شينحۋا اگەنتتىگىنىڭ 12 ـ ايدىڭ 11 ـ كۇنى بەيجيڭنەن بەرگەن حابارى. 12 ـ ايدىڭ 10 ـ كۇنى مەملەكەت ٴتوراعاسى شي جينپيڭ گوكۋلگە تەلەگرامما جولداپ، ونىڭ ماۋريتيۋس رەسپۋبليكاسىنىڭ زۇڭتۇڭدىعىنا تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: ماۋريتيۋس — جۇڭگونىڭ افريكاداعى ماڭىزدى سەرىگى. ەكى جاقتىڭ بىرگە قۇلشىنۋىندا، ەكى ەل قارىم ـ قاتىناسى ستراتەگيالىق سەرىكتەستىك دەڭگەيىنە كوتەرىلدى. جاڭا جاعدايدا ەكى ەل مەملەكەتتى گۇلدەندىرۋدى جۇزەگە اسىرۋ سىندى تاريحي بورىش ارقالاعان، حالىقارالىق ادىلدىكتى، تۋراشىلدىقتى قورعاۋدا ۇقساس جاۋاپكەرشىلىگى بار، ەكى جاقتىڭ سەلبەستىك جاساسۋ كومەسكى كۇشى زور، بولاشاعى نۇرلى. مەن جۇڭگو — ماۋريتيۋس قارىم ـ قاتىناسىنىڭ دامۋىنا ايرىقشا ٴمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو — افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ جەتىستىكتەرىن تياناقتاندىرۋدى ماڭىزدى تۇتقا ەتىپ، ەكى جاقتىڭ ساياسي ٴوزارا سەنىمدىلىگىن نىعايتىپ، ٴار سالاداعى ناقتى ىستەر سەلبەستىگىن كەڭەيتىپ، ەكى ەل قارىم ـ قاتىناسىنىڭ اناعۇرلىم زور دامۋىن جۇزەگە اسىرۋدى ىلگەرىلەتۋدى قالايمىن.
