ىشكى قۇرلىقتاعى، تاكلاماكان ٴشولىنىڭ جيەگىندەگى حوتان اۋدانى لاڭرۋ اۋىلى ياپچانلىق قىستاعىندا سىناق ٴتۇيىنى ەتىلگەن سۋىق سۋ بالىعى باعىمشىلىعىنىڭ جاڭالىق اشۋ امالياتىنان جاقسى حابار كەلدى، بىرنەشە ايلىق دەن قويا باعۋدان كەيىن، ٴبىرىنشى توپتاعى سۋىق سۋ بالىعىن ٴساتتى ءوسىرىلدى.
12 ـ ايدىڭ 10 ـ كۇنى ٴتىلشى ياپچانلىق قىستاعىنىڭ سۋىق سۋ بالىعىن باعۋ بازاسىنا بارعاندا، بىركەلكى ورنالاسقان بالىق كولشىكتەرى كوزگە شالىندى، كۇنلۇن تاۋ سىلەمدەرىنىڭ شىڭدارىنان ەرىگەن سۋ كولشىكتەرگە اعىپ كىرىپ، كۇن كوزىمەن شاعىلىسىپ، سۋ بەتى ايناداي جارقىرايدى، كولشىكتەگى جۇڭحۋا بەكىرە بالىعىنىڭ، سالمون بالىعىنىڭ رەڭى جىلتىر دا ادەمى،تۇنىق سۋدا ەمىن -ەركىن ويناقتاپ، شورشىپ، سۋ تامشىلارىن جان- جاققا شاشىراتتى.
ياپچانلىق قىستاعى كۇنلۇن تاۋىنىڭ ەتەگىنە، قاراقاش وزەنىنىڭ جاعاسىنا ورنالاسقان، باعىمشىلىققا پايدالانىلاتىن باستاۋ سۋىنىڭ جىلدىق تۇراقتى تەمپەراتۋراسى جىل بويى ℃ 6-2 ، سۋ ساپاسى تازا، سۋ تەمپەراتۋراسى تۇراقتى، ورتاسى مەن وتتەگى ەرىتىندىسى سۋىق سۋ بالىعىن باعۋعا توتەنشە ۇيلەسىمدى. بيىل 4 - ايدا قىستاقتا تۇراتىن قىزمەت اترەتىنىڭ بەلسەنە سايكەستىرۋى مەن جوسپارلاۋىندا، باعىمشىلىق بازاسى ءساتتى قۇرىلدى، سونداي-اق 100 كيلوگرام بەكىرە بالىعى، سالمون بالىعىنىڭ شاباعى سۋعا سالىندى، باعۋ بارىسىندا تەحنيكتەردىڭ جەتەكشىلىگى بويىنشا قاتاڭ جۇمىس جۇرگىزىلدى، سۋ ساپاسىن مەڭگەرۋ، جەم بەرۋدەن اۋرۋدىڭ الدىن الۋ جانە ونى ەمدەۋ قاتارلى ٴارقايسى بۋىنداردا ەگجەي - تەگجەيلى باسقارىلدى. بىرنەشە اي قۇلشىنۋدىڭ ارقاسىندا وسى سۋىق سۋ بالىعىنان مول ٴونىم الىندى.
شورشىعان بالىقتاردىڭ اۋلاپ الىنعانىن كورگەن حوتان اۋدانى لاڭرۋ اۋىلدىق حالىق ۇكىمەتىنىڭ وسى قىستاقتا تۇراتىن ٴبىرىنشى شۋجيى ۋاڭ شانميننىڭ جۇزىنەن قۋانىش لەبى ەستى. ” ٴبىزدىڭ سۋىق سۋ بالىعىمىزدىڭ ەتى جۇمساق، ٴدامى ٴتىل ۇيىرەتىندىكتەن، بازاردا تۇتىنۋشىلاردىڭ قارسى الۋىنا يە بولدى، 10 مىڭ يۋاننان استامى ساتىلىپ بولدى. قازىر قولدا بار سانى 200دەن اسادى، العاشقى ەسەپ بويىنشا، بيىل 50 مىڭ يۋان كىرىس كىرەدى دەپ مەجەلەپ وتىرمىز“، ـ دەدى ول.
ۇعىسۋعا قاراعاندا، 2021 ـ جىلدان بەرى حوتان اۋدانى جاعراپيالىق باسىمدىققا جانە سۋىق سۋ بايلىعىنا سۇيەنىپ، قاستاسى اۋىلى قىزىلجەر قىستاعى، لاڭرۋ اۋىلى ياپچانلىق قىستاعى سياقتى جەرلەردە جەرگىلىكتى جاعدايعا قاراي سۋىق سۋ بالىعى باعىمشىلىعىن دامىتقان، قازىر كاسىپ سالاسى كولەمى العاشقى قادامدا قالىپتاسىپ، اۋقاتتانۋدىڭ جاڭا جولى اشىلدى. ”ٴبىز اۋىل شارۋاشىلىعى عىلىم ـ تەحنيكاسىندا جاڭالىق اشۋدا قولداۋ كورسەتۋ سەرپىنىن ۇزدىكسىز ارتتىرىپ، جەرگىلىكتى ورىننىڭ دامۋىنا ۇيلەسەتىن اناعۇرلىم كوپ اۋىل شارۋاشىلىعى نىساندارىنىڭ تياناقتانىپ، تامىر تارتۋىن ىلگەرىلەتىپ، حوتان اۋدانىنىڭ اۋىل شارۋاشىلىعى كاسىپ قۇرىلىمىن رەتتەۋ جونىندە ۇزدىكسىز ىزدەنىس جاساۋىنا، شارۋالاردىڭ كىرىسىن ارتتىرۋىن جەبەۋگە جاڭا جول اشىپ، ەكونوميكانىڭ كوپ نەگىزدى دامۋىن جەبەپ، اۋىل ـ قىستاقتى گۇلدەندىرۋگە كۇشتى دەمەۋ بەرەمىز “، ـ دەدى. حوتان اۋداندىق اۋىل شارۋاشىلىعى، اۋىل ـ قىستاق مەكەمەسىنىڭ باستىعى بۇحالچىحان مامەتتۇرسىن. (حوتان اۋداندىق توعىسپالى مەديا ورتالىعىنىڭ ٴتىلشىسى لو يىڭ، ەرىكتى ٴتىلشى يۇي جيڭجيڭ)
