ەستەمەلەردى وياتۋ
بالوۋعا توقتايتىن 2 ـ جول اۆتوبۋزى قايتىپ كەلدى
انار بۇلت \ شينجياڭ گازەتىنىڭ ٴتىلشىسى سو رۇڭجى
12-ايدىڭ 23-كۇنى شياڭگاڭدىق 3 ساياحاتشى ءۇرىمجى قالاسىنىڭ بالوۋ نەگىزگى تاقىرىپتىق اۆتوبۋز بەكەتىندە ەستەلىك سۋرەتكە ءتۇستى.
”2002 ـ جىلدىڭ العاشقى قارى، كەش كەلدى جىلداعىدان دا ارى، بالوۋعا توقتاعان 2 ـ جول اۆتوبۋزى، الىپ كەتتى ەڭ سوڭعى قالىقتاعان سارى جاپىراقتى...“ كەزىندە چاڭجياڭنىڭ وڭتۇستىگى مەن سولتۇستىگىندە اسقاقتاتا جىرلانعان وسى ٴان ٴۇرىمجىنىڭ 2 ـ جول الەۋمەتتىك اۆتوبۋزىن بۇكىل ەلگە ايگىلەدى، 2 ـ جول الەۋمەتتىك اۆتوبۋز بەكەتى دە بۇكىل ەلدە ايگىلى جەر بەلگىسىنە اينالدى. شينجياڭ كۇنلۇن قوناق ٴۇيى 1:1 بويىنشا قايتا ۇقساتىپ جاساعان بالوۋدى نەگىزگى تاقىرىپ ەتكەن اۆتوبۋز بەكەتى 12 ـ ايدىڭ 21 ـ كۇنى رەسمي بوي كورسەتتى، ٴار ۇلت بۇقاراسى مەن ساياحاتشىلار تالاسا ـ تارماسا بارىپ كورىپ جاتتى.
12 ـ ايدىڭ 23 ـ كۇنى تۇستەن بۇرىن ٴتىلشى شينجياڭ كۇنلۇن قوناق ٴۇيىنىڭ جانىنداعى وڭتۇستىك ـ سولتۇستىك باعىتتاعى بالوۋ اۆتوبۋز بەكەتىنە كەلدى. بالوۋدى نەگىزگى تاقىرىپ ەتكەن اۆتوبۋز بەكەتىندە، ٴسوزسىز، باراتىن جيىنى 6 ٴتۇيىندى جەر بار، ادامدى ەڭ باۋرايتىنى 2 ـ جول اۆتوبۋزى مەن ونىڭ ەڭ كلاسسيكالىق اۆتوبۋز تۇرپاتى _ بەيجيڭ BG670 ٴتىپتى ۇزىن اۆتوبۋز ەدى.
”بۇل جەر _ اندە ايتىلعان بالوۋ اۆتوبۋز بەكەتى. تەز كەلىڭىزدەر، سۋرەتكە تۇسىرەيىن“. ساياحات جەتەكشىسى ان شۋەرۇڭ شياڭگاڭنان كەلگەن ساياحاتشىلاردى رەتى بويىنشا تۇرا قالۋعا شاقىرىپ، دەرەۋ فوتو تۇسىرگى قاقپاقشاسىن باستى. وسىدان كەيىن ان شۋەرۇڭ ساياحاتشىلارعا ”بالوۋدى“ جانە ”2 ـ جول اۆتوبۋزىن“ تانىستىردى.
”بالوۋ“ ٴۇرىمجى قالاسىنىڭ دوستىق سولتۇستىك جولىنداعى شينجياڭ كۇنلۇن قوناق ٴۇيىن مەڭزەيدى، عيماراتتىڭ بيىكتىگى 8 قابات، سول كەزدەگى ٴۇرىمجى قالاسىنداعى ەڭ بيىك جەر بەلگىسى سيپاتتى قۇرىلىس بولعاندىقتان، ادامدار ونى ىقىلاسپەن ”بالوۋ“ دەپ اتاعان. ال ”2 ـ جول اۆتوبۋزى“ سول كەزدە ٴۇرىمجى قالاسىنىڭ وڭتۇستىگى مەن سولتۇستىگىن كەسىپ وتەتىن ەڭ نەگىزگى الەۋمەتتىك قاتىناس جول جەلىسى بولاتىن. 2011 ـ جىلى BRT جەلىسى ىسكە قوسىلعاننان كەيىن، 2 ـ جول اۆتوبۋزى تاريح ساحناسىنان شەگىندى.
ان شۋەرۇڭ تىلشىگە بىلاي دەدى: بۇرىن ساياحاتشىلاردى الىپ جۇرگەن اۆتوبۋز بالوۋدان وتكەندە، مەن ٴار جولى ساياحاتشىلارعا ”بالوۋدى“ جانە ”2 ـ جول اۆتوبۋزىنىڭ“ تاريحىن تانىستىراتىنمىن، سونداعى تۇسىندىرگەن كورىنىستەرىم وسى رەت كوز الدىمىزعا اۋەلگىدەي جايىلىپ، ”ساياحاتشىلار شينجياڭدى تۇسىنەتىن تاعى ٴبىر تەرەزە كوبەيدى“.
”بالوۋعا توقتاعان 2 ـ جول اۆتوبۋزى“ تەك ٴان تەكسى عانا ەمەس، ونان دا ماڭىزدىسى، ول ۇمىتىلماس جىلدار ٴىزى.
”وسى 2 ـ جول اۆتوبۋزىن كورگەندە، بەينە بۇرىن ٴار كۇنى جۇمىسقا بارىپ ـ كەلەردە الەۋمەتتىك اۆتوبۋزعا سىعىلىساتىن كۇندەرگە قايتا بارعانداي بولدىم.“ 63 جاستاعى لي جيڭ مەن 68 جاستاعى لي جيانحۋا ۋادەلەسىپ وسى اراعا كەلدى، ولار قول تەلەفوندارىن الىپ، ٴاربىر، ٴسوزسىز، بارۋعا ٴتيىستى تۇيىندەردى سۋرەتكە تارتىپ، بەينەجازبا ٴتۇسىردى.
”مەن بۇرىن 2 ـ جول اۆتوبۋزىنىڭ بەلەت ساتۋشىسى ەدىم، سول كەزدە الەۋمەتتىك اۆتوبۋزدا ادامدار قاتتى سىعىلىساتىن.“ 2 ـ جول الەۋمەتتىك اۆتوبۋزىندا بەلەت ساتۋشى بولعان دۋ ۋي دا وسىندا كەلىپ، ادامدار اراسىنان ٴوتىپ، وزىنە تانىس 2 ـ جول اۆتوبۋزىنا قاراپ، وتكەن ىستەردى ەسىنە الدى.
ول كەزدە دۋ ۋي اۆتوبۋز بەلەتىن قىساتىن قىسقىشىن قولىنا الىپ، ادامدار سىعىلىسقان اۆتوبۋز ىشىندە بەلەتىن لىپىلداتا ساتىپ، داۋىسىن كوتەرە بەكەتتەردى مالىمدەيتىن، جارقىن داۋىسى اۆتوبۋز ىشىندە جاڭعىرىپ تۇراتىن. دۋ ۋي تەبىرەنە كوپشىلىككە 2 ـ جول اۆتوبۋزىندا تۋىلعان ۇساق ـ تۇيەك ىستەردى باياندادى، وسىندا تۇرعان جاستار سول ٴبىر دۋماندى شاقتاردى ەلىتە سەزىندى، وسى قالانىڭ تاريحى مەن مەيىرىن سەزىندى.
شينجياڭ كۇنلۇن قوناق ٴۇيىنىڭ قاتىستى جاۋاپتىسى بىلاي دەپ تانىستىردى: جارتى جىل ۋاقىت جۇمساپ بالوۋ نەگىزگى تاقىرىپتىق اۆتوبۋز بەكەتىن تۇلعالاۋدا بۇرىنعى تۇرمىس كورىنىستەرى مەن قالانىڭ دامۋ بارىسىن كوزگە قايتا ەلەستەتىپ، قالانىڭ وزگەشە مادەنيەت تاڭباسىن ساقتاپ قالۋدى ٴارى ٴار ۇلت بۇقاراسىنىڭ اۋىل سۇيىسپەنشىلىگى مەن وتكەندەگى تۇرمىسى جونىندەگى ساعىنىشىن وياتىپ، ٴار ۇلت بۇقاراسىنىڭ قالانى شىنايى مويىنداۋ سەزىمى مەن تاۋەلدىلىك سەزىمىن كۇشەيتۋدى ٴۇمىت ەتتىك. ”وزگەشە ساياحات كورىنىس ٴتۇيىنى رەتىندە، بالوۋ نەگىزگى تاقىرىپتىق اۆتوبۋز بەكەتى ساياحاتشىلاردى كەلىپ ەكسكۋرسيالاۋعا باۋراپ، قالانىڭ باۋراۋ قۋاتىن ارتتىرادى“، ـ دەدى وسى جاۋاپتى ادام.
