تاياۋدا، حوتان اۋدانى اۋات اۋىلى ۇزىنكول قىستاعىنىڭ ”مەيىر كومىرىن“ تاراتۋ ورنىندا، قىستاق تۇرعىنى پاتىگۇل ٴماتتوحتى اسەرلەنە بىلاي دەدى: ”پارتيا مەن ۇكىمەت ٴبىزدى قاشاندا ەسىنەن شىعارمايدى، بيىل تاعى دا ’مەيىر كومىرىن‘ اكەلىپ بەرىپ، مەيىر مەن قامقورلىقتى جۇرەك تۇكپىرىمىزگە ۇيالاتتى...“، ـ دەدى.
حوتان اۋداندىق ەمدەۋدى قامتاماسىزداندىرۋ مەكەمەسى ارقاتىرەك ورىن رولىن تولىق ساۋلەلەندىرىپ، ۇزىنكول قىستاعىنداعى قيىنشىلىعى بار 16 وتباسىنا قىستا جاعاتىن 10 توننا كومىر تاراتىپ بەرىپ، ولاردىڭ كومىر جەتىسپەۋ قيىنشىلىعىن شەشتى.
كومىر تاراتقان ورىندا، قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارى بىرگە كومىر كۇرەپ، تيەپ، دوربالانعان كومىردى قيىنشىلىعى بار بۇقارانىڭ ۇيىنە جەتكىزدى ٴارى ولارعا كومىردەن حاۋىپسىز پايدالانۋ، ٴورت اپاتىنىڭ الدىن الۋ، ساقتانۋ سياقتى بىلىمدەردى ٴتۇسىندىردى.
مەيىر كومىرىن العان قىستاق تۇرعىنى اقىل ءادىل بىلاي دەدى: ”بيىل 62 جاسقا كەلدىم، ايەلىم ناۋقاستانىپ، توسەك تارتىپ جاتىر، وتباسىمىزدا ەداۋىر قيىنشىلىق بار ەدى، قىزمەت گرۋپپاسى ماعان قىستىق كومىردى تەگىن جەتكىزىپ بەردى، ولاردىڭ وتباسىمىزعا دەگەن قامقورلىعىنا العىس ايتامىن“.
وسى رەتكى قىسقى كومىر تاراتۋ، مەيىر جەتكىزۋ قيمىلى حوتان اۋداندىق ەمدەۋدى قامتاماسىزداندىرۋ مەكەمەسىنىڭ ارقاتىرەك ورىن رولىن تولىق ساۋلەلەندىرۋىنىڭ ىقشام كورىنىسى، قىستاقتا تۇرعالى، وسى قىزمەت اترەتى قىستاق تۇرعىندارىنىڭ قاجەتى مەن قيىنشىلىعىنا باستان ـ اياق نازار اۋدارىپ، قىستاق تۇرعىندارىنا بەلسەندى تۇردە ناقتى ىستەر ىستەپ، ولاردىڭ قيىن ماسەلەلەرىن شەشىپ، حال سۇراۋ، تەكسەرۋ ـ زەرتتەۋ جۇرگىزۋ، اڭگىمە ءماجىلىسىن اشۋ، جەكەلەي اڭگىمەلەسۋ سياقتى تاسىلدەرمەن قىستاق تۇرعىندارىنىڭ ٴوندىرىس، تۇرمىس جاعدايىن ىشكەرىلەي ۇعىستى ٴارى قىستاق تۇرعىندارىنىڭ ٴىس جۇزىندىك قاجەتىنە ساي ٴبىر قىدىرۋ سۇيەمەلدەۋ - كومەكتەسۋ شارالارىن بەلگىلەدى. سالاماتتىق دياگنوز قويۋ، دەنساۋلىق تەكسەرۋ سياقتى قيمىلداردى بەلسەنە ورىستەتىپ، قىستاق تۇرعىندارىن نەگىزدىك ەمدەۋ قىزمەت وتەۋىمەن قامدادى؛ قىستاق تۇرعىندارىن اۋىل شارۋاشىلىق تەحنيكاسىمەن باۋليتىن مامانداردى ۇيىمداستىرىپ، قىستاق تۇرعىندارىنىڭ ەگىمشىلىك، باعىمشىلىق شەبەرلىگىن جوعارىلاتتى؛ قارجى جاعىنداعى قولداۋعا بەلسەنە قول جەتكىزىپ، قىستاق جولىن جوندەدى - سالدى، اۋىز سۋ شارت - جاعدايىن جاقسارتۋ سياقتى نەگىزدىك قۇرىلعىلاردى وڭادى.
حوتان اۋداندىق ەمدەۋدى قامتاماسىزداندىرۋ مەكەمەسىنىڭ اۋات اۋىلى ۇزىنكول قىستاعىندا تۇراتىن ٴبىرىنشى شۋجيى چين ليرۇڭ : ”رولىمىزدى ۇزدىكسىز ويداعىداي ساۋلەلەندىرىپ، قىستاق تۇرعىندارىنىڭ قاجەتى مەن قيىنشىلىعىنا قاداعالاي نازار اۋدارىپ، اناعۇرلىم كوپ كومەك جانە قولداۋ كورسەتىپ، پارتيا مەن ۇكىمەتتىڭ قامقورلىعىن بۇقارانىڭ جۇرەگىنە شىنايى ۇيالاتىپ، جۇرتشىلىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز“، ـ دەدى.
(حوتان اۋداندىق توعىسپالى مەديا ورتالىعىنىڭ ٴتىلشىسى لو يىڭ)
