جۇڭگو - رەسەي ەكى ەلدىڭ مەملەكەت باسشىلارى ٴوزارا جاڭا جىلدى قۇتتىقتاۋ تەلەگرامماسىن جولدادى
جۇڭگو - رەسەي ەكى ەلدىڭ زۇڭليلەرى ٴوزارا جاڭا جىلدى قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. 2024 ـ جىلى 12 ـ ايدىڭ 31 ـ كۇنى مەملەكەت ٴتوراعاسى شي جينپيڭ مەن رەسەي زۇڭتۇڭى پۋتين ٴوزارا جاڭا جىلدى قۇتتىقتاۋ تەلەگرامماسىن جولدادى.
شي جينپيڭ جۇڭگو ۇكىمەتى مەن جۇڭگو حالقى اتىنان پۋتين زۇڭتۇڭدى جانە رەسەي حالقىن شىن ىقىلاسپەن قۇتتىقتادى، سونداي ـ اق ىزگى تىلەك ٴبىلدىردى. شي جينپيڭ بىلاي دەپ اتاپ كورسەتتى: 2024 ـ جىل _ جۇڭگو مەن رەسەيدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى، ەكى ەل قارىم ـ قاتىناسىنداعى جاڭا ماڭىزدى بەلەس. 75 جىلدىق بوران ـ شاشىندى باستان وتكەرگەن جۇڭگو _ رەسەي قارىم ـ قاتىناسى اناعۇرلىم تولىستى، ورنىقتى بولدى. جەدەل قۇبىلعان 100 جىلدىق وزگەرىس پەن اۋمالى ـ توكپەلى حالىقارالىق جاعداي الدىندا، جۇڭگو مەن رەسەي ەكى ەلى باستان ـ اياق وداقتاسپاۋ، قارسىلاسپاۋ، ٴۇشىنشى جاققا باعىتتاماۋ سىندى دۇرىس جولدى بويلاپ قول ۇستاسا العا ىلگەرىلەدى. وتكەن ٴبىر جىلدا ٴبىز بەيجيڭدە، استانادا جانە قازاندا 3 رەت ديدارلاسىپ، تەلەفون، حات سىندى كوپ ٴتۇرلى فورمالار ارقىلى بايلانىستى ساقتاپ، ەكى جاقتى قارىم ـ قاتىناس جانە بىرگە كوڭىل ٴبولىپ وتىرعان كەلەلى حالىقارالىق، وڭىرلىك ماسەلەلەردى ارقاۋ ەتە وتىرىپ بۇكپەسىز اڭگىمەلەسىپ، كەڭ كولەمدى ورتاق تانىمعا كەلدىك. ٴبىزدىڭ ستراتەگيالىق جەتەكشىلىك ەتۋىمىزدە جۇڭگو مەن رەسەيدىڭ ساياسي ٴوزارا سەنىمدىلىگى جانە ستراتەگيالىق ىستەستىگى ۇزدىكسىز اناعۇرلىم جوعارى دەڭگەيگە كوتەرىلدى. ەكى ەلدىڭ شىعىس لەنيا تابيعي گاز قۇبىرى تۇتاس لەنيا بويىنشا تۇتاستىرىلدى. ٴار سالاداعى ناقتى ىستەر سەلبەستىگىندە ٴتىپتى دە كوپ كورۋگە بولاتىن جەتىستىكتەر توپتالدى؛ جۇڭگو _ رەسەي مادەنيەت جىلى ٴساتتى باستالدى، ەكى ەلدىڭ ۇرپاقتار بويى دوس بولاتىن حالىق تىلەگى دانەكەرى ونان ارى جاقىندادى؛ ەكى جاق قارسى جاقتىڭ بريكس مەحانيزمىندە، شاڭحاي سەلبەستىك ۇيىمىندا ٴتوراعا ەل مىندەتىن وتەۋ سىندى قىزمەتتەرىن ٴوزارا قولداپ، جەر شارىنىڭ وڭتۇستىگىنىڭ ىنتىماقتاسا سەلبەسۋىن ىلگەرىلەتۋگە ماڭىزدى ۇلەس قوستى.
شي جينپيڭ مىنالاردى اتاپ كورسەتتى: كەلە جاتقان 2025 ـ جىلى جۇڭگونىڭ ” 14 ـ بەسجىلدىق“ جوباسى اياقتالاتىن جىل، سونداي ـ اق دۇنيە جۇزىلىك فاشيزمگە قارسى سوعىس جەڭىسكە جەتكەندىگىنىڭ 80 جىلدىعى. مەيلى حالىقارالىق جاعداي قالاي قۇبىلسا دا، جۇڭگو جاق تاباندىلىقپەن رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتىپ، دۇنيە ٴجۇزىنىڭ بەيبىتشىلىك، دامۋ ىستەرىن جەبەيدى. جۇڭگو مەن رەسەيدىڭ ٴار سالاداعى سەلبەستىگى دە ۇزدىكسىز جاڭا دامۋ ورايىن قارسى الاتىندىعىنا سەنەمىن. مەن زۇڭتۇڭ مىرزامەن تىعىز بارىس ـ كەلىستى ۇزدىكسىز ساقتاپ، جۇڭگو _ رەسەي سەلبەستىگىنىڭ ۇلكەن بەتالىسىن مىقتى يگەرىپ، ماڭگىلىك تاتۋ كورشىلىك، دوستىق، جان ـ جاقتى ستراتەگيالىق ىستەستىك، ٴوزارا پايدا جەتكىزۋ سەلبەستىگى، تەڭ يگىلىككە كەنەلۋ سىندى جاڭا داۋىردەگى جۇڭگو _ رەسەي قارىم ـ قاتىناسىن ۇزدىكسىز بەكەمدەپ جانە تەرەڭدەتىپ، ەكى ەلدىڭ دامۋ، گۇلدەنۋ جانە وسىزامانداندىرۋ قۇرىلىسىنا پارمەندى قوزعاۋشى كۇش ۇستەپ، جۇڭگو _ رەسەي حالقىنىڭ ىرىس ـ قۇتىن ارتتىرۋعا، حالىقارالىق ادىلدىك پەن ادىلەتتىلىكتى قورعاۋعا تىڭ ماڭىزدى ۇلەس قوسۋدى قالايمىن.
پۋتين زۇڭتۇڭ ٴتوراعا شي جينپيڭگە جاڭا جىل جانە كوكتەم مەرەكەسى بايلانىسىمەن شىن جۇرەكتەن ىزگى تىلەك ٴبىلدىردى، جۇڭگو حالقىنىڭ باقىتتى، ساۋ ـ سالامات بولۋىن تىلەدى. پۋتين مىنالاردى ٴبىلدىردى: ٴوتىپ بارا جاتقان ٴبىر جىلدا رەسەي _ جۇڭگو ەكى ەل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن جانە رەسەي مەن جۇڭگونىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن بىرگە سالتاناتپەن قۇتتىقتادى. ٴبىز 3 رەت ٴساتتى ديدارلاسىپ، رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم ـ قاتىناسىنىڭ تىڭ دامۋ تابىسىنا قول جەتكىزۋىنە جەتەكشىلىك ەتتىك. ەكى جاقتىڭ ەكونوميكا ـ ساۋدا، ەنەرگيا، قاتىناس، عىلىم ـ تەحنولوگيا سياقتى سالالاردا ٴوزارا پايدا جەتكىزۋ سەلبەستىگى ٴتارتىپتى ىلگەرىلەتىلدى. رەسەي _ جۇڭگو مادەنيەت جىلىنىڭ ٴساتتى باستالۋى ەكى ەلدىڭ گۋمانيتارلىق اۋىس ـ كۇيىستى كەڭەيتۋىنە اناعۇرلىم كوپ جاڭا وراي جاراتتى. جاڭا ٴبىر جىلعا كوز تاستاعانىمىزدا، مەن ٴتوراعا شي جينپيڭمەن تىعىز قىزمەت بايلانىسىن ۇزدىكسىز ساقتاپ، ەكى جاقتى قارىم ـ قاتىناستىڭ جانە ٴارقايسى سالاداعى سەلبەستىكتىڭ ۇزدىكسىز دامۋىن بىرگە ىلگەرىلەتىپ، ەكى ەلدىڭ بىرلەسكەن مەملەكەتتەر ۇيىمى، بريكس ەلدەرى، شاڭحاي سەلبەستىك ۇيىمى، 20 ەل توبى سياقتى كوپ جاقتى تۇعىرلارداعى سايكەسۋىن، سەلبەسۋىن اناعۇرلىم كۇشەيتۋدى قالايمىن. بۇل ەكى ەل حالقىنىڭ مۇددەسىنە بۇكىلدەي ۇيلەسۋمەن بىرگە، حالىقارالىق جانە وڭىرلىك حاۋىپسىزدىكتى، ورنىقتىلىقتى قورعاۋعا دا ٴتيىمدى.
سول كۇنى مەملەكەتتىك كەڭەستىڭ زۇڭليى لي چياڭ رەسەي زۇڭليى ميشۋستينمەن ٴوزارا جاڭا جىلدى قۇتتىقتاۋ تەلەگرامماسىن جولدادى. لي چياڭ مىنالاردى ٴبىلدىردى: ٴتوراعا شي جينپيڭ مەن پۋتين زۇڭتۇڭنىڭ ستراتەگيالىق جەتەكشىلىگىندە، جۇڭگو مەن رەسەي ەكى جاق ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن وراي ەتىپ، ەكى جاقتى قارىم ـ قاتىناستىڭ ۇزدىكسىز اقاۋسىز، ورنىقتى دامۋىن ىلگەرىلەتتى. جۇڭگو جاق رەسەي جاقپەن بىرگە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمىن ٴتۇبىرلى بويسۇنۋ ولشەمى ەتىپ، جۇڭگو _ رەسەي قارىم ـ قاتىناسىنىڭ جانە ٴارقايسى سالاداعى سەلبەستىكتىڭ تىڭ ساتىعا كوتەرىلۋىن ىلگەرىلەتۋدى قالايدى. ميشۋستين مىنانى ٴبىلدىردى: رەسەي جاق جۇڭگو جاقپەن وسكەلەڭ ٴوزارا سەنىم ارتاتىن سىندارلى اۋىس ـ كۇيىستى ۇزدىكسىز ساقتاۋدى قالايدى، ەكى جاق كەلىسكەن ورتاق تانىمنىڭ ەكى جاقتى سەلبەستىكتىڭ اناعۇرلىم جوعارى دەڭگەيگە قادام تاستاۋىن ىلگەرىلەتۋگە جەبەۋ بولاتىندىعىنا سەنەدى.
