شينحۋا اگەنتتىگىنىڭ 12 ـ ايدىڭ 20 ـ كۇنى اۋمىننان بەرگەن حابارى. شينحۋا اگەنتتىگى 12 ـ ايدىڭ 20 ـ كۇنى «”دامۋدىڭ جاڭا ٴورىسىن اشىپ، ۇزدىكسىز تىڭ شۇعىلا جاراتايىق“ _ ٴتوراعا شي جينپيڭنىڭ اۋمىن ەرەكشە اكىمشىلىك رايونىن كوزدەن كەشىرگەندىگى جونىندە ەستەلىك» اتتى كولەمدى ادەبي حابار جاريالادى.
ماقالادا بىلاي دەلىندى: ”اۋمىن وتانىمىزدىڭ الاقانداعى مەرۋەرتى، مەن بۇل ارانىڭ دامۋىن جانە بارلىق تۇرعىندارىنىڭ قۇت ـ ىرىسىن باستان ـ اياق كوكەيدەن شىعارىپ كورگەن ەمەسپىن“. شىن جۇرەكتەن شىققان ٴسوز نانحاي تەڭىزى جاعاسىندا قۇلپىرا اشىلعان گۇلدەنگەن داۋىردەگى شامگۇلگە ونان ارى شۋاعىن توكتى.
12 ـ ايدىڭ 18 ـ كۇنىنەن 20 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ اۋمىنعا بارىپ، اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ مىندەتكە وتىرۋ سالتىنا قاتىناستى ٴارى اۋمىن ەرەكشە اكىمشىلىك رايونىن كوزدەن كەشىردى.
ماقالادا مىنالار اتاپ كورسەتىلدى: اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاعان مەرەيلى ساتتە اۋمىن ەرەكشەلىگىنە يە ”ٴبىر ەل، ەكى ٴتۇزىمنىڭ“ تابىستى امالياتىنىڭ سۇبەلى جەتىستىكتەرىنە قايىرىلا قاراپ، اۋمىننىڭ مەملەكەتتىڭ دامۋ كەلەلى جاعدايىمەن ونان ارى توعىسۋ، اناعۇرلىم ويداعىداي دامۋىن جۇزەگە اسىرۋ ايبىندى جوباسىن كەسكىندەپ، اۋمىننىڭ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى شىعىس جەلىنىڭ ارقاسىندا، جاڭا ٴورىس اشۋىنا، جاڭا شارىقتاۋدى جۇزەگە اسىرۋىنا، جاڭا شۇعىلا جاراتۋىنا جول نۇسقادى.
ماقالا 3 بولىككە بولىنگەن: (1) وزگەشە بارىس _ ”اۋمىن ەرەكشەلىگىنە يە ’ٴبىر ەل، ەكى ٴتۇزىم‘ امالياتىندا وراسان زور تابىسقا قول جەتكىزدى“؛ (2) جاستىق ارىن _ ”جاستىق كوكتەمنىڭ قۇدىرەتتى وتان جانە كورىكتى اۋمىن قۇرۋدىڭ كەڭ ورىسىندە شۇعىلا شاشۋىنا مۇمكىندىك جاسادى“؛ (3) كەڭ ٴورىس _ ”اۋمىن، ٴسوز جوق، دامۋدىڭ جاڭا ٴورىسىن اشادى، ۇزدىكسىز تىڭ شۇعىلا جاراتادى“.
ماقالادا بىلاي دەلىندى: ايبىندى دا كورىكتى كارتينا اشىلدى، اۋمىننىڭ بولاشاعى شەكسىز نۇرلى.
2025 ـ جىلى ورتالىقتىڭ ”15 ـ بەسجىلدىق“ جوبا ۇسىنىسى جاسالادى، بۇل اۋمىننىڭ دامۋىنا تىڭ دا كەڭ وراي ازىرلەيدى.
حىڭچين گۋاڭدۇڭ ـ اۋمىن تەرەڭ سەلبەستىك رايونىنىڭ جوبالاۋ، قۇرۋ، باسقارۋ، قىزمەت وتەۋ سياقتى ىستەرىنە ات سالىسقان ٴار جاقتىڭ ۋاكىلدەرىنە ٴتوراعا شي جينپيڭنىڭ ايتقان ٴسوزى ادامدى جەلپىندىرەدى:
”شەتەلدىڭ باسشىلارى ماعان جۇڭگودا ٴبىر ۇلكەن ارتىقشىلىق بار، سىزدەر ۇنەمى ٴتۇرلى جوبا جاسايسىزدار، ونىڭ ۇستىنە ٴتۇرلى جوبالار تۇگەلدەي جۇزەگە اسادى دەگەن بولاتىن. قازىر كوپشىلىك جۇڭگو ۇلگىسىندەگى وسىزامانداندىرۋعا كامىل سەنەدى. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە، ٴسوز جوق، اۋمىن ٴتىپتى دە تارتىمدى تاراۋ جازادى“!
