«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
پارتيانىڭ وزىنە ـ ٴوزى توڭكەرىس جاساۋىن ىشكەرىلەي ىلگەرىلەتۋ كەرەك
شينحۋا اگەنتتىگىنىڭ 12 ـ ايدىڭ 15 ـ كۇنى بەيجيڭنەن بەرگەن حابارى. 12 ـ ايدىڭ 16 ـ كۇنى شىعاتىن «ىزدەنۋ» جۋرنالىنىڭ 24 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «پارتيانىڭ وزىنە ـ ٴوزى توڭكەرىس جاساۋىن ىشكەرىلەي ىلگەرىلەتۋ كەرەك» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: پارتيامىز دۇنيە جۇزىندەگى ەڭ ٴىرى ماركسيزمدىك بيلىك باسىنداعى پارتيا رەتىندە، قايتكەندە تىنىشتىق، بىلىقپالىق، گۇلدەنۋ، قۇلدىراۋ سىندى تاريح پەريودىنان ٴساتتى اتتاپ ٴوتىپ، پارتيانىڭ قاسيەتىنىڭ ماڭگى وزگەرمەۋىنە، ٴتۇسىنىڭ ماڭگى وزگەرمەۋىنە، سيپاتىنىڭ ماڭگى وزگەرمەۋىنە شىنايى كەپىلدىك ەتە الادى؟ بۇل _ بۇكىل پارتياداعى جولداستاردىڭ الدىنا قويىلعان ستراتەگيالىق ماسەلە. پارتيا 18 ـ قۇرىلتايىنان بەرى پارتيانى جاپپاي قاتاڭ باسقارۋدى ىلگەرىلەتۋ ۇلى امالياتىندا ٴبىز ۇزدىكسىز اماليات جاعىندا ىزدەنىس جاساپ جانە نازاريالىق جاقتا وي جۇگىرتىپ، ماۋ زىدۇڭ جولداستىڭ كەزىندە بەرگەن ”حالىققا ۇكىمەتتى باقىلاتۋ“ سىندى تۇڭعىش جاۋابى نەگىزىندە، پارتيانىڭ وزىنە ـ ٴوزى توڭكەرىس جاساۋىن ۇزدىكسىز ىلگەرىلەتۋ سىندى ەكىنشى جاۋاپتى بەردىك.
ماقالادا مىنالار اتاپ كورسەتىلدى: جاڭا داۋىردەگى 10 جىلداعى پارتيانى جاپپاي قاتاڭ باسقارۋدىڭ امالياتتىق جانە نازاريالىق ىزدەنىسى بارىسىندا ٴبىز پارتيانىڭ وزىنە ـ ٴوزى توڭكەرىس جاساۋى جونىندەگى تانىمىمىزدى ۇزدىكسىز تەرەڭدەتىپ، مول امالياتتىق تاجىريبە توپتاپ، ٴبىر قىدىرۋ ماڭىزدى نازاريالىق جەتىستىك قالىپتاستىرىپ، پارتيامىز نە ٴۇشىن وزىنە ـ ٴوزى توڭكەرىس جاسايدى، نە ٴۇشىن وزىنە ـ ٴوزى توڭكەرىس جاساي الادى، وزىنە ـ ٴوزى توڭكەرىس جاساۋدى قالاي ىلگەرىلەتەدى دەگەن سياقتى كەلەلى ماسەلەلەرگە جۇيەلى جاۋاپ قايتاردىق.
ماقالادا مىنالار اتاپ كورسەتىلدى: پارتيامىزدىڭ تالپىنعان مۇراتى وسكەلەڭ دە قاسيەتتى، ارقالاعان بورىشى جاپالى دا اۋىر، تەك ٴداۋىر دامۋىنىڭ تالابى بويىنشا وزىمىزگە ۇڭىلە قاراعاندا عانا، كۇشتى تاۋقىمەت تانىمى ارقىلى ٴوزىمىزدى سەرگىتىپ، وزىنە ـ ٴوزى توڭكەرىس جاساۋ رۋحىمەن ٴوزىمىزدى شىڭداپ، باسشىلىق قابىلەتىمىز بەن بيلىك جۇرگىزۋ دەڭگەيىمىزدى ۇزدىكسىز جوعارىلاتقاندا عانا، پارتيانىڭ باستان ـ اياق قاسيەتىنىڭ ماڭگى وزگەرمەۋىنە، ٴتۇسىنىڭ ماڭگى وزگەرمەۋىنە، سيپاتىنىڭ ماڭگى وزگەرمەۋىنە، باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتە الامىز. سونىمەن بىرگە جاعدايدىڭ، مىندەتتىڭ، سىرتقى ورتانىڭ وزگەرىسىنە جانە پارتيا مۇشەلەرى قوسىنىنىڭ وزىندىك وزگەرىسىنە بايلانىستى، پارتيا ىشىندە ٴتۇرلى قايشىلىقتار مەن ماسەلەلەردىڭ تۋىلۋىنان ساقتانۋ قيىن ەكەندىگىن، ٴسوزسىز، پىشاقتىڭ ٴدۇزىن ىشكە قاراتۋ باتىلدىعى ارقىلى ٴتۇرلى كەرەناۋ ىقپالدى دەر كەزىندە جويىپ، پارتيامىزدىڭ باستان ـ اياق جالىندى تىرشىلىك تىنىسى مەن تاسقىنداعان ومىرشەڭ كۇشكە تولى بولۋىنا شىنايى كەپىلدىك ەتۋىمىز كەرەكتىگىن كورە ٴبىلۋىمىز كەرەك. مىنە بۇل نە ٴۇشىن پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋىمىز كەرەكتىگى جونىندەگى قيسىن بولىپ تابىلادى.
ماقالادا مىنالار اتاپ كورسەتىلدى: جۇرەكتىلىكپەن وزىنە ـ ٴوزى توڭكەرىس جاساۋ ـ پارتيامىزدىڭ ەڭ ايقىن قاسيەتى ٴارى ەڭ ۇلكەن باسىمدىعى. پارتيانىڭ سيپاتى، ماقساتى، اۋەلگى ماقساتى، بورىشى پارتيامىزدىڭ باستان ـ اياق ەڭ كەڭ حالىقتىڭ ٴتۇبىرلى مۇددەسىنە ۋاكىلدىك ەتۋىن بەلگىلەگەن. جەكە باس پايدانى كوزدەمەسەك عانا، تۇبەگەيلى وزىنە ـ ٴوزى توڭكەرىس جاساۋ رۋحىنا يە بولا الامىز، ٴتۇبىردى كوزدەي الامىز، ۇلكەن مۇددەنى كوزدەي الامىز، اقيقاتقا تاباندى بولىپ، قاتەلىكتى تۇزەتە الامىز، ٴوزىمىزدى تەكسەرۋگە، قاتەلىگىمىز تۋرالى ۇنەمى وي جۇگىرتۋگە باتىلدىق ەتە الامىز؛ اۋرۋىمىزدى جاسىرماي ۋاعىندا ەمدەلىپ، قاتەلىكتى بۇركەمەلەمەي، وزىمىزدە ورىن تەۋىپ وتىرعان ماسەلەلەردى دەر كەزىندە بايقاساق جانە شەشسەك عانا، بارلىق مۇددەلىك توپتاردىڭ، ىقپال ـ كۇش ۇجىمدارىنىڭ، ۇقىقتى جىكتەردىڭ قورشاپ شىرعاعا ٴتۇسىرىپ ازدىرۋىنا پارمەندى قايتارما سوققى بەرە الامىز. بۇل پارتيامىزدىڭ باستان ـ اياق العاباسارلىقتى، كىرشىكسىزدىكتى ساقتاي الۋىنىڭ سىرى ٴارى پارتيامىزدىڭ وزىنە ـ ٴوزى توڭكەرىس جاساي الۋىنداعى سەنىم قاينارى.
ماقالادا مىنالار باسا دارىپتەلدى: پارتيانىڭ وزىنە ـ ٴوزى توڭكەرىس جاساۋىن ىشكەرىلەي ىلگەرىلەتۋ امالياتىندا مىناداي بىرنەشە ماسەلەنى ويداعىداي يگەرۋ كەرەك: ٴبىرىنشى، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن ٴتۇبىرلى كەپىل ەتۋگە تاباندى بولۋ كەرەك. ەكىنشى، ۇلى قوعامدىق توڭكەرىسكە باسشىلىق ەتۋدى ٴتۇبىرلى ماقسات ەتۋ كەرەك. ٴۇشىنشى، جاڭا داۋىردەگى جۇڭگوشا سوتسياليزم يدەياسىن ٴتۇبىرلى بويسۇنۋ ولشەمى ەتۋ كەرەك. ٴتورتىنشى، تاريح پەريودىنان اتتاپ ٴوتۋدى ستراتەگيالىق نىسانا ەتۋ كەرەك. بەسىنشى، ٴىرى پارتياعا عانا ٴتان قيىن ماسەلەلەردى شەشۋدى نەگىزگى قامال الۋ بەتالىسى ەتۋ كەرەك. التىنشى، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ٴونىمدى ٴتاسىل ەتۋ كەرەك. جەتىنشى، پارمەندى ۇيىم شىڭداۋدى، ىسىلعان قوسىن قۇرۋدى ماڭىزدى كۇش سالۋ ٴتۇيىنى ەتۋ كەرەك. سەگىزىنشى، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ماڭىزدى تۇتقا ەتۋ كەرەك. توعىزىنشى، ٴوزىن ـ ٴوزى باقىلاۋ مەن حالىققا باقىلاتۋدى ٴوزارا ۇشتاستىرۋدى پارمەندى قوزعاۋشى كۇش ەتۋ كەرەك.
ماقالادا مىنالار اتاپ كورسەتىلدى: اماليات دامۋىنىڭ ماڭگى شەگى بولمايدى، نازاريالىق جاڭالىق اشۋدىڭ دا ماڭگى شەگى بولمايدى. تاباندىلىقپەن يدەيانى ازات ەتىپ، شىندىقتى ٴىس جۇزىنەن ىزدەپ، داۋىرمەن بىرگە العا باسىپ، تۋراشىلدىقتان اينىماي جاڭالىق اشىپ، اماليات جاعىندا ىزدەنىس جاساۋدى جانە نازاريالىق جاڭالىق اشۋدى ۇزدىكسىز جۇرگىزىپ، پارتيانىڭ وزىنە ـ ٴوزى توڭكەرىس جاساۋىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيانىڭ وزىنە ـ ٴوزى توڭكەرىس جاساۋ وي جەلىسىن، شارالارىن ونان ارى قاتاڭداستىرىپ، ٴاربىر شەپتىڭ، ٴاربىر بۋىننىڭ وزىنە ـ ٴوزى توڭكەرىس جاساۋىن ناقتى يگەرۋ، ىشكەرىلەي يگەرۋ كەرەك.
