انار بۇلت \ شينجياڭ گازەتىنىڭ ٴتىلشىسى جاۋ شييا، چاڭ ميان 12 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق وقۋ ـ اعارتۋ مەڭگەرمەسىنەن ۇعىسۋىمىزشا، رايونىمىزدىڭ وقۋ ـ اعارتۋدى قامتاماسىز ەتۋ سەرپىنى ۇزدىكسىز كۇشەيىپ، ٴۇرتىس 2 جىل ادەتتەگى الەۋمەتتىك مەجە ەسەپ وقۋ ـ اعارتۋ قاراجاتى 100 ميلليارد يۋاننان اسىپ، ارتۋ مولشەرى بۇكىل ەلدىڭ الدىڭعى قاتارىنا وتكەن.
وقۋ ـ اعارتۋ _ الەۋمەتتىك قازىنا قامتاماسىز ەتەتىن ماڭىزدى ٴتۇيىن. رايونىمىز وقۋ ـ اعارتۋدى الدىمەن دامىتۋ ستراتەگياسىنا باستان ـ اياق تاباندى بولىپ، ”14 ـ بەسجىلدىقتان“ بەرى، وقۋ ـ اعارتۋعا ۇسىنىلىمدى ارتتىراتىن ٴبىر قىدىرۋ ساياسات ـ شارالاردى ارت ـ ارتىنان العا قويىپ، وقۋ ـ اعارتۋ ۇسىنىلىمىنىڭ ورنىقتى ارتۋىن جەبەدى، بۇكىل رايوننىڭ ادەتتەگى الەۋمەتتىك مەجە ەسەپ وقۋ ـ اعارتۋ قاراجاتى 2021 ـ جىلعى 92 ميلليارد 800 ميلليون يۋاننان 2023 ـ جىلى 104 ميلليارد 600 ميلليون يۋانعا ارتىپ، 2024 ـ جىلى مەجەمەن 108 ميلليارد يۋانعا جەتىپ، جىلىنا ورتا ەسەپپەن %4.07 ارتتى.
بيىل جىل باسىنان بەرى، اۆتونوميالى رايون نەگىزدىك وقۋ ـ اعارتۋدىڭ نەگىزگى ٴتۇيىنىن ۇزدىكسىز بەكەمدەپ، حالىق سانى وزگەرىسىنە ۇيلەسەتىن وقۋ ـ اعارتۋ بايلىعىن ٴبىر تۇتاس جوسپارلاپ ورنالاستىرۋ مەحانيزمىن جەدەل اقاۋسىزداندىرىپ، جاڭا داۋىردەگى نەگىزدىك وقۋ ـ اعارتۋدىڭ باسىمدىعىن كەڭەيتىپ، ساپاسىن جوعارىلاتۋ ارەكەتىن، مىندەتتى وقۋ ـ اعارتۋ مەكتەپتەرىنىڭ ولشەمدەندىرىلۋ دەڭگەيىن كوتەرۋ ينجەنەرياسىن اتقارىپ، 1843 ۇكىمەتتىك بالاباقشانىڭ تاربيە، وقىتۋ جۇرگىزۋ شارت ـ جاعدايىن جاقسارتۋىنا قولداۋ كورسەتىپ، 17 بالاباقشانى جاڭادان سالىپ، وزگەرتىپ كەڭەيتىپ سالىپ، 4800 وقۋشى قابىلداۋ سانىن تىڭنان كوبەيتىپ، ”14 ـ بەسجىلدىق“ مەكتەپكە دەيىنگى وقۋ ـ اعارتۋدى دامىتۋ ارەكەتى جوسپارىنىڭ شەشۋشى كورسەتكىشتەرىن الدىن الا ورىندادى.
”بۇرىنعى مەكتەپكە 2 رەت اۆتوكولىك اۋىستىرىپ ارەڭ جەتەتىنبىز، قازىر جاياۋ ٴجۇرىپ 10 نەشە مينۋتتا جەتىپ بارامىز“، ـ دەدى حوتان قالاسى كۇنلۇن ورتا مەكتەبىنىڭ وقۋشىسى سۇبينۇر ەركىنجان.
وسى وقۋ ماۋسىمىندا حوتان قالاسى كۇنلۇن ورتا مەكتەبى يۇرۇڭقاش وزەنىنىڭ شىعىس جاعالاۋىندا سالىنىپ بولىپ، پايدالانۋعا بەرىلدى. 150 ميلليون يۋان قارجى قوسىلعان وسى مەكتەپ توڭىرەكتەگى 3 كيلومەتر اۋماقتاعى بالالاردىڭ مەكتەپكە بارۋ جولىنىڭ ەندىگارى الىس بولماۋىنا مۇمكىندىك جاسادى.
بيىل رايونىمىز مىندەتتى وقۋ ـ اعارتۋ بويىنشا وقىتۋ جۇرگىزۋ شارت ـ جاعدايىن ۇزدىكسىز جاقسارتىپ، ورتالىقتىڭ ارناۋلى قارجىسىنان 2 ميلليارد 570 ميلليون يۋان ٴبولىپ، مىندەتتى وقۋ ـ اعارتۋ كەزەڭىندەگى 350 مىڭ شارشى مەتر كەلەتىن مەكتەپ ۇيلەرىن وزگەرتىپ، كەڭەيتىپ سالىپ، مەملەكەت دارەجەلى، اۆتونوميالى رايون دارەجەلى مىندەتتى وقۋ ـ اعارتۋ بويىنشا وقىتۋ جۇرگىزۋ رەفورماسى تاجىريبە اۋماعى، تاجىريبە مەكتەبى قۇرىلىسىن ىسكە قوستى؛ 422 ميلليون يۋان ورتالىق قارجىسىن سالىپ، ادەتتەگى ورتا مەكتەپتەرگە، اسىرەسە، ساپالى ورتا مەكتەپتەرگە وقۋشى قابىلداۋ سانىن بەرۋدى كۇشەيتىپ، قاشقار، حوتان، اقسۋ سياقتى وقۋشى قاينارى كورنەكتى ارتقان ايماقتاردىڭ ٴبىر توپ ولشەمدەندىرىلگەن ادەتتەگى ورتا مەكتەپتەردى جاڭادان، وزگەرتىپ، كەڭەيتىپ سالۋىنا قولداۋ كورسەتتى.
رايونىمىز وڭتۇستىك شينجياڭداعى جوعارى وقۋ ـ اعارتۋدىڭ ساپاسىن جوعارىلاتىپ، سيىمدىلىعىن ارتتىرۋدى ۇزدىكسىز ىلگەرىلەتىپ، مەكتەپ قۇرىلىسىنا 2 ميلليارد 844 ميلليون يۋان قارجى قۇراپ، قاشقار داشۋەسى سياقتى 3 مەكتەپتىڭ ساپاسىن جوعارىلاتىپ، سيىمدىلىعىن ارتتىرۋدى ىلگەرىلەتتى، شينجياڭ حوتان شۋەيۋانى، شينجياڭ تيانشان كاسىپتىك تەحنولوگيا داشۋەسى قىزىلسۋ قىرعىز اۆتونوميالى وبلىسى مەكتەپ اۋماعى جاڭادان قۇرىلىپ، وڭتۇستىك شينجياڭدا تولىق كۋرس وقۋ ـ اعارتۋى بويىنشا جاپپاي قامتۋ جۇزەگە اسىرىلدى.
قازىنالىق قارجى ۇسىنىلىمىنىڭ ساياساتتىق ونىمدىلىگى مەن قارجى ونىمدىلىگىن شىنايى جوعارىلاتۋ ٴۇشىن، بۇكىل رايونىمىزدىڭ جەر ـ جەرىندەگى وقۋ ـ اعارتۋ، قازىنا تاراۋلارى وقۋ ـ اعارتۋ قاراجاتىنىڭ ”ەكىنى ارتتىرۋ، كەمەيتپەۋ“ تالابىنا قاتاڭ بويسۇنىپ، ورتالىق پەن اۆتونوميالى رايوننىڭ وقۋ ـ اعارتۋ ارناۋلى قارجىسىن تياناقتاندىردى. قازىر رايونىمىز مەكتەپكە دەيىنگى تاربيەدەن اسپيرانتتىق وقىتۋعا دەيىنگى وقۋشىلارعا قارجىلاي كومەكتەسۋ ساياسات جۇيەسىن ورناتىپ، اقاۋسىزداندىردى، جىلىنا ورتا ەسەپپەن 8 ميلليارد يۋاننان استام قارجى ٴبولىپ، ٴار ۇلت وقۋشىلارىنان 6 ميلليوننان استام وقۋشىسىن (رەت) يگىلىككە كەنەلتتى.
”وسى قارجى ۇسىنىلىمى بارعان سايىن كوپتەگەن بالانىڭ ٴۇيىنىڭ ماڭايىندا ’جاقسى وقۋىنا‘ مۇمكىندىك جاسادى“. اۆتونوميالى رايوندىق وقۋ ـ اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: وقۋ ـ اعارتۋدى قامتاماسىز ەتۋ سەرپىنىنىڭ ۇزدىكسىز ارتۋى رايونىمىز وقۋ ـ اعارتۋ الەۋمەتتىك قىزمەت وتەۋىنىڭ جالپىعا ٴتيىمدى بولۋىن، قول جەتىمدىلىگىن، قولايلىلىعىن ۇزدىكسىز جوعارىلاتتى، وقۋ ـ اعارتۋ رەفورماسىنىڭ، دامۋىنىڭ جەتىستىكتەرى ٴار ۇلت بۇقاراسىنا اناعۇرلىم كوپ، اناعۇرلىم ٴادىل تيىمدىلىك جەتكىزىپ، وقۋ ـ اعارتۋدا قۋاتتى رايون قۇرۋدى تىڭعىلىقتى ىلگەرىلەتۋگە بەرىك نەگىز قالادى.
