جاڭا جىل قارساڭىندا مەملەكەت ءتوراعاسى شي جينپيڭ ورتالىق راديو - تەلەۆيزيا باس ستانسياسى جانە ينتەرنەت ارقىلى 2025 - جىلعى جاڭا جىلدى قۇتتىقتاۋ ءسوزىن سويلەدى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. جاڭا جىل قارساڭىندا مەملەكەت ٴتوراعاسى شي جينپيڭ ورتالىق راديو ـ تەلەۆيزيا باس ستانسياسى جانە ينتەرنەت ارقىلى 2025 ـ جىلعى جاڭا جىلدى قۇتتىقتاۋ ٴسوزىن سويلەدى. تولىعى تومەندەگىدەي:
كوپشىلىك، سالەمەتسىزدەر مە! ۋاقىت زىمىراپ ٴوتىپ، جاڭا جىل جەتىپ كەلۋ الدىندا تۇر، مەن بەيجيڭنەن كوپشىلىككە ىزگى تىلەك جولدايمىن!
2024 ـ جىلى ٴبىز كوكتەمدى، جازدى، كۇزدى جانە قىستى بىرگە وتكەرىپ، بوران ـ شاشىندى جانە ارايلى كۇندەردى بىرگە باسىپ وتتىك، ٴاربىر ساتتەر وسى ٴبىر وزگەشە جىلدا ايشىقتالىپ جازىلىپ، ادام جانىن تەبىرەنتىپ ەستەن كەتپەستەي بولدى.
ٴبىز ەل ٴىشى ـ سىرتىنداعى ورتا وزگەرىسى اكەلگەن ىقپالعا بەلسەنە توتەپ بەرىپ، ٴبىر قىدىرۋ ساياساتتىق ”كەشەندى شارا“ شىعارىپ، جوعارى ساپالى دامۋدى تىڭعىلىقتى ىلگەرىلەتتىك، ەلىمىز ەكونوميكاسى جاندانىپ، جاقسارىپ، ىشكى ٴوندىرىس جالپى ٴونىم قۇنى 130 تريلليون يۋاننان اساتىنى مەجەلەندى. استىق ٴونىم مولشەرى ٴبىر تريلليون 400 ميلليارد جىڭنان اسىپ، جۇڭگونىڭ كەسەسىنە اناعۇرلىم كوپ جۇڭگو استىعى سالىندى. وڭىرلەردىڭ دامۋى سايكەسىپ بىرگە ارەكەتتەنىپ، تاماشا اۋقىم قالىپتاستىردى، جاڭاشا قالا ـ قالاشىقتاندىرۋ مەن اۋىل ـ قىستاقتى گۇلدەندىرۋ ٴوزارا توعىستى، سايكەستى قاداممەن ىلگەرىلەدى. جاسىل، تومەن كومىر قىشقىل گازدى دامۋ تەرەڭدەي ىلگەرىلەتىلىپ، كورىكتى جۇڭگو كارتيناسى بىرتىندەپ كەستەلەندى.
ٴبىز جەرگىلىكتى جاعدايعا قاراي جاڭاشا وندىرگىش كۇشتەردى جەتىلدىردىك، جاڭا كاسىپ سالاسى، جاڭا كاسىپ كۇيى، جاڭا ۇلگى جارىسا جارىققا شىقتى، جاڭا ەنەرگيالى اۆتوكولىكتىڭ جىلدىق ٴونىم مولشەرى تۇڭعىش رەت 10 ميلليوننان استى، ينتەگرالدى تىزبەك، جاساندى زەردە، كۆانتتىق حابارلاسۋ سياقتى سالالاردا جاڭا جەتىستىكتەرگە قول جەتتى. چاڭى _ 6 تۇڭعىش رەت اي شارىنىڭ ارعى بەتىنەن ۇلگى الىپ كەلدى، مىڭشياڭ اتتى مۇحيت بۇرعىلاپ بارلاۋ كەمەسى مۇحيتتىڭ سىرىنا بويلادى، شىنجىن _ جۇڭشان جولى تولقىندى تەڭىزدە كوسىلدى، وڭتۇستىك ۇيەكتەگى چينليڭ پۋنكتى مۇزدى القاپتا ەڭسە كوتەردى، بۇلار جۇڭگولىقتاردىڭ شەكسىز ۇلان ـ قايىر دۇنيەدە ارمان قۋعان اسقاق جىگەرىن ايگىلەدى.
بيىل مەن جەرگىلىكتى ورىنداردا قىزمەت تەكسەرىپ، كوپشىلىكتىڭ تۇرمىسىنىڭ ٴماندى دە ٴساندى ەكەنىن كوردىم. تيانشۇيدىڭ حۋا ـ نيۋ الماسى ۇلكەن دە قىزىل ەكەن، دۇڭشاننىڭ اۋجياۋ قىستاعىندا بالىقتان مول ٴونىم الىنىپتى. مايجيشان تاس ۇڭگىرىندەگى ”شىعىستىڭ كۇلىمسىرەۋى“ مىڭ جىلدان كوكتەي ٴوتىپتى، ليۋچى كوشەسىندەگى سىپايىلىقپەن جول بەرۋ سىندى وتباسى ستيلى ۇرپاقتان ـ ۇرپاققا جالعاسىپتى. تيانجيندەگى بايىرعى مادەنيەت كوشەسىندە ادام اياعى ۇزىلمەيدى ەكەن، يىنچۋانداعى كوپ ۇلتتى الەۋمەتتىك اۋماقتىڭ تۇرعىندارى ٴبىر ٴۇيلى جانداي ەتەنە ەكەن. كوپشىلىك كوڭىل ٴبولىپ وتىرعان جۇمىستانۋ، كىرىستى ارتتىرۋ، ”قارتتار مەن بالالار“، وقۋ ـ اعارتۋ جانە ەمدەۋ سياقتى ماسەلەلەردى قاشاندا ەسىمنەن شىعارماي كەلەمىن. ءبىر جىلدان بەرى، نەگىزدىك زەينەتاقى جوعارىلادى، تۇرعىن ٴۇي قارىزىنىڭ ٴوسىم مولشەرى تومەندەتىلدى، تىكەلەي ەسەپ جابۋ كولەمىنىڭ كەڭەيۋى وزگە جەردە ەمدەلۋگە قولايلىلىق اكەلدى، تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ تۇرمىس ساپاسىن جوعارىلاتتى... كوپشىلىكتىڭ تابىس سەزىمى تاعى دا ەداۋىر نىعايدى.
پاريج وليمپيادا سپورت جارىسىندا ەلىمىزدىڭ دەنە تاربيە ساڭلاقتارى ەرلىكپەن العا ۇمتىلىپ، شەكارا سىرتىنداعى جارىسقا قاتىناسۋداعى ەڭ تاماشا ناتيجەگە قول جەتكىزىپ، جاس ۇرپاقتىڭ اسقاق ارىنمەن العا ىلگەرىلەگەن، وزىنە سەنىمدى ٴارى شۋاقتى بەينەسىن ايگىلەدى. تەڭىز ارمياسى، اۋە ارمياسى 75 جاسقا تولعان تۋعان كۇنىن تويلاپ، حالىق پەرزەنت اسكەرلەرى جاڭا كەلبەتتەرىن ايگىلەدى. تاسقىن، تايفىڭ سياقتى جاراتىلىستىق اپاتتار الدىندا، قالىڭ پارتيا مۇشەلەرى، كادرلار اتويلاپ الدا ٴجۇرىپ، كوپشىلىك ەل بىرلىگىنەن بەرىك قامال تۇرعىزدى، ٴبىر ـ بىرىنە قارايلاستى. سانسىز ەڭبەكشىلەر، قۇرىلىسشىلار، شارۋاشىلىق قۇرۋشىلار ارمان ٴۇشىن ايانباي شايقاستى. مەن مەملەكەت وردەنى جانە مەملەكەت داڭق اتاعى يەگەرلەرىنە سيلىق تاراتتىم، داڭق سولارعا تاۋەلدى، سونداي ـ اق كوكىرەك كەرە جاۋاپكەرشىلىك ارقالاعان ٴاربىر كۇرەسكەرگە تاۋەلدى.
بۇگىنگى تاڭداعى دۇنيە جۇزىندە وزگەرىس پەن بىلىقپالىق قاباتتاسىپ كەتتى، جۇڭگو جاۋاپكەرشىلىك ارقالايتىن ٴىرى ەل رەتىندە، الەمدىك باسقارۋ رەفورماسىن بەلسەنە ىلگەرىلەتىپ، جەر شارىنىڭ وڭتۇستىگىمەن ىنتىماقتى، سەلبەستىكتى تەرەڭدەتتى. ٴبىز ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىن ٴساتتى وتكىزىپ، شاڭحاي سەلبەستىك ۇيىمى، بريكس، ازيا _ تىنىق مۇحيت ەكونوميكالىق سەلبەستىك ۇيىمى، 20 ەل توبى سياقتى ەكى جاقتى، كوپ جاقتى ورىنداردا جۇڭگو قۋاتتاماسىن ايقىن العا قويىپ، دۇنيە ٴجۇزىنىڭ بەيبىتشىلىگىن، ورنىقتىلىعىن قورعاۋعا اناعۇرلىم كوپ وڭ ەنەرگيا قوستىق.
ٴبىز جاڭا جۇڭگو قۇرىلعاندىعىنىڭ 75 جىلدىعىن سالتاناتپەن قۇتتىقتاپ، رەسپۋبليكانىڭ وراسان زور وزگەرىسىن تەرەڭ سۇيىسپەنشىلىكپەن ەسكە الدىق. 5000 جىلدان استام تاريحقا يە جۇڭحۋا وركەنيەتىن جالعاستىرۋ بارىسىندا ۇزدىكسىز ىلگەرىلەدىك، ”جۇڭگو“ دەگەن ەكى ٴارىپ ”حىزۇن“ توعاسىنىڭ تۇبىنە ويىپ جازىلعان، ونان دا ماڭىزدىسى، ٴاربىر حۋاشيا پەرزەنتتەرىنىڭ جۇرەگىنەن وشپەستەي ورىن العان. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جەڭىسپەن اشىلىپ، رەفورمانى ونان ارى جاپپاي تەرەڭدەتۋدىڭ دابىلى قاعىلدى. ٴبىز رەفورما جاساۋدىڭ، ەسىك اشۋدىڭ داۋىرلىك ۇلكەن اۋقىمىندا ارشىندى قاداممەن العا ىلگەرىلەدىك، جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا، ٴسوز جوق، اناعۇرلىم كەڭ ٴورىس اشاتىن بولادى.
2025 ـ جىلى ٴبىز ” 14 ـ بەسجىلدىق“ جوبانى جاپپاي ورىندايمىز. اناعۇرلىم بەلسەندى، ٴونىمدى ساياسات اتقارىپ، جوعارى ساپالى دامۋدى بار زەيىندى سالىپ ويداعىداي يگەرىپ، جوعارى دەڭگەيلى عىلىم ـ تەحنولوگيادا ٴوز كۇشىمىزگە سۇيەنۋدى، ٴوزىمىزدى الۋەتتەندىرۋدى ىلگەرىلەتىپ، ەكونوميكالىق، قوعامدىق دامۋدىڭ تاماشا تەبىنىن ساقتايمىز. قازىرگى كەزدە ەكونوميكالىق اينالىم كەيبىر جاڭا احۋالدارعا ٴدوپ كەلدى، سىرتقى ورتانىڭ ايقىنسىزدىعى سىندى سىن ـ سايىستار بار، جاڭا، كونە قوزعالىس قۋاتتارىن اۋىستىرۋدىڭ قىسىمى بار، الايدا وسىلاردى قۇلشىنىس ارقىلى جەڭۋىمىزگە بولادى. ٴبىز ەجەلدەن بوران ـ شاشىندا سىننان ٴوتىپ تولىسىپ، سىناقتان ٴوتۋ بارىسىندا زورايىپ كەلەمىز، كوپشىلىك تولىق سەنىمگە يە بولۋى كەرەك.
وتباسى ٴىسى، مەملەكەت ٴىسى، الەم ىستەرىندە حالىقتى باقىتتى تۇرمىسقا كەنەلتۋ ماڭداي الدى ٴىرى ٴىس. بارشا وتباسىلار بالالاردىڭ تاماشا وقۋ ـ اعارتۋدان يگىلىكتەنۋىن، قارتتاردىڭ تاماشا زەينەتكەرلىك قىزمەت وتەۋدەن يگىلىكتەنۋىن، جاستاردىڭ اناعۇرلىم كوپ دامۋ ورايىنا يە بولۋىن ٴۇمىت ەتەدى. وسى قاراپايىم تىلەكتەر تاماشا تۇرمىسقا تالپىنىس بولىپ تابىلادى. ٴبىز بىرگە قۇلشىنىپ، قوعامدىق قۇرىلىس جانە باسقارۋ دەڭگەيىن ۇزدىكسىز جوعارىلاتىپ، ۇزدىكسىز جاراسىمدى دا سيىسىمدى راي قالىپتاستىرىپ، بۇقارانىڭ ماڭايىنداعى ۇلكەندى ـ كىشىلى ىستەردى ويداعىداي شەشىپ، كوپشىلىكتى ٴتىپتى دە كوپ قۋانىشقا، مەرەيگە بولەۋىمىز كەرەك.
اۋمىننىڭ وتان قۇشاعىنا ورالعاندىعىنىڭ 25 جىلدىعى قارساڭىندا، مەن تاعى دا حاۋجياڭنىڭ جاعاسىنا باردىم، جاڭا دامۋ، جاڭا وزگەرىس قاتتى ٴسۇيىندىردى. ٴبىز ”ٴبىر ەل، ەكى ٴتۇزىم“ باعىتىن بۇلجىماي دايەكتىلەندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتايمىز. ەكى جاعالاۋداعى باۋىرلاستار _ ٴبىر شاڭىراقتىڭ ادامدارى، قان تامىرىمىزداعى باۋىرمالدىقتى ەشكىم دە ٴۇزىپ تاستاي المايدى، وتاننىڭ بىرلىككە كەلۋ تاريحي ۇلكەن اۋقىمىن ەشكىم دە توسا المايدى!
دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، دارقان پەيىل ارقىلى ارازدىقتان، قاقتىعىستان اتتاپ ٴوتىپ، ادامزاتتىڭ تاعدىرىنا كەڭ پەيىلمەن قامقور بولۋىمىز كەرەك. جۇڭگو ٴار ەلمەن بىرگە دوستىقتىڭ، سەلبەستىكتىڭ امالياتتا ايگىلەۋشىسى، وركەنيەتتەردىڭ ٴوزارا ۇلگى الۋىنىڭ ىلگەرىلەتۋشىسى، ادامزاتتىڭ تاعدىرلاس ورتاق تۇلعاسىن قۇرۋدىڭ قاتىناسۋشىسى بولىپ، دۇنيە ٴجۇزىنىڭ تاماشا بولاشاعىن بىرگە اشۋدى قالايدى.
ارمان الىس بولسا دا، تالپىنساق جەتە الامىز؛ ارمان ساپارى جاپالى بولسا دا، تاباندى بولساق ورىندالادى. جۇڭگو ۇلگىسىندەگى وسىزامانداندىرۋدىڭ جاڭا جورىعىندا، ٴاربىر ادام باس كەيىپكەر، ٴاربىر بوداۋ توتەنشە قاستەرلى، ٴاربىر ساۋلە جارقىراپ شۇعىلا شاشادى.
وتانىمىزدىڭ تاۋ ـ وزەندەرى گۇلدەي قۇلپىرىپ، بارلىق شاڭىراققا باقىت نۇرى توگىلدى. جاڭا جىلدى كوكىرەك تولى ۇمىتپەن قارسى الايىق. وتانىمىزدىڭ قاشاندا تىنىش تا امان بولۋىن، گۇلدەنىپ ـ كوركەيە بەرۋىن تىلەيمىن! بارلىق تىلەكتەرىڭىزدىڭ ورىندالۋىن، مول قۋانىش پەن ماڭگى تىنىشتىق بولۋىن تىلەيمىن!
