ٴزۇمىرات وبۇل اۆتونوميالى رايوننىڭ ايەلدەر بىرلەستىگى جۇيەسىندە تەكسەرۋ ـ زەرتتەۋ جۇرگىزدى
اۆتونوميالى رايوننىڭ ايەلدەر ىستەرىنىڭ دامۋىن بىرگە ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 12 ـ ايدىڭ 10 ـ كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل جۋىقتا اۆتونوميالى رايوننىڭ ايەلدەر بىرلەستىگى جۇيەسىنە بارىپ تەكسەرۋ ـ زەرتتەۋ جۇرگىزىپ، ايەلدەر بىرلەستىگى قىزمەتىنىڭ ورىستەتىلۋى جانە ايەلدەردىڭ وسى زامانعى وركەنيەتتى جاڭا سالتقا جەتەكشىلىك ەتۋدەگى رولىن ساۋلەلەندىرۋ جاعدايىن ىشكەرىلەي ۇعىسىپ، ۇسىنىس ـ پىكىرلەردى تىڭدادى ٴارى اڭگىمە ماجىلىسىنە قاتىناستى. ول بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ايەلدەر، بالالار جانە ايەلدەر بىرلەستىگى قىزمەتى جونىندەگى ماڭىزدى بايىمداۋىن ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، تۋراشىلدىقتان اينىماي جاڭالىق اشىپ، ايەلدەر بىرلەستىگى رەفورماسىن تەرەڭدەتىپ، ايەلدەر، بالالار قىزمەتىن دەن قويا، سۇيىسپەنشىلىكپەن ويداعىداي ىستەپ، ۇقىق ـ مۇددەنى قورعاۋ، قامقورلىق جاساۋ جاعىنداعى قىزمەت وتەۋدى ناقتى، ساپالى ىستەۋ كەرەك. ايەل حالىق قۇرىلتايى ۋاكىلدەرى مەن ايەلدەر بىرلەستىگىنىڭ ايەلدەر قاۋىمىمەن بايلانىس جاسايتىن كوپىرلىك، دانەكەرلىك رولىن ساۋلەلەندىرىپ، ٴار ۇلت ايەلدەرىن جۇڭحۋا ۇلتى ورتاق تۇلعا تانىمىن بەكەمدەپ، كورىكتى شينجياڭ قۇرۋدىڭ دابىرالى امالياتىنا بەلسەنە ات سالىسۋعا ىنتىماقتاستىرۋ، جەتەكتەۋ كەرەك.
سول كۇنى ٴزۇمىرات وبۇل ىلگەرىندى ـ كەيىندى ٴۇرىمجى قالاسى شۇيموگوۋ رايونى جۇڭتاي الەۋمەتتىك اۋماعى وتباسى تاربيەسى جەتەكشىلىك ەتۋ پۋنكتىنە، بەيجيڭ قالالىق ۋيحىڭ (ٴۇرىمجى) ادۆوكاتتىق ٴىس ورنى، شينجياڭ ايەلدەر بىرلەستىگى ايەلدەر مەن بالالاردىڭ ۇقىق ـ مۇددەسىن قورعاۋ قىزمەت وتەۋ ورتالىعىنا بارىپ، ايەلدەر بىرلەستىگى بازا قۇرىلىسى جاعدايىن ۇعىستى. ول تاعى شينجياڭ ايەلدەر مەن بالالار تاربيە سارايىنا بارىپ، شينجياڭ ايەلدەر قوزعالىسى تاريحى سارايىن، شينجياڭ وتباسى سالتى سارايىن جانە شينجياڭ بالالار قىزىل تاربيە سارايىن ەكسكۋرسيالاپ، شينجياڭنىڭ ايەلدەر، بالالار ىستەرىنىڭ دامۋ بارىسىن جانە قول جەتكىزگەن تابىستارىن ىشكەرىلەي ۇعىستى.
ٴزۇمىرات وبۇل بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ ايەلدەردىڭ ۇقىق ـ مۇددەسىن قامتاماسىز ەتۋ زاڭىن اتقارۋ ٴادىسى، وتباسى زورەكەرلىگىنە قارسى تۇرۋ زاڭىن اتقارۋ ٴادىسى، ازامات جاسىنا تولماعانداردى قورعاۋ ەرەجەسى، ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسى سياقتى جەرگىلىكتى زاڭ ەرەجەلەردى ىلگەرىندى ـ كەيىندى شىعارىپ، شينجياڭداعى ٴار ۇلت ايەلدەرى مەن بالالارىنىڭ زاڭدى ۇقىق ـ مۇددەسىن ٴونىمدى قامتاماسىز ەتتى. اۆتونوميالى رايوندىق ايەلدەر بىرلەستىگىنىڭ ايەلدەر قاۋىمىمەن تىعىز بايلانىس جاسايتىن ارتىقشىلىعىن، رولىن تولىق ساۋلەلەندىرىپ، حالىق قۇرىلتايىنىڭ قاتىستى قىزمەت قۇرىلىمدارىمەن پىكىر اۋىستىرۋدى جانە بايلانىستى كۇشەيتىپ، قاتىستى زاڭ شىعارۋ، باقىلاۋ قىزمەتىن ويداعىداي ىستەۋگە بەلسەنە سايكەسىپ، شينجياڭنىڭ ايەلدەر، بالالار ىستەرىنىڭ داۋىرمەن بىرگە العا باسۋىن، بىرگە دامۋىن جەبەۋىن ٴۇمىت ەتەمىن. زاڭ شىعارۋ جونىندە تەكسەرۋ ـ زەرتتەۋ جۇرگىزۋ، زاڭنىڭ اتقارىلۋىن تەكسەرۋ، ۋاكىلدەر تەكسەرۋ جۇرگىزۋ سياقتى قيمىلداردى دەر كەزىندە ورىستەتىپ، ايەلدەر، بالالار ىستەرىنىڭ دامۋىنا زاڭمەن باسقارۋ جاعىنان پارمەندى قامتاماسىزدىق ازىرلەۋ كەرەك. ايەل حالىق قۇرىلتايى ۋاكىلدەرىنىڭ مىندەتتى زاڭ بويىنشا وتەپ، رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە جەلەكتىلەردىڭ اقىل ـ پاراساتى مەن كۇش ـ قۋاتىن ارناۋىنا قولداۋ كورسەتۋ جانە ونى قامتاماسىز ەتۋ كەرەك.
اڭگىمە ماجىلىسىندە 5 ايەل ۋاكىل وزدەرىنىڭ ٴتول كەشىرمەلەرىمەن ۇشتاستىرا وتىرىپ پىكىر اۋىستىرىپ ٴسوز سويلەدى.
لي نيڭپيڭ قاتارلىلار تەكسەرۋ ـ زەرتتەۋگە قاتىناستى.
