انار بۇلت \ شينجياڭ گازەتىنىڭ ٴتىلشىسى جاڭ يانفاڭ 12 ـ ايدىڭ 10 ـ كۇنى ۇرىمجىدەن حابارلايدى. جۋىقتا اۆتونوميالى رايوندىق ۇكىمەت مەملەكەتتىڭ كەلەلى ەكونوميكالىق ساياساتىن ارقاۋ ەتىپ، ارناۋلى تاقىرىپتا ٴتۇسىندىرۋ، ۇيرەنۋ جۇرگىزدى. اۆتونوميالى رايوننىڭ ٴتوراعاسى ەركىن تۇنياز ۇيرەنۋدى باسقارعاندا بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ ەكونوميكالىق قىزمەتتى ويداعىداي ىستەۋ جونىندەگى ٴبىر قىدىرۋ كەلەلى شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىنا ساي، پارتيا ورتالىق كوميتەتىنىڭ شينجياڭعا بەرگەن قولداۋ ساياساتى مەن مەملەكەتتىڭ تىڭنان قوسىلعان ٴبىر قىدىرۋ ساياسات ـ شاراسىن جەتە ٴتۇسىنىپ، رايونىمىزبەن ۇشتاسۋ ٴتۇيىنىن ٴداپ باسىپ تاۋىپ تياناقتاندىرۋدى مىقتى يگەرىپ، بۇكىل رايوننىڭ ەكونوميكاسىنىڭ جوعارى ساپالى دامۋىن اناعۇرلىم ويداعىداي ىلگەرىلەتۋ كەرەك.
ٴماجىلىس پارتيا ورتالىق كوميتەتىنىڭ شينجياڭعا ”بەس ۇلكەن ستراتەگيالىق ورىن“ بەلگىلەۋى، ەنەرگيا بايلىعى، جوعارى دەڭگەيدە سىرتقا ەسىك اشۋ، فينانس قاتارلى سالالارداعى حاۋىپ ـ قاتەرلەردەن ساقتانۋ جانە ونى جويۋ، مەجەنى ورنىقتىرىپ، تۇتىنۋدى كەڭەيتۋ، حالىق تۇرمىسىن قامتاماسىز ەتۋ جانە جاقسارتۋ، شارۋاشىلىق ـ ساۋدا ورتاسىن ساپالىلاندىرۋ، اۋىل شارۋاشىلىعى، اۋىل ـ قىستاق قىزمەتى سياقتى 8 جاقتى ارقاۋ ەتە وتىرىپ ساياساتتى ٴتۇسىندىردى.
ەركىن تۇنياز ارناۋلى تاقىرىپتىق ٴتۇسىندىرۋدى تىڭداعاننان كەيىن بىلاي دەپ اتاپ كورسەتتى: مەملەكەتتىڭ شينجياڭنىڭ دامۋىنا قولداۋ كورسەتۋ بويىنشا شىعارعان ٴتۇرلى كەلەلى ساياساتتارىن تياناقتاندىرۋمەن ۇشتاستىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ەكونوميكانىڭ جوعارى ساپالى دامۋىن ىلگەرىلەتۋ بويىنشا شىعارعان كەلەلى ساياسات ـ شارالارىن ويداعىداي ۇيرەنۋ، ودان پايدالانۋ ٴبىزدىڭ سەنىمدى سەرپىلتۋىمىز، مەجەنى جاقسارتۋىمىز، ەكونوميكالىق دامۋدى جەبەۋىمىز جونىنەن ماڭىزدى ٴمان الادى. مەملەكەتتىڭ ماكرولىق ساياسات بەلگىلەۋدەگى العاشقى ويىن، نىساناسىن، ورىن تۇراقتاندىرۋىن ت . ب ٴداپ باسىپ يگەرىپ، شينجياڭنىڭ ”بەس ۇلكەن ستراتەگيالىق ورنىن“ تياناق ەتىپ، باستان ـ اياق مەملەكەت قىزمەتى جالپى جاعدايىندا تۇرىپ قىزمەتتەردى جوسپارلاپ، تياناقتاندىرۋدى ىلگەرىلەتىپ، ”ٴبىر ٴوڭىردىڭ شۇعىلاسى“ ارقىلى ”جالپى جاعدايدى ارلەندىرۋگە“ قۇلشىنۋ كەرەك. رايونىمىزدىڭ تياناقتاندىرۋ شارالارىن مەملەكەتتىڭ ٴار سالاداعى ساياسات ـ تالابىنا جانە دامۋ بەتالىسىنا ساي اقىلداسىپ بەلگىلەۋ كەرەك. ٴىس جۇزىندىك جاعدايمەن ۇشتاستىرا وتىرىپ تىڭنان قوسىلعان ساياسات قامداۋىن كۇشەيتىپ، ارتۋدى ورنىقتىرۋعا، مەجەنى ورنىقتىرۋعا ٴتيىمدى ساياساتتاردى بەلسەنە شىعارىپ، ساياساتتى ٴبىر تۇتاس جوسپارلاۋدى جانە تاراۋلاردىڭ سايكەسۋىن كۇشەيتىپ، ونىمدىلىگى مەن باعىتتامالىلىعىن جوعارىلاتىپ، ساياسات كەشەندى شارالارىن ويداعىداي اتقارۋ كەرەك. ساياساتتى تياناقتاندىرۋدى ويداعىداي يگەرىپ، ورايدى، سەرپىندى، ريتىمدى ويداعىداي يگەرىپ، ساياسات ونىمدىلىگىنىڭ مەجەگە ۇيلەسۋىنە شىنايى كەپىلدىك ەتۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا تۇلعالاپ، ۇكىمەتتىڭ اكىمشىلىك يقۋاتىن ونان ارى جوعارىلاتىپ، كاسىپورىندارعا دەم بەرەتىن اناعۇرلىم ساپالى، ٴار الۋان قىزمەت وتەۋ تۇعىرىن تۇلعالاپ، ەكونوميكا ساياساتىن ٴتۇسىندىرۋدى كۇشەيتىپ، كاسىپورىنداردىڭ دامۋىنا اناعۇرلىم ويداعىداي قىزمەت وتەۋ كەرەك.
