انار بۇلت \ شينجياڭ گازەتىنىڭ ٴتىلشىسى جاڭ يۇنمەي 12 ـ ايدىڭ 11 ـ كۇنى كۇنى قاشقاردان حابارلايدى. 12 ـ ايدىڭ 10 ـ كۇنى اۆتونوميالى رايوننىڭ پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى سايكەستىرۋ مەحانيزمىنىڭ ەكىنشى جالپى ٴماجىلىسى قاشقاردا اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى ۋاڭ لين ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: سوڭعى جىلدارى بۇكىل رايونداعى ٴار دارەجەلى پارتيا ۇيىمدارى باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان شوعىردىڭ پارتيا قۇرىلىسى ساپاسىنىڭ جوعارىلاۋى مەن ونىمدىلىگىنىڭ ارتۋىن تىڭعىلىقتى ىلگەرىلەتىپ، كەزەڭدىك جەتىستىككە قول جەتكىزدى.
ٴماجىلىس مىنالاردى باسا دارىپتەدى: جاڭا ەكونوميكالىق ۇيىمدار، جاڭا قوعامدىق ۇيىمدار، جاڭا جۇمىستانعان شوعىر ەكونوميكالىق، قوعامدىق دامۋدىڭ ماڭىزدى كۇشى، ٴسوز جوق، تۋى ايقىن تۇردە ”ەكىدەن تيتتەي دە اۋىتقىماۋعا“ تاباندى بولىپ، ۇيىمدىق فۋنكتسيانىڭ قىزمەت وتەۋ فۋنكتسياسىمەن تەرەڭدەي توعىسۋىن كۇش سالا ىلگەرىلەتىپ، جوعارى ساپالى دامۋعا ۇزدىكسىز كۇش ۇستەۋ كەرەك.
ٴماجىلىس مىنالاردى تالاپ ەتتى: تەتىكتى يگەرىپ، قىزمەت ٴتۇزىمىن كەمەلدەندىرىپ، جەتەكشىلىك ەتۋ جۇيەسىن اقاۋسىزداندىرىپ، جوعارى مەن تومەن بىرلەسىپ قيمىلدايتىن، سالا ـ بولىك ۇشتاسقان پارتيا قۇرىلىسى قىزمەتى مەحانيزمىن قالىپتاستىرۋ؛ نەگىزدى بەكەمدەپ، ۇيىمدىق ورنالاستىرۋدى ساپالىلاندىرىپ، قامتۋ ساپاسىن جوعارىلاتىپ، ۇيىمدىق قۇرىلىستىڭ تومەنگە تامىر تارتۋىن، جوعارىعا قاراي العا باسۋىن ىلگەرىلەتۋ؛ ماڭىزدى ٴتۇيىندى كورنەكتىلەندىرىپ، پارتيا قۇرىلىسىن يگەرىپ، دامۋدى جەبەۋ نەگىزگى مىندەتىن تياناقتاندىرىپ، ”كاسىپورىندارعا بىرگە پايدا جەتكىزۋ“ بويىنشا ارىز ـ ارمان قابىلداۋ، دەرەۋ ٴبىتىرۋ قىزمەت وتەۋى جۇيەسىن ورناتىپ، اقاۋسىزداندىرىپ، شارۋاشىلىق ـ ساۋدا ورتاسىن ساپالىلاندىرۋدى ىلگەرىلەتىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتۋ كەرەك.
ٴماجىلىس قاتىستى حۇجاتتاردى اقىلداسىپ قارادى، قاشقار ايماعىنىڭ ”ٴۇش جاڭا“ سالاداعى پارتيا قۇرىلىسىن ويداعىداي يگەرىپ، جوعارى ساپالى دامۋعا قىزمەت وتەۋ ٴادىسىن جۇمىس باسىندا كوزدەن كەشىرىپ، اۆتونوميالى رايوننىڭ ”ٴۇش جاڭا“ سالاسىنداعى ”بەستە جاقسى“ پارتيا ياچەيكالارىنان ٴبىر توبىن تاڭداپ تۇراقتاندىردى، 5 ورىن پىكىر اۋىستىرىپ لەبىز ٴبىلدىردى.
