”14 ـ بەسجىلدىقتا“ شەشۋشى جەڭىسكە جەتىپ، قايراتتانا العا ىلگەرىلەيىك
— جاڭا جىلعا ارناۋ ٴسوز
حالىق گازەتى باسماقالاسى
جىلدار رەتىمەن اۋناپ، تابىستار كۇن سايىن جاڭالانۋدا. وتە وزگەشە 2024 ـ جىلدى ارتقا تاستاپ، ۇمىتكە تولى 2025 ـ جىلدى قارسى الدىق.
ۋاقىت كەرۋەنى جوڭكىلە العا ىلگەرىلەيدى، كۇرەسكەرلەردىڭ قادامى ماڭگى توقتامايدى. ەندى عانا وتكەن ٴبىر جىلدا ٴجۇز ميلليونداعان حالىق ۋاقىتتىڭ الىپ قالامىن ۇستاپ، جۇڭگو ۇلگىسىندەگى وسىزامانداندىرۋدىڭ ايبىندى جاڭا تاراۋىن جازدى.
وسى جاڭا تاراۋدا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ”جۇيەلى ورنالاستىرۋى“ بار، رەسپۋبليكانىڭ 75 جىلدىق تۋعان كۇنىن تويلاۋداعى ”ۇتىلاپ ەكپىندەي ىلگەرىلەۋ“ بار، استىقتىڭ جىلدىق ٴونىم مولشەرىنىڭ تۇڭعىش رەت ٴبىر تريلليون 400 ميلليارد جىڭنان اسۋى سىندى ”اس كەسەسىن مىقتاپ ۇستاۋ“ بار، جاڭاشا وندىرگىش كۇش ارقىلى جوعارى ساپالى دامۋدى ىلگەرىلەتۋ سىندى ”قۋاتتى قوزعالىس قۋاتى“ بار... ەكونوميكالىق اينالىم جالپى تۇلعالىق جاقتان ورنىقتى بولدى، ورنىقتىلىق بارىسىندا ىلگەرىلەدى، ەكونوميكالىق، قوعامدىق دامۋدىڭ نەگىزگى نىسانا ـ مىندەتتەرى ٴساتتى ورىندالدى، جۇڭگو ۇلگىسىندەگى وسىزامانداندىرۋدا جاڭا نىق قادام تاستالدى.
وسى جاڭا تاراۋدا چاڭى _ 6نىڭ ادامزاتتىڭ تۇڭعىش رەت اي شارىنىڭ ارعى بەتىنەن ۇلگى الۋىن ورىنداۋى بار، جاڭا ەنەرگيالى اۆتوكولىكتىڭ جىلدىق ٴونىم مولشەرى تۇڭعىش رەت 10 ميلليوننان اسقان جاڭالىق اشۋ ٴدۇرسىلى بار، جالپىعا ٴتيىمدى اماناتتاپ باقتىرۋ بويىنشا قىزمەت وتەۋ جۇيەسى قۇرىلىسى جەدەل ىلگەرىلەتىلگەن، زەينەتكەرلىك قامتاماسىزداندىرۋ دەڭگەيى ۇزدىكسىز جوعارىلاعان حالىق تۇرمىسىن مەيىرلەندىرۋ بار، جۇڭگو سپورتشىلارى تۇتاس جىلدا 194 دۇنيە جۇزىلىك اعا جۇلدەگەرلىككە قول جەتكىزگەن تاريحتاعى جاقسى ناتيجە بار، ەلەۋلى ەڭبەك سىڭىرگەن ۇلگىلى تۇلعالار سياقتىلار جاندى تۇسىندىرگەن جاڭا ٴداۋىر جۇڭگو رۋحى بار. جۇڭگو ۇلگىسىندەگى وسىزامانداندىرۋدا عىلىم ـ تەحنولوگيادا الدا ٴجۇرىپ، حالىق تۇرمىسىن نەگىز ەتىپ، جۇڭگو رۋحى اناعۇرلىم اسقاقتاي ٴتۇستى.
وسى جاڭا تاراۋدا ”بەيبىت قاتار تۇرۋدان” “جاراسىمدى بىرگە ٴومىر سۇرۋگە“ دەيىنگى تامىرلاستىق پەن تاريحي قارىشتاۋ بار، ”چيانكايدان شاڭحايعا دەيىن“ كۋا بولعان ”ٴبىر بەلدەۋ، ٴبىر جولدى“ بىرگە قۇرۋ توسەگەن ”شۇعىلالى داڭعىل“ بار، جۇڭگو مەن افريكانىڭ وسىزاماندانۋ ارمانىنا بىرگە قانات قاعۋى بويىنشا بەلگىلەنگەن ادامزاتتىڭ تاعدىرلاس ورتاق تۇلعاسىن قۇرۋدىڭ ”جەر شارىنىڭ وڭتۇستىگى ۋاقىتى“ بار. دۇنيە ٴجۇزىنىڭ وسىزاماندانۋى جولىندا جۇڭگونىڭ ”دوستار شەڭبەرى“ ۇزدىكسىز ۇلعايىپ، ”جولداستارى“ بارعان سايىن كوبەيدى.
”قيىن ـ قىستاۋ“ بارىسىندا وزگەرىسكە بايىپپەن توتەپ بەرۋ ٴۇشىن، ”اساۋ اعىندا ەسكەكتى كۇشپەن ەسۋ“ بارىسىندا كەشەندى شارا اتقارىپ، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قايسارلىقپەن ايانباي شايقاسىپ، كەرەمەت ناتيجەلەرگە قول جەتكىزدى. بۇل ”ەكىنى تۇراقتاندىرۋدىڭ“ ٴبىزدىڭ حاۋىپ ـ قاتەرلەرگە، سىن ـ سايىستارعا توتەپ بەرۋىمىز، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىز جونىنەن شەشۋشى ٴمانىن تولىق ايگىلەپ، ٴبىزدىڭ جاڭا ٴداۋىردىڭ جاڭا جورىعىندا ٴورىس اشا العا ىلگەرىلەۋ، قامال الىپ، قيىندىقتاردى جەڭۋ بەكىمىمىز بەن سەنىمىمىزدى اناعۇرلىم بەكەمدەي ٴتۇستى.
ماڭىزدى تاريحي ٴتۇيىن ۋاقىتقا مول ماعىنا ۇستەدى. بۇگىنگى جۇڭگو ”شەشۋشى مەزگىلدە“ ىلگەرىلەۋدە، ايتسەدە ورتا جولدا دا قۇلشىنۋ قاجەت، شىڭنىڭ ۇشار باسىنا شىقپاي تۇرىپ، استە ەڭبەكتى اۋىزعا الماۋ كەرەك. شىت جاڭا ٴبىر جىلدا ” 14 ـ بەسجىلدىق“ جوبا اياقتالىپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋعا نەگىز قالانادى، مۇنىڭ ەلىمىزدىڭ وسىزامانداندىرۋ قۇرىلىسى ۇردىسىندەگى ٴمانى ەلەۋلى. قانشالىق مىندەت اۋىر، جول ۇزاق بولسا، كەزەڭ اسۋ، جىلعادان ٴوتۋ كەرەك بولسا، سونشالىق سەنىمدى بەكەمدەپ، قايراتتانا ٴىس تىندىرۋ، ورنىقتىلىق بارىسىندا ىلگەرىلەپ، ىلگەرىلەۋ ارقىلى ورنىقتىلىق جەبەۋ، ورنىقتى دا تاباندى تۇردە العا ىلگەرىلەۋ كەرەك.
العا ىلگەرىلەۋدە كۇشتى شوعىرلاندىرا رەفورما جاساپ جاڭالىق اشايىق. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى قوزعاۋشى كۇشى رەفورمانى ونان ارى جاپپاي تەرەڭدەتۋ. شياڭگاڭ _ جۋحاي _ اۋمىن ۇلكەن كوپىرى گۋاڭدۇڭ _ شياڭگاڭ _ اۋمىن ۇلكەن شىعاناق رايونىن ۇلاستىرعان، تۇتاستىرعان ”التىن ارناعا“ اينالدى، شاڭحايداعى جاڭجياڭ كەزىندەگى ”سىرنەگە شىلانعان كوكونىس شىعاراتىن شاعىن قالاشىقتان“ وزگەرىپ ”عىلمي جاسامپازدىق وشاعىنا“ اينالدى، حاينان ەركىن ساۋدا پورتىنىڭ قالىپتاسىپ دامىپ، كەدەن جابىق كۇيدە تيجارات جۇرگىزۋدىڭ قامال الۋ مەزگىلىنە ٴوتتى... جۇڭگو دامۋىنىڭ سان قيلى بەينەسىن رەفورما جاساپ، جاڭالىق اشۋدىڭ كۇش توپتاپ، قۋات ۇستەۋىنەن بولە قاراۋعا بولمايدى. جاڭا جورىقتا باس نىسانانى كوزدەپ، جولدى وزگەرتپەۋگە، مۇراتتان اينىماۋعا تاباندى بولىپ، باتىلدىقپەن جاڭالىق اشاتىن، جۇرەكتىلىكپەن قامال الاتىن ارىن مەن باتىلدىقتى قاۋلاتساق، ٴسوز جوق، باسىمدىققا قول جەتكىزە الامىز، بولاشاق اشا الامىز.
العا ىلگەرىلەۋدە جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتەيىك. تابىستىڭ ەشبىر جەمىسىن وڭاي جيناۋ مۇمكىن ەمەس، ال العا ۇمتىلۋ جولىنداعى ”توسقاۋىلداردان“ جانە ”بوگەتتەردەن“ تايساۋعا، اينالىپ وتۋگە كەلمەيدى. نىسانانىڭ جەتەكشىلىگى بولسا، تەك قيىندىققا قارسى اتتانىپ، باتىلدىقپەن كۇرەس جاساپ، ”تەمىر يىقتى“، ”كەڭ يىقتى“ شىڭداعاندا عانا جاڭا ٴورىس اشۋعا، جاڭا جاعداي جاساۋعا بولادى. بولاشاققا بەت الۋدا، ٴارى ەلىمىزدىڭ دامۋىنداعى كوپتەگەن باسىمدىقتاردى، ٴتيىمدى شارت ـ جاعدايدى جانە وراسان زور كومەسكى قۋاتتى كورە ٴبىلۋ، ٴارى ٴدوپ كەلگەن قيىندىقتار مەن ماسەلەلەرگە تۋرا قاراپ جانە شەشىپ، ٴارقايسى جاقتارداعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋعا شەبەر بولساق، ٴبىز ەشقانداي داۋىلدى تولقىننان جاسقانباي، تاريحي ىرىقتىلىقتى باستان ـ اياق يگەرە الامىز.
العا ىلگەرىلەۋدە بىرگە ناقتى ىستەپ كۇرەس جۇرگىزەيىك. باس شۋجي شي جينپيڭ ”ٴبىزدىڭ وسىزامانداندىرۋىمىز، ٴارى ەڭ قيىن، ٴارى ەڭ ۇلى“ ەكەندىگىن اتاپ كورسەتتى. ٴجۇز ميلليونداعان حالىقتىڭ زەيىن ـ زەردەنى شوعىرلاندىرىپ، كۇش ـ قۋات توپتاۋى ٴدال وسى ”قيىن ماسەلەنى“ شەشۋدىڭ، ”ۇلى ٴىس“ تىندىرۋىنىڭ كىلتى بولىپ تابىلادى. ٴاربىر كۇرەسكەردىڭ ايانباي شايقاسقان اشتى تەرى جاڭا ٴداۋىردىڭ جوڭكىلگەن تاسقىنى بولىپ ۇيىسادى. ٴبىر ميلليارد 400 ميلليون حالىقتىڭ ەكپىندەي ىلگەرىلەگەن قادامى بوگەۋ بەرمەس گۇلدەندىرۋدىڭ كۇشتى ٴۇنىن تولقىتتى. ناقتى ىستەۋدى ماڭداي الدى ورىنعا قويۋعا تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ ويداعىداي ارەكەت جاساۋشىسى، ىسكەرى بولىپ، جۇدىرىقتاي جۇمىلىپ، ەل بىرلىگىنەن بەرىك قامال تۇرعىزساق، تىندىرىلمايتىن ٴىس، جۇزەگە اسپايتىن نىسانا بولمايدى، جۇڭگو اتتى الىپ كەمە، ٴسوزسىز، تولقىن جارا العا ىلگەرىلەپ، ورنىقتى قاداممەن الىسقا تارتادى.
شەكسىز وتكەننىڭ ٴبارى قازىرگىنى تياناق ەتەدى، شەكسىز بولاشاقتىڭ ٴبارى قازىرگىنى باستاما ەتەدى. بۇگىن، ٴبىز بولاشاق اشۋدىڭ باستاماسىندا تۇرمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”14 ـ بەسجىلدىقتىڭ“ شەشۋشى جەڭىسىنە جەتىپ، نۇرلى بولاشاققا قاراي ارشىندى قاداممەن العا ىلگەرىلەيىك، مىناداي داۋىس قۇلاعىمىزدا جاڭعىرادى:
”ٴبىز، ٴسوز جوق، ۋاقىتتىڭ الدىندا ٴجۇرىپ، ٴداۋىردىڭ اتويشىلارى بولۋىمىز كەرەك“.
(شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى)
