12 ـ ايدىڭ 13 ـ كۇنى كەشتە، شينجياڭ قارامايلى قالاسىنىڭ اسپانىندا ”اتموسفەرالىق ساۋلە“ قالىپتاسىپ، سامالاداي جارقىراعان قالا شامدارىمەن شاعىلىسىپ، كوركى كوز سۇرىندىردى.
”ايازدى تۇندەگى اتموسفەرالىق ساۋلە“ وتە سيرەك كەزدەسەتىن مۇزدىڭ ساقيناداي جارقىراۋ قۇبىلىسى، ونىڭ كوركەمدىگى ۇيەك جارىعىمەن بارابار، ول اتموسفەراداعى مۇز كريستالدارىنىڭ شام جارىعىن شاعىلىستىرۋىنان قالىپتاسادى، مۇز كريستالىنىڭ شاعىلىستىرۋىمەن، قالا جول شىراقتارى، نەوندى شامدار، اۆتوموبيل شىراقتارى... ٴبارى دە الۋان رەڭدى ساۋلەگە اينالىپ، اسپانعا تىك كوتەرىلگەن دىڭگەكتەي كورىنەدى. كۇننىڭ سۋىق بولۋى ونىڭ قالىپتاسۋ شارتتارىنىڭ ٴبىرى، سونداي-اق كۇن قانشالىق سۋىق بولسا سونشالىق انىق كورىنەدى.
قارامايلى قالالىق اۋا رايى ستانسياسىنىڭ حابارىنا قاراعاندا، 12 - ايدىڭ 13 - كۇنى كەشتەن 12 - ايدىڭ 14 - كۇنى تاڭ سارىگە دەيىن، قارامايلى قالاسى رايونىندا ەڭ تومەنگى تەمپەراتۋرا نولدەن تومەن 21.1 سەلتسي گرادۋسقا ٴتۇسىپ، 2024 ـ جىلى قىس كىرگەننەن بەرگى ەڭ سۋىق اۋا رايى بولعان.
(اۆتورى: مين يۇڭ، تيان جىمين، اۆتوردىڭ قىزمەت ورنى: قارامايلى قالالىق توعىسپالى مەديا ورتالىعى)
