شينحۋا اگەنتتىگىنىڭ 12 ـ ايدىڭ 11 ـ كۇنى بەيجيڭنەن بەرگەن حابارى. 12 ـ ايدىڭ 11 ـ كۇنى مەملەكەت ٴتوراعاسى شي جينپيڭ جون دراماني ماحاماعا تەلەگرامما جولداپ، ونىڭ گانا رەسپۋبليكاسىنىڭ زۇڭتۇڭدىعىنا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: گانا ساحارا ٴشولىنىڭ وڭتۇستىگىندەگى افريكاداعى جۇڭگومەن ەڭ ەرتە ديپلوماتيالىق قارىم ـ قاتىناس ورناتقان ەلدەردىڭ ٴبىرى، سونداي ـ اق جۇڭگونىڭ افريكاداعى ماڭىزدى ستراتەگيالىق سەرىگى، جۇڭگو مەن گانانىڭ دوستىعى ارىدان جالعاسقان، ۋاقىت وتكەن سايىن بەكەمدەلە ٴتۇستى. سوڭعى جىلدارى ەكى ەل قارىم ـ قاتىناسىنىڭ دامۋ ارىنى جاقسى بولىپ، ٴار سالاداعى ناقتى ىستەر سەلبەستىگىنىڭ جەتىستىگى قوماقتى بولدى. مەن جۇڭگو — گانا قارىم ـ قاتىناسىنىڭ دامۋىنا ايرىقشا ٴمان بەرەمىن، سايلانعان زۇڭتۇڭ ماحامامەن بىرگە قۇلشىنىپ، ٴداستۇرلى دوستىقتى اسقاقتاتىپ، ساياسي ٴوزارا سەنىمدىلىكتى تەرەڭدەتىپ، جۇڭگو — گانا ستراتەگيالىق سەرىكتەستىك قارىم ـ قاتىناسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەل حالقىنا اناعۇرلىم كوپ قۇت ـ ىرىس جاراتۋدى قالايمىن.
