انار بۇلت \ شينجياڭ گازەتىنىڭ ٴتىلشىسى يۇي جياڭيان 12 ـ ايدىڭ 10 ـ كۇنى سانجىدان حابارلايدى. 12 ـ ايدىڭ 10 ـ كۇنى اۆتونوميالى رايوننىڭ كومىر كەنىن زەردەلىلەندىرۋ جانە كومىر الابىنداعى ٴورت اۋماعىن جالپىلىق وڭاۋ قىزمەتىن ىلگەرىلەتۋ ٴماجىلىسى شينجياڭ جۇندۇڭ ەكونوميكالىق، تەحنيكالىق اشۋ رايونىندا وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: كومىر الابىنداعى ٴورت اۋماعىن جالپىلىق وڭاۋ بۇگىن ەڭبەكتەنىپ پايداسىن ەرتەڭ كورەتىن، بۇقاراعا باقىت جاراتاتىن الەۋمەتتىك يگىلىك ٴىسى جانە حالىق تۇرمىسى ينجەنەرياسى. جەر ـ جەر، قاتىستى تاراۋلار اۆتونوميالى رايوندىق پارتكوم مەن ۇكىمەتتىڭ شەشىمدەرىن، ورنالاستىرۋلارىن قاتاڭ تياناقتاندىرىپ، ەكولوگيانى الدىمەن ويلاسۋعا، حاۋىپسىزدىكتى ٴبىرىنشى ورىنعا قويۋعا تاباندى بولىپ، ساياسي جاۋاپكەرشىلىكتى كۇشەيتىپ، تۇلعالىق جاۋاپكەرشىلىكتى مىقتاپ ارقالاپ، شارانى دالمە ـ ٴدال اتقارۋ، عىلمي باسقارۋ ـ تىزگىندەۋ پرينسيبى بويىنشا ەرتە الدىن الاتىن، ەرتە بايقايتىن، ەرتە وڭايتىن ۇتىمدى مەحانيزمدى قۇرىپ، اقاۋسىزداندىرىپ، قارجى ۇسىنىلىمىن، تەحنيكالىق قامتاماسىزدىقتى كۇشەيتىپ، زاڭ ـ بەلگىلەمە بويىنشا كومىر الابىنداعى ٴورت اۋماعىن وڭاۋدى جەدەل ىلگەرىلەتىپ، كومىر الابىنداعى ٴورت اۋماعىن جالپىلىق وڭاۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.
ٴماجىلىس مىنالاردى باسا دارىپتەدى: بۇكىل رايوندا كومىر كەنىن زەردەلىلەندىرۋ قۇرىلىسى قامال الۋدىڭ شەشۋشى كەزەڭىنە ٴوتتى. جەر ـ جەر، قاتىستى تاراۋلار (ورىندار) يدەيانى ونان ارى بىرلىككە كەلتىرىپ، تانىمدى تەرەڭدەتىپ، مەحانيزمدى كەمەلدەندىرىپ، ٴىس جۇزىندىكپەن بىرلەستىرىپ ”ٴبىر كەنگە ٴبىر شارا“ بويىنشا كەن ـ تاۋدى زەردەلىلەندىرۋ قۇرىلىس جوباسىن جاساپ، اتقارىپ، قۇرىلىس نىساناسى مەن ۋاقىت كەزەڭىن ايقىنداپ، ادام سانىن ازايتىپ حاۋىپسىزدىكتى ارتتىرۋعا، نارىقتى تومەندەتىپ ونىمدىلىكتى جوعارىلاتۋعا تاباندى بولىپ، كومىر كاسىبى سالاسىنىڭ جوعارى دەڭگەيلەنۋگە، زەردەلىلەنۋگە، جاسىلدانۋعا قاراي تيپ جاڭالاپ، دارەجەسىن جوعارىلاتۋىن ىلگەرىلەتىپ، جوعارى ساپالى دامۋ جولىمەن مىزعىماي ٴجۇرۋ كەرەك.
ٴماجىلىس كەزىندە زەردەلىلەنۋ اياق الىسى تەز، قولدانىلۋ ٴونىمى تاماشا اشىق كومىر كەندەر مەن قۇدىقتى كومىر كەندەرىن كوزدەن كەشىرۋ، فۋكاڭ قالالىق ديڭجيا ـ ۋان كومىر الابىنداعى ٴورت اۋماعىن جالپىلىق وڭاۋ قىزمەتىن ەكسكۋرسيالاۋ، ۇيرەنۋ ۇيىمداستىرىلدى.
