اۆتونوميالى رايوندىق 2 ـ كەزەكتى قىسقى سپورت جارىسىنىڭ جارىس بەلگىسى
اۆتونوميالى رايوندىق 2 ـ كەزەكتى قىسقى سپورت جارىسىنىڭ قۇت بەلگىسى”قار بالا“
انار بۇلت \ شينجياڭ گازەتىنىڭ ٴتىلشىسى حۋاڭ شيڭ 12 ـ ايدىڭ 30 ـ كۇنى ۇرىمجىدەن حابارلايدى. 12 ـ ايدىڭ 30 ـ كۇنى اۆتونوميالى رايوندىق 2 ـ كەزەكتى قىسقى سپورت جارىسىنىڭ اقپار جاريالاۋ ٴماجىلىسى وتكىزىلدى، ٴماجىلىس وسى كەزەكتى سپورت جارىسىنىڭ نەگىزگى تاقىرىپتىق ۇرانىن، قۇت بەلگىسىن جانە جارىس بەلگىسن جاريالادى.
وسى كەزەكتى جارىستىڭ قۇت بەلگىسى ”قار بالا“ شينجياڭداعى تيانشان تاۋلارى، التاي تاۋلارى، كۇنلۇن تاۋلارى سياقتى قارلى تاۋلاردىڭ تۇلعاسىن ارقاۋ ەتىپ، ۇستىنە قار ـ مۇز سپورت كيىمىن، باسىنا قار گۇلى بەينەلەنگەن جوعارى عىلىم ـ تەحنولوگيالى قار بورىگىن كيىپ، قىزىل شارپى وراپ، ٴجۇزى كۇلىمسىرەپ، قۇشاعىن جايىپ، شينجياڭ ٴوڭىرىنىڭ قار ـ مۇز باۋرامدىلىعىن ايگىلەپ، ىستىق ىقىلاستى قوناعۋار مادەنيەت رايىن جەتكىزگەن.
وسى رەتكى جارىستىڭ جارىس بەلگىسى ٴۇرىمجىنىڭ باسقى ”乌 “ ٴارىبىن بار كۇشىمەن سىرعاناپ بارا جاتقان 2 شاڭعى سپورتشىسى پىشىنىندە ايشىقتاپ، قىسقى دەنە تاربيە سپورتىنىڭ جالىندى ومىرشەڭ كۇشىن جاندى ايگىلەپ، سپورتشىلاردىڭ قايسارلىقپەن سايىساتىن ٴورشىل رۋحاني بەت ـ بەينەسىن اڭعارتقان. جارىس بەلگىسىنىڭ ٴتۇسى مول، قىزىل، سارى، كوك، جاسىل، قارا سياقتى تۇستەر ٴبىرىن ـ ٴبىرى ايشىقتاپ، سپورت جارىسىنىڭ تارتىمدىلىعى مەن ومىرشەڭ كۇشىن ايگىلەگەن ٴارى بۇل ٴبىر رەتكى ىنتىماقتى، بەرەكەلى، ەكپىندەي ىلگەرىلەگەن، دامىعان دەنە تاربيە سالتاناتى بولاتىندىعىن اڭعارتقان.
اۆتونوميالى رايوندىق قىسقى سپورت جارىسى اۆتونوميالى رايوندىق حالىق ۇكىمەتى ۇيىمداستىرىپ وتكىزەتىن تۇتاس شينجياڭداعى دەڭگەيى ەڭ جوعارى، كولەمى ەڭ ۇلكەن، ٴتۇرى ەڭ تولىق قىسقى كەشەندى سپورت جارىسى.
اۆتونوميالى رايوندىق 2 ـ كەزەكتى قىسقى سپورت جارىسى 2025 ـ جىلى 1 ـ ايدىڭ 19 ـ كۇنى شينجياڭ قىسقى سپورت باسقارۋ ورتالىعىنىڭ قىسقا ارالىققا تەز سىرعاناۋ سارايىندا باستالادى، نەگىزگى تاقىرىپتىق ۇرانى: ”قار ـ مۇز اسقاق سەزىمىن قاۋلاتىپ، ازيا كىندىگى قالاسىندا ارمانعا قۇلاش سەرمەۋ“، ول ٴارى قار ـ مۇز سپورتىنىڭ اسقاق سەزىمى مەن باۋرامدىلىعىن كورنەكتىلەندىرەدى، ٴارى ٴۇرىمجى قالاسىنىڭ ”ازيا كىندىگى قالاسى“ بولۋداي وڭىرلىك ەرەكشەلىگىن ايگىلەيدى.
