انار بۇلت \ شينجياڭ گازەتىنىڭ ٴتىلشىسى جاڭ يانفاڭ 12 ـ ايدىڭ 10 ـ كۇنى ۇرىمجىدەن حابارلايدى. 12 ـ ايدىڭ 10 ـ كۇنى اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 28 ـ رەتكى ٴتوراعالار ٴماجىلىسى اشىلدى، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى.
ٴماجىلىس باس شۋجي شي جينپيڭنىڭ تاياۋداعى ماڭىزدى سوزدەرىنىڭ، ماڭىزدى نۇسقاۋلارىنىڭ، ماڭىزدى قۇتتىقتاۋ حاتتارىنىڭ رۋحىن جەتكىزدى، ۇيرەندى، دايەكتىلەندىردى. نۇرلان ٴابىلماجىن بىلاي دەپ اتاپ كورسەتتى: ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، دايەكتىلەندىرۋدى، تياناقتاندىرۋدى قاز ـ قالپىندا ويداعىداي يگەرۋ كەرەك. نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە جانە ”بەس ۇلكەن ستراتەگيالىق ورىنعا“ شوعىرلاندىرىپ، زەيىن ـ زەردەنى، كۇش ـ قۋاتتى ۇيىستىرىپ ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋدى كۇش سالۋ ٴتۇيىنى ەتىپ، ”ٴبىر بەلدەۋ، ٴبىر جول“ وزەكتى رايون قۇرىلىسىن ىلگەرىلەتۋ، جەرگىلىكتى فينانس ٴتۇزىلىسى رەفورماسىن تەرەڭدەتۋ سياقتى جاقتاردا ىشكەرىلەي تەكسەرۋ ـ زەرتتەۋ جۇرگىزىپ، اناعۇرلىم كوپ دالمە ـ ٴدال، ناقتى، جارامدى شارالاردى، ۇسىنىستاردى ورتاعا قويىپ، جوعارى ساپامەن مىندەت اتقارىپ، جوعارى ساپالى دامۋعا قىزمەت وتەۋ كەرەك. ساياسي كەڭەستىڭ سىرتقى قارىم ـ قاتىناستاعى باسىمدىق رولىن تولىق ساۋلەلەندىرىپ، شينجياڭ ساياسي كەڭەسىنىڭ چياۋمين ىستەرى قىزمەتى ماركاسىن ۇزدىكسىز تۇلعالاپ، شينجياڭ ساياسي كەڭەسى مەن شياڭگاڭ وسىزامانداندىرۋدى جەبەۋ كاسىپتىك قايراتكەرلەر قوعامى اۋىس ـ كۇيىس، سەلبەستىك مەحانيزمىنەن ويداعىداي پايدالانىپ، شەتەلدەگى شينجياڭدىق چياۋباۋلارمەن جانە شەتەلدەگى وقۋشىلارمەن ىنتىماق، بىرلەسكەن دوستىق قىزمەتىن دەن قويا ويداعىداي ىستەپ، مۇشەلەردى شينجياڭعا ساياتىن سىرتقا قاراتىلعان كۇرەسكە بەلسەنە ات سالىسۋعا ىنتالاندىرىپ، جۇڭگو حيكاياسىن، شينجياڭ حيكاياسىن باتىلدىقپەن ويداعىداي بايانداپ، وڭ ەنەرگيانى كەڭ كولەمدە توپتاۋ كەرەك. ساياسي كەڭەستىڭ نازاريالىق زەرتتەۋ قىزمەتىن كۇشەيتىپ جانە جاقسارتىپ، ونىڭ باعىتتامالىلىعىن، ناقتى ونىمدىلىگىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قىزمەت وتەۋدە جاڭا جاۋاپكەرشىلىك ارقالاپ، تىڭ ىسكەرلىك كورسەتۋ كەرەك.
ٴماجىلىس مەملەكەتتىك ساياسي كەڭەس كەڭسەسىنىڭ 2024 ـ جىلعى قوعام جاعدايىن، حالىق اۋانىن اڭىس ەتۋ ينفورماتسيا قىزمەتى اڭگىمە ماجىلىسىنە قاتىناسۋ جاعدايى جونىندەگى مالىمەتتى تىڭدادى. نۇرلان ٴابىلماجىن بىلاي دەپ اتاپ كورسەتتى: قوعام جاعدايىن، حالىق اۋانىن اڭىس ەتۋ ينفورماتسياسى _ حالىق ساياسي كەڭەسىنىڭ نەگىزدىك، ۇنەمىلىك قىزمەتى، ساياسي كەڭەس مۇشەلەرىنىڭ قىزمەت جاۋاپكەرشىلىگىن اتقارۋداعى ماڭىزدى ٴتاسىلى. وزەكتى ارقاۋ ەتىپ، كەلەلى جاعدايعا قىزمەت وتەۋدى ينفورماتسيا تاقىرىبىن تاڭداۋداعى شىعار ٴتۇيىن جانە كۇش سالۋ ٴتۇيىنى ەتىپ، ينفورماتسيانىڭ دەڭگەيىن، مازمۇنىن، تەرەڭدىگىن، دالدىگىن جوعارىلاتۋ جاعىندا كۇش سالىپ، ينفورماتسيا ارناسىن كەڭەيتىپ، جەتىستىكتى اڭىس ەتۋ مەحانيزمىن اقاۋسىزداندىرىپ، مەيىرگە تولى، حالىق تۇرمىسىمەن جاناسىمدى، شينجياڭ ەرەكشەلىگىن ايگىلەيتىن قوعام جاعدايى، حالىق اۋانى ينفورماتسيالارىن كۇش سالا قالىپتاستىرىپ، ”كورەگەن، ساق قۇلاق“ بولىپ، پارتكوم مەن ۇكىمەتتىڭ شەشىم جاساۋىنا دايەك ازىرلەۋ كەرەك.
ٴماجىلىس كادرلارعا قاتىستى ىستەر جونىندەگى تۇسىنىكتى تىڭدادى. ما يلەيدىڭ، ابدۇۋالي ابلەمەتتىڭ، ابدىرەشيت ابىلايدىڭ اۆتونوميالى رايوندىق ساياسي كەڭەس مۇشەسى تولىمدىلىعىن كۇشىنەن قالدىرۋ جونىندەگى قاۋلىنى قاراپ ماقۇلداپ، اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتى 9 ـ ٴماجىلىسىنىڭ تولىقتاپ مويىنداۋىنا ۇسىندى؛ جاڭ يۇيدىڭ اۆتونوميالى رايوندىق ساياسي كەڭەستىڭ تۇراقتى مۇشەسى، مۇشەسى تولىمدىلىعىن كۇشىنەن قالدىرۋ جونىندەگى قاۋلىنى (جوبا نۇسقا) قاراپ ماقۇلداپ، اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتى 9 ـ ٴماجىلىسىنىڭ قاراۋىنا ۇسىندى.
اۆتونوميالى رايوندىق ساياسي كەڭەستىڭ ورىنباسار ٴتوراعالارى جاروللا يسامدين، كۇڭ شيڭلۇڭ، نۇرىم سىمايىلقان، ازەز مۇسا، ليۋ حۇيجۇن، پۋ شۋەمەي، شۇي شيان ـ ي، باتۋ، باس حاتشى گاۋ جياڭحۋاي ماجىلىسكە قاتىناستى.
