انار بۇلت \ شينجياڭ گازەتىنىڭ ٴتىلشىسى رىن جياڭ
كورىكتى شينجياڭ قار ـ مۇز شاتتىعىنا شومدى. جىل سوڭىنداعى شينجياڭدا شار تاراپتان كەلگەن ساياحاتشىلار قار ـ مۇز تاماشالاپ، تيانشان الابى قار ـ مۇز شاتتىعىنا شومدى.
2024 ـ جىل اياقتاۋ الدىندا تۇر، تۇتاس جىل بويى شالقىعان شينجياڭنىڭ ساياحات كاسىبىندە تاعى دا قۋانىشتى حابار تارالدى: 12 ـ ايدىڭ 25 ـ كۇنىنە دەيىن شينجياڭ 2024 ـ جىلى جيىنى 300 ميلليوننان استام ساياحاتشى (رەت) قابىلداپ، تاعى ٴبىر رەت تاريحتاعى تىڭ دەڭگەيگە جەتتى.
300 ميلليون ساياحاتشى (رەت) قابىلداۋ ۇلكەن وتكەلىنەن ٴوتۋ ويلاعانىمىزداي بولدى. بۇل ٴارى 2024 ـ جىلعى شينجياڭنىڭ ساياحات كاسىبىنىڭ دامۋىنداعى بەلگىلەنگەن نىسانا، ونان دا ماڭىزدىسى، ونىڭ قاۋىرت دامۋىنىڭ تابيعي بەينەسى. سوڭعى جىلدارى، اسىرەسە، 2024 ـ جىلدان بەرى، اۆتونوميالى رايون باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، تۋراشىلدىقتان اينىماي جاڭالىق اشۋعا، ساپانى جوعارىلاتىپ ونىمدىلىكتى ارتتىرۋعا، توعىسپالى دامۋعا تاباندى بولىپ، ساياحات ارقىلى شينجياڭدى گۇلدەندىرۋ ستراتەگياسىن جۇيەلى جوسپارلاپ ىلگەرىلەتىپ، ساياحات كاسىپ كۇيىن ۇزدىكسىز بايىتتى، مادەنيەت پەن ساياحاتتى توعىستىرۋدى تەرەڭدەتىپ، ساياحات ورتاسىن ساپالىلاندىرىپ، مادەنيەت ـ ساياحات كاسىبىنىڭ دامۋ تەبىنى ۇزدىكسىز كۇشەيىپ، ”شينجياڭ جاقسى جەر“ دەگەن التىن ماڭدايشالىق بارعان سايىن جارقىراي ٴتۇستى.
شينجياڭنىڭ مادەنيەت ـ ساياحات كاسىبى كۇش ـ قۋات توپتاپ، قورى مول، بولاشاعى زور التىن ٴداۋىردى قارسى الدى، بىرتىندەپ جاڭادان گۇلدەنگەن ستراتەگيالىق تىرەكتى كاسىپكە، سونداي ـ اق كورنەكتى داۋىرلىك ەرەكشەلىككە يە حالىق تۇرمىسى كاسىبىنە جانە باقىت كاسىبىنە اينالۋدا.
ساياحاتتىڭ قارىشتاپ دامۋىنىڭ ”شەشۋشى كىلتى“
حيكىمەتتى دە كوركەم جاراتىلىستىق كورىنىستەر، تامىرى تەرەڭدە جاتقان تاريحي مادەنيەت، قويۋ دا الۋان ٴتۇرلى ۇلتتار سالت ـ ساناسى... ٴبارى دە كورىكتى شينجياڭنىڭ باعالى مادەنيەت ـ ساياحات بايلىعى. الايدا ساياحاتى دامىعان ولكەلەرمەن سالىستىرعاندا، شينجياڭنىڭ مادەنيەت ـ ساياحات كاسىبىندە دامۋ ۇستانىمى، بايلىقتى ورنالاستىرۋ، ايگىلى ماركا سومداۋ، ۇگىتتەۋ، ساتۋ، قىزمەت وتەۋ ساپاسى، تۇتىنۋدى جەبەۋ، دارىندىلاردى باۋلۋ سياقتى جاقتاردا ٴالى دە بەلگىلى پارىق ورىن تەۋىپ وتىر. مادەنيەت ـ ساياحات كاسىپ سالاسىن دامىتۋدا، ٴسوز جوق، قايراتتانا ۇمتىلۋ كەرەك.
اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ساياحاتتىڭ جوعارى ساپالى دامۋىن ىلگەرىلەتۋ ماڭىزدى مىندەتىن شىنايى ارقالاپ، مادەنيەت ـ ساياحات كاسىپ سالاسىن دامىتۋدىڭ شينجياڭنىڭ جوعارى ساپالى دامۋى مەن باياندى تىنىشتىعى جونىندەگى ەرەكشە ماڭىزدى ٴمانىن تەرەڭ تانىپ جەتتى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اناعۇرلىم جوعارى دەڭگەي، اناعۇرلىم ناقتى شارالار ارقىلى ساياحاتپەن شينجياڭدى گۇلدەندىرۋ ستراتەگياسىن جوسپارلاپ، ىلگەرىلەتىپ، جۇيەلى جوبالاۋ مەن ماڭىزدى تۇيىندەردە سەرپىلىس جاساۋدى كۇشەيتىپ، ساياحات باسىمدىعىنىڭ كومەسكى كۇشىن تولىق ىسكە قوسىپ، دامۋداعى شەشۋشى قيىن ماسەلەلەردى كۇش سالا شەشىپ، بۇكىل ەلدىڭ ساياحات كاسىبىنىڭ جوعارى ساپالى دامۋ ەرەكشە ۇلگىسىن جانە دۇنيە جۇزىندەگى ماڭىزدى ساياحات نىسانالى جەرىن قۇلشىنا تۇلعالاپ، ساياحاتتا قۋاتتى ەل قۇرۋدى جەدەلدەتۋگە شينجياڭنىڭ كۇش ـ قۋاتىن ارنادى.
تۋراشىلدىقتان اينىماي جاڭالىق اشۋعا تاباندى بولۋ _ شينجياڭنىڭ ساياحات كاسىبىنىڭ قارىشتاپ دامۋىنىڭ، ورنىقتى قاداممەن الىسقا جەتۋىنىڭ شەشۋشى تياناعى. تۋراشىلدىقتان اينىماۋ _ نەگىز، قورعايتىنى _ شينجياڭنىڭ جاراتىلىستىق بايلىعى مەن مادەنيەت نەگىزى؛ جاڭالىق اشۋ _ بەتالىس، شينجياڭ ساياحاتىنىڭ ٴداستۇرلى بۇعاۋدان قامال الۋىن ىلگەرىلەتىپ، ساياحاتشىلاردىڭ دارالىق قاجەتىن ۇزدىكسىز قاناعاتتاندىرادى.
جاسامپازدىقپەن كادەگە جاراتىپ، جاڭالىق اشا دامىتىپ، شينجياڭنىڭ مادەنيەت مۇرالارى جالىندى ومىرشەڭ كۇشكە يە بولدى. «شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسى» سياقتىلاردى شىعاردى، كۇشار قالاسى كۇسان ۋي، جين داۋىرىندەگى بايىرعى قابىر ەسكى جۇرتى مۇراجايى ”ميۋس جوبالاۋ سيلىعىنا“ يە بولدى؛ ”مۇراجاي ورلەۋى“ ۇزدىكسىز كوتەرىلىپ، بۇكىل شينجياڭداعى ٴار دارەجەلى مۇراجايلار، ەسكەرتكىش سارايلارى كورمە، قيمىل وتكىزىپ، 12 ميلليوننان استام ادام (رەت) يگىلىگىن كورىپ، مادەنيەت سەنىمى جۇرت جۇرەگىنە تەرەڭ ۇيالادى؛ ”شينجياڭ جاقسى جەر“ شينجياڭعا باعىتتامالى كومەكتەسۋ بەيزاتتىق مادەنيەت مۇرالارىن كورسەتۋ قيمىلى، ”تيانشان الابىندا كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسى عۇرىپ ـ ادەتتەرى كورمەسى“ سياقتىلار بەيزاتتىق مادەنيەت مۇرالارىنىڭ جاسامپازدىقپەن كادەگە جاراۋىن، جاڭالىق اشا دامۋىن پارمەندى ىلگەرىلەتتى.
اشۋ سەرپىنىن ارتتىرىپ، جاڭالىق اشۋ شارالارىن ىشكەرىلەي قاراستىرىپ، ساياحاتتىڭ جاڭا ماركالارى ىركەس ـ تىركەس جارىققا شىقتى. «اۆتونوميالى رايوننىڭ ساياحات كاسىبىنىڭ جوعارى ساپالى دامۋىن جەدەل ىلگەرىلەتۋ جونىندەگى 3 جىلدىق ارەكەت جوباسىندا (2026 _ 2024 جىل)» اشۋ، قۇرۋ سەرپىنىن ارتتىرىپ، بىرەگەي ساياحات ماركاسىن قالىپتاستىرىپ، شينجياڭنىڭ ساياحات بايلىعىنداعى ٴىرى رايوننان ساياحات ەكونوميكاسىنداعى قۋاتتى رايونعا قاراي قادام تاستاۋىن جەبەۋ العا قويىلدى. جەر ـ جەردىڭ جاڭالىق اشۋ شارالارى ۇزدىكسىز جارىققا شىقتى، حوتان ايماعى ”جاڭا سەگىز كورىنىستى“ العا قويىپ، ٴوزى كولىك ايداپ تارىمدى اينالىپ، كۇنلۇن تاۋىن اينالىپ ساياحاتتايتىن ەل ىشىندەگى بىرەگەي جەلىنى قالىپتاستىردى؛ بايىنعولين موڭعۇل اۆتونوميالى وبلىسى جوعارى دەڭگەيلى ساياحات نىساندارى قۇرىلىسىن ىلگەرىلەتىپ، ەلىتە سەزىندىرەتىن، سەزىنۋ اسەرى ٴبىرشاما كۇشتى مادەنيەت ـ ساياحات ماركاسىن جاراتتى.
مادەنيەت پەن ساياحات ىشكەرىلەي توعىسىپ، جاڭالىق اشۋ كورنەكتى ونىمدىلىك كورسەتتى، قوعامدىق، ەكونوميكالىق ونىمدىلىكتەن بىردەي مول تابىسقا كەنەلدى. جەر ـ جەر مادەنيەت پەن ساياحاتتى توعىستىرۋ ايگىلى ماركا قيمىلىن قالىپتاستىردى، بيىل بۇكىل شينجياڭدا 8000نان استام (رەت) تيجارات سيپاتتى كونسەرت قويىلدى؛ ”ٴان اۋەنىمەن ساياحاتتاۋ“، ”ويىن ـ ساۋىققا ىلەسىپ ساياحاتتاۋ“، ”جارىستارعا ىلەسىپ ساياحاتتاۋ“، ”ٴدامدى تاعامنان اۋىز ٴتيىپ ساياحاتتاۋ“ سياقتى مادەنيەت پەن ساياحاتتى ىشكەرىلەي توعىستىرعان جاڭا ۇلگىلەر شينجياڭ ساياحاتىنىڭ جاڭا تانىسقىسىنا اينالدى. «التايىم» اتتى تەلە فيلم دابىرالى قويىلىپ، التاي ساياحاتىنىڭ قىزۋ ورلەۋىن كوتەرىپ، قىرۋار ساياحاتشىنى مىندەتتى تۇردە بارۋعا باۋرادى، سونداي ـ اق قىزۋ ورلەۋى كوكتەمنەن قىس ماۋسىمىنا دەيىن جالعاسىپ، 2024 ـ جىلعى جۇرت نازارىن اۋدارعان ساياحات ىسىنە اينالىپ، ”ٴوتىمدى فيلمنىڭ سوڭىنا ٴتۇسىپ ساياحاتتاۋ“ ٴبىر مەزەت كەڭ تارالىپ، شينجياڭ ساياحاتىنىڭ دامۋىنا پارمەندى دەم بەردى.
تۋراشىلدىقتان اينىماي جاڭالىق اشۋ مادەنيەت ـ ساياحات كاسىبىنىڭ اعالاپ العا شىعۋىنداعى ”شەشۋشى كىلتكە“ اينالدى. جاڭالىق اشۋ جاڭا وي جەلىسىن، جاڭا ۇلگىنى، جاڭا كاسىپ كۇيىن تۋىنداتىپ، ساياحات ونىمدەرىمەن قامداۋدى بارىنشا بايىتىپ، ساياحاتشىلاردىڭ سەزىنۋىن جوعارىلاتىپ، شينجياڭنىڭ مادەنيەت ـ ساياحات كاسىبىنىڭ جوعارى ساپالى دامۋدى جۇزەگە اسىرۋىنا دەم بەردى.
دامۋدىڭ جالپى تۇلعالىق دەڭگەيىن جوعارىلاتتى
مادەنيەت جانە ساياحات مينيسترلىگى تاياۋدا حابارلاندىرۋ جاريالاپ، 19 ساياحات كورىنىس ٴوڭىرىن مەملەكەتتىك 5A دارەجەلى ساياحات كورىنىس ٴوڭىرى ەتىپ تۇراقتاندىرىپ، تيانشان تەمىر كورىنىس ٴوڭىرى وسى تىزىمدىكتەن ورىن الدى. بۇل شينجياڭنىڭ ساياحات سارا ماركاسىن جاراتۋداعى ماڭىزدى جەتىستىگى، ونان دا ماڭىزدىسى، شينجياڭنىڭ مادەنيەت ـ ساياحات كاسىپ سالاسىنىڭ تاباندىلىقپەن ساپانى جوعارىلاتىپ، ونىمدىلىكتى ارتتىرۋىنىڭ پارمەندى ايعاعى سانالادى.
دۇنيە ٴجۇزى دارەجەلى ساياحات بايلىعىنا يە شينجياڭ قايتكەندە دۇنيە جۇزىندەگى ماڭىزدى ساياحات نىسانالى جەرىنە اينالادى؟ تەك قاجىماي ـ تالماي ساپانى جوعارىلاتىپ، كاسىپ كۇيىن مولايتىپ، قىزمەت وتەۋدى ساپالىلاندىرىپ، ساياحات بايلىعىنىڭ باسىمدىعىن جانە پايداسىن تولىق ىسكە قوسقاندا عانا، ”ارمان القابىنا“ تولعان شينجياڭ حيكاياسى ٴتىپتى دە اسەرلى بولىپ، دۇنيە جۇزىنە تارتىمدى شينجياڭنىڭ، اشىق شينجياڭنىڭ، ومىرشەڭ شينجياڭنىڭ وزگەشە كەلبەتىن ايگىلەيدى.
بيىل مايتاۋ _ كۇشار تاس جولىندا كولىك قاتىناعان 4 ايدان استام ۋاقىتتا كولىك اعىن مولشەرى 3 ميلليون 720 مىڭ ـ رەتتەن استى. بيىل مايتاۋ _ كۇشار تاس جولى، پانلۇڭ بايىرعى جولى، S101 جەلىسى، G219 جەلىسى، التاي قالاسى _ قومقاناس تاس جولى، باعراش كولىن اينالاتىن تاس جول سياقتى ”ينتەرنەتتە تانىمال تاس جولدار“ قىزۋ قارسى الۋعا بولەندى؛ تاس جول ساياحاتى قىزۋ ورلەۋىنىڭ استارىندا شينجياڭنىڭ تاس جول ەرەكشە كورىنىس جولدارىنىڭ ساپاسىن زور كۇشپەن جوعارىلاتىپ، ٴوز كولىگىمەن ساياحاتتايتىن ەل ىشىندەگى بىرەگەي جەلىنى سومداۋ جوسپارى مەن ناقتى ارەكەتى جاتىر، بۇل ٴارى شينجياڭنىڭ جوعارى دارەجەلى ساياحات ماركاسى شوعىرلانعان ٴوڭىردى تۇلعالاۋىنداعى، دۇنيە جۇزىلىك ساياحات نىسانالى جەرىن قۇرۋىنداعى كوپتەگەن شارالارىنىڭ ٴبىرى سانالادى.
دۇنيە جۇزىلىك ساياحات نىسانالى جەرى، ٴسوز جوق، كەمەلدى وسىزاماندانعان ساياحات جۇيەسىن ازىرلەۋى كەرەك. شينجياڭ جۇيە قۇرىلىسىن ارقاۋ ەتىپ، جوعارى ساپالى ساياحاتپەن قامداۋدى ۇزدىكسىز كۇشەيتىپ، ساياحات كاسىپ كۇيىن جانە ەرەكشەلىگىن مولايتىپ، نەگىزدىك قۇرىلعىلاردى ۇزدىكسىز كەمەلدەندىرىپ، بازار ٴتارتىبىن ساپالىلاندىرىپ، قىزمەت وتەۋ ساپاسىن جوعارىلاتىپ، شينجياڭ ساياحات كاسىبى دامۋىنىڭ جالپى تۇلعالىق دەڭگەيىن جاپپاي جوعارىلاتتى.
بايلىق ارتىقىشىلىعىنا، باسىمدىعىنا سۇيەنىپ، ەرەكشە ساياحات كاسىپ كۇيىن كۇش سالا جەتىلدىردى. شينجياڭ التاي تاۋىنىڭ، تيانشان تاۋىنىڭ قار ـ مۇز بايلىعى باسىمدىعىنا سۇيەنىپ، قار ـ مۇز كاسىپ سالاسىنىڭ شوعىرلانا دامۋىن ىلگەرىلەتىپ، دۇنيە ٴجۇزى قار ـ مۇز سپورتىنداعى جانە قار ـ مۇز ساياحاتىنداعى كورىكتى جەردى تۇلعالاۋعا كۇش سالدى. تۇتاس شينجياڭداعى قار شاڭعى الاڭىنىڭ سانى 101گە جەتىپ، تۇتاس ەل بويىنشا الدىڭعى قاتاردا تۇردى، شينجياڭ جىبەك جولى تاۋلى جەر دەمالىس اۋماعى، سونداي ـ اق جىكبەلەڭ، گەنەرال تاۋى، كوكتوعاي حالىقارالىق شاڭعى تەبۋ، دەمالىس اۋماعى سياقتى ٴبىر توپ جوعارى دارەجەلى شاڭعى الاڭدارى بۇكىل ەل بويىنشا الدىڭعى ورىندى يەلەدى؛ جيھانگەرلىك ساياحاتى، زەرتتەۋ ـ ۇيرەنۋ ساياحاتى، كۇتىمدەلۋ ـ ساۋىقتىرۋ ساياحاتى، قۇمدى ٴشول ساياحاتى، تومەن كەڭىستىك ساياحاتى سياقتى ەرەكشە ساياحاتتاردى بار كۇشپەن دامىتىپ، حالىقتىق سالت ـ سانا ساياحاتىن جاڭالىق اشا دامىتىپ، شەكارا ساياحاتى، شەكارا اتتاعان ساياحات سياقتى ونىمدەردى اشتى. قازىر شينجياڭنىڭ ٴوز كولىگىمەن ساياحاتتاۋ، قار ـ مۇز ساياحاتى، ەرەكشە ساياحات سياقتىلارىنىڭ بۇكىل ەلگە اتى ايگىلى.
جالپىلىق قۇرىلعى قۇرىلىسىن جەدەلدەتىپ، ساياحات قىزمەت وتەۋ ساپاسىن جاپپاي جوعارىلاتتى. سوڭعى جىلدارى شينجياڭ قاتىناس، جاتىن ورىن، اس ـ سۋ سياقتى جالپىلىق قىزمەت وتەۋ قۇرىلعىلارىن ۇزدىكسىز كەمەلدەندىرىپ، زەردەلى ساياحات قۇرىلىسىن جەدەل ىلگەرىلەتىپ، شەكارادان كىرىپ ساياحاتتايتىندارعا قولايلىلىق جاراتۋدى جەبەپ، ساياحات بازارىن باقىلاۋ ـ باسقارۋدى كۇشەيتىپ، ”شات كۇلكىگە تولى شينجياڭ“ قىزمەت وتەۋى ماركاسىن جاراتتى. 2024 ـ جىلى تۇتاس شينجياڭدا ۇكىمەت سيپاتىندا قارجى قوسىلعان مادەنيەت جانە ساياحات نەگىزدىك قۇرىلعى قۇرىلىسى بويىنشا جاڭادان سالىنعان، جالعاپ سالىنعان نىسان 104كە جەتىپ، جالپى 8 ميلليارد 19 ميلليون يۋان قارجى قوسىلدى؛ 185 قوناقساراي نىسانى جاڭادان سالىنىپ، جالعاپ سالىنىپ، جالپى 49 ميلليارد 880 ميلليون يۋان قارجى قوسىلدى؛ 171 ساياحات دارەتحاناسى جاڭادان سالىنىپ، 618 ساياحات دارەتحاناسى وزگەرتىلدى.
2024 ـ جىلى شينجياڭدا تاعى مەملەكەتتىك 4A دارەجەلى 11 كورىنىس ٴوڭىرى، مەملەكەت دارەجەلى 3 تۇنگى مادەنيەت جانە ساياحات تۇتىنۋ شوعىرلى ٴوڭىرى، مەملەكەت دارەجەلى 2 قار ـ مۇز ساياحات دەمالىس اۋماعى كوبەيدى... شينجياڭنىڭ مادەنيەت ـ ساياحات كاسىپ سالاسى سارا تۋىندى ماركاسى قوسىنىنىڭ ۇزدىكسىز زورايۋى تەك شينجياڭ مادەنيەتىنىڭ، ساياحاتىنىڭ ساپاسىن جوعارىلاتىپ، ونىمدىلىگىن ارتتىرۋىنىڭ وڭ باعىتتاعى بەينەسى بولىپ قانا قويماي، ونان دا ماڭىزدىسى، 300 ميلليون (رەت) ساياحاتشى قابىلداۋعا بەرىك نەگىز قالادى.
كاسىپ سالالارىنىڭ توعىسپالى دامۋى تەرەڭدەدى
2024 ـ جىلى شينجياڭنىڭ مادەنيەت ـ ساياحات كاسىپ سالاسىنداعى ادامدى جەلپىندىرەتىن حابار بيىل 8 ـ ايدا اۆتونوميالى رايوندىق پارتكومنىڭ مادەنيەت ـ ساياحات كاسىپ سالاسىن اۆتونوميالى رايوننىڭ كاسىپ سالاسى شوعىرى تىزىمىنە ەنگىزۋى بولدى.
كاسىپ سالاسىنىڭ شوعىرلانۋى ٴوزارا بايلانىستى، ٴوزارا يەك سۇيەيتىن قىرۋار كاسىپورىندار مەن قۇرىلىمدار شوعىرىنىڭ كوپتەگەن كاسىپ سالاسىنىڭ توعىسپالى دامۋىن جۇزەگە اسىرىپ، كاسىپ سالاسى قۇرىلىمى دەڭگەيىنىڭ كوتەرىلۋىن جانە وڭىرلىك ەكونوميكا تيبىنىڭ وزگەرۋىن ىلگەرىلەتىندىگىن اڭعارتادى. وسى ٴبىر اۋىر مىندەتتى ارقالاۋ ٴۇشىن، شينجياڭنىڭ مادەنيەت ـ ساياحات كاسىپ سالاسى، ٴسوز جوق، ٴوزىنىڭ جەتەكتەۋ قۋاتى كۇشتى، بايلانىستى كاسىپ سالاسى كوپ بولۋ باسىمدىعىن تولىق ساۋلەلەندىرىپ، جەدەل توعىسا دامىپ، توعىسۋعا ىڭعايلى بولسا توعىسۋى، توعىساتىن مۇمكىندىگى بولسا توعىسۋى كەرەك.
”شينجياڭنىڭ كوركەمدىگى، شينجياڭنىڭ ۇلكەندىگى، شينجياڭنىڭ جاراسىمدىلىعى، شينجياڭنىڭ تاتىمدىلىعى، شينجياڭنىڭ قىزعىلىقتىلىعى، شينجياڭنىڭ العاباسارلىعى شينجياڭنىڭ مادەنيەت ـ ساياحات كاسىپ سالاسى شوعىرىنىڭ وزەكتى باۋراۋ قۋاتىن بىرگە قالىپتاستىردى“، ـ دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن.
جەدەل توعىسا دامۋدىڭ ٴمانى شينجياڭنىڭ مادەنيەت ـ ساياحات كاسىپ سالاسى شوعىرىنىڭ وزەكتى باۋراۋ قۋاتىن ونان ارى كۇشەيتۋ، مۇندا مادەنيەت پەن ساياحاتتىڭ توعىسۋىن تەرەڭدەتۋ ماڭىزدىنىڭ ماڭىزدىسى بولىپ تابىلادى. شينجياڭ مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، باي تاريحي مادەنيەت، قىزىل مادەنيەت سياقتى بايلىقتاردى تولىق كادەگە جاراتىپ، پايدالانىپ، باي مادەنيەت ٴمانى بار، ەرەكشەلىگى ايقىن ساياحات سارا ونىمدەرىن تۇلعالادى. باتىس ٴوڭىر باسقاقتىعى ەسكى جۇرت شوعىرى ارحەولوگيالىق ەسكى جۇرتى باقشاسى قۇرىلىسىن جەدەل ىلگەرىلەتىپ، قىزىل تاس ۇڭگىرى، سۇباش بۇتحاناسى سياقتى دۇنيە جۇزىلىك دەڭگەيدەگى مادەنيەت مۇراسىنا سۇيەنىپ، جوعارى ساپالى ساياحات كورىنىس وڭىرلەرىن تۇلعالادى؛ ”تيانشان الابىندا كوكتەم مەرەكەسىن قۇتتىقتاپ، مەرەكەنى شات ـ شادىمان وتكىزەيىك“ جەلىلەس قيمىلدارى سياقتىلاردى ۋاكىل ەتكەن مادەنيەت پەن ساياحاتتى توعىستىرۋ قيمىلدارى شينجياڭنىڭ ٴىشى ـ سىرتىنان قىرۋار ساياحاتشىنى باۋراپ، كوپ نەگىزدى، ٴبىر تۇلعالى جۇڭحۋا مادەنيەتىن تولىق ايگىلەدى.
”قاتىناس+ “، ”دەنە تاربيە+ “، ”اۋىل شارۋاشىلىعى+ “ ... مادەنيەت پەن ساياحاتتىڭ ٴار سالامەن توعىسا دامۋى ۇزدىكسىز تەرەڭدەدى.
قاتىناس پەن ساياحاتتىڭ توعىسپالى دامۋى جەدەلدەتىلىپ، ”پويەزگە وتىرىپ، شينجياڭدى ساياحاتتاۋ“، ”جيڭحى“ سياقتى ساياحات ارناۋلى پويەزدەرى، شينجياڭعا كومەكتەسۋ ارناۋلى پويەزى شينجياڭ ساياحاتىن اناعۇرلىم ٴماندى دە ٴساندى ەتتى. مايتاۋ ـ كۇشار تاس جولى سياقتى ينتەرنەتتە تانىمال تاس جولدا قاتىناس تاراۋلارى مەن مادەنيەت ـ ساياحات تاراۋلارى قول ۇستاسا سەلبەستىك جاساپ، ساياحاتشىلار ٴۇشىن اناعۇرلىم مەيىرلى قىزمەت كورسەتتى ٴارى اناعۇرلىم ساپالى ساياحاتتىق سەزىنۋ ازىرلەدى.
دەنە تاربيە مەن ساياحاتتىڭ توعىسۋى ٴتىپتى دابىرالى بولدى، جۇڭگو تاكلاماكاندى اينالۋ (حالىقارالىق) راللي جارىسىن ۋاكىل ەتىپ، شينجياڭنىڭ جەر ـ جەرى ماركالى جارىستاردى بەلسەنە ۇيىمداستىرىپ، جەلىلەس جارىس مادەنيەت قيمىلدارى مەن ساياحاتتىق كورىنىس وڭىرلەرى تيىمدىلىك شارالارىن ۇسىنىپ، ساياحاتتىڭ دامۋىن ٴونىمدى جەتەكتەدى.
اۋىل شارۋاشىلىعى مەن ساياحاتتىڭ توعىسپالى دامۋى گۇلدەنۋگە دەم بەردى، شينجياڭ اۋىل ـ قىستاق ساياحاتىن زور كۇشپەن دامىتىپ، ٴۇرىمجى اۋدانى اۋىل ـ قىستاق ساياحاتىندا شۇيشيگوۋ قالاشىعى پيڭشيلياڭ قىستاعى سياقتى ٴبىر توپ ٴتۇيىندى قىستاقتاردى ۇزدىكسىز تۇلعالاپ، اۋىل شارۋاشىلىعى ٴوندىرىسىن ساياحاتتاپ سەرۋەندەۋمەن، تىنىعىپ دەمالۋمەن ۇشتاستىرىپ، ٴارى شارۋالاردىڭ كىرىستەرىن ارتتىرۋىن جەبەدى، ٴارى اۋىل ـ قىستاقتىڭ گۇلدەنۋىن ىلگەرىلەتتى.
توعىسپالى دامۋ مادەنيەت ـ ساياحات كاسىپ سالاسىنا قۇدىرەتتى باۋراۋ قۋاتىن سيلادى. 2024 ـ جىلى شينجياڭدا مادەنيەتپەن، ساياحاتپەن، سونداي ـ اق قاتىستى كاسىپ سالالارمەن شۇعىلداناتىن شارۋاشىلىق تۇلعالارى شامامەن 514 مىڭ 100 بولىپ، شينجياڭنىڭ ەكونوميكاسىنىڭ، قوعامىنىڭ دامۋىنا پارمەندى تىرەك بولدى. ال شينجياڭنىڭ مادەنيەت جانە ساياحات كاسىپ سالالارى بويىنشا قارجى قۇراۋ، قارجى قوسۋ تۇعىرىندا كەلىسىم جاسالىپ، تياناقتانىپ، وندىرىسكە قوسىلعان نىساندار 165كە جەتىپ، جالپى قوسىلعان قارجى سوماسى 77 ميلليارد 600 ميلليون يۋان بولىپ، مادەنيەت ـ ساياحات كاسىپ سالاسى قۇدىرەتتى دامۋ ومىرشەڭدىك كۇشىن تۋىنداتتى.
5 ـ ايدا وتكىزىلگەن اۆتونوميالى رايوننىڭ ساياحاتتى دامىتۋ جينالىسىندا بۇكىل شينجياڭنىڭ 14 ايماق، وبلىس، قالاسىنداعى نەگىزگى باسشىلار ”مادەنيەت پەن ساياحاتتى تانىستىرۋشى“ بولىپ نەمەسە ساياحات جەتەكشىسى بولىپ، جەرگىلىكتى ورىننىڭ جاراتىلىستىق كورىنىسىن، مادەنيەت تاريحىن جاندى دا وبرازدى تۇردە تانىستىردى؛ نەمەسە ساياحاتشى بولىپ، شاعىن قالالاردىڭ كونە كوشەلەرىن اسىقپاي ارالاپ، كەرەمەت كوركەم كورىنىستى كورىپ، ”ارمان القابىن“ اسىقپاي تاماشالادى. شينجياڭدا مادەنيەت ـ ساياحات كاسىپ سالاسى شىن مانىندەگى ”ٴبىرىنشى باسشى“ ينجەنەرياسىنا جانە جاڭادان گۇلدەنگەن ستراتەگيالىق تىرەكتى كاسىپ سالاسىنا اينالىپ، كورنەكتى داۋىرلىك ەرەكشەلىككە يە حالىق تۇرمىسى كاسىپ سالاسى، باقىت كاسىپ سالاسى بولعان قاسيەتى كۇن سايىن كورنەكتىلەنە ٴتۇستى.
كونە جىلدى ۇزاتىپ، جاڭا جىلدى قارسى الار شاقتا، قارلى دالا، مۇزدى القاپ ىشىندە، قيىر شالعايداعى شاڭعى اۋەسكەرلەرى، ساياحاتشىلار شينجياڭنىڭ قار ـ مۇز كوركەمدىگىن كورىپ ٴبىلدى. 2025 ـ جىلى جاڭا جىل، كوكتەم مەرەكەسى كەزىندە شينجياڭنىڭ جەر ـ جەرى 700 رەتتەن استام مادەنيەت، دەنە تاربيە، ساياحات قيمىلدارىن وتكىزىپ، قىستىگۇنگى مادەنيەت ـ ساياحات بازارىنا جىلى لەپ قوسادى. 300 ميلليون ادام ـ رەت بولۋ نىساناسى مۇلتىكسىز ورىندالدى، سونداي ـ اق جاڭا شۇعىلانىڭ باستاماسى بولدى، جاڭا ٴبىر جىلداعى شينجياڭنىڭ مادەنيەت ـ ساياحاتىنان ٴۇمىت كۇتۋگە ابدەن بولادى!
