انار بۇلت \ شينجياڭ گازەتىنىڭ ٴتىلشىسى گان شيڭحۋا
2 جىلدىڭ الدىندا فەردون احمەتجان مەن ونىڭ جاڭا قىزمەتتەسى ۋاڭ چۇڭلۇڭ جاتاقتاس بولدى. ٴبىر كاسىپتەن وقۋ تاۋىسقان، بىردەي سىرت جەردەن كەلگەن، قىزمەتكە ەرەكشە ىنتالى بوزبالالار ٴوزارا كومەكتەسىپ، بىرگە العا باسۋ بارىسىندا ەڭ جاقسى باۋىرلارعا اينالدى.
2022 ـ جىلى 7 ـ ايدا داشۋە بىتىرگەن ۋاڭ چۇڭلۇڭ اۋىلى گانسۋدان ەمتيحان بەرىپ ٴوتىپ، مەملەكەتتىك ەلەكتر تورى شينجياڭ پارتيا مەكتەبىنىڭ باۋلۋ ورتالىعىنا كەلىپ قىزمەتكە قابىلداندى. وزىنە بولىنگەن جاتاققا كىرىسىمەن، ول حوتاننان قىستاقتا تۇرىپ دەمالىسقا قايتىپ كەلگەن فەردوندى كەزدەستىردى.
اشىق ـ جارقىن، ىقىلاستى فەردوننىڭ ٴۇيى موڭعۇلكۇرە اۋدانىندا، ول ٴوزى سياقتى اۋىلىنان الىستاپ كەلگەن جاڭا قىزمەتتەسىنە ايرىقشا كوڭىل ٴبولدى. ول وزدىگىنەن مەكەمەنىڭ جاعدايىن، شينجياڭنىڭ جەر جايى مەن جۇرت سالتىن تانىستىردى، جاڭا قىزمەتتەسىن شينجياڭنىڭ ٴدامدى تاعامدارىنان ٴدام تاتۋعا ەرتىپ اپاردى، جات جەردە جالعىز جۇرگەن ۋاڭ چۇڭلۇڭ جىلى شۋاقتى سەزىندى.
دەمالىسى اياقتاعاننان كەيىن، فەردون قىستاقتا تۇرۋ قىزمەت تۇيىنىنە قايتىپ كەتتى، ۋاڭ چۇڭلۇڭ دا شىت جاڭا قىزمەتىن باستادى. ”بۇل اراعا ۇيلەسە الدىڭ با؟ قانداي قيىنشىلىعىڭ بار؟ بىلمەگەن جەرلەرىڭدى، ٴسوزسىز، قىزمەتتەستەردەن كوبىرەك سۇراپ تۇر“. قىستاقتا تۇرۋ تۇيىنىنە قايتقان سوڭ، فەردون ۋاڭ چۇڭلۇڭمەن ۇنەمى حابارلاسىپ، ونىڭ قىزمەت احۋالىن ۇعىسىپ تۇردى. فەردون دەمالىسقا قايتىپ كەلگەندە، ەكەۋى بىرگە تاماقتانىپ، اڭگىمە دۇكەنىن قۇراتىن ەدى.
كوزدى اشىپ ـ جۇمعانشا بيىل 1 ـ اي كەلىپ، فەردوننىڭ قىستاقتا تۇرۋ قىزمەتى اياقتاپ، مەكەمەگە قايتىپ كەلدى.
2 جىل شىڭدالعان سوڭ، ۋاڭ چۇڭلۇڭ قىزمەتتەگى اق الاقاننان تولىمدى تەحنيك دارىندىسىنا اينالدى. فەردون مەكەمەگە قايتىپ كەلگەن سوڭ، ۋاڭ چۇڭلۇڭمەن ٴبىر كەڭسەدە ىستەدى، ەكەۋى دە داشۋەدە كومپيۋتەر عىلىم ـ تەحنولوگياسى ماماندىعىن ۇيرەنگەندىكتەن، بىرگە مەكەمەنىڭ ورتبوگەت، ينتەرنەت جابدىقتارىن ىسكە قوسۋ قاتارلى قىزمەتتەرىنە جاۋاپتى بولدى.
جايشىلىقتا ولار مەكەمەنىڭ ينتەرنەت جۇيەسىن تەحنيكالىق جاقتان قامتاماسىزداندىرعاننان تىس، كۋرسانتتاردىڭ كۇندەلىكتى ساباق ۇستىندەگى ٴتارتىبى، ارتقى شەپ قامتاماسىزدىعى سياقتى قىزمەتتەردى ىستەيدى. ۇيالشاق، سوزگە شورقاق ۋاڭ چۇڭلۇڭ كوپ ادامنىڭ الدىنا بارسا قورعانادى. شىعىسىمدى فەردون باۋىرىنىڭ مىنەز ـ قۇلقىن بىلەتىندىكتەن، ٴوزىنىڭ باسقارۋ تاجىريبەلەرىن ۋاڭ چۇڭلۇڭعا ىرىقتىلىقپەن، بۇكپەسىز ۇيرەتتى. قۇنتتى ۋاڭ چۇڭلۇڭ فەردونعا كومەكتەسىپ، تەحنيكالىق جاقتاعى قىزمەتتەردى ٴۇن ـ ٴتۇنسىز اتقاردى.
ولار بىرگە ۇستەمە قىزمەت ىستەيدى، بىرگە تەحنيكالىق جاقتان قامال الادى، وزەكتى كومپيۋتەر بولمەسىندە بىرگە شارلاۋ ـ تەكسەرۋ جۇرگىزىپ، كىناراتتاردى تابادى... قۇلشىنا قىزمەت ىستەگەن كۇندەردە ەكەۋى اينىماس دوستارعا اينالدى.
ٴبىر قالانى تاڭداۋ ٴبىر ٴتۇرلى تۇرمىستى تاڭداعانمەن بارابار. ۋاڭ چۇڭلۇڭ داشۋە بىتىرگەننەن كەيىن، اۋىلى گانسۋدا وتە تاماشا قىزمەت ورايىنا يە بولعان ەدى، ۇيىندەگى جالعىز ۇل بولسا دا، ول شينجياڭعا كەلۋدى تاڭدادى. ول: ”شينجياڭدا قىزمەت ىستەيتىن تۋىستارىم بار، بۇرىن وقۋشى كەزىمدە بىرنەشە رەت كەلگەنمىن، بۇل ارانى قاتتى ۇناتامىن ٴارى شينجياڭعا بارىپ دامىسام، بولاشاعىم ٴتىپتى دە نۇرلى بولاتىن سياقتى سەزىنەمىن. بۇل اراعا كەلگەننەن كەيىن شىڭدالاتىن وراي كوپ ەكەندىگىن بايقادىم، قىزمەتتەستەرىم ٴبىر ـ بىرىمەن بەرەكەلى، مەن جاقسى دوس تا تاۋىپ الدىم“، ـ دەدى.
ۋاڭ چۇڭلۇڭنىڭ شەشەسى ونى كوپ رەت اۋىلعا قايتىپ قىزمەت ىستەۋگە ٴناسيحاتتاعان ەدى، 2023 ـ جىلى شينجياڭعا ۇلىن كورۋگە دە كەلگەن. ۇلىنىڭ ٴوزى ۇناتاتىن قىزمەتىمەن اينالىسىپ جاتقاندىعىن، تاعى دوس تاپقاندىعىن كورگەندە، شەشەسى ۇلىن ۇيگە قايتۋعا ٴناسيحاتتاۋىن دوعاردى. ۋاڭ چۇڭلۇڭنىڭ شەشەسى:”باستابىندا ونىڭ قاسىمىزدا تۇرۋىن قاتتى ارمانداعان ەدىك. ٴبىراق بالامىزدىڭ وزىندىك كوزقاراسى بار، قازىر قىزمەتى ورنىقتى، ماڭايىنداعى قىزمەتتەستەرىمەن بەرەكەلى ٴوتىپ جاتقانىن كورىپ الاڭسىز بولىپ قالدىق. ونىڭ قىزمەتتەستەرىمەن بىرگە قۇلشىنىپ، قىزمەتتى تاماشا ىستەۋىن ٴۇمىت ەتەمىن“، ـ دەدى.
قىزمەتتەرى ورنىققان سوڭ، فەردون مەن ۋاڭ چۇڭلۇڭ ەكەۋى مەكەمەنىڭ قاسىنان ٴۇي الۋدى ويلادى. ارەدىك ۋاقىتتا اعالى ـ ٴىنىلى ەكەۋى ىلعي مەكەمەنىڭ ماڭايىنداعى ۇيلەردى كورىپ، تالقىلاپ زەرتتەيدى.
”كەشتە كاۋاپ جەسەك قايتەدى؟ مەن ٴدامى ٴتىل ۇيىرەتىن ٴبىر جەردى بىلەمىن...“ ”جارايدى، مەنىڭ كاۋاپ جەمەگەنىمە نەشە كۇن بولدى...“ 12 ـ ايدىڭ 3 ـ كۇنى كەشتە قىزمەتتە ٴوزارا كومەكتەسەتىن وسى ٴبىر جۇپ باۋىرلاستار ەندى قىزمەتتەن تۇسكەن سوڭ ٴدامدى تاعام جەۋگە ۋادەلەستى.
جات جەردە جانىڭا جاقىن ادامعا كەزدەسىپ، بىرگە قۇلشىنىپ، ورتاق العا باسۋ، بالكىم وسىنىڭ ٴوزى دوستار تاتۋلىعىنىڭ ەڭ جاقسى بەينەسى بولار!
