شي جينپيڭ ماڭىزدى ٴسوز سويلەدى، لي چياڭ قورىتىندى ءسوز سويلەدى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى
12 ـ ايدىڭ 11 ـ كۇنىنەن 12 ـ كۇنىنە دەيىن ورتالىقتىڭ ەكونوميكالىق قىزمەت ٴماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 12 ـ ايدىڭ 12 ـ كۇنى بەيجيڭنەن بەرگەن حابارى. ورتالىقتىڭ ەكونوميكالىق قىزمەت ٴماجىلىسى 12 ـ ايدىڭ 11 ـ كۇنىنەن 12 ـ كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە 2024 ـ جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2025 ـ جىلعى ەكونوميكالىق قىزمەتتى ورنالاستىردى. لي چياڭ قورىتىندى ٴسوز سويلەپ، باس شۋجي شي جينپيڭنىڭ ماڭىزدى ٴسوزىنىڭ رۋحىن دايەكتىلەندىرۋ، تياناقتاندىرۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە تالاپ قويدى.
ٴماجىلىس بىلاي دەپ قارادى: بيىل _ ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. سىرتقى قىسىم ارتقان، ىشكى قيىندىق كوبەيگەن كۇردەلى دە قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولداندى، ەكونوميكالىق اينالىم جالپى جاقتان ورنىقتى بولدى، ورنىقتىلىق بارىسىندا ىلگەرىلەدى، جوعارى ساپالى دامۋ تىڭعىلىقتى ىلگەرىلەتىلدى، ەكونوميكالىق، قوعامدىق دامۋداعى نەگىزگى نىسانا ـ مىندەتتەر ٴساتتى ورىندالۋ الدىندا تۇر. جاڭاشا وندىرگىش كۇشتەر ورنىقتى قاداممەن دامىدى، رەفورما جاساۋ، ەسىك اشۋ ۇزدىكسىز تەرەڭدەتىلدى، ٴتۇيىندى سالالارداعى حاۋىپ ـ قاتەرلەردى شەشۋ ٴتارتىپتى دە ٴونىمدى بولدى، حالىق تۇرمىسىن قامتاماسىزداندىرۋ تىڭعىلىقتى دا پارمەندى بولدى، جۇڭگو ۇلگىسىندەگى وسىزامانداندىرۋدا جاڭادان نىق قادام تاستالدى. ٴبىر جىلدان بەرگى دامۋ بارىسى اسا وزگەشە بولىپ، ناتيجەسى ادامدى جەلپىندىرەدى. اسىرەسە، 9 ـ ايدىڭ 26 ـ كۇنى ورتالىق كوميتەت ساياسي بيۋروسىنىڭ ٴماجىلىسى ٴبىر قىدىرۋ تىڭنان قوسىلعان ساياساتتى باتىل ورنالاستىرىپ، قوعامنىڭ سەنىمىن ٴونىمدى سەرپىلتىپ، ەكونوميكانىڭ كورنەكتى قايتا ورلەۋىنە مۇمكىندىك جاسادى.
ٴماجىلىس مىنالاردى اتاپ كورسەتتى: كەزەكتە سىرتقى ورتانىڭ وزگەرىسى اكەلگەن ٴتيىمسىز ىقپال كۇشەيۋدە، ەلىمىزدىڭ ەكونوميكالىق اينالىمى ٴالى دە كوپتەگەن قيىندىقتار مەن سىن ـ سايىستارعا ٴدوپ كەلىپ وتىر، مۇندا نەگىزگىسى ەل ٴىشى سۇرانىسى جەتكىلىكسىز بولۋدا، ٴىشىنارا كاسىپورىنداردىڭ ٴوندىرىسى، شارۋاشىلىق جۇرگىزۋى قيىنشىلىققا ۇشىرادى، بۇقارانىڭ جۇمىستانۋى، كىرىستەرىن ارتتىرۋى قىسىمعا ٴدوپ كەلدى، حاۋىپ ـ قاتەرلەر، كومەسكى كىناراتتار ٴالى دە ٴبىرشاما كوپ. سونىمەن بىرگە ەلىمىزدىڭ ەكونوميكالىق نەگىزى ورنىقتى، باسىمدىعى كوپ، سەرپىمدىلىگى كۇشتى، كومەسكى قۋاتى زور ەكەندىگىن، ۇزاق ۋاقىت جاقسارۋ سىندى تىرەكتىك شارت ـ جاعدايى مەن نەگىزگى بەتالىسىنىڭ وزگەرمەگەندىگىن، ٴسوز جوق، كورە ٴبىلۋىمىز كەرەك. ٴبىز قيىنشىلىققا دۇرىس قاراپ، سەنىمدى بەكەمدەپ، ٴارقايسى جاقتاعى بەلسەندى فاكتورلاردى دامۋداعى ناقتى ناتيجەگە قۇلشىنا اينالدىرۋىمىز كەرەك.
ٴماجىلىس بىلاي دەپ قارادى: اماليات بارىسىندا ٴبىز ەكونوميكالىق قىزمەت جونىندەگى زاڭدىلىق سيپاتتى تانىمدى ۇزدىكسىز تەرەڭدەتۋىمىز كەرەك. پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى _ ەكونوميكالىق قىزمەتتى ويداعىداي ىستەۋدىڭ ٴتۇبىرلى كەپىلى، شەشۋشى ساتتە، ماڭىزدى تۇيىندە، پارتيا ورتالىق كوميتەتى جاعدايدى دەر كەزىندە تۇجىرىمداپ، شەشىم، ورنالاستىرۋ جاساپ، ەلىمىزدىڭ ەكونوميكا كەمەسىنىڭ تولقىن جارا العا ىلگەرىلەۋىنە، ورنىقتى قاداممەن الىسقا جەتۋىنە شىنايى كەپىلدىك ەتتى. ٴسوز جوق، ٴونىمدى بازار مەن ىسكەر ۇكىمەتتىڭ قاتىناسىن ويداعىداي ٴبىر تۇتاس جوسپارلاپ، ”ەركىنە جىبەرىپ جانداندىرا دا“، ”باسقارا دا“ الاتىن ەكونوميكالىق ٴتارتىپ قالىپتاستىرۋ كەرەك. ٴسوز جوق، جالپى قامداۋ مەن جالپى سۇرانىستىڭ قاتىناسىن ويداعىداي ٴبىر تۇتاس جوسپارلاپ، حالىق شارۋاشىلىعىنىڭ اينالىمىن ىركىلىسسىزدەندىرۋ كەرەك. ٴسوز جوق، جاڭا قوزعالىس قۋاتىن جەتىلدىرۋ مەن كونە قوزعالىس قۋاتىن جاڭالاۋدىڭ قاتىناسىن ويداعىداي ٴبىر تۇتاس جوسپارلاپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. ٴسوز جوق، ارتۋ مولشەرىن ساپالىلاندىرۋ مەن ساقتالۋ مولشەرىن جانداندىرۋدىڭ قاتىناسىن ويداعىداي ٴبىر تۇتاس جوسپارلاپ، بايلىقتى ورنالاستىرۋ ونىمدىلىگىن جاپپاي جوعارىلاتۋ كەرەك. ٴسوز جوق، ساپانى جوعارىلاتۋ مەن جالپى مولشەردى ۇلعايتۋدىڭ قاتىناسىن ويداعىداي ٴبىر تۇتاس جوسپارلاپ، جۇڭگو ۇلگىسىندەگى وسىزامانداندىرۋدىڭ زاتتىق نەگىزىن بەكەمدەۋ كەرەك.
ٴماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن قۇرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اناعۇرلىم بەلسەندى دە ٴونىمدى ماكرولىق ساياسات اتقارىپ، ىشكى سۇرانىستى كەڭەيتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، ٴۇي ـ جاي بازارىن، جارنا بازارىن ورنىقتىرىپ، ٴتۇيىندى سالالارداعى حاۋىپ ـ قاتەرلەردەن جانە سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭ كۇشتى قاۋلاتىپ، ەكونوميكانىڭ ٴۇرتىس قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپالى ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋ كەرەك.
ٴماجىلىس مىنانى اتاپ كورسەتتى: كەلەر جىلى ەكونوميكانىڭ ورنىقتى ارتۋىن ساقتاپ، جۇمىستاندىرۋدىڭ، زات باعاسىنىڭ جالپى تۇلعالىق ورنىقتىلىعىن ساقتاپ، حالىقارالىق كىرىس پەن شىعىستىڭ نەگىزگى تەپە ـ تەڭدىگىن ساقتاپ، تۇرعىندار كىرىسىنىڭ ارتۋى مەن ەكونوميكانىڭ ارتۋىنىڭ تەڭ قادامدا بولۋىن جەبەۋ كەرەك.
ٴماجىلىس مىنانى تالاپ ەتتى: كەلەر جىلى ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە تاباندى بولىپ، تۋراشىلدىقتان اينىماي جاڭالىق اشىپ، الدىمەن ورناتىپ، ونان سوڭ كۇشىنەن قالدىرىپ، جۇيەلى شوعىرلاندىرىپ، سايكەسىپ، سەلبەسىپ، ساياسات قۇرال ـ جابدىق ساندىعىن تولىقتاپ، كەمەلدەندىرىپ، ماكرولىق رەتتەۋ ـ مەڭگەرۋدىڭ بولجامدىلىعىن، باعىتتامالىلىعىن، ونىمدىلىگىن جوعارىلاتۋ كەرەك.
اناعۇرلىم بەلسەندى قازىنا ساياساتىن اتقارۋ كەرەك. قازىنالىق قىزىل سيفر مولشەرىن جوعارىلاتىپ، قازىنالىق ساياسات ارقىلى ۇزدىكسىز كۇش سالۋعا، اناعۇرلىم كۇش ۇستەۋگە شىنايى كەپىلدىك ەتۋ كەرەك. قازىنالىق شىعىس كۇشەمەلىلىگىن ارتتىرىپ، ٴتۇيىندى سالالارداعى قامتاماسىزدىقتى كۇشەيتۋ كەرەك. ەرەن ۇزاق مەرزىمدى ەرەكشە مەملەكەت زايومىن تاراتۋدى ارتتىرىپ، ”ەكى كەلەلى“ نىساننىڭ جانە ”ەكى جاڭا“ ساياساتتىڭ اتقارىلۋىنا ۇزدىكسىز قولداۋ كورسەتۋ كەرەك. جەرگىلىكتى ۇكىمەتتەردىڭ ارناۋلى زايوم تاراتۋىن، پايدالانۋىن ارتتىرىپ، قارجى قوسۋ سالاسى مەن قولدانىلاتىن نىسانداردىڭ كاپيتال قورى رەتىندە قولدانۋ كولەمىن كەڭەيتۋ كەرەك. قازىنالىق شىعىس قۇرىلىمىن ساپالىلاندىرىپ، قارجىنىڭ پايدالانىلۋ ونىمدىلىگىن جوعارىلاتىپ، حالىق تۇرمىسىنا تيىمدىلىك جەتكىزۋگە، تۇتىنۋدى جەبەۋگە، تەبىندى ارتتىرۋعا اناعۇرلىم دەن قويىپ، نەگىزگى ساتىنىڭ ”ٴۇشتى قامتاماسىزداندىرۋ“ تومەنگى شەگىن مىقتى ساقتاۋ كەرەك. پارتيا، ۇكىمەت ورگاندارى ۇنەمشىلدىكپەن تۇرمىس كەشىرۋگە تاباندى بولۋى كەرەك.
ۇيلەسىمدى كەڭ اقشا ساياساتىن اتقارۋ كەرەك. اقشا ساياساتى قۇرالىنىڭ جالپى مولشەر جانە قۇرىلىم سىندى قوس ولشەمدى يقۋاتىن ويداعىداي ساۋلەلەندىرىپ، لايىقتى تۇردە زاپاس اقشا مولشەرىن تومەندەتىپ، ٴوسىمدى تومەندەتىپ، جىلجىمالىلىقتىڭ جەتكىلىكتى بولۋىن ساقتاپ، قوعامدىق قارجى قۇراۋ كولەمىنىڭ، اقشامەن قامداۋ مولشەرىنىڭ ارتۋىن ەكونوميكالىق ارتۋ، باعا جالپى دەڭگەيىنىڭ مەجە نىساناسىمەن ٴوزارا سايكەستىرۋ كەرەك. حالىق اقشاسى سىندىرىلىم مولشەرىنىڭ ۇيلەسىمدى، بىركەلكى دەڭگەيدەگى نەگىزگى ورنىقتىلىعىن ساقتاۋ كەرەك. ورتالىق بانكەنىڭ ماكرولىق جاقتاعى بايىپتىلىق جانە فينانستى ورنىقتىرۋ يقۋاتىن كەڭەيتۋ جونىندە ىزدەنىس جاساپ، فينانس قۇرالىندا جاڭالىق اشىپ، فينانس بازارىنىڭ ورنىقتىلىعىن قورعاۋ كەرەك.
ساياسات ”كەشەندى شاراسىن“ ويداعىداي جۇرگىزۋ كەرەك. قازىنا، اقشا، جۇمىستاندىرۋ، كاسىپ سالاسى، ٴوڭىر، ساۋدا، قورشاعان ورتانى قورعاۋ، باقىلاۋ ـ باسقارۋ سياقتى ساياساتتار مەن رەفورما جاساۋ، ەسىك اشۋ شارالارىنىڭ سايكەسۋىن، سەلبەسۋىن كۇشەيتىپ، تاراۋلار ارا ٴونىمدى بايلانىس جاساۋ، كەڭەسىپ اڭىس ەتۋ مەحانيزمىن كەمەلدەندىرىپ، ساياساتتىق بىرىككەن كۇشتى نىعايتۋ كەرەك. ەكونوميكالىق ساياسات پەن ەكونوميكاعا جاتپايتىن ساياساتتى ٴبىر تۇتاس ماكرولىق ساياسات بەتالىسىنىڭ بىردەيلىگىن باعالاۋعا ەنگىزىپ، ساياساتتى جاساۋ مەن اتقارۋ جالپى بارىسىن ٴبىر تۇتاس جوسپارلاپ، ساياساتتىڭ تۇتاس تۇلعالىق ونىمدىلىگىن جوعارىلاتۋ كەرەك.
ٴماجىلىس كەلەر جىلى مىناداي ٴتۇيىندى مىندەتتەردى ويداعىداي يگەرۋدى تۇراقتاندىردى:
ٴبىرىنشى، تۇتىنۋدى زور كۇشپەن سەرپىلتىپ، قارجى قوسۋ ونىمدىلىگىن جوعارىلاتىپ، ىشكى سۇرانىستى جان ـ جاقتى كەڭەيتۋ كەرەك. تۇتىنۋدى سەرپىلتۋ ارناۋلى ارەكەتىن اتقارىپ، ورتا، تومەن كىرىستى قاۋىمنىڭ كىرىسىن ارتتىرىپ، اۋىرتپالىعىن جەڭىلدەتۋدى ىلگەرىلەتىپ، تۇتىنۋ قۋاتىن، تىلەگىن جانە دارەجەسىن جوعارىلاتۋ كەرەك. زەينەتكەرلەردىڭ نەگىزگى زەينەتاقىسىن لايىقتى جوعارىلاتۋ، قالا، اۋىل تۇرعىندارىنىڭ نەگىزگى زەينەتاقىسىن جوعارىلاتۋ، قالا، اۋىل تۇرعىندارىنىڭ ەمدەۋ قامسىزداندىرۋىنىڭ قازىنالىق كومەك قاراجات ولشەمىن جوعارىلاتۋ كەرەك. ”ەكى جاڭا“ ساياساتتى اتقارۋدىڭ كولەمىن بارىنشا كەڭەيتىپ، كوپ نەگىزدى تۇتىنۋ جاعدايىندا جاڭالىق اشىپ، قىزمەت وتەۋ تۇتىنۋىن كەڭەيتىپ، مادەنيەت ـ ساياحات كاسىبىنىڭ دامۋىن جەبەۋ كەرەك. العاشقى شارۋاشىلىقتى، قار ـ مۇز شارۋاشىلىعىن، قارتتار شارۋاشىلىعىن بەلسەنە دامىتۋ كەرەك. جوعارىدان تومەنگە قاراي ۇيىمداستىرۋدى، سايكەستىرۋدى كۇشەيتىپ، ”ەكى كەلەلى“ نىساندى اناعۇرلىم زور تەبىنمەن قولداۋ كەرەك. ورتالىق مەجە ەسەبى ىشىندەگى قارجى قوسۋدى ۇيلەسىمدى ارتتىرۋ كەرەك. قازىنا مەن فينانستىڭ سايكەسۋىن كۇشەيتىپ، ۇكىمەتتىك قارجى قوسۋ ارقىلى قوعامدىق قارجى قوسۋدى ٴونىمدى جەتەكتەۋ كەرەك. ”15 ـ بەسجىلدىق“ كەلەلى نىساندارىن ەرتەرەك جوسپارلاۋ كەرەك. قالانى جاڭالاۋدى زور كۇشپەن جۇرگىزۋ كەرەك. تۇتاس قوعامنىڭ زات اينالىمى وزىندىك قۇنىن تومەندەتۋ ارناۋلى ارەكەتىن اتقارۋ كەرەك.
ەكىنشى، عىلىم ـ تەحنيكادا جاڭالىق اشۋ ارقىلى جاڭاشا وندىرگىش كۇشتەردى دامىتۋعا جەتەكشىلىك ەتىپ، وسىزاماندانعان كاسىپ سالاسى جۇيەسىن قۇرۋ كەرەك. نەگىزدىك زەرتتەۋ مەن شەشۋشى، وزەكتى تەحنيكالاردان قامال الۋدى كۇشەيتىپ، كەلەلى عىلىم ـ تەحنيكالىق نىسانداردى الدىن الا ورنالاستىرىپ، جاڭا تەحنيكالاردى، جاڭا ونىمدەردى، جاڭا كۇيلەردى زور كولەمدە قولدانۋ جاعىندا ۇلگى كورسەتۋ ارەكەتىن ورىستەتۋ كەرەك. ”جاساندى زەردە +“ ارەكەتىن ورىستەتىپ، بولاشاق كاسىپ سالالارىن جەتىلدىرۋ كەرەك. مەملەكەتتىڭ ستراتەگيالىق عىلىم ـ تەحنيكالىق قۋات قۇرىلىسىن كۇشەيتۋ كەرەك. كوپ دارەجەلى فينانستىق قىزمەت وتەۋ جۇيەسىن اقاۋسىزداندىرىپ، ٴتوزىمدى كاپيتالدى ۇلعايتىپ، قوعامدىق كاپيتالدى تىڭ تىرشىلىككە، قارجى قوسۋعا ات سالىسۋعا اناعۇرلىم زور سەرپىنمەن باۋراپ، جاڭاشىل كاسىپورىنداردى ساتىلى جەتىلدىرۋ كەرەك. ”ىشكى قاراتالاسۋ ۇلگىسىندەگى“ باسەكەنى جالپىلىق رەتتەپ ـ وڭاپ، جەرگىلىكتى ۇكىمەتتەر مەن كاسىپورىندار ارەكەتىن جۇيەلىلەندىرۋ كەرەك. سيفرلى تەحنيكانى، جاسىل تەحنيكانى بەلسەندى قولدانىپ، ٴداستۇرلى كاسىپ سالالارىن جاڭالاۋ، دەڭگەيىن كوتەرۋ كەرەك.
ٴۇشىنشى، ەكونوميكالىق ٴتۇزىلىس رەفورماسىنىڭ جەتەكتەۋ رولىن ساۋلەلەندىرىپ، بەلگى سيپاتتى رەفورما شارالارىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن كوتەرۋ ارەكەتىن جوعارى ساپالى ورىنداپ، حالىقتىق ەكونوميكانى جەبەۋ زاڭىن شىعارۋ كەرەك. كاسىپورىندارعا ساياتىن زاڭ اتقارۋدى ارناعا ٴتۇسىرۋ ارناۋلى ارەكەتىن ورىستەتۋ كەرەك. مەملەكەت بويىنشا بىرلىككە كەلگەن ۇلكەن بازار قۇرىلىسى نۇسقاۋىن جاساۋ كەرەك. باقىلاۋ ـ باسقارۋدى كۇشەيتىپ، تۇعىر ەكونوميكاسىنىڭ اقاۋسىز دامۋىن جەبەۋ كەرەك. قازىنا ـ سالىق ٴتۇزىلىسى رەفورماسىن ٴبىر تۇتاس جوسپارلاپ ىلگەرىلەتىپ، جەرگىلىكتى ورىننىڭ دەربەس قازىنا قۋاتىن ارتتىرۋ كەرەك. كاپيتال بازارىنىڭ قارجى قوسۋ، قارجى قۇراۋ جالپىلىق رەفورماسىن تەرەڭدەتىپ، ورتا، ۇزاق مەرزىمدىك قارجىنىڭ جارنا بازارىنا كىرۋىندەگى كەدەرگىلەردى، بوگەتتەردى اشىپ، كاپيتال بازارى ٴتۇزىمىنىڭ سيىسىمدىلىعىن، ۇيلەسىمدىلىگىن كۇشەيتۋ كەرەك.
ٴتورتىنشى، جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ كەرەك. دەربەس ەسىك اشۋ مەن سىڭار جاقتى ەسىك اشۋدى تارتىپپەن كەڭەيتىپ، تۇزىمدىك ەسىك اشۋدى ورنىقتى كەڭەيتىپ، ەركىن ساۋدا سىناق رايونىنىڭ ساپاسىن جوعارىلاتىپ، ونىمدىلىگىن ارتتىرۋدى جانە رەفورما مىندەتتەرى جونىنەن ۇقىق بەرۋدى كەڭەيتۋدى ىلگەرىلەتىپ، حاينان ەركىن ساۋدا پورتىنىڭ وزەكتى ساياساتىن تياناقتاندىرۋدى جەدەل ىلگەرىلەتۋ كەرەك. قىزمەت وتەۋ ساۋداسىن، جاسىل ساۋدانى، سيفرلى ساۋدانى بەلسەنە دامىتۋ كەرەك. شەتەل ساۋداگەرلەرىنىڭ قارجى قوسۋىن جەبەۋ ٴتۇزىلىس ـ مەحانيزمى رەفورماسىن تەرەڭدەتۋ كەرەك. قىزمەت وتەۋ كاسىبىندە ەسىك اشۋدى ورنىقتى قاداممەن ىلگەرىلەتىپ، تەلەگراف، ەمدەۋ، وقۋ ـ اعارتۋ سياقتى سالالارداعى ەسىك اشۋ سىناق تۇيىندەرىن كەڭەيتىپ، ”جۇڭگوعا قارجى قوسۋ“ ماركاسىن ۇزدىكسىز تۇلعالاۋ كەرەك. ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، مەملەكەت سىرتى جالپىلىق قىزمەت وتەۋ جۇيەسىن كەمەلدەندىرۋ كەرەك.
بەسىنشى، ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانىپ جانە ونى جويىپ، جۇيەلىك حاۋىپ ـ قاتەر تۋىلماۋ تومەنگى شەگىن مىقتاپ ساقتاۋ كەرەك. قورا ـ جاي بازارىنىڭ قۇلدىراۋىنىڭ توقتاپ، ورنىقتى قالپىنا كەلۋىن بار كۇشپەن ۇزدىكسىز ىلگەرىلەتىپ، قالا ىشىندەگى قىستاقتار مەن قاتەرلى، كونە ۇيلەردى جاڭالاۋدى كۇش سالا اتقارىپ، قاجەتتى جانە جاقسارتۋ سيپاتتى تۇرعىن ٴۇي سۇرانىسى كومەسكى كۇشىن تولىق جارىققا شىعارۋ كەرەك. تىڭنان ارتقان قورا ـ جايعا پايدالانىلاتىن جەرمەن قامداۋدى ۇيلەسىمدى تىزگىندەپ، ىركىندى جەر مەن ساۋدالىق ٴۇيدى جانداندىرىپ، ىركىندى تاۋار ۇيلەردى ٴبىر جاقتى ەتۋ قىزمەتىن ىلگەرىلەتۋ كەرەك. قورا ـ جايدى دامىتۋ جاڭا ۇلگىسىن ورناتۋدى ىلگەرىلەتىپ، قاتىستى نەگىزدىك تۇزىمدەردى تارتىپپەن ورناتۋ كەرەك. جەرگىلىكتى ورتا، شاعىن فينانس قۇرىلىمدارىنىڭ حاۋىپ ـ قاتەرىن ۇيلەسىمدى ٴبىر جاقتى ەتۋ كەرەك. ورتالىق پەن جەرگىلىكتى ورىن سەلبەسىپ، كۇش بىرىكتىرىپ، زاڭسىز فينانس ارەكەتتەرىنە سوققى بەرۋ كەرەك.
التىنشى، جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتىپ، قالا مەن اۋىلدىڭ توعىسا دامۋىن جەبەۋ كەرەك. ەگىستىك جەر قىزىل سىزىعىن قاتاڭ ساقتاپ، ەگىستىك جەردى يەلەۋدىڭ جانە تولىقتاۋدىڭ تەپە ـ تەڭدىگىن باسقارۋدى قاتايتۋ كەرەك. استىق پەن ماڭىزدى اۋىل شارۋاشىلىعى ونىمدەرى ٴوندىرىسىن ورنىقتىرۋدى، قامداۋدى قامتاماسىز ەتۋدى ويداعىداي يگەرىپ، اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن جوعارىلاتۋ كەرەك. استىق ەگەتىن ديقاندار مەن استىق وندىرەتىن نەگىزگى وڭىرلەردىڭ بەلسەندىلىگىن قورعاپ، استىق باعاسىن قالىپتاستىرۋ مەحانيزمىن اقاۋسىزداندىرۋ كەرەك. جەرگىلىكتى جاعدايعا قاراي كاسىپتى گۇلدەندىرۋ، اۋداندى قۋاتتاندىرۋ، حالىقتى بايىتۋدى ٴبىر تۇلعالاندىرا دامىتۋدى ىلگەرىلەتىپ، شارۋالاردىڭ كىرىسىن ارتتىرۋ ارناسىن امالدىڭ بارىنشا كەڭەيتۋ كەرەك. وسىزاماندانعان ٴىرى قالا شەڭبەرىن دامىتىپ، اسا ٴىرى، ەرەكشە ٴىرى قالالاردىڭ وسىزاماندانعان باسقارۋ دەڭگەيىن جوعارىلاتىپ، اۋدان ٴوڭىرى ەكونوميكاسىن زور كۇشپەن دامىتۋ كەرەك.
جەتىنشى، وڭىرلىك ستراتەگيانى اتقارۋ سەرپىنىن ارتتىرىپ، وڭىرلىك دامۋدىڭ ومىرشەڭدىگىن كۇشەيتۋ كەرەك. وڭىرلىك سايكەستى دامۋ ستراتەگياسىنىڭ، وڭىرلىك كەلەلى ستراتەگيانىڭ، نەگىزگى يقۋاتتىق ٴوڭىر ستراتەگياسىنىڭ قاباتتاسۋ اسەرىن ساۋلەلەندىرىپ، جاڭا ارتۋ ۇيەگىن بەلسەنە جەتىلدىرۋ كەرەك. ەكونوميكالىق دامۋ ارتىقشىلىعى بار وڭىرلەردىڭ جاڭالىق اشۋ قابىلەتى مەن ىقپال جاساۋ، جەتەكتەۋ رولىن جوعارىلاتۋ كەرەك. ەكونوميكالىق ٴىرى ولكەلەردىڭ جۇكتىڭ اۋىرىن كوتەرۋىنە قولداۋ كورسەتىپ، باسقا وڭىرلەردى جەرگىلىكتى جاعدايعا قاراي ىستەپ، ٴارقايسىسىن ٴوز ارتىقشىلىقتارىن ايگىلەۋگە شابىتتاندىرۋ كەرەك. شىعىس، ورتا، باتىس، شىعىس سولتۇستىك وڭىرلەردىڭ كاسىپ سالاسى ىستەستىگىن تەرەڭدەتىپ، تەڭىز ـ مۇحيت ەكونوميكاسى مەن شىعاناق رايونى ەكونوميكاسىن كۇش سالا دامىتۋ كەرەك.
سەگىزىنشى، كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىل جامىلعىنى كوبەيتۋدى، ەكونوميكانى ارتتىرۋدى سايكەستى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ كەرەك. ەكولوگيالىق وركەنيەت ٴتۇزىلىسى رەفورماسىن ونان ارى تەرەڭدەتۋ كەرەك. جاسىل، تومەن كومىر قىشقىل گازدى كاسىپ سالالارىن اقاۋسىز دامىتۋ ەكولوگياسىن قالىپتاستىرىپ، جاسىل قۇرىلىس سياقتى جاڭا ارتۋ تۇيىندەرىن جەتىلدىرۋ كەرەك. ”ٴۇش تەرىستىك“ ينجەنەرياسىنىڭ بەلگى سيپاتتى شايقاسىندا ماڭىزدى جەتىستىكتەرگە قول جەتكىزۋدى ىلگەرىلەتىپ، ”قۇمدى ٴشول، قۇبا ٴتۇز، قۋاڭ دالا“ جاڭا ەنەرگيا بازاسى قۇرىلىسىن جەدەلدەتۋ كەرەك. كومىر قىشقىل گازىن شىعارمايتىن ٴبىر توپ باقشا رايونىن قۇرىپ، بۇكىل ەل بويىنشا كومىر قىشقىل گازى بازارى قۇرىلىسىن ىلگەرىلەتىپ، ٴونىمنىڭ كومىر قىشقىل گازىن شىعارۋىن ىزىنە ٴتۇسىپ باسقارۋ جۇيەسىن، كومىر قىشقىل گازىن ساراپتاۋ بەلگىسى ٴتۇزىمىن ورناتۋ كەرەك. كوك اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ىشكەرىلەي ىلگەرىلەتۋ كەرەك. قاتتى كۇيدەگى جاراقسىز زاتتاردى جالپىلىق جونگە سالۋ ارەكەت جوسپارىن جاساۋ كەرەك. ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارۋ كەرەك. جاراتىلىستىق اپاتتان ساقتانۋ، تىزگىندەۋ جۇيەسى قۇرىلىسىن كۇشەيتۋ كەرەك.
توعىزىنشى، حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. ٴتۇيىندى سالالاردا، ٴتۇيىندى كاسىپتەردە، قالا، اۋىل نەگىزگى ساتىلارىندا جانە ورتا، شاعىن، ۇساق كاسىپورىنداردا جۇمىستاندىرۋدى قولداۋ جوسپارىن اتقارىپ، ٴتۇيىندى قاۋىمنىڭ جۇمىستانۋىن جەبەۋ كەرەك. يكەمدى جۇمىستانۋ مەن جاڭا جۇمىستانۋ كۇيىندەگى ەڭبەكشىلەردىڭ ۇقىق ـ مۇددەسىن قامتاماسىز ەتۋدى كۇشەيتۋ كەرەك. كاسىپ سالاسى، جۇمىستاندىرۋ سياقتى كومەكتەسۋ ـ سۇيەمەلدەۋ ساياساتتارىن ويداعىداي تياناقتاندىرىپ، كولەمدى قايتا كەدەيلەسۋ، كەدەيلەسۋ تۋىلماۋىنا شىنايى كەپىلدىك ەتىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ كەرەك. مىندەتتى وقۋ ـ اعارتۋدىڭ ساپالى، بىركەلكى دامۋىن ىلگەرىلەتىپ، ساپالى تولىق كۋرس كولەمىن كەڭەيتۋدى تىڭعىلىقتى جەبەۋ كەرەك. ەمدەۋ ـ دەنساۋلىق ساقتاۋ بويىنشا نەگىزدى بەكەمدەۋ ينجەنەرياسىن اتقارىپ، تۋىتتى جەبەۋ ساياساتىن بەلگىلەۋ كەرەك. الەۋمەتتىك اۋماق قولدايتىن قارتتاردىڭ ۇيدە كۇتىمدەلۋىن دامىتىپ، جالپىعا بىردەي قارتتاردى كۇتىمدەۋ قىزمەت وتەۋىن كەڭەيتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، الەۋمەتتىك حاۋىپسىزدىكتى جۇيەلى باسقارۋدى كۇشەيتۋ كەرەك.
ٴماجىلىس مىنالاردى اتاپ كورسەتتى: سانالى تۇردە پارتيا ورتالىق كوميتەتىنىڭ جاعداي جونىندەگى عىلمي تۇجىرىمى ارقىلى يدەيانى بىرلىككە كەلتىرىپ، ەرىك ـ جىگەردى بىرلىككە كەلتىرىپ، ارەكەتتى بىرلىككە كەلتىرىپ، اۋقىمدى يگەرىپ، سەنىمدى بەكەمدەۋمەن بىرگە، قيىنشىلىققا تۋرا قاراپ، سەرگەكتىكتى ساقتاۋ كەرەك. كەلەر جىلعى ەكونوميكالىق قىزمەتتىڭ جالپى تۇلعالىق تالابى مەن ساياساتتىق بەتالىسىن جاپپاي دايەكتىلەندىرىپ، نىسانانى جەتەكشى ەتۋگە ٴمان بەرىپ، ارتۋدىڭ ورنىقتى بولۋىن، جۇمىستاندىرۋدىڭ ورنىقتى بولۋىن جانە زات باعاسىنىڭ ۇيلەسىمدى قايتا ورلەۋىن ساپالى بىرىكتىرۋدى كۇش سالا جۇزەگە اسىرۋ؛ ساياساتتىق بەتالىستى يگەرىپ، ورايدىڭ سەرپىنىنە ٴمان بەرىپ، ٴتۇرلى قىزمەتتەردىڭ ەرتە بىتىرۋگە بولاتىندارىن ەرتە ٴبىتىرىپ، مىقتى يگەرىپ، ناقتى يگەرىپ، جەتكىلىكتى سەرپىنگە كەپىلدىك ەتۋ؛ جۇيەلى ويلاۋدى كۇشەيتىپ، ٴتۇرلى ساياساتتار مەن رەفورما جاساۋ، ەسىك اشۋ شارالارىنىڭ سايكەسۋىنە، سەلبەسۋىنە ٴمان بەرىپ، ساياساتتىڭ ونىمدىلىگىن زورايتۋ كەرەك. شەشۋشى بۋىنداردى مىقتى يگەرىپ، كەلەر جىلعى ەكونوميكالىق قىزمەتتىڭ ٴتۇيىندى مىندەتتەرىن ويداعىداي ورىنداپ، سۇرانىستىڭ جەتكىلىكسىز بولۋىنداعى كورنەكتى تۇيىندەرگە مەڭزەس، ىشكى سۇرانىستى، اسىرەسە، تۇرعىنداردىڭ تۇتىنۋ سۇرانىسىن كۇش سالا سەرپىلتۋ؛ دامۋعا تۇساۋ بولىپ وتىرعان تەرەڭ قاتپارلى كەدەرگىلەر مەن سىرتقى سىن ـ سايىستارعا مەڭزەس تاباندىلىقپەن رەفورمانى تەرەڭدەتىپ، ەسىك اشۋدى كەڭەيتۋ؛ كاسىپ سالاسىنىڭ تيبىن جاڭالاپ، دارەجەسىن جوعارىلاتۋداعى بوگەتتىك تەجەمدەرگە مەڭزەس، جاڭا، كونە قوزعالىس قۋاتتارىنىڭ ورنىقتى، ۇزدىكسىز اۋىسۋىن ىلگەرىلەتۋ؛ كاسىپورىنداردىڭ شارۋاشىلىق جۇرگىزۋ بارىسىنداعى ٴجىتى قاداعالاپ وتىرعان تىلەك ـ تالاپتارىنا مەڭزەس، ساياساتتىق قولداۋدى كۇشەيتۋ جانە باقىلاۋ ـ باسقارۋعا قىزمەت وتەۋدى ساپالىلاندىرۋ؛ ٴتۇيىندى سالالارداعى حاۋىپ ـ قاتەرلەر مەن كومەسكى كىناراتتارعا مەڭزەس حاۋىپ ـ قاتەردى ٴبىر جاقتى ەتۋدى ۇزدىكسىز كۇش سالا ىلگەرىلەتۋ كەرەك. تياناقتاندىرۋدى يگەرۋ ونىمدىلىگىن بارىنشا جوعارىلاتىپ، نەگىزگى ساتىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، جوعارى ساپالى دامۋدى ىلگەرىلەتۋ بىرىككەن كۇشىن اناعۇرلىم ويداعىداي ۇيىستىرۋ كەرەك.
ٴماجىلىس مىنالاردى باسا دارىپتەدى: پارتيانىڭ ەكونوميكالىق قىزمەتكە باسشىلىعىن كۇشەيتىپ، ٴىس تىندىرۋدى ماڭداي الدى ورىنعا قويۋعا تاباندى بولىپ، سەنىمدى كۇشەيتىپ، قيىندىققا قارسى اتتانىپ، قايراتتانا العا ۇمتىلىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتۋ كەرەك. وڭ باعىتتا شابىتتاندىرۋدى كۇشەيتىپ، ٴىس تىندىرىپ ناتيجە شىعارۋ ىشكى قوزعاۋشى كۇشىن قاۋلاتۋ كەرەك. نەگىزگى ساتىعا شىنايى ىرىق بەرىپ، اۋىرتپالىعىن جەڭىلدەتىپ، ٴىس تىندىرعىسى كەلەتىن، ٴىس تىندىرا الاتىن كادرلاردىڭ ٴىس تىندىرا الۋىنا، ىستەن ناتيجە شىعارا الۋىنا مۇمكىندىك جاساۋ كەرەك. شىرىكتەسۋدى بۇلجىماي جازالاپ، ٴادىل، ادىلەتتى بازار ورتاسىن، ستيلى پاك، سالتى دۇرىس شارۋاشىلىق ـ ساۋدا ورتاسىن ساقتاۋ كەرەك. شىندىققا جۇگىنىپ ناقتى ٴىس ىستەۋگە تاباندى بولىپ، جوعارىعا ٴوزىن كورسەتۋگە ىنتىق بولاتىن، تومەنگە جاۋاپتى بولمايتىن، ناقتى ونىمدىلىكتى ويلاستىرمايتىن فورماشىلدىققا، تورەشىلدىككە باتىل قارسى تۇرۋ كەرەك. دامۋ مەن حاۋىپسىزدىكتى ٴبىر تۇتاس جوسپارلاپ، ٴوندىرىس حاۋىپسىزدىگىن ويداعىداي يگەرىپ، قوعام اماندىعىنا ساياتىن وقيعالاردان ٴونىمدى ساقتانۋ جانە وعان دەر كەزىندە توتەپ بەرۋ كەرەك. سايكەسە بىرلەسىپ ارەكەتتەنۋدى كۇشەيتىپ، ورىنشىلدىققا قارسى تۇرىپ، تياناقتاندىرۋدى يگەرۋ بىرىككەن كۇشىن قالىپتاستىرۋ كەرەك. مەجەنى باسقارۋدى كۇشەيتىپ، ساياساتتىڭ اتقارىلۋى مەن مەجە جەتەكشىلىگىن سايكەستى ىلگەرىلەتىپ، ساياساتتىڭ جەتەكشىلىك قۋاتىن، ىقپال كۇشىن ارتتىرۋ كەرەك. سونىمەن بىرگە دۇنيە ٴجۇزى جاعدايىن، مەملەكەت جاعدايىن، پارتيا جاعدايىن، قوعام جاعدايىن دۇرىس يگەرىپ، ستراتەگيالىق جوسپارلاۋدى كۇشەيتىپ، ورتالىقتىڭ ”15 ـ بەسجىلدىق“ جوبا ۇسىنىسىن ويداعىداي جاساۋ كەرەك.
ٴماجىلىس مىنالاردى تالاپ ەتتى: جىل سوڭى مەن كەلەر جىلدىڭ باسىنداعى حالىق تۇرمىسىن قامتاماسىز ەتۋ جانە حاۋىپسىزدىك، ورنىقتىلىق قىزمەتتەرىن ويداعىداي ىستەپ، ٴتۇرلى قايشىلىقتار مەن داۋ ـ شارلاردى جانە حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ، جويىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك.
ٴماجىلىس بۇكىل پارتيانى، بۇكىل ەلدى، بۇكىل قوعامدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴماجىلىستىڭ ورنالاستىرۋلارىن مۇقيات تياناقتاندىرىپ، ەكونوميكالىق، قوعامدىق دامۋ نىسانا ـ مىندەتتەرىن جاپپاي ورىنداپ، جوعارى ساپالى دامۋدىڭ ٴىس جۇزىندىك تابىستارىمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە ۇندەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ٴوندىرىس ـ قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ٴىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ٴارقايسى تاراۋلارىنداعى نەگىزگى جاۋاپتى جولداستار، ت. ب ماجىلىسىكە قاتىناستى.
