ما شيڭرۇي، ەركىن تۇنياز جۇڭگو تاريح زەرتتەۋ ورنىنا بارىپ جاعداي ۇعىستى، سونداي ـ اق گاۋ شياڭ، پىڭ جينحۇيلارمەن بىرگە كەلىسىمگە قول قويۋعا كۋا بولدى، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 10 ـ كۇنى بەيجيڭنەن حابارلايدى. 12 ـ ايدىڭ 10 ـ كۇنى اۆتونوميالى رايوندىق حالىق ۇكىمەتى مەن جۇڭگو قوعامدىق عىلىمدار اكادەمياسى بەيجيڭدە ستراتەگيالىق سەلبەستىك كەلىسىمىنە قول قويىسىپ، جاڭا داۋىردە اكادەميا ـ اۆتونوميالى رايون ناقتى ىستەر سەلبەستىگىن تەرەڭدەتىپ، جۇڭحۋا ۇلتى ورتاق تۇلعا قۇرىلىسى مەن شەكاراداعى ۇلتتار وڭىرلەرىنىڭ جوعارى ساپالى دامۋىنا بىرگە قىزمەت وتەدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز جۇڭگو تاريح زەرتتەۋ ورنىنا بارىپ جاعداي ۇعىستى، سونداي ـ اق جۇڭگو قوعامدىق عىلىمدار اكادەمياسىنىڭ باستىعى، پارتيا باسشىلىق گرۋپپاسىنىڭ شۋجيى، جۇڭگو تاريح زەرتتەۋ ورنىنىڭ باستىعى، پارتكوم شۋجيى گاۋ شياڭ، جۇڭگو قوعامدىق عىلىمدار اكادەمياسىنىڭ ورىنباسار باستىعى، پارتيا باسشىلىق گرۋپپاسىنىڭ ورىنباسار شۋجيى پىڭ جينحۇي قاتارلىلارمەن بىرگە كەلىسىمگە قول قويۋعا كۋا بولدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ قيمىلعا قاتىناستى.
بۇل رەتكى ستراتەگيالىق سەلبەستىك كەلىسىمىنە قول قويىسۋ _ شينجياڭ مەن جۇڭگو قوعامدىق عىلىمدار اكادەمياسىنىڭ پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ مادەنيەت يدەياسىن، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرۋدەگى، تياناقتاندىرۋداعى كەلەلى شاراسى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەكەمدەپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ شينجياڭدا تياناقتانۋىنا، ناقتىلانۋىنا قىزمەت وتەۋ جانە ونى قامتاماسىز ەتۋ جونىنەن ماڭىزدى مانگە يە. ەكى جاق ”ٴوزارا ىقپالداساتىن، ٴوزارا بايلانىس جاسايتىن، ٴوزارا تيىمدىلىك جەتكىزەتىن“ اكادەميا ـ اۆتونوميالى رايون سەلبەستىگى ۇلگىسى جونىندە ىزدەنىس جاساپ، كەلەلى ماسەلەلەردى زەرتتەۋ، زەرتتەۋ تۇعىرى قۇرىلىسى، قوعامدىق عىلىمدار دارىندىلارىن باۋلۋ، عىلمي اۋىس ـ كۇيىس، زەرتتەۋ ـ تالقى، ارحەولوگيالىق قازۋ جانە زەرتتەۋ، اقىل ـ پاراسات قويماسىنىڭ كەڭەس بەرۋ رولىن ساۋلەلەندىرۋ سياقتى جاقتاردا سەلبەستىكتى كۇشەيتىپ، مەملەكەتتىڭ جوعارى دەڭگەيلى اقىل ـ پاراسات قامباسى مەن شەكارا وڭىردەگى ۇلتتار وڭىرلەرىنىڭ ٴوزارا جەبەيتىن، ٴوزارا ىلگەرىلەيتىن جاڭا ۇلگىسىن بىرگە قۇرىپ، جۇڭحۋا ۇلتى ورتاق تۇلعا قۇرىلىسىنا ونان ارى ويداعىداي قىزمەت وتەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اقىل ـ پاراسات جانە كۇش ـ قۋات قوسادى.
ارالاپ جاعداي ۇعىسۋ كەزىندە، ما شيڭرۇي، ەركىن تۇنياز قاتارلىلار جۇڭگو تاريح زەرتتەۋ اكادەمياسىنىڭ تاريح ٴىلىمى زەرتتەۋى، ارحەولوگيالىق قازۋ، عىلمي جەتىستىكتەر سياقتىلار جونىندەگى قىزمەت تانىستىرۋىن تىڭدادى، سونداي ـ اق اكادەميا اۋلاسىنداعى جۇڭگو ارحەولوگيا مۇراجايىنا كىرىپ، وركەنيەت توركىنى، جايزى جۇڭگو سياقتى كورمەلەردى ەكسكۋرسيالاپ، كەلەلى ارحەولوگيا جانە زەرتتەۋ قىزمەتىنىڭ ىلگەرىلەۋ ناتيجەسىن ۇعىستى. ما شيڭرۇي مىنالاردى ٴبىلدىردى: شينجياڭ باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتى يگەرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدە. جۇڭگو قوعامدىق عىلىمدار اكادەمياسىنىڭ شينجياڭ قىزمەتىنە بۇرىنعىداي كوڭىل ٴبولىپ جانە قولداۋ كورسەتىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ٴبىر تۇلعالى جۇلگەسىن زەرتتەۋدى كۇشەيتىپ، ارحەولوگيالىق قىزمەت پەن تاريح زەرتتەۋىن ىشكەرىلەي ورىستەتىپ، جۇڭحۋا مادەنيەتىنىڭ ورتاقتىعىن، شينجياڭ مەن ىشكى وڭىرلەردەگى ٴار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي شىندىقتارىن كورسەتەتىن ٴسوز جۇيەسىن جانە ٴونىمدى دانەكەرلەردى كوپ تۇرعىدان، جان ـ جاقتى ورناتىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋىن ٴۇمىت ەتەمىن. شەكارا ٴوڭىر تاريحى مەن شەكارا ٴوڭىردى باسقارۋعا قاتىستى كوپ پاندەر زەرتتەۋىن كۇشەيتىپ، شەكارا ٴوڭىردى باسقارۋداعى كەلەلى نازاريا جانە رەال ماسەلەلەر زەرتتەۋىن تەرەڭدەتىپ، ىقپالعا، يلاندىرۋ قۋاتىنا يە ٴتىپتى دە كوپ زەرتتەۋ جەتىستىكتەرىن ۇسىنىپ، جاڭا داۋىردەگى جۇڭگونىڭ شەكارا ٴوڭىردى باسقارۋ حيكاياسىن ويداعىداي بايانداپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋگە، پارتيا ورتالىق كوميتەتىنىڭ شەكارا ٴوڭىردى باسقارۋ جونىندەگى ٴتۇرلى شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋگە بىرگە كۇش قوسۋىمىز كەرەك.
جۇڭگو قوعامدىق عىلىمدار اكادەمياسىنىڭ باسشىلارىنان جىن جانمين، ۋاڭ چاڭلين، جاۋ جىمين، اۆتونوميالى رايوننىڭ باسشىلارىنان چىن ۋيجۇن، ۋاڭ جيانشين، جۇڭگو قوعامدىق عىلىمدار اكادەمياسىنداعى، جۇڭگو تاريح زەرتتەۋ ورنىنداعى قاتىستى جولداستار مەن ماماندار، اۆتونوميالى رايوننىڭ قاتىستى ورىندارىنداعى جاۋاپتى جولداستار قيمىلعا قاتىناستى.
