مەملەكەتتىك ساياسي كەڭەس جاڭا جىل شاي ٴماجىلىسىن وتكىزدى

　　مەملەكەتتىك ساياسي كەڭەس جاڭا جىل شاي ٴماجىلىسىن وتكىزدى

　　شي جينپيڭ ماڭىزدى ٴسوز سويلەدى

　　لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتىناستى، ۋاڭ حۋنيڭ باسقاردى

　　12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ شاي ماجىلىسىنە قاتىناستى ءارى كونسەرتتى تاماشالادى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو حالىق ساياسي ٴماسليحات كەڭەسى مەملەكەتتىك كوميتەتى 12 ـ ايدىڭ 31 ـ كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ٴماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴارقايسى دەموكراتيالىق پارتيا ـ توپتار ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنىڭ جاۋاپتىلارىمەن، سونداي ـ اق استاناداعى ٴار ۇلت، ٴار سالا قايراتكەرلەرىنىڭ ۋاكىلدەرىمەن ٴبىر ارادا شاتتىقپەن باس قوسىپ، 2025 ـ جىلعى جاڭا جىلدى بىرگە قارسى الدى.

　　جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى ٴسوز سويلەدى. ول بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ بارىسىندا، ارايلى كۇندەر عانا ەمەس، داۋىلدى نوسەر، اۋەلى، سۇراپىل تولقىن دا بولادى. ٴبىز ستراتەگيالىق تاباندىلىقتى ساقتاپ، بۇكىل جۇڭحۋا پەرزەنتتەرىنىڭ ىنتىماقتاسا كۇرەس جاسايتىن قۋاتتى بىرىككەن كۇشىن ۇيىستىرىپ، تولقىن جارا ىلگەرىلەپ، ەرلىكپەن العا تارتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتۋىمىز كەرەك.

　　شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ٴارقايسى دەموكراتيالىق پارتيا ـ توپتارعا، ساۋدا ـ ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بۇكىل ەلدەگى ٴار ۇلت حالقىنا، شياڭگاڭدىق باۋىرلاستارعا، اۋمىندىق باۋىرلاستارعا، تايۋاندىق باۋىرلاستارعا جانە مەملەكەت سىرتىنداعى چياۋمين باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن جانە قولداۋ كورسەتكەن ٴار ەلدەگى دوستارعا جاڭا جىل بايلانىسىمەن ىزگى تىلەك تىلەدى!

　　شي جينپيڭ بىلاي دەپ اتاپ كورسەتتى: 2024 ـ جىل _ ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. ٴبىر جىلدان بەرى، ەل ٴىشى ـ سىرتىنىڭ جاعدايى اكەلگەن سىن ـ سايىستار الدىندا، ٴبىز وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستادىق. ٴبىر جىلدان بەرگى دامۋ بارىسى اسا وزگەشە بولىپ، ناتيجەسى ادامدى جەلپىندىرىپ، ٴبىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ بەكىمىمىز بەن سەنىمىمىزدى اناعۇرلىم بەكەمدەدى.

　　شي جينپيڭ بىلاي دەپ باسا دارىپتەدى: ٴبىر جىلدان بەرى، حالىق ساياسي كەڭەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، وزەكتى مىندەتپەن تىعىز بايلانىستىرىپ مىندەتىن اتقارىپ، جاۋاپكەرشىلىگىن ادا ەتىپ، ٴوز قۇرىلىسىن كۇشەيتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

　　شي جينپيڭ بىلاي دەپ اتاپ كورسەتتى: 2025 ـ جىل _ ”14 ـ بەسجىلدىق“ جوبا اياقتالاتىن جىل. ٴبىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اناعۇرلىم بەلسەندى دە ٴونىمدى ماكرولىق ساياسات اتقارىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ،”14 ـ بەسجىلدىق“ جوبانىڭ نىسانا ـ مىندەتتەرىن جوعارى ساپامەن ورىنداپ، ” 15 ـ بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋىمىز كەرەك.

　　شي جينپيڭ بىلاي دەپ باسا دارىپتەدى: حالىق ساياسي كەڭەسى پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، وزەكتى ارقاۋ ەتىپ، كەلەلى جاعدايعا قىزمەت وتەپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، يدەيالىق ـ ساياسي جەتەكشىلىكتى كۇشەيتىپ، بەلسەنە اقىل ـ كەڭەس، سىندارلى پىكىر بەرىپ، ٴتىپتى دە كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك.

　　شاي ٴماجىلىسىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ باسقاردى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ جاپپاي باسشىلىعىنا تيتتەي دە اۋىتقىماي تاباندى بولىپ، حالىق ساياسي كەڭەسىنىڭ سيپاتىن، ورنىن مىقتاپ يگەرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، رەفورما جاساۋ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتىپ، سەنىمدى بەكەمدەپ، ىنتىماقتاسا ەكپىندەي ىلگەرىلەپ، 2025 ـ جىلعى ەلىمىزدىڭ ەكونوميكالىق، قوعامدىق دامۋ نىسانا ـ مىندەتتەرىن جاپپاي ورىنداۋعا كەڭ كولەمدە زەيىن ـ زەردە، كۇش ـ قۋات ۇيىستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋ كەرەك.

　　جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين ٴارقايسى دەموكراتيالىق پارتيا ـ توپتاردىڭ ورتالىق كوميتەتتەرى، مەملەكەتتىك ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ٴسوز سويلەپ مىنالاردى ٴبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر نيەت، ٴبىر تىلەكتە بولىپ، ىنتىماقتاسا كۇرەس جاساپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسىنا قاراي بۇلجىماي ەرلىكپەن العا ىلگەرىلەيمىز.

　　شاي ماجىلىسىندە شي جينپيڭ قاتارلىلار ٴار سالا قايراتكەرلەرىنىڭ اراسىنا كەلىپ، كوپشىلىكپەن ىقىلاسپەن قول الىسىپ، ٴوزارا سالەمدەستى. مەملەكەتتىك ساياسي كەڭەستىڭ مۇشەلەرى مەن ادەبيەت ـ كوركەمونەر قىزمەتكەرلەرى تارتىمدى كونسەرت قويدى. سوڭىندا بۇكىل زالداعىلار ورىندارىنان تۇرىپ ”ىنتىماق _ كۇش“ ٴانىن اسقاقتاتا شىرقادى. ٴماجىلىس الاڭى شات ـ شادىمان، بەرەكەلى مەرەكە بەينەسىنە شومدى.

　　بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ٴبىر ٴبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە بۇرىن مەملەكەتتىك ساياسي كەڭەستىڭ ورىنباسار ٴتوراعاسى مىندەتىن اتقارعان بەيجيڭدەگى ساقا جولداستار شاي ماجىلىسىنە قاتىناستى.