ابدۇۋالي ابدىرەشيت
بيىل 1 ـ ايدا مەن جونىندەگى ارناۋلى سۇحبات انار بۇلت \شينجياڭ گازەتى تۇعىرىندا جاريالاندى، بۇل ”مەن شينجياڭنان كەلدىم“ ۋيشين الەۋمەتتىك ٴنومىرىنىڭ باس رەداكتورى رەتىندە مەنى ٴتىپتى دە كوپ ادامعا تانىتتى. وسىدان كەيىنگى ”شينجياڭ ۇلگىسىندەگى دۇڭ يۇيحۇي“ دەگەن اتاق مەنى كوككە جەتكىزگەندەي بولدى، بۇل كوپشىلىكتىڭ مەنىڭ قىزمەتىمە دەگەن ٴبىر ٴتۇرلى ىزگى نيەتتى مويىنداۋى ەكەنىن ابدەن بىلەمىن. مەنىڭ ناعىز نىسانام شينجياڭنىڭ حيكايالارىن دەن قويا بايانداپ، وسى ىرىستى توپىراقتىڭ تارتىمدىلىعىن ايگىلەۋ.
وتكەن 8 جىلدا ”مەن شينجياڭنان كەلدىم“ تۇعىرى ەڭ العاشقى ۋيشين الەۋمەتتىك نومىرىنەن بىرتىندەپ دامىپ، كوپتەگەن قوعامدىق قارىم ـ قاتىناس مەديا تۇعىرلارىن قامتىعان جالپىلىق مەديا شەبىنە اينالدى. ٴبىزدىڭ ۇجىمىمىز ٴار سالا، ٴار كاسىپتى، تۇرلىشە ۇلتتى قامتىعان 400دەن استام شينجياڭدىقتىڭ حيكايالارى جونىندە تىلشىلىك ىستەدى جانە ونى ٴبولىستى. عىلىم ـ تەحنيكادا جاڭالىق اشۋشىلاردان مادەنيەتتى جالعاستىرۋشىلارعا دەيىن كاسىپكەرلەردەن قاراپايىم جۇمىسشىلارعا دەيىن ٴاربىر اڭگىمە شينجياڭ دامۋىنىڭ ىقشام كورىنىسى سانالادى. ٴبىز جاريالاعان مازمۇندار ەل ىشىندە عانا ەمەس، شەتەلدەگى وقىرمانداردىڭ دا نازارىن اۋدارىپ، ٴتىپتى دە كوپ ادامعا شىنايى، ستەرەولدى شينجياڭدى كورسەتتى.
ٴوتىپ بارا جاتقان 2024 ـ جىلعا قايىرىلا قاراسام، تيانشان الابىن ارالاپ، ٴار الۋان شينجياڭدىقتارعا تىلشىلىك ىستەگەن ەكەنمىن. مۇنىڭ ىشىندە اۋىلىنىڭ دامۋىنا ۇلەس قوسقان كاسىپكەرلەر دە، قىزمەت ورنىنان تاپجىلمايتىن قاراپايىم جۇمىسشىلار دا بار؛ ۇلتتار مادەنيەتىنە مۇراگەرلىك ەتكەن ۇستالار، ونەرپازدار دا، وسىزامانداندىرۋ قۇرىلىسىنا ات سالىسقان عىلىم ـ تەحنيكا قىزمەتكەرلەرى دە بار.
مەن التايدىڭ مال شارۋاشىلىق وڭىرلەرىندە مالشىلاردىڭ وسى زامانعى تەحنيكادان پايدالانىپ مال شارۋاشىلىعى ونىمدىلىگىن قالاي ارتتىرعانىنا كۋا بولدىم؛ تۇرپاننىڭ ٴجۇزىم باقشاسىندا جەرگىلىكتى ورىننىڭ ٴجۇزىم كاسىپ سالاسىن جاڭالىق اشۋ ارقىلى قالاي دامىتاتىندىعىن ٴبىلدىم؛ قاشقار بايىرعى قالاسىندا بەيزاتتىق مادەنيەت مۇرالارىن جالعاستىرۋشىلاردىڭ اسەرلى اڭگىمەسىن ەستىدىم... وسى كەشىرمەلەر ماعان شينجياڭنىڭ وراسان زور وزگەرىستەردى باستان كەشىرىپ جاتقاندىعىن تەرەڭ سەزىندىردى، ال وسى وزگەرىستەردىڭ استارىندا ٴاربىر شينجياڭدىقتىڭ قۇلشىنىسى مەن كۇرەسى جاتىر.
ٴار رەتكى تىلشىلىك، ٴاربىر حيكايا ماعان شينجياڭنىڭ جالىندى تىرشىلىك قۋاتىن سەزىندىردى. ال بۇل اسەرلى سەزىمدى مەن جادىمدا جەكە ساقتاپ قويۋدى قالاماي، ٴتىپتى دە كوپ اداممەن بولىسكىم كەلدى.
ٴبىزدىڭ ۇجىمىمىز بۇكىل ەلدىڭ جەر ـ جەرىنەن كەلگەن نەشە جۇزدەگەن ەرىكتىلەردەن قۇرالعان، ٴبىز شينجياڭنىڭ وزگەرىسىن بىرگە ەستەلىككە الىپ قانا قويماي، جاستاردىڭ تۇرعىسى مەن ٴتىلى ارقىلى وسى اڭگىمەلەردى اناعۇرلىم كەڭ، اناعۇرلىم الىسقا تاراتۋعا قۇلشىنامىز. سوندىقتان ٴبىز مازمۇن مەن فورمادا ۇزدىكسىز جاڭالىق اشىپ، سۋرەت پەن جازۋدان بەينەجازباعا دەيىن، تىكە تاراتۋدان بلوگقا دەيىن كوپ نەگىزدى تاسىلمەن ٴتىپتى دە كوپ قابىلداۋشىلاردى باۋراۋعا قۇلشىندىق.
وسى ماعىنادان العاندا، ”مەن شينجياڭنان كەلدىم“ ۋيشين الەۋمەتتىك ٴنومىرى مەن شينجياڭ گازەتىنىڭ قولدانعان دانەكەرى جانە ٴتاسىلى ۇقساماعانىمەن، نىساناسى بىردەي، اتاپ ايتقاندا، ٴتىپتى دە كوپ ادامنىڭ شىنايى شينجياڭدى تۇسىنۋىنە، كورىكتى شينجياڭدى سۇيۋىنە مۇمكىندىك جاساۋ. بەينە قاتار اعىپ جاتقان ەكى وزەن سياقتى، جول ـ جونەكەي بىرگە كەلىپ، وسى قۇتتى مەكەندى بىرگە نارلەندىرەدى.
شينجياڭ گازەتىنىڭ 75 جىلدان بەرگى تاباندىلىعى مەن ەڭبەگىنە العىس ايتامىن، سونداي ـ اق ونىڭ ماعان وسىنداي تۇعىر بەرىپ، اڭگىمەمىزدى ٴتىپتى دە كوپ ادامنىڭ بىلۋىنە مۇمكىندىك جاساعاندىعىنا العىس ايتامىن.
بولاشاقتا ٴبىز بەينەلەۋ تاسىلىنە قۇلشىنا جاڭالىق ەنگىزىپ، شينجياڭ حيكاياسىن اناعۇرلىم جاندى دا قىزىقتى ەتىپ، ٴتىپتى دە كوپ ادامنىڭ نازارىن اۋدارامىز. سونىمەن بىرگە ٴبىز شينجياڭ حيكايالارىنىڭ ٴتىپتى دە كوپ جاس بايانداۋشىلارىن جەتىلدىرۋگە كۇش سالىپ، ٴتىپتى دە كوپ جاڭا ۇندەردى وسى قوسىنعا كىرگىزەمىز.
شينجياڭنىڭ حيكايالارى ٴالى تولىپ جاتىر، شينجياڭنىڭ اناعۇرلىم شۇعىلالى بولاشاعىنا بىرگە كۋا بولايىق!
(اۆتور: ”مەن شينجياڭنان كەلدىم“ ۋيشين الەۋمەتتىك ٴنومىرىنىڭ باس رەداكتورى)
