپ، مۇڭ ـ مۇقتاجدى سەزىندى. ەل ىشىندە قىزمەت تەكسەرۋدەن شەتەلدە ساپاردا بولۋعا دەيىن باس شۋجي شي جينپيڭ دۇنيە ٴجۇزى ەكونوميكاسىنىڭ دامۋ اۋقىمىن تەرەڭ اڭعارىپ، جۇڭگو ەكونوميكاسىنىڭ تىنىسىن تەرەڭ سەزىنىپ، جۇڭگو ەكونوميكاسى تۇرعان ٴداۋىر كوورديناتاسىن اناعۇرلىم دۇرىس تۇراقتاندىرىپ، جۇڭگو ەكونوميكاسى كەمەسىنىڭ العا باسۋ جولىن اناعۇرلىم دالمە ـ ٴدال رەتتەدى.
9 ـ ايدىڭ 26 ـ كۇنى، بەيجيڭ جۇڭنانحاي. باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ٴماجىلىسىن باسقارىپ اشتى.
ەكىنشى ماۋسىمنان بەرى، اسىرەسە، ٴۇشىنشى ماۋسىمعا قادام تاستاعاننان كەيىن، نەگىزگى ەكونوميكالىق كورسەتكىشتەردىڭ ارتۋ قارقىنى تومەندەپ، جارنا بازارى، ٴۇي بازارى قىسىمعا ۇشىراپ، ٴىشىنارا قارجى قوسۋشىلاردىڭ سەنىمى جەتەرسىز بولىپ، بازار مەجەسى السىرەپ، ەل ٴىشى ـ سىرتىندا الاڭداۋشىلىق نىسايى كۇشەيە ٴتۇستى.
بۇل شەشۋشى كەزەڭدە، شەشۋشى ساتتە اشىلعان ٴبىر رەتكى توتەنشە ماڭىزدى ٴماجىلىس، پارتيا ورتالىق كوميتەتىنىڭ ەكونوميكالىق قىزمەت جونىندەگى ماڭىزدى جەتەكشىلىگى تىرەكتىك، تەڭگەرگىشتىك رولىن ايگىلەدى.
”بار ساياساتتاردى ٴونىمدى تياناقتاندىرۋ، تىڭنان قوسىلاتىن ساياساتتاردى كۇش سالا العا قويۋ“، ”قازىنا، اقشا ساياساتىنىڭ كەرى پەريودتىق رەتتەۋ سەرپىنىن ارتتىرۋ“، ”قورا ـ جاي بازارىنىڭ قۇلدىراۋىن توقتاتۋ، ورنىقتى قالپىنا كەلۋىن جەبەۋ“، ”كاپيتال بازارىن كۇش سالا سەرپىلتۋ“، ”كاسىپورىنداردىڭ قيىن وتكەلدەن وتۋىنە كومەكتەسىپ، كاسىپورىندارعا ساياتىن زاڭ اتقارۋ، باقىلاۋ ـ باسقارۋ ارەكەتتەرىن اناعۇرلىم ارناعا ٴتۇسىرۋ“... ٴماجىلىس ەكونوميكالىق دامۋدىڭ كەلەلى جاعدايىن ورنىقتىرۋدىڭ، ۇزاق ۋاقىت جاقسارۋ اۋقىمىن جالعاستىرۋدىڭ كۇشتى سيگنالىن تاراتتى.
وسى رەتكى ٴماجىلىستىڭ الدى ـ ارتىندا مەملەكەتتىك دامۋ جانە رەفورما كوميتەتى، قازىنا مينيسترلىگى، تۇرعىن ٴۇي جانە قالا، اۋىل قۇرىلىسى مينيسترلىگى، جۇڭگو حالىق بانكەسى، مەملەكەتتىك بازار باقىلاۋ ـ باسقارۋ باس مەكەمەسى، مەملەكەتتىك فينانستى باقىلاۋ ـ باسقارۋ باس مەكەمەسى، جۇڭگو اكتسيا باقىلاۋ ـ باسقارۋ كوميتەتى سياقتى تاراۋلار ٴبىر قىدىرۋ تىڭنان قوسىلاتىن ساياساتتى شوعىرلى جاريالادى.
11 ـ ايدىڭ 8 ـ كۇنى، بەيجيڭ حالىق سارايى. 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12 ـ ٴماجىلىسى داۋىسقا سالۋ ارقىلى قاۋلى ماقۇلداپ، جەرگىلىكتى ۇكىمەتتەردىڭ قارىزىن ىركىندى كومەسكى قارىزعا شەكتى سومادا اۋىستىرۋعا 6 تريلليون يۋان قوسۋدى بەكىتتى.
سونىمەن بىرگە 2024 ـ جىلدان باستاپ ەلىمىز ٴۇرتىس 5 جىل ٴار جىلى جاڭادان ارتقان جەرگىلىكتى ۇكىمەتتەردىڭ ارناۋلى زايومىنان 800 ميلليارد يۋان قارجى ورنالاستىرىپ، ۇكىمەتتىك قوردىڭ قازىنا قۋاتىن تولىقتاپ، قارىز قايتارۋعا ارناۋلى جۇمسايدى، جيىنى 4 تريلليون يۋان كومەسكى قارىزدى اۋىستىرۋعا بولادى. 2029 ـ جىلى جانە ودان كەيىنگى جىلداردا مەرزىمى تولعان لاشىقتى اۋماقتاردى جاڭالاۋداعى 2 تريلليون يۋان كومەسكى قارىز ٴالى دە بۇرىنعى توقتام بويىنشا قايتارىلادى، الدىن الا قايتارۋدىڭ قاجەتى جوق.
بۇل ساياسات ”دەر كەزىندە جاۋعان جاڭبىر“ بولىپ، جەرگىلىكتى ورىننىڭ قارىز قايتارۋ قىسىمىن بارىنشا جەڭىلدەتىپ، جەر ـ جەردىڭ اناعۇرلىم كوپ بايلىقتى ەكونوميكانى دامىتۋىنا، جۇمساۋىنا مۇمكىندىك جاساپ شارۋاشىلىق تۇلعالارىنىڭ سەنىمىن ارتتىرادى.
بيىلعى مەملەكەتتىك ەكى ماجىلىستە باس شۋجي شي جينپيڭ بىلاي دەپ باسا دارىپتەدى: بارلىق ٴتيىمدى ورايدى مىقتى يگەرىپ، بارلىق ٴتيىمدى شارت ـ جاعدايدان پايدالانىپ، ٴداپ باسىپ تۇراقتاندىرعاندارىن جەدەل ىستەپ، ٴار جاقتىڭ كۇش ـ قايراتىن تاسقىنداتۋ كەرەك.
ەكونوميكالىق قىزمەتتى ويداعىداي ىستەۋدىڭ تەتىگى شىنايى يگەرىپ، ناقتى ىستەۋدە.
بيىل 5 ـ ايدىڭ 22 ـ كۇنى باس شۋجي شي جينپيڭ شاندۇڭنىڭ رىجاۋىندا قىزمەت تەكسەرگەندە بىلاي دەپ باسا دارىپتەدى: ”بۇقارانىڭ باقىتتى تۇرمىسى ەڭبەكپەن كەلەدى. ناقتى ىستەۋ ارقىلى كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرىپ، حالىق بۇقاراسىنىڭ تۇرمىسىن بارعان سايىن جاقسارتۋىمىز كەرەك“.
جەر ـ جەرگە بارىپ قىزمەت تەكسەرىپ، ورنالاستىرۋ جاساپ، جۇڭگو ۇلگىسىندەگى وسىزامانداندىرۋدىڭ جەرگىلىكتى ورىن تاراۋلارىن جازىپ، ەكونوميكالىق ٴىرى ولكەلەردىڭ ٴوڭىردىڭ، ٴتىپتى، بۇكىل ەلدىڭ دامۋىنا ىقپال جاساۋ، جەتەكشىلىك ەتۋ قۋاتىن اناعۇرلىم ويداعىداي ساۋلەلەندىرۋدى باسا دارىپتەپ، قاتىستى ولكەلەردىڭ بۇكىل ەلدىڭ ٴبىر تۇتاس ٴىرى بازار قۇرىلىسىمەن جاپپاي توعىسۋىن، وڭىرلىك سايكەستى دامۋ ستراتەگياسىمەن ىشكەرىلەي ٴتۇيىلىسۋىن ايقىندادى؛
ٴبىر قىدىرۋ ماڭىزدى ماجىلىستەردى باسقارىپ اشىپ، ورتالىق پەن مەملەكەت ورگاندارىنداعى تاراۋلاردىڭ، ٴارقايسى ولكە دارەجەلى پارتكومدار مەن ۇكىمەتتەردىڭ قىزمەتتەردى ورنالاستىرعاندا شىندىقتى ٴىس جۇزىنەن ىزدەۋى، ولكەدەن تومەن ٴار دارەجەلى پارتكومداردىڭ تۇلعالىق جاۋاپكەرشىلىكتى ويداعىداي اتقارۋى، فورماشىلدىق، تورەشىلدىك كورنەكتى ماسەلەلەرىن كۇش سالا وڭاۋى، ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ باقىلاۋدى اتقارۋدى كۇشەيتۋى كەرەكتىگىن تالاپ ەتتى...
باس شۋجي شي جينپيڭنىڭ ماڭىزدى نۇسقاۋى ٴار جاقتىڭ ەكونوميكانىڭ دامۋىن ىلگەرىلەتۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ٴبىر نيەتپەن ىنتىماقتاسىپ، قاجىرلىلىقپەن ىستەۋ، تىڭعىلىقتى ىستەۋ بەكىمى مەن سەنىمىن ۇيىستىردى.
پارتيا ورتالىق كوميتەتىنىڭ پارمەندى باسشىلىعىندا، حالىق شارۋاشىلىعىنىڭ اينالىمى جالپى جاقتان ورنىقتىلىق بارىسىندا ىلگەرىلەۋ سىندى دامۋ جاعدايىن ساقتاپ، ٴار جاق تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن جۇزەگە اسىرۋ سەنىمىن ونان ارى كۇشەيتتى.
12 ـ ايدىڭ 9 ـ كۇنى، بەيجيڭ. باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ٴماجىلىسىن باسقارىپ اشتى.
بيىل جىل باسىنان بەرگى ەكونوميكالىق قىزمەتتەردى ەسكە الىپ، ٴماجىلىس بىلاي دەپ قارادى: ”ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى، ەلىمىزدىڭ ەكونوميكالىق قۋاتى، عىلىم ـ تەحنيكالىق قۋاتى، جالپىلىق مەملەكەت قۋاتى ۇزدىكسىز كۇشەيدى. جاڭاشا وندىرگىش كۇش ورنىقتى دامىپ، رەفورما جاساۋ، ەسىك اشۋ ۇزدىكسىز تەرەڭدەدى، ٴتۇيىندى سالالارداعى حاۋىپ ـ قاتەردى جويۋ ٴتارتىپتى، ٴونىمدى بولدى، حالىق تۇرمىسىن قامتاماسىز ەتۋ تىڭعىلىقتى، پارمەندى بولدى، تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرى تابىسپەن ورىندالۋ الدىندا تۇر“.
(2)”جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ كەرەك“
10 ميلليون اۆتوكولىك! 11 ـ ايدىڭ 14 ـ كۇنى جۇڭگونىڭ جاڭا ەنەرگيالى اۆتوكولىكتەرىنىڭ جىلدىق ٴونىم مولشەرى جاڭا رەكورد جاراتتى.
نەبارى 6 جىلدا بۇل سان ٴبىر ميلليوننان 10 ميلليونعا كوبەيىپ، جۇڭگونىڭ جاڭالىق اشۋ ارقىلى دامۋعا دەم بەرۋگە تاباندى بولۋىنىڭ جاندى تۇسىندىرمەسىنە اينالدى.
”جاڭاشا وندىرگىش كۇش“ _ باس شۋجي شي جينپيڭ قايتا ـ قايتا تىلگە العان وسى جوعارى جيىلىكتەگى ٴسوز _ جۇڭگو ەكونوميكاسىنىڭ جوعارى ساپالى دامۋىنداعى كىندىك ٴسوز، بولاشاقتىڭ تياناعى، اۋقىم بەتالىسى، سونداي ـ اق قازىرگى جاعدايدىڭ قاجەتى، دامۋدىڭ كوكەي تەستىلىگى.
جاڭا جىل باستالىسىمەن، جۇڭگو كوممۋنيستىك پارتياسى ورتالىق كوميتەتى ساياسي بيۋروسى جوعارى ساپالى دامۋدى تىڭعىلىقتى ىلگەرىلەتۋ جونىندە 11 ـ رەتكى توپتىق ۇيرەنۋ وتكىزدى. ”ەرەكشەلىگى _ جاڭالىق اشۋ، تەتىگى ساپالىلىعىندا، ٴمانى _ وزىق وندىرگىش كۇش“، باس شۋجي شي جينپيڭ تەرەڭ ستراتەگيالىق كورەگەندىكپەن جانە وسكەلەڭ نازاريالىق سانالىلىقپەن جاڭاشا وندىرگىش كۇش دەگەن نە، جاڭاشا وندىرگىش كۇشتى قالاي دامىتۋ كەرەك دەگەنگە تەرەڭ جاۋاپ بەردى.
6 ـ ايدىڭ 25 ـ كۇنى ساعات 14تەن 7 مينۋت وتكەندە، چاڭى ـ 6 مىندەتى ادامزاتتىڭ تۇڭعىش رەت اي شارىنىڭ ارعى بەتىنەن ۇلگى الىپ قايتۋى سىندى كەرەمەتتى جۇزەگە اسىرىپ، كوپتەگەن شەشۋشى تەحنيكادان قامال الىپ، ادامزاتتىڭ الەم كەڭىستىگىن زەرتتەۋ تاريحىندا بوياۋى قانىق ٴىز قالدىردى.
وسىدان ٴبىر كۇن بۇرىن باس شۋجي شي جينپيڭ مەملەكەتتىك عىلىم ـ تەحنيكا جينالىسىنا، مەملەكەتتىك عىلىم ـ تەحنيكا سيلىعىن بەرۋ جينالىسىنا، ەكى اكادەميانىڭ اكادەميكتەر جينالىسىنا قاتىناسىپ، بىلاي دەپ باسا دارىپتەدى: 2035 ـ جىلى عىلىم ـ تەحنيكادا قۋاتتى ەل قۇرۋ ستراتەگيالىق نىساناسىن كوزدەپ، جوعارى دەڭگەيدە جوبالاۋ مەن ٴبىر تۇتاس جوسپارلاۋدى كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك.
”جۇڭگو ۇلگىسىندەگى وسىزامانداندىرۋدى ىلگەرىلەتۋدە عىلىم ـ تەحنيكا الدا ٴجۇرۋى كەرەك“. باس شۋجي شي جينپيڭ وسىلاي دەپ ايقىن نۇسقاۋ بەردى.
دۇنيە جۇزىلىك ٴبىلىم مەنشىك ۇقىعى ۇيىمى جاريالاعان 2024 ـ جىلعى الەمدىك جاڭالىق اشۋ كورسەتكىشىندە كورسەتىلۋىنشە، جۇڭگونىڭ الەمدىك جاڭالىق اشۋ قۋاتى بىلتىرعىدان ٴبىر ورىن جوعارىلاپ 11 ـ ورىنعا شىعىپ، 10 جىلدا 18 ورىن كوتەرىلگەن، كوتەرىلۋى ەڭ تەز ەكونوميكالىق تۇلعالاردىڭ ٴبىرى.
”جاڭاشا وندىرگىش كۇشتەردى دامىتۋ ٴداستۇرلى كاسىپ سالاسىن ەلەۋسىز قالدىرۋ، ودان باز كەشۋ ەمەس، دۇرمەككە ىلەسۋدەن، جەلكەۋەكتەنۋدەن ساقتانۋ ٴارى ٴبىر تۇردەگى ۇلگىمەن عانا جۇرگىزبەۋ كەرەك“.
بيىلعى مەملەكەتتىك ەكى ماجىلىستە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: جوعارى ساپالى دامۋ سىندى وسى ماڭداي الدى مىندەتتى مىقتاپ يگەرىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ كەرەك.
باس شۋجي شي جينپيڭ بىلاي دەپ اتاپ كورسەتتى: ”ٴبىز، ٴسوز جوق، ورايدى مىقتى يگەرىپ، جاڭالىق اشۋ سەرپىنىن ارتتىرىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالاسىن الدىن الا ورنالاستىرىپ، قۇرىپ، وسىزاماندانعان كاسىپ سالاسى جۇيەسىن كەمەلدەندىرۋىمىز كەرەك“، ”جاڭا تەحنيكالار ارقىلى ٴداستۇرلى كاسىپ سالالارىن جاڭالاپ جانە دەڭگەيىن جوعارىلاتىپ، كاسىپ سالاسىنىڭ جوعارى دەڭگەيلى، زەردەلى، جاسىل بولۋىن بەلسەنە جەبەۋ كەرەك“.
10 ـ ايدىڭ 18 ـ كۇنى، جۇڭگو بايلىق اينالىم توبى شەكتى سەرىكتەستىگى قۇرىلدى.
باس شۋجي شي جينپيڭ بىلاي دەپ ماڭىزدى نۇسقاۋ بەردى: جۇڭگو بايلىق اينالىم توبى شەكتى سەرىكتەستىگىن قۇرۋ _ پارتيا ورتالىق كوميتەتىنىڭ جاسىل، تومەن كومىر قىشقىل گازدى، اينالمالى داميتىن شارۋاشىلىق جۇيەسىن اقاۋسىزداندىرىپ، كورىكتى جۇڭگو قۇرىلىسىن جاپپاي ىلگەرىلەتۋدى كوزدەي وتىرىپ جاساعان ماڭىزدى شەشىمى، ورنالاستىرۋى.
جاسىل دامۋ _ جوعارى ساپالى دامۋدىڭ ٴتۇپ بوياۋى، جاڭاشا وندىرگىش كۇشتىڭ ٴوز باسى دا جاسىل وندىرگىش كۇش.
ۇزاق ۋاقىت ۇلەس قوسۋ سىندى ناتيجە كوزقاراسىنا تاباندى بولىپ، ٴبىر تۇتاس جۇيە بويىنشا جوبالاۋ سىندى جالپى جاعداي كوزقاراسىن ۇستانعان باس شۋجي شي جينپيڭ باستان ـ اياق ادام مەن تابيعاتتىڭ جاراسىمدى قاتار ٴومىر ٴسۇرۋى تۇرعىسىنان جاسىل دامۋدى جوسپارلادى:
ورتالىقتىڭ رەفورمانى جاپپاي تەرەڭدەتۋ كوميتەتىنىڭ ماجىلىسىندە ”جاسىل دامۋ ۇستانىمىن ەكونوميكالىق، قوعامدىق دامۋدىڭ جالپى بارىسىنا، ٴار جاعىنا ٴسىڭىرۋ كەرەك“ دەپ باسا دارىپتەدى؛
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىندە ”ٴبىز جاعدايعا قاراي ىستەپ، قولايلى جاعدايدان ۇتىمدى پايدالانىپ، ەلىمىزدىڭ جاڭا ەنەرگيا جاعىنداعى جوعارى ساپالى دامۋىن اناعۇرلىم زور سەرپىنمەن ىلگەرىلەتۋىمىز كەرەك“ دەپ باسا دارىپتەدى؛
حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىن جاپپاي ىلگەرىلەتۋ جونىندەگى اڭگىمە ٴماجىلىسىن باسقارىپ اشقاندا ”جاسىل، تومەن كومىر قىشقىل گازدى دامۋدى قولدايتىن قازىنا، سالىق، فينانس، قارجى قوسۋ، باعا ساياساتى مەن ولشەم جۇيەسىن اتقارۋ كەرەك“ دەپ باسا دارىپتەدى.
10 ـ ايدىڭ 17 ـ كۇنى باس شۋجي شي جينپيڭ انحۇيدا قىزمەت تەكسەرگەن كەزدە حىفي بينحۋ عىلىم قالاشىعىنا كەلىپ، جۋىق جىلداردان بەرگى انحۇي ولكەسىنىڭ كەلەلى عىلىم ـ تەحنيكادا جاڭالىق اشۋ جەتىستىكتەرىن كوردى.
باس شۋجي شي جينپيڭ كوپشىلىككە بىلاي دەدى: ”پارتيا ورتالىق كوميتەتى عىلىم ـ تەحنيكا دارىندىلارىنا ايرىقشا ٴمان بەرەدى جانە ولاردى قاستەرلەيدى. ’ومىردە قانشا رەت شايقاس ورايى كەلەدى دەيسىڭ‘، كوپشىلىك بەل شەشە ىستەپ، ۇزدىكسىز قۇلشىنىپ، عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋعا اقىل ـ پاراسات ارناۋى كەرەك“
(3)”جۇڭگو ۇلگىسىندەگى وسىزامانداندىرۋدا حالىق تۇرمىسى ەڭ ۇلكەن ٴىس“
”جۇڭگو ۇلگىسىندەگى وسىزامانداندىرۋدا حالىق تۇرمىسى ەڭ ۇلكەن ٴىس. پارتيا مەن ۇكىمەتتىڭ بارلىق قىزمەتى بۇقارانىڭ ٴتىپتى دە باقىتتى تۇرمىس كەشىرۋىن ماقسات ەتەدى“. بيىل 4 ـ ايدا باس شۋجي شي جينپيڭ چۇڭچيڭدە قىزمەت تەكسەرگەندە وسى اراعا كەلىپ، تەرەڭ ماعىنادا بىلاي دەدى: ”پارتيا ورتالىق كوميتەتىنىڭ اسا كوڭىل بولگەنٴبىر ٴىسى كونە، ەسكى شاعىن اۋماقتاردى ويداعىداي جاڭالاۋ“.
ەكونوميكالىق دامۋ نەعۇرلىم قىسىمعا توزە العا ىلگەرىلەگەن سايىن، حالىق تۇرمىسى قىزمەتىن سولعۇرلىم مىقتى، ويداعىداي يگەرۋىمىز كەرەك.
5 ـ ايدىڭ 27 ـ كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 14 ـ رەتكى توپتىق ۇيرەنۋىن باسقاردى، باستى تاقىرىبى سان مىڭداعان وتباسى نازار اۋدارىپ وتىرعان جۇمىستانۋ ماسەلەسى بولدى. باس شۋجي شي جينپيڭ بىلاي دەپ باسا دارىپتەدى: جوعارى ساپالى، تولىق جۇمىستاندىرۋدى جەبەۋ _ جاڭا ٴداۋىردىڭ جاڭا جورىعىنداعى جۇمىستاندىرۋ قىزمەتىنىڭ جاڭا ورنى، جاڭا بورىشى.
الدىڭعى 3 ماۋسىمدا بۇكىل ەلدەگى قالا ـ قالاشىقتاردا تىڭنان 10 ميلليون 490 مىڭ ادام جۇمىسقا ورنالاسىپ، قالا ـ قالاشىقتاردا تەكسەرىلگەن جۇمىسسىزدىق مولشەرىنىڭ ورتاشا ٴمانى سايكەس مەزگىلدەگىدەن 0.2 پايىز تومەندەپ، جۇمىسقا ورنالاسۋ جالپى جاعدايى ورنىقتى بولدى.
حالىقتىڭ ٴۇمىت ـ تىلەگى _ ۇكىمەتتىڭ ىستەۋگە ٴتيىستى ٴىسى.
ەكونوميكا، قوعام، جان سانى جاعدايىنىڭ دامۋ وزگەرىسىنە سايكەسىپ، ەرىكتى، سەرپىمدى بولۋ پرينسيبى بويىنشا زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسىن ورنىقتى، ٴتارتىپتى ىلگەرىلەتۋ كەرەك...
ٴبىر قىدىرۋ ساياساتتىق شارالار ەكونوميكالىق، قوعامدىق دامۋدىڭ جىلى شۋاقتى جاعدايىن ايگىلەدى.
11 ـ ايدىڭ 5 ـ كۇنى حۋبەيدە قىزمەت تەكسەرگەن باس شۋجي شي جينپيڭ پانجياۋان قالاشىعىنا كەلىپ، اتىز باسىنا بارىپ كوكونىستەردىڭ ٴوسۋ جاعدايىن تەكسەرىپ، جەرگىلىكتى ورىننىڭ اۋىل ـ قىستاقتى جاپپاي گۇلدەندىرۋدى ىلگەرىلەتۋ جاعدايىن ۇعىستى.
باس شۋجي شي جينپيڭ كوپشىلىككە بىلاي دەدى: ”جۇڭگو ۇلگىسىندەگى وسىزامانداندىرۋدا اۋىل ـ قىستاقتى گۇلدەندىرۋ ۇلكەن تاقىرىپ. اۋىل ـ قىستاقتىڭ جەرى كەڭ، اۋىل شارۋاشىلىعىنىڭ بولاشاعىنان ٴۇمىت زور. ٴار دارەجەلى پارتكومدار جانە ۇكىمەتتەر اۋىل شارۋاشىلىعى، اۋىل ـ قىستاق، شارۋالار قىزمەتىن مىقتى يگەرىپ، نەگىزدى بەكەمدەپ، قىزمەت وتەۋدى كەمەلدەندىرىپ، بۇقارانىڭ تۇرمىسىن بارعان سايىن جاقسارتۋى كەرەك“.
”جان سانىنىڭ جىلجۋ اۋقىمىنا سايكەسىپ، قالا مەن اۋىلدىڭ توعىسا دامۋىن ىلگەرىلەتىپ، قالا مەن اۋىلداردىڭ كاسىپ سالاسىنىڭ دامۋىن، نەگىزدىك قۇرىلعىلارىنىڭ، الەۋمەتتىك قىزمەت وتەۋىنىڭ ٴبىر تۇلعالانۋىن جەبەۋ كەرەك“. ”اۋدان ورتالىقتارىنىڭ قالامەن تۇتاسۋ، اۋىل ـ قىستاقتى جەتەكتەۋ رولىن ٴتىپتى دە ويداعىداي ساۋلەلەندىرىپ، اۋدان وڭىرىندە قالا مەن اۋىلدىڭ توعىسا دامۋىن الدىمەن جۇزەگە اسىرۋ كەرەك...“ باس شۋجي شي جينپيڭ تەرەڭنەن تولعاندى.
قازىر ەلىمىزدىڭ ەكونوميكالىق دامۋى قات ـ قابات حاۋىپ ـ قاتەرلەر مەن سىن ـ سايىستارعا ٴدوپ كەلىپ وتىر، حاۋىپ ـ قاتەر كوبەيگەن جاعدايدا، ساقتانۋ جانە ونى جويۋ مىندەتى اناعۇرلىم اۋىرلاسىپ، دامۋ مەن حاۋىپسىزدىكتى ٴبىر تۇتاس جوسپارلاۋدىڭ كوكەي تەستىلىگى اناعۇرلىم كۇشەيە تۇسەدى.
بيىل كوپ جەر جاز ماۋسىمىنداعى ”قياق كۇرىش مەرەكەسى مەزگىلىندەگى جاۋىن ـ شاشىندى“، ”سۇراپىل اق جاۋىن“ اۋا رايىن باستان كەشىردى، حۋاڭحى، حۋايحى، حايحى وزەندەرىندە قۋاڭشىلىق پەن سۋ باسۋ شۇعىل اۋىسىپ، شىعىس سولتۇستىكتە ەرەكشە قاتتى نوسەر جاۋدى، كۇزدە جويقىن تايفىڭ داۋىلى ٴجيى سوقتى.
باس شۋجي شي جينپيڭ تالاي رەت ماڭىزدى نۇسقاۋ بەردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ٴماجىلىس اشىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتىن اقىلداسىپ ورنالاستىردى، قالىڭ كادرلار مەن بۇقارا قيىن ـ قىستاۋ كەزدەردى بىرگە وتكەرىپ، ەل بىرلىگىنەن بەرىك قامال تۇرعىزىپ، اپاتتان ساقتانۋ، اپاتقا قارسى اتتانۋدان قامال الۋ شايقاسىنىڭ جەڭىسىنە بىرگە قول جەتكىزدى.
جۇيەلىك حاۋىپ ـ قاتەر تۋىلماۋ تومەنگى شەگىن ساقتاپ، حاۋىپسىزدىك تورىن ونان ارى بەكەمدەپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايىپ، اناعۇرلىم قامتاماسىز ەتىلىپ، اناعۇرلىم باياندى بولدى.
(4) ”رەفورما جاساۋ مەن ەسىك اشۋدىڭ بىرلىگىنە تاباندى بولۋ كەرەك“
7 ـ ايدىڭ 18 ـ كۇنى، بەيجيڭ حالىق سارايى، جۇڭگونىڭ رەفورما جاساپ، ەسىك اشۋى تاعى ٴبىر تاريحي ساتكە ٴدوپ كەلدى، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسىن» ماقۇلدادى.
باس شۋجي شي جينپيڭ: ”جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن اشۋدا ٴالى دە رەفورما جاساۋعا، ەسىك اشۋعا سۇيەنۋ كەرەك“، ـ دەپ باسا دارىپتەدى.
بۇل باتىل تالعام عىلمي تۇجىرىمداۋدان كەلگەن: ەلىمىزدىڭ ەكونوميكالىق اينالىمى ٴالى دە كوپتەگەن كەدەرگىلەرگە ٴدوپ كەلىپ وتىر، ەكونوميكالىق ٴتۇزىلىس رەفورماسىن ىشكەرىلەي ىلگەرىلەتىپ، جاڭا دامۋ جاعدايىنا ۇيلەسەتىن ٴتۇزىلىس ـ مەحانيزمدى جەدەل قالىپتاستىرىپ، ەكونوميكالىق اينالىمدى تەجەيتىن بوگەتتەردى، توسقاۋىلداردى اشىپ، جوعارى ساپالى دامۋعا ۇزدىكسىز تىڭ قوزعاۋشى كۇش قوسۋعا تۋرا كەلەدى.
13 بولىمگە بولىنگەن «قاۋلىنىڭ» تارماق بايانداۋىندا ەكونوميكا سالاسىنا ساياتىن 6 ٴبولىم بار، بۇدان ونىڭ سالماعىنىڭ اۋىرلىعىن كورۋگە بولادى.
7 ـ ايدىڭ 30 ـ كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ٴماجىلىسىن باسقارىپ اشتى.
ٴماجىلىس بىلاي دەپ ايقىن تالاپ قويدى: ”رەفورمانى قوزعاۋشى كۇش ەتىپ، ارتۋدى ورنىقتىرۋدى، قۇرىلىمدى رەتتەۋدى، حاۋىپ ـ قاتەردەن ساقتانۋدى جەبەپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن تولىق ساۋلەلەندىرىپ، شارت ـ جاعدايى پىسىپ ـ جەتىلگەن، سەزىپ بىلە الاتىن ٴبىر توپ رەفورما شاراسىن دەر كەزىندە العا قويۋ كەرەك“.
«قاۋلىدا» العا قويىلعان ”ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ“ توڭىرەگىندە، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ جونىندەگى پىكىردى» باسىپ تاراتتى.
...
رەفورما ساياساتىنىڭ تياناقتانۋىنا بايلانىستى، شارۋاشىلىق تۇلعالارىنىڭ مەجەسى جاقسارىپ، تۇتاس قوعامنىڭ سەنىمى كۇشەيىپ، جوعارى ساپالى دامۋدىڭ قوزعالىس قۋاتى شوعىرلانۋدا.
”رەفورما نەعۇرلىم تەرەڭدەگەن سايىن، ەسىك اشۋ دەڭگەيى جونىندەگى تالاپ سولعۇرلىم جوعارى بولادى؛ ەسىك اشۋ دەڭگەيى نەعۇرلىم جوعارى بولعان سايىن، رەفورمانى جەبەۋ رولى سولعۇرلىم زور بولادى“. باس شۋجي شي جينپيڭ ٴبىر اۋىز سوزبەن ٴداپ باسىپ ايتتى.
جەرگىلىكتى ۋاقىت 11 ـ ايدىڭ 14 ـ كۇنى پەرۋ زۇڭتۇڭ مەكەمەسىندە جۇڭگونىڭ مەملەكەت ٴتوراعاسى شي جينپيڭ پەرۋ زۇڭتۇڭى بولۋارتپەن بىرگە بەينە ەكران ٴتاسىلى ارقىلى پەرۋدىڭ چيانكاي پورتىنىڭ اشىلۋ سالتىنا قاتىناستى ٴارى بۇيرىق بەردى.
بەيجيڭ ۋاقىتى 11 ـ ايدىڭ 15 ـ كۇنى، چۇڭچيڭ، تۋانجە قىستاعى ورتالىق پۋنكتى، ەلەكتروندى ينفورماتسيا ونىمدەرى، تۇتاس اۆتوموبيل جانە ونىڭ ۇساق بولشەكتەرى، ماشينا ونەركاسىبى بولشەكتەرى، وتباسى ەلەكتر جابدىقتارى سياقتى زاتتاردى تولتىرا تيەگەن 100 مىڭىنشى جۇڭگو _ ەۆروپا كەزەكشى پويەزى گەرمانيانىڭ دۋيسبۋرگ قالاسىنا قاراپ جولعا شىقتى.
كەزەكتە دۇنيە ٴجۇزىنىڭ 100 جىلدىق وزگەرىس جاعدايى جەدەل قۇبىلىپ، دۇنيە ٴجۇزى وزگەرىسى، ٴداۋىر وزگەرىسى، تاريح وزگەرىسى بۇرىن بولىپ كورىلمەگەن تاسىلمەن قانات جايۋدا، از ساندى ەلدەر ”بايلانىستى الشاقتاتىپ، تىزبەكتى ٴۇزۋدى“، ”شاعىن اۋلاعا بيىك داۋال تۇرعىزۋدى“ شىعارىپ، قورعامپازدىق، سىڭار جاقتىلىق، زورەكەرلىك ۇزدىكسىز باس كوتەرۋدە.
كەرى اعىسقا نەعۇرلىم تاپ بولعان سايىن، ەكونوميكانىڭ جاھاندانۋىنا سولعۇرلىم بەلسەنە قۇشاق اشۋ جانە ونى جەبەۋ كەرەك. ٴداۋىردىڭ تالعام جولى ايىرىعىندا جۇڭگو باستان ـ اياق تاريحتىڭ دۇرىس جاعىندا، ادامزاتتىڭ العا باسۋ جاعىندا تۇرادى.
ٴتوراعا شي جينپيڭ بىلاي دەپ ايبىندى ۋادە بەردى: ”كەلەسى قادامدا جۇڭگو اناعۇرلىم كوپ دەربەس ەسىك اشۋ جانە ٴبىر جاقتى ەسىك اشۋ ساياساتىن شىعارىپ، بۇكىل الەمگە بەت العان جوعارى ولشەمدى ەركىن ساۋدا رايونى تورابىن كەڭەيتىپ، جۇڭگونىڭ اشىلعان قاقپاسىن بارعان سايىن ايقارا اشادى“.
قول ۇستاسا سەلبەسىپ، بولاشاقتى بىرگە جاراتۋ. بۇل جۇڭگونىڭ ۋادەسى، ونان دا ماڭىزدىسى، جۇڭگونىڭ ارەكەتى.
بيىل جىل باسىنان بەرى، ٴتوراعا شي جينپيڭ جۇڭگو _ افريكا سەلبەستىك تالقى مىنبەرىنىڭ بەيجيڭ باسشىلار ٴماجىلىسى سياقتى ماڭىزدى نەگىزگى الاڭ ديپلوماتيالىق قيمىلدارىن باسقاردى، 4 رەت شەتەلدە ساپاردا بولدى، ەل ٴىشى ـ سىرتىندا ٴار ەل باسشىلارىمەن، حالىقارالىق ۇيىمداردىڭ جاۋاپتىلارىمەن، حالىقارالىق دوستارمەن ٴجيى كەڭەس وتكىزدى، كەزدەستى.
مەملەكەت باسشىسى ديپلوماتياسى جۇڭگونىڭ ”دوستار شەڭبەرىنىڭ“ بارعان سايىن ۇلعايۋىنا جەتەكشىلىك ەتىپ، جۇڭگو ەكونوميكاسىنىڭ دامۋى ٴۇشىن اناعۇرلىم تاماشا حالىقارالىق ورتا ازىرلەپ، دۇنيە ٴجۇزى كولەمىندە ۇزدىكسىز جالعاسقان ”جۇڭگو ورلەۋىن“ كوتەردى.
11 ـ ايدىڭ 16 ـ كۇنى ٴتوراعا شي جينپيڭ ازيا _ تىنىق مۇحيت ەكونوميكالىق سەلبەستىك ۇيىمىنىڭ 31 ـ رەتكى باسشىلار بەيرەسمي ماجىلىسىندە سويلەگەن سوزىندە بىلاي دەپ اتاپ كورسەتتى: جۇڭگو جاق ٴار جاقتىڭ جۇڭگونىڭ دامۋ جۇردەك پويەزىنە ۇزدىكسىز وتىرىپ، جۇڭگو ەكونوميكاسىمەن بىرگە دامىپ، بەيبىت دامۋ، ٴوزارا پايدا جەتكىزىپ سەلبەستىك جاساۋ، بىرگە گۇلدەنىپ ـ كوركەيۋ سىندى دۇنيە جۇزىندەگى ٴار ەلدىڭ وسىزاماندانۋىن جۇزەگە اسىرۋ جولىندا بىرگە قۇلشىنۋىن قارسى الادى.
بيىككە شىعىپ الىسقا كوز جىبەرسەك، داڭعىل جول شەتسىز دە شەكسىز.
جۇڭگونىڭ ەكونوميكالىق دامۋىنىڭ شەشۋشى كەزەڭىندە باس شۋجي شي جينپيڭ الىستى بولجاپ، اۋقىمدى باعامداپ، پارتيا مەن مەملەكەتتىڭ دامۋ جالپى جاعدايى تۇرعىسىنان، وراسان زور ساياسي باتىلدىقپەن جانە اقىل ـ پاراساتپەن، ەشتەڭەدەن تايىنبايتىن باتىلدىقپەن جانە جىگەرمەن تالاي رەت شەشۋشى تالعام جاساپ، سىن ـ سايىستارعا سالماقتىلىقپەن توتەپ بەرىپ، العا باسۋ بەتالىسىن ايقىن نۇسقاپ، قۋاتتى سەنىم مەن كۇشتى تاسقىنداتتى.
جۇڭگو ەكونوميكاسى ەجەلدەن سىن ـ سايىستاردى جەڭۋ بارىسىندا دامىپ، بوران ـ شاشىننىڭ سىناعىنان ٴوتۋ بارىسىندا تولىسىپ، سىننان ٴوتۋ بارىسىندا زورايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ ەكونوميكا يدەياسىنىڭ عىلمي جەتەكشىلىگىندە، بۇكىل پارتيا، بۇكىل ەلدەگى ٴار ۇلت حالقىنىڭ ٴبىر نيەتپەن ىنتىماقتاسىپ، سەنىمدى بەكەمدەپ، قيىندىقتاردان تايسالماي العا ۇمتىلىپ، قامال الىپ قيىندىقتاردى جەڭىپ، جۇڭگونىڭ ەكونوميكا كەمەسى جاڭا جورىقتا ۇدەرە العا تارتاتىندىعى داۋسىز.
(تىلشىلەر زوۋ ۋي، جاۋ چاۋ، يۇي جياشين، ليۋ حۇڭشيا، شيە شيياۋ)
(شينحۋا اگەنتتىگىنىڭ 12 ـ ايدىڭ 10 ـ كۇنى بەيجيڭنەن بەرگەن حابارى)
