قار شاڭعى اۋەسكەرلەرى التاي قالاسى گەنەرال تاۋى حالىقارالىق قار شاڭعى، دەمالىس اۋماعىندا تۇندە سىرعاناۋدا (12 ـ ايدىڭ 21 ـ كۇنى تۇسىرىلگەن).
□ سۋرەتتى ارداق بەيىسقان تۇسىرگەن
انار بۇلت \ شينجياڭ گازەتىنىڭ ٴتىلشىسى رىن جياڭ، ٴابيبا 12 ـ ايدىڭ 26 ـ كۇنى ۇرىمجىدەن حابارلايدى. 12 ـ ايدىڭ 26 ـ كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 12 ـ ايدىڭ 25 ـ كۇنىنە دەيىن شينجياڭ بيىل قابىلداعان ساياحاتشى جيىنى 300 ميلليون ادامنان (رەت) اسىپ، سايكەس مەزگىلدەگىدەن شامامەن %14 ارتىپ، تاريحتاعى جاڭا دەڭگەيدى جاراتقان؛ ساياحاتشىلاردىڭ جۇمساعان قارجىسى شامامەن 355 ميلليارد 200 ميلليون يۋان بولىپ، سايكەس مەزگىلدەگىدەن شامامەن %21 ارتقان.
2024 ـ جىلى اۆتونوميالى رايون باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭدى ساياحات ارقىلى گۇلدەندىرۋ ستراتەگياسىن جۇيەلى جوسپارلاپ ىلگەرىلەتىپ، ساياحات كاسىپ كۇيىن ۇزدىكسىز مولايتىپ، مادەنيەت پەن ساياحاتتىڭ توعىسۋىن بەلسەنە تەرەڭدەتىپ، ساياحات ورتاسىن زور كۇشپەن ساپالىلاندىردى، مادەنيەت ـ ساياحات دامۋ اۋقىمى ۇزدىكسىز جاقسارىپ، ”شينجياڭ جاقسى جەر“ التىن ٴارىپتى ماڭدايشالىعى بارعان سايىن جارقىراي ٴتۇستى.
كوپ كاسىپ كۇيى ساياحات كاسىبىنىڭ ارتۋىن توعىسپالى جەبەدى. كۇشار _ مايتاۋ تاس جولى، پانلۇڭ بايىرعى جولى، S101 جەلىسى، G219 جەلىسى، التاي _ قوم تاس جولى، باعراش كولىن اينالاتىن تاس جول سياقتىلار قىزۋ قارسى الۋعا بولەنگەن ”ينتەرنەتتە تانىمال تاس جولدارعا“ اينالدى؛ شەكارا اتتاعان ساياحات تەز ارادا جاندانىپ، اۋىل ـ قىستاق ساياحاتى، زەرتتەۋ ـ ۇيرەنۋ ساياحاتى، قىزىل ساياحات، حالىقتىق سالت ـ سانا مادەنيەت ساياحاتى جانە ساياحات كونسەرتى سياقتى كاسىپ كۇيى ونىمدەرى ۇزدىكسىز مولايدى؛ تيانشان تەمىر كورىنىس اۋماعى مەملەكەتتىك 5A دارەجەلى كورىنىس ٴوڭىرىن ٴساتتى قۇردى، قۇلجا كونە قالاسى، لوپنۇرلىقتار قىستاعى، شينجياڭ كۇنلۇن تاۋى سىندى 3 كورىنىس ٴوڭىرى مەملەكەتتىك 5A دارەجەلى كورىنىس ٴوڭىرى بويىنشا تولىمدىلىق باعالاۋىنان ٴساتتى ٴوتتى؛ 2 جەلى مەملەكەتتىك 10 ٴىرى قار ـ مۇز ساياحاتى سارا جەلىسىنە، 8 جەلى مەملەكەتتىك اۋىل ـ قىستاق ساياحاتى سارا جەلىسىنە ەنگىزىلدى. «التايىم» اتتى تەلە فيلمنىڭ دابىرالى قويىلۋىنا ساي، التايدا ساياحات كوكتەمنەن قىسقا دەيىن دۋماندى بولىپ، شينجياڭدا ساياحاتتىڭ ۇزدىكسىز بارىنشا جاندانۋىن جەبەدى.
مادەنيەت پەن ساياحاتتىڭ دامۋى بىردەي ىلگەرىلەپ، كوپ سالانى باسىپ وزدى. تارىمدى اينالۋ راللي جارىسى، جىبەك جولى ٴدامدى تاعامدار مەرەكەسى، بۇلدىرگەن مۋزيكا فەستيۆالى، شينجياڭ دابىرالى قار مەرەكەسى سياقتى ٴبىر توپ مادەنيەت ـ ساياحات توعىسپالى ماركا قيمىلى تۇلعالانىپ، ”ٴان اۋەنىمەن ساياحاتتاۋ“، ”ويىن ـ ساۋىققا ىلەسىپ ساياحاتتاۋ“، ”ٴوتىمدى فيلمنىڭ سوڭىنا ٴتۇسىپ ساياحاتتاۋ“، ”جارىستارعا ىلەسىپ ساياحاتتاۋ“، ”ٴدامدى تاعامنان اۋىز ٴتيىپ ساياحاتتاۋ“ جاڭا جارقىن تۇيىنگە، جاڭا تانىسقىعا اينالدى.
نەگىزدىك قۇرىلعى قۇرىلىسىنا ۇزدىكسىز قارجى قوسىلىپ، ساياحات كاسىبىنىڭ دامۋ نەگىزى بارعان سايىن بەكەمدەلدى. ٴبىر قىدىرۋ جوعارى قارقىندى تاس جول، تەمىر جول جانە اۋەجاي سالىنىپ، ەل ٴىشى ـ سىرتىمەن قاتىناس بايلانىسى بارعان سايىن جيىلەپ، ساياحاتشىلارعا اناعۇرلىم قولايلى، تەز ساپار ٴتاسىلىن ازىرلەدى. بيىل 104 مادەنيەت ـ ساياحات نەگىزدىك قۇرىلعى نىسانى جاڭادان سالىنىپ، جالعاستىرىلىپ سالىنىپ، جالپى 8 ميلليارد 19 ميلليون يۋان قارجى قوسىلدى؛ 185 قوناق ٴۇي نىسانى جاڭادان سالىنىپ، جالعاستىرىلىپ سالىنىپ، جالپى 49 ميلليارد 880 ميلليون يۋان قارجى قوسىلدى.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى يۇي جيە بىلاي دەپ تانىستىردى: 2024 ـ جىلى مادەنيەت ـ ساياحات كاسىپ سالاسى شينجياڭداعى ”ون ٴىرى كاسىپ سالاسى شوعىرىنىڭ“ ٴبىرى رەتىندە جۇمىستانۋدى كەڭەيتۋدە، حالىققا تيىمدىلىك جەتكىزىپ، حالىقتى بايىتۋدا، ٴار ۇلتتىڭ ارالاسۋىن، ىشتەسۋىن، توعىسۋىن جەبەۋدە ماڭىزدى رول اتقارىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە، قوعام ورنىقتىلىعىن جانە باياندى تىنىشتىقتى جەبەۋگە، سىرتقا جۇڭگو شينجياڭىنىڭ حيكاياسىن ويداعىداي بايانداۋعا ۇلەس قوستى.
قازىر جىكبەلەڭ، گەنەرال تاۋى، كوكتوعاي حالىقارالىق قار شاڭعى دەمالىس اۋماعى سياقتى شينجياڭداعى ٴىرى قار شاڭعى الاڭدارى ساياحاتشى قابىلداۋدىڭ قىزۋ ورلەۋىن قارسى الۋدا، قار ـ مۇز ەكونوميكاسى تەز جاندانىپ، كۇشتى ”قىزۋ اسەر“ تاراتىپ، شينجياڭ ساياحاتىنداعى تىڭ ارتۋ تۇيىنىنە اينالۋدا.
