تولقىن جارا العا ىلگەرىلەدى
— شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو ۇلگىسىندەگى وسىزامانداندىرۋدىڭ جاڭا دا نىق قادام تاستاۋىنا جەتەكشىلىك ەتتى
شينحۋا اگەنتتىگىنىڭ تىلشىلەرى
تاريح كەرۋەنى دامىلسىز العا تارتىپ، ۋاقىت كوشى تىنباي العا جىلجۋدا _
2024 ـ جىلى حالىق رەسپۋبليكاسى 75 جىلدىق مەرەي تويىن قارسى الدى، ” 14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋ شەشۋشى ٴبىر جىلعا قادام تاستادى، رەفورمانى جاپپاي تەرەڭدەتۋ جەلكەن جايىپ تاعى دا ساپارعا اتتاندى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ شەشۋشى بارىستى باسىپ ٴوتتى.
وسى ٴبىر جىلدا، باس شۋجي شي جينپيڭ 10 نەشە ولكە، اۆتونوميالى رايون، قالاعا جانە اۋمىن ەرەكشە اكىمشىلىك رايونىنا بارىپ قىزمەت تەكسەردى، كوزدەن كەشىردى، 4 رەت شەتەلگە ساپارعا شىقتى، ٴبىر قىدىرۋ ماڭىزدى ماجىلىستەردى باسقارىپ اشتى، ٴبىر قىدىرۋ كەلەلى قيمىلدارعا قاتىناستى، ٴبىر قىدىرۋ ماڭىزدى ٴسوز سويلەدى، ٴبىر قىدىرۋ ماڭىزدى نۇسقاۋ بەردى، ەل باسقارۋ نازارياسىندا جانە امالياتىندا شىت جاڭا جەتىستىكتەرگە قول جەتكىزۋدى ىلگەرىلەتتى.
وسى ٴبىر جىلدا، كۇردەلى دە قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قامال الىپ، قيىندىقتاردى جەڭىپ، قايراتتانا العا ۇمتىلىپ، ەكپىندى كۇرەس جۇرگىزىپ، اسا كەرەمەت دامۋ ناتيجەلەرىنە قول جەتكىزدى، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، جالپىلىق مەملەكەت قۋاتى ۇزدىكسىز كۇشەيىپ، جۇڭگو ۇلگىسىندەگى وسىزامانداندىرۋدا جاڭا دا نىق قادام تاستالدى.
تولقىن جارا العا ىلگەرىلەدى. تاريحتىڭ تىڭ پاراعى اشىلعان ساتتە گۇلدەنۋدىڭ نۇر ـ شۇعىلاسى توگىلدى.
تۋراشىلدىقتان اينىماي جاڭالىق اشىپ، ٴورىس اشا ەكپىندەي ىلگەرىلەدى _
”جۇڭگو ۇلگىسىندەگى وسىزامانداندىرۋ جوباسىن رەالدىققا اينالدىرۋدىڭ ٴتۇبىرلى نەگىزى رەفورمانى اناعۇرلىم جاپپاي تەرەڭدەتۋدە“
”تۋرا جولدى بويلاپ ٴجۇرۋ، ورتا جولعا بارعاندا دا تىنباي قۇلشىنۋ قاجەت؛ رياسىز پيعىل مەن كوڭىل توعىساتىن كۇندەر الىستا ەمەس، شىڭنىڭ ۇشار باسىنا شىعۋ ٴۇشىن، ٴسوزسىز، جاپا ـ ماشاقاتتى جەڭىپ، تىنباي تالاپتانۋ كەرەك“.
جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسىندا باس شۋجي شي جينپيڭ نانيۋە حىڭشانداعى ٴبىر قوس بوساعالىقتى سيتاتقا الىپ، بۇگىنگى جۇڭگونىڭ تاريحي ۇردىستەگى ورنىن سۋرەتتەدى.
ادام تاۋدىڭ بەل ورتاسىنا شىققاندا جول ونان ارى قيىنداي تۇسەدى، كەمە وزەننىڭ ورتاسىنا جەتكەندە اساۋ تولقىن ٴتىپتى دە كۇشەيەدى.
ۋاقىت 2024 ـ جىلعا جەتكەندە، جۇڭگو دامۋىنىڭ ىشكى ـ سىرتقى ورتاسىندا كۇردەلى دە تەرەڭ وزگەرىستەر بولدى: 100 جىلدىق وزگەرىس جەدەل قۇبىلىپ، دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتىپ، ۇلكەن رەتتەۋدى، جاپپاي ٴبولىنۋدى، كولەمدى قايتا ۇيىمداسۋدى باستان كەشىردى. سونىمەن بىرگە، ەلىمىزدىڭ رەفورما، دامۋ، ورنىقتىلىق مىندەتى جاپالى دا اۋىر بولىپ، ەكونوميكالىق اينالىم ٴالى دە كوپتەگەن قيىندىقتار مەن سىن سايىستارعا ٴدوپ كەلدى.
بۇل ٴبىر زور وزگەرىس ٴداۋىرى، ونان دا ماڭىزدىسى، زور ىستەر تىندىراتىن ٴداۋىر.
وسى ٴسات _ ”ٴداۋىر بولگىش“ پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى 40 نەشە جىل ۋاقىت وتكەن؛ ”ٴداۋىر بولگىش“ پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى دە 10 جىلدان استام ۋاقىت وتكەن شاق.
پارتيانىڭ 20 ـ قۇرىلتايى جاڭا ٴداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتىن ايقىندادى، ”كەزەكتەگى جانە بۇدان بىلايعى ٴبىر مەزگىل _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتەتىن شەشۋشى مەزگىل“.
ٴداۋىر جاڭا تاقىرىپ بەلگىلەدى، الدىڭعىلاردىڭ ٴىزىن باسىپ بولاشاققا جول اشقان شەشۋشى ساتتە تاعى دا جاڭا جاعداي اشۋدىڭ شەشۋشى جاۋاپكەرشىلىگىن ارقالاۋعا ۇندەدى.
2024 ـ جىلى 4 ـ ايدىڭ سوڭىندا شينحۋا اگەنتتىگىنىڭ ٴبىر حابارى ەلەكتر تولقىنىمەن بۇكىل ەلگە تارالدى _
”جۇڭگو كوممۋنيستىك پارتياسى ورتالىق كوميتەتى ساياسي بيۋروسى 4 ـ ايدىڭ 30 ـ كۇنى ٴماجىلىس اشىپ، بيىل 7 ـ ايدا پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىن اشىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن ٴتۇيىندى تۇردە اقىلداسۋدى ۇيعاردى“.
ٴبىر ايعا جەتپەيتىن ۋاقىتتا، 5 ـ ايدىڭ 22 ـ كۇنىنەن 24 ـ كۇنىنە دەيىن باس شۋجي شي جينپيڭ شاندۇڭدى ىشكەرىلەي ارالاپ قىزمەت تەكسەرىپ، تەكسەرۋ ـ زەرتتەۋ جۇرگىزىپ، رەفورمانى ونان ارى جاپپاي تەرەڭدەتۋ جونىندە ۇسىنىس ـ پىكىر تىڭدادى.
رىجاۋ پورتى، كوك زەڭگىر تەڭىز اسپانى، كوگىلدىر تولقىن بۇيرالانا تولقيدى. باس شۋجي شي جينپيڭ كەمەجاي شەتىندە ايالداپ، جاعاعا كەلىپ سامالعا قارسى تۇرىپ، الىسقا كوز تاستاپ، ۇزاق ويعا شومدى.
40 نەشە جىلدان بەرى، رەفورما جاساپ، ەسىك اشۋ ۇلى كۇشىنىڭ ارقاسىندا كەزىندەگى جىم ـ جىلاس، ەلەۋسىز وسى پورت لەزدە ”ەڭ جاس“ 500 ميلليون توننا دارەجەلى پورتقا اينالىپ، جىلدىق جۇك قابىلداۋ ـ جونەلتۋ مولشەرى دۇنيە ٴجۇزى بويىنشا 7 ـ ورىنعا شىقتى.
باس شۋجي شي جينپيڭ تەبىرەنىپ بىلاي دەدى: ”مۇنان جۇڭگونىڭ رەفورما جاساۋ، ەسىك اشۋ جولى، ٴسوزسىز، تابىستى بولادى دەيتىن سەنىمدى بەكەمدەۋىمىز كەرەك“.
جاڭا ٴداۋىردىڭ جاڭا جورىعىندا نەگە سۇيەنىپ زەيىن ـ زەردەنى شوعىرلاندىرىپ، كۇش ـ قۋاتتى توپتايمىز؟ نەگە سۇيەنىپ دامۋدى ىلگەرىلەتەمىز؟ نەگە سۇيەنىپ سىن ـ سايىستارعا توتەپ بەرەمىز؟
”پارتيا 20 ـ قۇرىلتايىنان كەيىن، مەن رەفورمانى اناعۇرلىم جاپپاي تەرەڭدەتۋ ماسەلەسى جونىندە باستان ـ اياق وي جۇگىرتىپ كەلەمىن“. ”جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا ۇزدىكسىز ىلگەرىلەيدى، سونداي ـ اق رەفورما جاساۋ، ەسىك اشۋ بارىسىندا جارقىن بولاشاق اشاتىندىعى داۋسىز“.
قىم ـ قۋىت، كۇردەلى حالىقارا جانە ەل ٴىشى جاعدايى الدىندا، جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى الدىندا، حالىق بۇقاراسىنىڭ جاڭا تىلەگى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى تاريحي ستراتەگيالىق تاڭداۋ جاساپ، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋعا قۋاتتى قوزعاۋشى كۇش قوستى.
2023 ـ جىلعى قاقاعان قىستان 2024 ـ جىلعى شىلىڭگىر جازعا دەيىن 7 ايدان استام ۋاقىت ٴوتتى. باس شۋجي شي جينپيڭ ٴوزى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ حۇجاتىن دايىنداۋ گرۋپپاسىنىڭ باستىعى بولىپ، تۇتاس بارىستى جوبالادى، تەكسەرۋ ـ زەرتتەۋگە ۇيىمداستىردى، دەن قويا جەتەكشىلىك ەتتى، جاعدايدى باعامداپ، باعدار بەلگىلەدى.
2024 ـ جىلى 7 ـ ايدىڭ 18 ـ كۇنى تۇستەن كەيىن حالىق سارايىنىڭ 2 ـ قاباتىنداعى قوناعاسى زالى، شامدار نۇر ـ شۇعىلا شاشتى، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ەكىنشى جالپى جيىنى وسى ارادا وتكىزىلدى.
”ماقۇلداندى!“
باس شۋجي شي جينپيڭنىڭ ايبىندى تۇردە جاريالاۋىمەن بۇكىل الاڭنان دۋ شاپالاق ٴۇنى كوتەرىلدى. داۋىرگە بەلگى سالعان ٴبىر رەفورما جاڭا جوباسى دۇنيەگە كەلدى، جۇڭگونىڭ رەفورما جاساپ، ەسىك اشۋىنا جاڭا ەسكەرتكىش تۇرعىزىلدى.
20 مىڭ ارىپتەن اساتىن حۇجاتتا جاڭا جورىقتاعى رەفورمانىڭ مىڭ بوياۋلى ”تولىق كورىنىسى“ سۇلبالاندى _
2035 ـ جىلدى كوزدەپ، الداعى 5 جىلداعى رەفورما مىندەتتەرى ٴتۇيىندى ورنالاستىرىلدى؛ ”التىعا تاباندى بولۋ“ ارقىلى رەفورمانى ونان ارى جاپپاي تەرەڭدەتۋدىڭ ماڭىزدى بويسۇنۋ ولشەمىن ايقىنداپ كورسەتتى؛ ”نازاردى جەتىگە شوعىرلاندىرۋ“ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ستراتەگيالىق ماڭىزدى تۇيىندەرىن تولىق قامتىدى؛ 300دەن استام ماڭىزدى رەفورما شاراسى ەكونوميكالىق ٴتۇزىلىس رەفورماسىنىڭ ”بۇيداسىن“ يگەردى ٴارى باسقا سالالارداعى رەفورمالاردى ٴبىر تۇتاس جوسپارلاپ ىلگەرىلەتتى...
رەفورما جاساۋدىڭ وسى اۋقىمدى دا ناقتى جاڭا جوباسى جاريالانعاننان كەيىن، شەتەل مەديالارى تۇس ـ تۇستان باعا بەرىپ، جۇڭگو ”اناعۇرلىم جان ـ جاقتىلى، اناعۇرلىم تەرەڭ رەفورما كەزەڭىنە كەز كەلدى“، ”بولاشاق دامۋدىڭ تىڭ بەتالىسىن كورسەتتى“ دەستى.
بۇل پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ امالياتتىق جالعاسى بولۋمەن بىرگە، جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ٴداۋىردىڭ تىڭ تاراۋى.
جوبا كەسكىندەلدى، تەتىك تياناقتاندىرۋدا قالدى.
”بۇكىل پارتيا جوعارىدان تومەنگە دەيىن ٴبىر نيەت، ٴبىر تىلەكپەن «قاۋلىنى» دايەكتىلەندىرۋدى، تياناقتاندىرۋدى ويداعىداي يگەرىپ، رەفورمانى اناعۇرلىم جاپپاي تەرەڭدەتۋدىڭ ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرۋ كەرەك“. باس شۋجي شي جينپيڭ جالپى ٴماجىلىس رۋحىنىڭ دايەكتىلەندىرىلۋىن، تياناقتاندىرىلۋىن ىلگەرىلەتۋدى ەل باسقارۋدىڭ شەشۋشى تەتىگى ەتىپ، بۇكىل پارتيانى، بۇكىل ەل حالقىن رەفورما سەنىمىن بەكەمدەپ، زەيىن ـ زەردەنى اناعۇرلىم ويداعىداي شوعىرلاندىرىپ، كۇش ـ قۋاتتى اناعۇرلىم ويداعىداي توپتاپ، رەفورمانىڭ ورنىقتى قاداممەن الىسقا جەتۋىن ىلگەرىلەتۋگە جەتەكتەدى.
2024 ـ جىلى 10 ـ ايدا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ قىزۋ ورلەۋىندە باس شۋجي شي جينپيڭ ساپار ورنالاستىرۋى ٴجيى ٴبىر رەتكى قىزمەت تەكسەرۋ، تەكسەرۋ ـ زەرتتەۋ جۇرگىزۋ جۇمىسىن باستادى، شىعىس وڭتۇستىكتەگى تەڭىز جاعالاۋىنان چاڭجياڭ _ حۋايحى وڭىرىندەگى بايتاق دالاعا دەيىن 4 كۇن ۋاقىتتا 2 ولكەدەگى 4 قالاعا بارىپ، زور دامۋ تولقىنىنىڭ كوتەرىلگەندىگىن، سانسىز كەمەنىڭ جارىسا جولعا شىققاندىعىن كوردى.
فۋجياننىڭ شيامىنىندا ەكونوميكالىق ەرەكشە رايون، ەركىن ساۋدا سىناق رايونى قۇرىلىسى جونىندە ايقىن تالاپتار قويدى؛ انحۇيدىڭ حىفيىندا ەلەۋلى عىلىم ـ تەحنولوگيالىق جاڭالىق اشۋ جەتىستىكتەرىن شوعىرلى ايگىلەۋدى تەكسەرىپ كورىپ، عىلىم ـ تەحنولوگيالىق جاڭالىق اشۋدى جانە كاسىپ سالالارىنىڭ تيبىنىڭ جاڭالانىپ، دارەجەسىنىڭ جوعارىلاۋىن جەدەلدەتۋدى تالاپ ەتتى.
قىزمەت تەكسەرۋ بارىسىندا باس شۋجي شي جينپيڭ بىلاي دەپ باسا دارىپتەدى: ”بۇگىنگى تاڭدا، رەفورما جاساۋدى، ەسىك اشۋدى يگەرۋدە مەيلى تەرەڭدىگى، الدە كەڭدىگى جاعىنان بولسىن، تالاپ وتكەندەگىمەن سالىستىرعاندا، ٴتىپتى دە جوعارىلاي ٴتۇستى“، ”رەفورمانى جاپپاي تەرەڭدەتۋدە، جوعارى دەڭگەيدە ەسىك اشۋدى كەڭەيتۋدە ەرلىكپەن العا ۇمتىلۋ كەرەك“.
فۋجياندا، انحۇيدا قىزمەت تەكسەرىپ بەيجيڭگە قايتىپ كەلگەن سوڭ كوپ وتپەي، باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا ماڭىزدى ٴسوز سويلەپ، رەفورمانى ونان ارى جاپپاي تەرەڭدەتۋدىڭ 4 قاتىناستى ويداعىداي ٴبىر جاقتى ەتۋدى قاجەت ەتەتىندىگىن تەرەڭ پايىمداپ، باسشى كادرلاردان ”ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتۋدى“، ”قايشىلىققا، ماسەلەلەرگە ٴدوپ كەلگەندە تايساقتاماي، ٴسىڭىستى كىناراتتار مەن قاساڭ دەرتتەردى الاستاۋدا جاسقانباي، حاۋىپ ـ قاتەرگە، سىن ـ سايىستارعا توتەپ بەرۋدە شەگىنشەكتەمەي، رەفورما جاساۋدىڭ، ەسىك اشۋدىڭ جاڭا ٴورىسىن قۇلشىنا اشۋدى“ شىنايى ورىنداۋدى تالاپ ەتتى.
جوعارى ارقىلى تومەندى باستاپ، ۋاقىتتى ۇتا جەدەل قيمىلدادى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى اشىلعاننان بەرى، باس شۋجي شي جينپيڭ تالاي رەت ماڭىزدى ماجىلىستەردى باسقارىپ اشىپ، ەلەۋلى رەفورما شارالارىن اقىلداسىپ ورنالاستىردى، نەگىزگى ساتىنى ىشكەرىلەي ارالاپ قىزمەت تەكسەردى، تەكسەرۋ ـ زەرتتەۋ جۇرگىزدى، رەفورما ورتاق تانىمىن ۇيىستىرىپ، رەفورما قوزعاۋشى كۇشىن قاۋلاتىپ، رەفورمانىڭ تياناقتانۋىن ىلگەرىلەتتى.
«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ەكونوميكالىق، قوعامدىق دامۋدىڭ جاپپاي جاسىل دامۋعا بۇرىلىس جاساۋىن جەدەلدەتۋ جونىندەگى پىكىرى» جاريالانىپ، ”ەرىكتى، سەرپىمدى بولۋ پرينسيبى بويىنشا زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسىن ورنىقتى، ٴتارتىپتى ىلگەرىلەتۋ“ تياناقتاندىرىلدى، حالىقتىق شارۋاشىلىقتى جەبەۋ زاڭىنىڭ جوباسى مەملەكەتتىك حالىق قۇرىلتايى تۇراقتى كوميتەتىنىڭ ماجىلىسىندە قاراۋعا ۇسىنىلدى...
جالپى جاعدايعا ساياتىن، جۇرت نازارىن اۋدارعان، قۇندى ماڭىزدى رەفورما شارالارى ٴجيى شىعارىلدى، رەفورمانى ونان ارى جاپپاي تەرەڭدەتۋدىڭ ٴساتى وڭىنان كەلىپ، جۇڭگونىڭ ەكونوميكالىق، قوعامدىق دامۋىنىڭ جاڭا قوزعالىس قۋاتىن ونان ارى قاۋلاتتى، جۇڭگو ۇلگىسىندەگى وسىزامانداندىرۋدىڭ جاڭا كارتيناسى بىرتىندەپ كەسكىندەلە باستادى.
قيىنشىلىققا قارسى اتتانىپ، سەنىمدى بەكەمدەدى _
”جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋ كەرەك“
2024 ـ جىلى 9 ـ ايدىڭ 26 ـ كۇنى، بەيجيڭ جۇڭنانحاي. باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىسىن باسقارىپ اشىپ، ەكونوميكالىق جاعدايعا تالداۋ جاساپ، اقىلداستى. اقپاراتتىق حابارداعى ”ەكونوميكالىق قىزمەتتى ويداعىداي ىستەۋ جاۋاپكەرشىلىك سەزىمى مەن كوكەي تەستىلىك سەزىمدى شىنايى كۇشەيتۋ كەرەك“ دەگەن ٴسوز ەل ٴىشى ـ سىرتىنىڭ نازارىن ەرەكشە اۋداردى.
ٴبىرىنشى ماۋسىمدا تاماشا باستاما اشۋدان ەكىنشى، ٴۇشىنشى ماۋسىمداعى قۇلدىراۋ قىسىمى بىرتىندەپ ارتۋعا دەيىن، وسى كەزدە جۇڭگو ەكونوميكاسى شەشۋشى مەزگىلگە، ماڭىزدى تۇيىنگە ٴوتتى.
زاپاس اقشا مولشەرىن تومەندەتىپ، ٴوسىمدى تومەندەتىپ، تۇرعىن ٴۇي بازارىن، جارنا بازارىن سەرپىلتىپ، كاسىپورىنداردىڭ قيىنشىلىق وتكەلىنەن وتۋىنە كومەكتەستى... ەكونوميكا اينالىمىندا جارىققا شىققان جاڭا جاعداي، جاڭا ماسەلەگە قاراتا ٴماجىلىس دەر كەزىندە ٴبىر قىدىرۋ تىڭنان قوسىلعان ساياساتتى باتىل ورنالاستىردى.
كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى اتقارىپ، تۇتاس قوعامداعى زات اينالىمىنىڭ وزىندىك قۇنىن ٴونىمدى تومەندەتىپ، سىرتقى ساۋدانىڭ ورنىقتى ارتۋىن جەبەپ، قار ـ مۇز ەكونوميكاسىنىڭ ومىرشەڭ كۇشىن تاسقىنداتتى... ٴارقايسى جاقتاعى ساياساتتىڭ ”كەشەندى شاراسى“ سايكەسە سەلبەسىپ، دالمە ـ ٴدال كۇش شىعاردى.
10 ـ ايعا وتكەندە، قوعامدىق مەجە مەن سەنىم كۇشەيىپ، جۇڭگو ەكونوميكاسى كورنەكتى جوعارىلاپ، ەكونوميكا اينالىمىندا ”الدىڭعى مەرزىمدە جوعارى بولۋ، ورتا مەرزىمدە تومەندەۋ، سوڭعى مەرزىمدە كوتەرىلۋ“ سىندى بەتالىس جارىققا شىعىپ، تۇتاس جىلدىق ەكونوميكا %5 اينالاسىندا ارتادى دەپ مەجەلەندى.
قيىنشىلىققا دۇرىس قاراپ، دالمە ـ ٴدال تۇجىرىمداپ، بايىپتىلىقپەن توتەپ بەرىپ، كەشەندى شارا قولداندى، شي جينپيڭ جولداستى ۇيتقى ەتكەن پارتيا ورتالىق كوميتەتى الىستى بولجاپ، اۋقىمدى باعامداپ، جۇڭگو ەكونوميكاسىن مەڭگەرۋدەگى ايرىقشا اقىل ـ پاراساتىن جانە قابىلەتىن ايگىلەدى.
وتكەن ٴبىر جىلداعى جۇڭگو ەكونوميكاسىنىڭ باسىپ وتكەن وزگەشە جولىنا قايىرىلا قاراعاندا، ەكونوميكانىڭ ساپاسىنىڭ ٴونىمدى جوعارىلاۋى جانە مولشەرىنىڭ ۇيلەسىمدى ارتۋى جوعارى ساپالى دامۋدىڭ تۇتاس بارىسىمەن بىرلىككە كەلتىرىلدى.
2024 ـ جىلى 11 ـ ايدىڭ 14 ـ كۇنى ٴبىر جاڭا اۆتوكولىكتىڭ ٴوندىرىس جەلىسىنەن شىعۋىنا بايلانىستى، ەلىمىزدە جاڭا ەنەرگيالى اۆتوكولىكتىڭ جىلدىق ٴونىم مولشەرى تۇڭعىش رەت 10 ميلليوننان اسىپ، جۇڭگو اۆتوكولىك ٴىرى ەلىنەن اۆتوكولىك قۋاتتى ەلىنە قاراي مىعىم قادام تاستادى.
ٴبىر جىلدان بەرى، جاڭادان گۇلدەنگەن كاسىپ سالالارىنىڭ نىعايىپ اۋقىم قالىپتاستىرۋىنان ٴداستۇرلى كاسىپ سالاسىنىڭ جاڭالانىپ، دارەجەسىنىڭ جوعارىلاۋىنا دەيىن، جاڭاشا وندىرگىش كۇشتەردىڭ جۇڭگو ەكونوميكاسىنداعى قۋاتتى ىلگەرىلەتۋ كۇشى، تىرەك كۇشى ايگىلەندى.
جاڭاشا وندىرگىش كۇش دەگەنىمىز نە؟ باس شۋجي شي جينپيڭ تەرەڭ بايىمداۋ جاسادى: ”ەرەكشەلىگى _ جاڭالىق اشۋ، تەتىگى _ ساپالىلىعى، ٴمانى _ وزىق وندىرگىش كۇش“.
جاڭاشا وندىرگىش كۇشتى قالاي دامىتۋ كەرەك؟ باس شۋجي شي جينپيڭ ايقىن تالاپ قويدى: ”دۇرمەككە ىلەسۋگە، جابىلا باستاپ، اياقسىز تاستاۋعا بولمايدى، ٴسوز جوق، جەرگىلىكتى جاعدايعا قاراي ىستەۋ، ٴارقايسىسىنىڭ وزىندىك ەرەكشەلىگى بولۋى كەرەك“.
ۋحان كاسىپ سالاسىن جاڭالىق اشا دامىتۋدى زەرتتەۋ ورنى ”ۇكىمەت، ٴوندىرىس، وقىتۋ، زەرتتەۋ، قارجى، قىزمەت وتەۋ، قولدانۋ“ عىلىم ـ تەحنولوگيا جەتىستىگىن كادەگە جاراتۋ جۇيەسىن تۇلعالاپ، قۇرىلعاننان بەرگى 2 جىلدان استام ۋاقىتتا 200دەن استام عىلىم ـ تەحنولوگيا كاسىپورنىن جەتىلدىرىپ، قۋات ۇستەپ جاڭالىق اشاتىن، شارۋاشىلىق قۇراتىن 700دەن استام دارىندىنى شوعىرلاندىردى.
2024 ـ جىلى 11 ـ ايدىڭ 5 ـ كۇنى باس شۋجي شي جينپيڭ وسى ارادا قىزمەت تەكسەرىپ، عىلمي زەرتتەۋ قىزمەتكەرلەرىمەن جانە كاسىپورىن جاۋاپتىلارىمەن اڭگىمەلەسكەن كەزدە بىلاي دەپ اتاپ كورسەتتى: ”جوعارى دەڭگەيلى عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى، جاڭاشا وندىرگىش كۇشتەردى دامىتۋدى جۇزەگە اسىرۋ عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدى توعىستىرۋعا اناعۇرلىم كوكەي تەستى سۇرانىس قويدى“.
”عىلىم ـ تەحنولوگيا + كاسىپ سالاسى“، باس شۋجي شي جينپيڭ ٴبىر جىلدىڭ ىشىندە جاڭاشا وندىرگىش كۇشتى دامىتۋدىڭ وسى ماڭىزدى جولىن قايتا ـ قايتا باسا دارىپتەدى.
ٴتۇزىلىس ـ مەحانيزمدە كاسىپورىننىڭ عىلىم ـ تەحنولوگيادا جاڭالىق اشۋداعى نەگىزگى تۇلعالىق ورنىن كۇشەيتىپ، عىلىم ـ تەحنولوگيا جەتىستىكتەرىن كادەگە جاراتۋدى، قولدانۋدى جەبەدى؛ كاسىپ سالاسى ورنالاسىمىندا جاساندى زەردە، تومەن كەڭىستىك ەكونوميكاسى سياقتى جاڭا كاسىپ كۇيىنە جاڭا جارىس جولىن اشتى، بيولوگيالىق جاساۋ، كۆانت عىلىم ـ تەحنولوگياسى سياقتى بولاشاق كاسىپ سالاسى تىڭ ورىسكە باتىلدىقپەن قادام تاستادى... جاڭالىق اشۋ ارقىلى دامۋعا دەم بەرۋدىڭ ارىنى تەبىندى بولىپ، جۇڭگو ەكونوميكاسىنىڭ قوزعاۋشى كۇشى، ومىرشەڭ كۇشى باسەكەلەسە كوتەرىلدى.
دۇنيە جۇزىلىك ٴبىلىم مەنشىك ۇقىعى ۇيىمى جاريالاعان 2024 ـ جىلعى الەمدىك جاڭالىق اشۋ كورسەتكىشى بايانداماسىندا كورسەتىلۋىنشە، جۇڭگونىڭ جاڭالىق اشۋ قۋاتىنىڭ قاتارى بىلتىرعىدان ٴبىر ورىن جوعارىلاپ 11 ـ ورىنعا شىعىپ، 10 جىلدا 18 ورىن كوتەرىلگەن، كوتەرىلۋى ەڭ تەز ەكونوميكالىق تۇلعالاردىڭ ٴبىرى بولعان.
جوعارى ساپالى دامۋ نەگىزگى اۋەنىندە بۇكىل ەل ٴبىر تۇتاس جۇيە دەيتىن ۇلكەن حور اۋەنى اناعۇرلىم شىعاندادى.
3 ـ ايدا چاڭشادا نازار جاڭا داۋىردە ورتا بولىك وڭىرلەردىڭ ەڭسە كوتەرۋىنە شوعىرلاندىرىلدى؛ 4 ـ ايدا چۇڭچيڭدە جاڭا داۋىردە باتىس بولىكتى قاۋىرت اشۋدى ىلگەرىلەتۋ اقىلداسىلدى؛ 9 ـ ايدا لانجوۋدا حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىن جاپپاي ىلگەرىلەتۋگە ورنالاستىرۋ جاسالدى...
ٴبىر جىل ىشىندە باس شۋجي شي جينپيڭ ىلگەرىندى ـ كەيىندى 3 رەت ارناۋلى تاقىرىپتاعى اڭگىمە ٴماجىلىسىن باسقارىپ اشىپ، ستراتەگيالىق جانە جالپى جاعداي جوسپارى ارقىلى وڭىرلەردىڭ سايكەستى دامۋىنىڭ جاڭا كورىنىسىن كەسكىندەدى: ”وسى ماجىلىستەر ٴبىر كەزەكتە ٴبىر رەت اشىلادى، ٴبىر ـ بىردەن يگەرىپ، كەزەك سايىن يگەرىپ، ۇزدىكسىز قاجىماي كۇش سالىپ، قادام سايىن تەرەڭدەتەتىن بولساق، ٴسوزسىز، تابىسقا جەتەتىن بولامىز“...
ورتالىق دەڭگەيىنەن حۇجات شىعارىلىپ، شىعىس سولتۇستىك ٴوڭىردىڭ قار ـ مۇز ەكونوميكاسىنىڭ جوعارى ساپالى دامۋى ىلگەرىلەتىلدى، چاڭجياڭ اتىراۋىن ٴبىر تۇلعالاندىرىپ دامىتۋدىڭ 3 جىلدىق ارەكەت جوسپارى جاريالاندى، شيۇڭان جاڭا رايونىنا تۇڭعىش رەت ىرگە تەپكەن ورتالىق كاسىپورىندارىنىڭ باس شتابى جۇڭگو شينۋاڭنىڭ قۇرىلىسى اياقتاپ تاپسىرىپ بەرىلدى... جۇڭگونىڭ بايتاق دالاسىندا ٴاربىر وڭىرلىك بولىكتەر بىرىنە ـ ٴبىرى ساي كەلىپ، ٴوزارا جالعاسىپ اۋقىم قالىپتاستىرىپ، ۇلكەن جۇيە قالىپتاستىردى.
”بۇكىل ەل ٴبىر تۇتاس جۇيە بولۋعا تاباندى بولىپ، ٴوزارا كومەكتەسۋى، اسىرەسە، تەڭىز جاعالاۋىنداعى وڭىرلەر باتىس بولىك وڭىرلەرىنە، دامىعان وڭىرلەر دامۋدا كەنجە قالعان وڭىرلەرگە كومەكتەسۋى، بارلىعى ٴوز رولىن ٴدال تابۋى كەرەك“، ـ دەپ اتاپ كورسەتتى 2024 ـ جىلى 6 ـ ايدا باس شۋجي شي جينپيڭ چيڭحايدا قىزمەت تەكسەرگەن كەزدە.
”بۇكىل ەلدىڭ ٴبىر تۇتاس ۇلكەن بازارى قۇرىلىسىمەن بەلسەنە توعىسۋ“، ”ەكونوميكالىق ٴىرى ولكەلەردىڭ ٴوڭىردىڭ، اۋەلى، بۇكىل ەلدىڭ دامۋىنا ىقپال جاساۋ، جەتەكشىلىك ەتۋ قۋاتىن اناعۇرلىم ويداعىداي ساۋلەلەندىرۋ“، ”بارلىق ٴىستى ىستەي بەرۋگە كەلمەيدى، تالعامپازدىقپەن ٴىس تىندىرۋ كەرەك“... باس شۋجي شي جينپيڭنىڭ جەتەكشىلىك ەتىپ ورنالاستىرۋىندا، ٴارقايسى جەر ٴوز ارتىقشىلىقتارىن تياناق ەتىپ، الدا جۇرۋگە باتىلدىقپەن تالپىنىپ، ۇلكەن جۇيەدە ٴوز ورىندارىنا تياناقتاندى.
وسى جۇيەنى ويداعىداي ورنالاستىرۋدا دامۋ مەن حاۋىپسىزدىكتى ٴبىر تۇتاس جوسپارلاۋ ايرىقشا ماڭىزدى.
”شەشۋشى ازشىلىققا” “جىلدىڭ ٴبىرىنشى ساباعىن ٴوتتى“، باس شۋجي شي جينپيڭ بىلاي دەپ باسا دارىپتەدى: ”فينانس حاۋىپ ـ قاتەرىنەن، اسىرەسە، جۇيەلىك حاۋىپ ـ قاتەردەن كۇش سالا ساقتانۋ جانە ونى جويۋ كەرەك“؛ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىندە باس شۋجي بىلاي دەپ اتاپ كورسەتتى: ”جاڭا ەنەرگيانىڭ دامۋى مەن مەملەكەتتىڭ ەنەرگيا حاۋىپسىزدىگىن ويداعىداي ٴبىر تۇتاس جوسپارلاۋ كەرەك“؛ جەرگىلىكتى ورىنداردا قىزمەت تەكسەرگەن كەزدە اتىز باسىنا كەلىپ باس شۋجي ”استىق حاۋىپسىزدىگىنە، ٴسوز جوق، ٴوزىمىز كەپىلدىك ەتۋىمىز كەرەك“ دەپ تاپسىردى...
جۋىق جىلداردان بەرگى تەبىنى ەڭ زور قارىز قايتارۋ شاراسى اتقارىلىپ، ۇيلەردى تاپسىرۋعا كەپىلدىك ەتۋدەن قامال الۋ شايقاسى پارمەندى ىلگەرىلەتىلىپ، نەگىزگى ساتىنىڭ شۇعىل جاعدايعا توتەپ بەرۋ، باسقارۋ قابىلەتى اناعۇرلىم جوعارىلاتىلدى... ٴبىر جىلدان بەرى ەلىمىزدىڭ ٴتۇيىندى سالالارداعى حاۋىپ ـ قاتەردى جويۋى ٴونىمدى، ٴتارتىپتى بولدى.
2024 ـ جىلى 12 ـ ايدىڭ 10 ـ كۇنى ٴتوراعا شي جينپيڭ ”1 + 10 “ كەڭەسىنە قاتىناسۋ ٴۇشىن جۇڭگوعا كەلگەن نەگىزگى حالىقارالىق ەكونوميكالىق ۇيىمداردىڭ جاۋاپتىلارىمەن كەزدەستى. شەتەل جاق ۋاكىلدەرى جۇڭگونىڭ ەكونوميكالىق دامۋ تابىستارىن جوعارى باعالاپ، جۇڭگونىڭ دامۋ بولاشاعىنا زور ٴۇمىت ارتتى، جۇڭگو باستان ـ اياق دۇنيە ٴجۇزى ەكونوميكاسىنىڭ ارتۋىنداعى ماڭىزدى قوزعالتقىش جانە ورنىقتىرعىش دەپ قارادى.
”وسىنىڭ ٴبارى ٴبىزدىڭ جاڭا ٴداۋىردىڭ جاڭا جورىعىندا ٴورىس اشا العا ىلگەرىلەپ، قامال الىپ قيىندىقتاردى جەڭىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋ بەكىمىمىز بەن سەنىمىمىزدى اناعۇرلىم بەكەمدەي ٴتۇستى“. 12 ـ ايدا اشىلعان ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ تۇتاس جىلدىق ناتيجەنى وسىلاي دەپ قورىتىندىلادى.
حالىقتى بارىنەن جوعارى قويىپ، قاجىماي ـ تالماي تالپىندى _
”جۇڭگو ۇلگىسىندەگى وسىزامانداندىرۋدا حالىق تۇرمىسى زور ٴىس سانالادى“
كوك تاس تاقتا، قىزىل كەرپىش ٴۇي، الاسا فيكۋس اعاشى... چۇڭچيڭ جيۋلۇڭپو رايونى شيەجياۋان ٴمالىسى مينجۋسۇن الەۋمەتتىك اۋماعىندا كەڭ دە جارىق الەۋمەتتىك اۋماق قوناق قابىلداۋ زالى، فۋنكتسياسى تولىق پارتيا مۇشەلەرى مەن بۇقاراعا قىزمەت وتەۋ ورتالىعى، تاعامداردىڭ حوش ٴيىسى اڭقىعان الەۋمەتتىك اۋماق اسحاناسى... ٴبارى ـ ٴبارى الەۋمەتتىك اۋماق تۇرعىندارىنىڭ تاماشا بارار جەرىنە اينالدى.
كەزىندە اتى الىس ـ جۋىققا ٴمالىم ”كونە، توزعان، شاعىن“ اۋماق قالانىڭ جاڭالانۋى ارقىلى ٴداستۇر مەن جاڭا اعىم توعىسقان جاڭا مەكەنگە اينالدى.
2024 ـ جىلى 4 ـ ايدا باس شۋجي شي جينپيڭ چۇڭچيڭدە قىزمەت تەكسەرگەن كەزدە مينجۋسۇن الەۋمەتتىك اۋماعىنا كەلىپ، كوپشىلىكپەن اڭگىمە دۇكەنىن قۇردى: ”ٴبىر كىسىلىك تاماقتىڭ باعاسى قانشا؟“، ”جۇمىس جۇرگىزۋشى جاق قاي جەردىكى؟ پايدا تۇسە مە؟“، ”ٴسوزسىز جالعاستىرىڭىزدار“.
”جۇڭگو ۇلگىسىندەگى وسىزامانداندىرۋدا حالىق تۇرمىسى زور ٴىس سانالادى. پارتيا مەن ۇكىمەتتىڭ بارلىق قىزمەتى بۇقارانىڭ اناعۇرلىم باقىتتى تۇرمىس كەشىرۋى ٴۇشىن“، ـ دەدى باس شۋجي تەرەڭ ماعىنادا.
جۇمىستاندىرۋ _ ەڭ نەگىزگى حالىق تۇرمىسى، ول حالىق بۇقاراسىنىڭ ٴتول مۇددەسىنە، ەكونوميكانىڭ، قوعامنىڭ اقاۋسىز دامۋىنا، مەملەكەتتىڭ باياندى تىنىشتىعىنا سايادى.
2024 ـ جىلى 5 ـ ايدىڭ 27 ـ كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنداعى جولداستاردى باستاپ، جوعارى ساپالى، تولىق جۇمىستاندىرۋدى جەبەۋ جونىندە 14 ـ رەتكى توپتىق ۇيرەنۋ جۇرگىزدى.
ارتۋدى ورنىقتىرۋ، جۇمىستاندىرۋدى ورنىقتىرۋ قىسىمى باستان ـ اياق ورىن تەۋىپ كەلەدى، قۇرىلىمدىق جۇمىستاندىرۋ قايشىلىعى ۇزدىكسىز كورنەكتىلەنىپ، جۇمىستاندىرۋ ساپاسىن جوعارىلاتۋ ەڭبەكشىلەردىڭ كوكەي تەستى تىلەگىنە اينالدى... جۇمىستاندىرۋ قىزمەتىندە ٴدوپ كەلگەن كورنەكتى قايشىلىقتار مەن ماسەلەلەرگە مەڭزەس، باس شۋجي شي جينپيڭ بىلاي دەپ باسا دارىپتەدى: جوعارى ساپالى، تولىق جۇمىستاندىرۋدى جەبەۋ _ جاڭا ٴداۋىردىڭ جاڭا جورىعىنداعى جۇمىستاندىرۋ قىزمەتىنىڭ جاڭا ورنى، جاڭا بورىشى.
2024 ـ جىلى 9 ـ ايدا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جۇمىستاندىرۋدى الدىمەن ويلاستىرۋ ستراتەگياسىن اتقارىپ، جوعارى ساپالى، تولىق جۇمىستاندىرۋدى جەبەۋ جونىندەگى پىكىرى» جاريالانىپ، جوعارى ساپالى، تولىق جۇمىستاندىرۋدى جەبەۋ جونىندە ورتالىق تۇرعىسىنان جوعارى دەڭگەيدە جوبا جاسالدى. 2024 ـ جىلى 12 ـ ايدا ورتالىقتىڭ ەكونوميكالىق قىزمەت ٴماجىلىسى جۇمىستانۋدىڭ جالپى تۇلعالىق ورنىقتىلىعىن ساقتاۋ جونىندە ىشكەرىلەي ورنالاستىرۋ جاساپ، ٴتۇيىندى سالالاردا، ٴتۇيىندى كاسىپتەردە، قالا ـ اۋىلدارداعى نەگىزگى ساتىدا جانە ورتا، شاعىن، ۇساق كاسىپورىنداردا جۇمىستاندىرۋدى قولداۋ جوسپارىن اتقارىپ، ٴتۇيىندى قاۋىمنىڭ جۇمىستانۋىن جەبەۋدى العا قويدى.
مەجەنى ورنىقتىرۋ، ارتۋدى ورنىقتىرۋ، جۇمىستاندىرۋدى ورنىقتىرۋ جونىندەگى ٴبىر قىدىرۋ ساياساتتاردىڭ تىرەك بولۋىندا، 2024 ـ جىلدىڭ الدىڭعى 11 ايىندا بۇكىل ەلدىڭ قالا ـ قالاشىقتارىندا جۇمىسسىزدىق مولشەرىنىڭ تەكسەرىلگەن ورتاشا ٴمانى %5.1 بولىپ، بىلتىرعى سايكەس مەزگىلدەگىدەن 0.1 پايىز تومەندەگەن.
حالىق تۇرمىسى زور ٴىس، حالىق تۇرمىسى ماڭىزدى ٴىس.
حالىق تۇرمىسى ينجەنەرياسىنان، نەگىزگى ساتىنى باسقارۋدان قامداۋدى قامتاماسىز ەتۋگە، باعانى ورنىقتىرۋعا دەيىن، بالانى اماناتتاپ باقتىرۋدان، قارتتاردى كۇتىمدەۋدەن، وقۋعا تۇسۋدەن، ەمدەلۋدەن تومەن كىرىستى حالىقتى قۇتقارۋعا، ولارعا كومەكتەسۋگە، سۇيەمەلدەۋگە دەيىن... اسقار اسۋلاردان اسىپ، اساۋ وزەندەردەن ٴوتىپ قىستاقتاردى ارالاپ، تۇرعىنداردىڭ وتباسىلارىنا باردى، وسى ٴبىر جىلدا بۇقارانىڭ ٴىسىن باس شۋجي شي جينپيڭ ەگجەي ـ تەگجەيلى كورىپ، تەرەڭدەي ۇعىسىپ، جان ـ جاقتى ويلاستىردى.
مەملەكەتتىك وقۋ ـ اعارتۋ جينالىسىندا وقۋ ـ اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن مىقتى يگەرۋدى دارىپتەۋدەن ورتالىقتىڭ قوعامدىق قىزمەت ماجىلىسىندە جۇڭگوشا سوتسياليستىك قوعامدى باسقارۋ جولىمەن ٴجۇرۋ بەتالىسىن ايقىن كورسەتۋگە دەيىن، جەكەلەردىڭ زەينەتاقى ٴتۇزىمىن جاپپاي اتقارۋدان تۋۋدى قولداۋ ساياسات جۇيەسىن كەمەلدەندىرۋدى تەزدەتۋگە دەيىن... بۇقارانىڭ ماڭايىنداعى ىستەر، ٴجىتى قاداعالاپ وتىرعان ىستەر، كوڭىلدەن شىعاتىن ىستەر جونىندە پارتيا مەن مەملەكەتتىڭ دامۋىنداعى جوعارى دەڭگەيلى جوبالاردا ۇزدىكسىز جاۋاپ قايتارىلدى.
جۇڭگو ۇلگىسىندەگى وسىزامانداندىرۋدا اۋىل ـ قىستاقتى گۇلدەندىرۋ _ ۇلكەن تاقىرىپ.
قىس ماۋسىمىنداعى حۋبەي ولكەسى جيايۇي اۋدانى پانجياۋان قالاشىعىندا 10 شاقىرىمدىق كوكونىس ٴدالىزى جاسىل جەلەك جامىلىپ، جالىندى تىرشىلىك لەبى ەستى. 2024 ـ جىلى 11 ـ ايدا باس شۋجي شي جينپيڭ وسى اراعا كەلىپ، اتىز قىرىن جاعالاي كوكونىس اتىزىنا كىرىپ، كوكونىستىڭ ٴوسۋ مەزگىلىن، جيىن ـ تەرىن مەن ساقتالۋ جاعدايىن، ساتىلۋ مولشەرىن، باعاسىن تاپتەشتەي سۇراستىردى. باس شۋجي تاعى دا سول اۋىلداستاردىڭ تابىس سەزىمىن ەسىنەن شىعارمادى: ”ديقانداردى ۇمىتۋعا بولمايدى، ديقانداردىڭ تيىمدىلىككە قول جەتكىزۋىنە مۇمكىندىك جاساۋ كەرەك“.
كىرىسىن تىلگە العاندا، كوكونىس ەگەتىن ديقان يە شياڭسۇڭ باس شۋجيگە شىنايى ”ەسەپ بەردى“. كەتەرىندە باس شۋجي كۇلىمسىرەي العا ۇمتىلىپ، قولىن سوزدى. يە شياڭسۇڭ الدىعا قاراي ٴبىر ادىم اتتاپ، باس شۋجيدىڭ قولىن قاتتى قىسا ۇستادى.
قاتتى قىسىسقان قولدار حالىق كوسەمى مەن حالىقتىڭ جۇرەگىن تۇتاستىردى.
وسى ٴبىر جىلدا جىلىجايدا، اتىز باسىندا، جەمىس ورمانى اراسىندا، بالىقشىلىق قىستاعىندا باس شۋجي شي جينپيڭ قايتكەندە اۋىل شارۋاشىلىعىن اناعۇرلىم كۇشەيتۋگە بولادى، اۋىل ـ قىستاقتى اناعۇرلىم كورىكتەندىرۋگە بولادى، ديقانداردى اناعۇرلىم بايىتۋعا بولادى دەگەن ماسەلەلەردى ارقاۋ ەتىپ ىشكەرىلەي تەكسەرۋ ـ زەرتتەۋ جۇرگىزدى؛
ەسەپ داپتەرىن كورىپ، اڭگىمە شەرتىسىپ، قيىنشىلىقتى تىلگە تيەك ەتىپ، قاجەتتى سۇراستىردى، ”اۋىلداستاردى باستاپ ’تەڭىز‘ ٴىسىن ويداعىداي تىندىرۋ كەرەك“، ”تۇقىم مەن ەگىستىك جەر سىندى ەكى ماڭىزدى ٴتۇيىندى مىقتى يگەرۋ كەرەك“، ”نازاردى قازىرگى كەزەڭدەگى شارۋا بۇقاراسىنىڭ قاجەتى كۇشتى بولعان، يگەرۋگە بولاتىن، بىرنەشە جىل يگەرسە ـ اق ٴونىمى كورىنەتىن ٴتۇيىندى ناقتى ىستەرگە شوعىرلاندىرىپ، يگەرگەن ىستەردە ونىمدىلىككە قول جەتكىزۋ كەرەك“... باس شۋجيدىڭ ىقىلاستى تاپسىرماسى اۋىل ـ قىستاقتى جاپپاي گۇلدەندىرۋدى ىلگەرىلەتۋدىڭ قۋاتتى قوزعاۋشى كۇشىنە اينالدى.
قالا مەن اۋىلدىڭ توعىسپالى دامۋى جۇڭگو ۇلگىسىندەگى وسىزامانداندىرۋدىڭ تابيعي تالابى، حالىقتىڭ تاماشا تۇرمىسقا تالپىنىسىن قاناعاتتاندىرۋدىڭ، بىرگە بايۋدى جەبەۋدىڭ ىشكى تالابى.
قالا مەن اۋىلدىڭ توعىسپالى دامۋىن كوزدەپ، باس شۋجي شي جينپيڭ تالاي رەت ماڭىزدى نۇسقاۋ بەردى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسىندا» قالا مەن اۋىلدىڭ توعىسپالى دامۋ ٴتۇزىلىس ـ مەحانيزمىن كەمەلدەندىرۋ جونىندە ورنالاستىرۋ جاسالدى، جاڭاشا قالا ـ قالاشىقتاندىرۋ ستراتەگياسىنىڭ 5 جىلدىق ارەكەت جوسپارىن تياناقتاندىرىپ اتقارۋ، اۋدان ٴوڭىرى ەكونوميكاسىن زورايتۋ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە كەڭەيتۋ، كولەمدى قايتا كەدەيلەسۋدىڭ تۋىلۋىنان باتىل ساقتانۋ...
2024 ـ جىلى بۇكىل ەل بويىنشا استىقتىڭ جالپى ٴونىم مولشەرى تۇڭعىش رەت ٴبىر تريلليون 400 ميلليارد جىڭ بولۋداي جاڭا ساتىعا كوتەرىلدى، اۋىل ـ قىستاقتى جاپپاي گۇلدەندىرۋ مەن جاڭاشا قالا ـ قالاشىقتاندىرۋدى ورگانيكالى ۇشتاستىرۋ ونان ارى كۇشەيتىلىپ، قالا مەن اۋىل پارقى، وڭىرلەر پارقى، كىرىس پارقى كۇش سالا ازايتىلىپ، جالپى حالىقتىڭ بىرگە بايۋىندا ۇزدىكسىز اناعۇرلىم كورنەكتى ماندىك ىلگەرىلەۋشىلىككە قول جەتكىزۋ جەبەلدى.
”بۇقارانىڭ ٴىسى ەڭ ماڭىزدى ٴىس سانالادى“. 2024 ـ جىلى كوكتەم مەرەكەسى قارساڭىندا باس شۋجي شي جينپيڭ تيانجين قالاسى شيچيڭ رايونى ديليۋبۋ قىستاعىنا باردى.
2023 ـ جىلى حايحى وزەنىندە وڭىرلىك ەرەكشە اۋىر تاسقىن اپاتى تۋىلعاندا، ديليۋبۋ قىستاعى دا اپاتقا ۇشىرادى. قىستاق تۇرعىنى دۋ حۇڭگاڭنىڭ ۇيىندە باس شۋجي شي جينپيڭ وسى ٴبىر ٴۇيلى جانمەن ىقىلاستى اڭگىمەلەسىپ، اپات زيانىن جانە اپاتتان كەيىنگى ٴوندىرىستى دامىتۋ، جۇمىستاندىرۋ ارقىلى كىرىستى ارتتىرۋ ەسەبىن ٴبىر ـ بىردەن جاسادى.
دۋ حۇڭگاڭ وتباسىنىڭ پارتيا مەن ۇكىمەتتىڭ كومەگىندە قيىن وتكەلدەن تەز وتكەنىن ەستىپ، باس شۋجي قاتتى اسەرلەندى: ”ەل امان، جۇرت تىنىش بولسىن، جۇرت تىنىش بولعاندا عانا، ەل امان بولادى، پارتيا ورتالىق كوميتەتى مەن ٴار دارەجەلى پارتكومدار، ۇكىمەتتەر كوپشىلىكتىڭ مۇڭ ـ مۇقتاجىن قاي ـ قاشان دا ەستەن شىعارمايدى، سونداي ـ اق اۋىلداستاردىڭ وزدەرىنىڭ قوس قولدارىنا سۇيەنىپ كورىكتى مەكەندى قايتا قۇرىپ، باقىتتى تۇرمىس جاراتۋىن ٴۇمىت ەتەدى“.
تاسقىن سۋمەن شايقاسىپ، قۋاڭشىلىققا قارسى اتتانىپ، حالىق تۇرمىسى تومەنگى شەگىن بەرىك ساقتاپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولدى... بوران ـ شاشىندا پارتيا مەن حالىق بىرگە ويلاپ، بىرگە ىستەپ، بىرگە قۇلشىنىپ، بىرگە كۇرەس جۇرگىزدى.
”ٴسوز جوق، حالىقتى وزەك ەتۋگە باستان ـ اياق تاباندى بولىپ، بارلىعىن حالىق ٴۇشىن ىستەپ، بارلىعىندا حالىققا سۇيەنىپ، بۇكىل حالىقتى بىرگە كۇرەس جۇرگىزۋ بارىسىندا رەفورمانىڭ، دامۋدىڭ جەتىستىكتەرىنەن بىرگە يگىلىكتەندىرۋگە قۇلشىنۋ كەرەك“. جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسىندا باس شۋجي شي جينپيڭ تاعى دا سالتاناتپەن جاريالادى.
وزىنە سەنىپ، ٴوز كۇشىنە سۇيەنىپ، جاۋاپكەرشىلىكتى ايگىلەدى _
”بەيبىت دامۋ، سەلبەستىك جاساسىپ تەڭ يگىلىككە كەنەلۋ بارىسىندا جۇڭگو ۇلگىسىندەگى وسىزامانداندىرۋدىڭ كەڭدىگى مەن تەرەڭدىگىن ۇزدىكسىز كەڭەيتتى“
2024 ـ جىلى 12 ـ ايدىڭ 12 ـ كۇنى، بەيجيڭ حالىق سارايى. ٴتوراعا شي جينپيڭ 28 ەلدىڭ جۇڭگودا تۇراتىن جاڭادان تاعايىندالعان باس ەلشىسىنىڭ تاپسىرعان مەملەكەت حاتىن قابىلدادى ٴارى ولارمەن ٴبىر ـ بىردەن بىرگە سۋرەتكە ٴتۇستى.
”جۇڭگو ۇلگىسىندەگى وسىزامانداندىرۋ _ جۇڭگونىڭ ٴوز باسىنىڭ عانا قامىن كۇيتتەگەن وسىزامانداندىرۋ ەمەس“. بەيجيڭ ورتا ٴوس سىزىعىنىڭ ايبىندى تىنىسى مەن بەينەسىن ايگىلەگەن سۋرەت الدىندا، ٴتوراعا شي جينپيڭ ەلشىلەرگە بىلاي دەدى: ”جۇڭگو جاق ٴار ەلمەن بىرگە جۇڭگونىڭ دامۋ ورايىن ٴبولىسىپ، كوركەمدىكتەن بىرگە يگىلىكتەنىپ، ٴبىرىن ـ ٴبىرى تابىسقا جەتكىزىپ، بەيبىت دامىعان، ٴوزارا تيىمدىلىك جەتكىزىپ سەلبەستىك جاسايتىن، بىرگە كوركەيەتىن دۇنيە جۇزىندەگى ٴار ەلدىڭ وسىزاماندانۋىن جۇزەگە اسىرۋ جولىندا قول ۇستاسا كۇرەس جاساۋدى قالايدى“.
وسىزاماندانۋ _ جۇڭگو حالقىنىڭ قاجىماي ـ تالماي تالپىنعان نىساناسى ٴارى دۇنيە جۇزىندەگى ٴار ەل حالقىنىڭ جالپىلىق تىلەگى.
2024 ـ جىلى، ٴتوراعا شي جينپيڭ مەملەكەت باسشىسى ديپلوماتياسىن ٴجيى ورىستەتىپ، جەلىلەس نەگىزگى الاڭ ديپلوماتيالىق قيمىلدارىنا قاتىناسىپ، ەۆروپاداعى، ورتا ازياداعى، بريكستەگى، لاتىن امەريكاسىنداعى ساپارىن باستاپ، ٴار ەلدىڭ، ٴار سالانىڭ قايراتكەرلەرىمەن قويۋ بارىس ـ كەلىس جاساپ، جۇڭگو ۇلگىسىندەگى وسىزامانداندىرۋدىڭ ۇلان ـ قايىر حالىقارالىق ٴورىسىن ۇزدىكسىز كەڭەيتتى.
اۋمالى ـ توكپەلى، وزگەرىسكە تولى حالىقارالىق جاعدايدا وزىمىزگە ٴتيىمدى سىرتقى ورتانى ىرىقتىلىقپەن سومدادى _
ٴىرى ەلدەر قارىم ـ قاتىناسى بۇكىل جەر شارىنىڭ ستراتەگيالىق ورنىقتىلىعىنا سايادى. ٴبىر جىلدان بەرى، ٴتوراعا شي جينپيڭ امەريكا زۇڭتۇڭى بايدەنمەن ليمادا كەزدەستى، امەريكانىڭ سايلانعان زۇڭتۇڭى ترامپقا قۇتتىقتاۋ تەلەگرامماسىن جولدادى، ماڭىزدى تۇيىندەردە جۇڭگو _ امەريكا قارىم ـ قاتىناسىنىڭ دامۋىنا ستراتەگيالىق جەتەكشىلىك ازىرلەدى؛ رەسەي زۇڭتۇڭى پۋتينمەن 3 رەت كەزدەسىپ، جۇڭگو مەن رەسەيدىڭ ستراتەگيالىق ٴوزارا سەنىمدىلىگىن ۇزدىكسىز بەكەمدەدى؛ فرانسيا زۇڭتۇڭى ماكرونمەن بىرگە ”اسقار تاۋ، اساۋ وزەن“ ادەمى حيكاياسىن جالعاپ جازدى، گەرمانيا زۇڭليى شولتسپەن دياۋيۇيتايدا سەيىلدەدى، ۇلى بريتانيانىڭ باس ۋازىرىمەن اراعا 6 جىل سالىپ تاعى دا كەزدەستى... جۇڭگو _ ەۆروپا قارىم ـ قاتىناسىنىڭ ورنىقتى قاداممەن الىسقا جەتۋىن كۇش سالا ىلگەرىلەتتى.
سەنىمدىلىكتى دارىپتەپ، بەرەكە ورناتۋ، جاقىنىنا مەيىرىمدى، كورشىمەن تاتۋ بولۋ _ جۇڭحۋا وركەنيەتىنىڭ ەجەلدەن بەرگى قارىم ـ قاتىناس جاساۋ جولى. ٴتوراعا شي جينپيڭ جەكە ـ جەكە ٴۇندىستاننىڭ، جاپونيانىڭ باسشىلارىمەن كەزدەسىپ، جۇڭگو مەن وڭىردەگى ٴىرى ەلدەر اراسىندا سەنىم ۇزدىكسىز ارتتىرىلىپ، كۇمان سەيىلتىلدى؛ ۆيەتنامنىڭ، يندونەزيانىڭ باسشىلارى مىندەتكە تاعايىندالعاننان كەيىن تۇڭعىش ساپارىن جۇڭگودان باستادى، جۇڭگونىڭ ورتا ازياداعى بەس ەلمەن جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ساپاسى جوعارىلاپ، دەڭگەيى كوتەرىلدى، توڭىرەكتىك تاعدىرلاس ورتاق تۇلعا قۇرىلىسى تەرەڭ ىلگەرىلەتىلدى.
تەكە تىرەسكە تۇسپەي، قايتا ىنتىماقتاسىپ ىستەستىك جاساۋ، ”بايلانىستى الشاقتاتىپ، تىزبەكتى ۇزبەي“، قايتا ٴوزارا تيىمدىلىك جەتكىزىپ تەڭ يگىلىككە كەنەلۋ بارعان سايىن دۇنيە جۇزىندەگى ٴار ەلدىڭ جۇڭگومەن قارىم ـ قاتىناستى دامىتۋداعى جالپىلىق ورتاق تانىمىنا اينالدى.
الەمنىڭ وڭتۇستىگى شوعىرلى ەڭسە كوتەرگەن تاريحي ۇلكەن اۋقىمدا باتىلدىقپەن ٴداۋىردىڭ الدىڭعى لەگىندە تۇرىپ، جەتەكشىلىك ەتىپ جول باستادى _
2024 ـ جىلى 9 ـ ايدىڭ 4 ـ كۇنىنەن 6 ـ كۇنىنە دەيىن جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى وتكىزىلدى، بۇل تاياۋ جىلدان بەرى جۇڭگو وتكىزگەن ەڭ ۇلكەن كولەمدەگى نەگىزگى الاڭ ديپلوماتياسى. ٴتوراعا شي جينپيڭ افريكا ەلدەرىندەگى 53 مەملەكەت باسشىسى، ۇكىمەت باسشىسى، ۋاكىلدەر ۇيىرمەلەرىنىڭ باستىعى، سونداي ـ اق افريكا ەلدەرى وداعى كوميتەتىنىڭ ٴتوراعاسى، بىرلەسكەن مەملەكەتتەر ۇيىمىنىڭ باس حاتشىسى قاتارلىلارمەن سالتاناتپەن باس قوستى.
ٴتوراعا شي جينپيڭ جۇڭگو _ افريكا قارىم ـ قاتىناسى تۇلعالىق ورنىنىڭ جاڭا داۋىردەگى بارلىق جاعدايدا بىردەي جۇڭگو _ افريكا تاعدىرلاس ورتاق تۇلعاسىنا كوتەرىلگەندىگىن، جۇڭگو مەن افريكانىڭ ”التى وسىزامانداندىرۋدى“ قول ۇستاسا ىلگەرىلەتكەندىگىن، ”ون ٴىرى سەرىكتەستىك ارەكەتىن“ اتقارعاندىعىن جاريالاعاندا، قىزۋ قول شاپالاق ٴۇنى ارت ـ ارتىنان كوتەرىلىپ، جۇڭگو مەن افريكانىڭ جاڭا جورىقتا وسىزامانداندىرۋ ارمانىنا بىرگە قۇلاش سەرمەگەن ورتاق جۇرەك ٴۇنىن ٴبىلدىردى.
”2 ميلليارد 800 ميلليوننان استام جۇڭگو مەن افريكا حالقى ٴبىر نيەت، ٴبىر تىلەكتە بولسا بولعانى، وسىزامانداندىرۋ جولىندا، ٴسوز جوق، بىرگە شۇعىلالى ناتيجە جاراتىپ، الەمنىڭ وڭتۇستىگىنىڭ وسىزاماندانۋ ىستەرىنىڭ قارىشتاپ دامۋىنا جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسا الادى“. ٴتوراعا شي جينپيڭنىڭ ٴسوزى جۇڭگو مەن افريكانىڭ قول ۇستاسا وتىرىپ وسىزاماندانۋ جولىمەن بىرگە ٴجۇرۋىنىڭ تەرەڭ ٴمانىن جەتكىزدى.
ەكى جاقتى ديپلوماتيالىق قيمىلداردان كوپ جاقتى حالىقارالىق ماجىلىستەرگە دەيىن، ٴتوراعا شي جينپيڭ تۋى ايقىن تۇردە الەمنىڭ وڭتۇستىگىندەگى ەلدەردىڭ وزىنە سەنىپ، ٴوز كۇشىنە سۇيەنىپ، بىرلەسىپ قۇدىرەتتەنۋىنە جەتەكشىلىك ەتتى.
11 ـ ايدىڭ 18 ـ كۇنى تۇستەن بۇرىن برازيليانىڭ ريو ـ دە جانەيروسىندا 20 ەل توبى باسشىلارىنىڭ باسشىلار ٴماجىلىسى ”اشارشىلىق پەن كەدەيلىككە قارسى اتتانۋ“ كەڭەستىك تاقىرىبىن ارقاۋ ەتىپ تالقى ورىستەتتى. ٴتوراعا شي جينپيڭنىڭ شىنايى سۇيىسپەنشىلىككە، ىقىلاسقا تولى ٴسوزى ٴماجىلىس الاڭىنىڭ ٴىشى ـ سىرتىندا كۇشتى ۇندەستىك تۋدىردى.
”جۇڭگونىڭ كەدەيلىكتەن ارىلۋ بارىسى مىنانى بىلدىرەدى: تامشى سۋ تاس تەسەتىن، ٴبىر جوبانى سوڭىنا دەيىن جالعاستىراتىن تاباندىلىق، قايسارلىق جانە كۇرەس جۇرگىزۋ رۋحىن ۇستانعاندا، وركەندەپ كەلە جاتقان ەلدەردىڭ كەدەيلىك ماسەلەسىن شەشۋگە بولادى، ٴالسىز قۇستاردىڭ الدىمەن ۇشۋىنا، بيىك ۇشۋىنا بولادى. جۇڭگو تابىسقا جەتكەن ەكەن، باسقا وركەندەپ كەلە جاتقان ەلدەر دە ۇقساس تابىسقا جەتە الادى. بۇل جۇڭگونىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋىنىڭ دۇنيە جۇزىلىك ٴمانى“.
بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ٴتۇسىرۋ جينالىسىندا، الەمنىڭ وڭتۇستىگىنىڭ بىرگە ”ٴتورت ۇلكەن كۇش“ بولۋىن دارىپتەدى، الەمنىڭ وڭتۇستىگىنىڭ سەلبەستىگىن قولداۋدىڭ سەگىز ٴتۇرلى شاراسىن جاريالادى؛ ”ۇلكەن بريكس“ باسشىلار ماجىلىسىندە بريكستى الەمنىڭ وڭتۇستىگىنىڭ ىنتىماعىن، سەلبەستىگىن جەبەيتىن باستى ارنا، الەمدىك باسقارۋ وزگەرىسىنە جەبەۋ بولاتىن اۆانگارد كۇش ەتىپ تۇلعالاۋ العا قويىلدى؛ ازيا ـ تىنىق مۇحيت ەكونوميكالىق سەلبەستىك ۇيىمىنىڭ ونەركاسىپ ـ ساۋدا باسشىلارى ماجىلىسىندە جازباشا ٴسوز سويلەپ، الەمنىڭ وڭتۇستىگىنىڭ ۋاكىلدىك سيپاتى مەن ٴسوز سويلەۋ ۇقىعىن ۇزدىكسىز جوعارىلاتۋدى ۇندەدى...
2024 ـ جىلى ٴتوراعا شي جينپيڭنىڭ مەملەكەت باسشىسى ديپلوماتياسىنىڭ جەتەكشىلىگىندە، جۇڭگونىڭ قالىڭ وركەندەپ كەلە جاتقان ەلدەرمەن وسىزاماندانۋ جولىندا ىنتىماقتاسا سەلبەستىك جاساۋى حالىقارالىق قارىم ـ قاتىناستاعى كوركەم كورىنىسكە اينالىپ، دۇنيە ٴجۇزى زور وزگەرىسىنىڭ العا باسۋ بەتالىسىنا پارمەندى جەتەكشىلىك ەتتى.
”جەر شارىنداعىلار ٴوزارا قارايلاسىمدى بولۋ“ سىندى ٴداۋىر ۇندەۋىمەن ادامزاتتىڭ تاعدىرلاس ورتاق تۇلعاسىن قۇرۋدى قاجىماي ـ تالماي ىلگەرىلەتتى _
100 جىلدىق وزگەرىس جەدەل قۇبىلىپ، ادامزات تاعى ٴبىر رەت تاريحتىڭ جول ايىرىعىنا جەتىپ كەلدى. اشىق بولۋ كەرەك پە، الدە توماعا ـ تۇيىق كۇيدە قالۋ كەرەك پە، سەلبەسۋ كەرەك پە، الدە قارسىلاسۋ كەرەك پە، ىنتىماقتاسىپ ىستەستىك جاساۋ كەرەك پە، الدە كورشىسىنە زيان جەتكىزۋ كەرەك پە، بۇل ٴار جاقتىڭ قايراتى مەن اقىل ـ پاراساتىنا سىن بولدى.
”جۇڭگودا بۇرىنعىلار ايتقان ’كەمەدەگىنىڭ تاعدىرى ٴبىر‘ دەگەن ٴسوز بار، مەنىڭ قاراۋىمشا، قازىر ’جەر شارىنداعىلاردىڭ تاعدىرى ٴبىر‘ بولۋى قاجەت“. ٴتوراعا شي جينپيڭ ورامدى سوزىمەن تاعدىرلاس بولۋدىڭ، تاتۋ ـ ٴتاتتى قاتار ٴومىر ٴسۇرۋدىڭ قاعيداسىن باياندادى.
”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدا ۇزدىكسىز جاڭا جەتىستىكتەرگە قول جەتكىزىلدى، يمپورت كورمەسى، گۋاڭجوۋ جارمەڭكەسى، قىزمەت وتەۋ ساۋدا جارمەڭكەسى، قامداۋ تىزبەگىن جەبەۋ كورمەسى، تۇتىنۋ بۇيىمدارى كورمەسى سياقتىلار ارت ـ ارتىنان وتكىزىلدى؛ ۆيزا كەشىرۋ ساياساتى مەن قولايلىلاندىرۋ شارالارى ۇزدىكسىز ساپالىلاندى، ”جۇڭگونى ساياحاتتاۋ“ الەمدەگى قولامتالى سوزگە اينالدى؛ بەيجيڭ ورتا ٴوس سىزىعىن، كوكتەم مەرەكەسىن بەيزاتتىق مادەنيەت مۇراسىنا ٴوتىنىش ەتۋ تابىستى بولدى، الەمدىك دامۋ باستاماسى، الەمدىك حاۋىپسىزدىك باستاماسى، الەمدىك وركەنيەت باستاماسى جۇرت جۇرەگىنە تەرەڭ ۇيالادى... دۇنيە ٴجۇزى اشىق، سيىسىمدى جۇڭگونىڭ ادامزات وركەنيەتىنىڭ العا باسۋ ىسىنە ۇزدىكسىز جاڭا ۇلەس قوسقاندىعىنا كۋا بولۋدا.
”ٴتوراعا شي جينپيڭنىڭ جۇڭگو حالقىنا باسشىلىق ەتىپ ۇلى تابىستارعا قول جەتكىزگەندىگىنە ايرىقشا سۇيىنەمىن، جۇڭگو كوممۋنيستىك پارتياسىنىڭ تاجىريبەلەرىنەن ۇيرەنۋدى، ۇلگى الۋدى قالايمىن“، ”جۇڭگومەن سەلبەستىكتى تەرەڭدەتۋگە ۇزدىكسىز كۇش سالىپ، جۇڭگو ۇلگىسىندەگى وسىزامانداندىرۋ بارىسىنا بەلسەندى ات سالىسامىز“، ”ٴتوراعا شي جينپيڭ حالىقتىڭ قۇت ـ ىرىسىن كوزدەپ، قوعامدىق ادىلدىك پەن تۋراشىلدىقتى قورعاپ، سوعىستى ەمەس، قايتا بەيبىتشىلىكتى، قارسىلاسۋدى ەمەس، قايتا سەلبەسۋدى، ٴبۇلدىرۋدى ەمەس، قايتا جاسامپازدىق جاراتۋدى دارىپتەپ، دۇنيە جۇزىنە ۇلگى كورسەتتى“...
بۇل جۇڭگو ۇلگىسىندەگى وسىزامانداندىرۋدىڭ ٴداۋىر جاڭعىرىعى، بۇل بۇگىنگى جۇڭگو جاراتقان ادامزات وركەنيەتى جاڭا فورماتسياسىنىڭ دۇنيە جۇزىلىك ٴمانى.
ٴبىر نيەتپەن كۇش قوسىپ العان بەتىنەن قايتپادى _
”جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ تەلەگەي كۇشىن ۇيىستىردى“
2024 ـ جىلى 6 ـ ايدىڭ 30 ـ كۇنى ليڭديڭياڭدا كوك تولقىن بۋىرقانا جوڭكىلدى. شياڭگاڭ _ جۋحاي _ اۋمىن ۇلكەن كوپىرىنەن كەيىنگى گۋاڭدۇڭ _ شياڭگاڭ _ اۋمىن ۇلكەن شىعاناق رايونىندا سالىنعان تاعى ٴبىر ەرەكشە ٴىرى قاتىناس ينجەنەرياسى _ شىنجىننان جۇڭشانعا دەيىنگى وزەن اتتاعان جول سالىنىپ بولىپ قاتىناس باستالىپ، ”جۇڭگو باسقارۋى“ جاراتقان تاعى ٴبىر كەرەمەتكە كۋا بولدى.
”بارلىق ات سالىسۋشىلار قاجىرلى ەڭبەك، قاجىماس قايسارلىق ارقىلى ينجەنەريا مىندەتىن جوعارى ساپامەن ورىندادى. بۇل جۇڭگو ۇلگىسىندەگى وسىزامانداندىرۋدىڭ ىستەۋ ارقىلى كەلەتىندىگىن، ۇلى ىستەردىڭ ناقتى ٴىس ىستەۋ ارقىلى كەلەتىندىگىن تولىق ٴتۇسىندىردى“. باس شۋجي شي جينپيڭ ارناۋلى قۇتتىقتاۋ حاتىن جولداپ، قالىڭ كادىر ـ بۇقارانى ايرىقشا جىگەرلەندىردى.
ايداعار تەڭىزدەن كوككە سامعاپ، اسۋلاردان استى. ٴبىر قىدىرۋ ”ەل تاڭدانار دۇنيەنىڭ عاجابى“ بولعان ەرەسەن ينجەنەريا جۇڭحۋانىڭ بايتاق دالاسىندا بوي كوتەرىپ، جۇڭحۋا ۇلتىنىڭ ٴبىر نيەتپەن كۇش قوسىپ، العان بەتىنەن قايتپايتىن تەلەگەي كۇشىن توپتادى.
كۇش ـ قۋات جۇڭگو كوممۋنيستىك پارتياسىنىڭ پارمەندى باسشىلىعىنان كەلدى.
”ٴبىز پارتيانىڭ جالپى جاعدايدى تۇگەل مەڭگەرەتىن، ٴار جاقتى سايكەستىرەتىن باسشىلىق ۇيتقى رولىنا باستان ـ اياق تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋى ارقىلى ۇلى قوعامدىق توڭكەرىسكە جەتەكشىلىك ەتۋگە قۇلشىنۋىمىز كەرەك“.
جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسىندا باس شۋجي شي جينپيڭ جۇڭگو ۇلگىسىندەگى وسىزامانداندىرۋدى ىلگەرىلەتۋدى تىلگە تيەك ەتكەندە، ٴبىرىنشى تارماق ”ٴسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك“، ـ دەدى.
جۇڭگونىڭ ٴىسىن ويداعىداي ىستەۋدىڭ تەتىگى پارتيادا.
تۇڭعىش رەت پارتيا ٴتارتىبىن نەگىزگى تاقىرىپ ەتىپ بۇكىل پارتيادا شوعىرلى تاربيە ورىستەتىلىپ، قاتاڭ نەگىزگى اۋەن، قاتاڭ شارا، قاتاڭ اۋقىم كۇشەيتىلدى؛ «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمە» باسىلىپ تاراتىلىپ، ستيل قۇرىلىسى ارقىلى رەفورمانىڭ دامۋدى جەبەۋى قامتاماسىز ەتىلدى؛ ورتالىقتىڭ 20 ـ كەزەكتى شارلاپ تەكسەرۋى ىلگەرىلەتىلىپ، ساياسي باقىلاۋ دالمە ـ ٴدال، پارمەندى ورىستەتىلدى...
ٴبىر جىلدان بەرى پارتيانى جاپپاي قاتاڭ باسقارۋ تەرەڭدەي دامىتىلىپ، پارتيا وزىنە ـ ٴوزى توڭكەرىس جاساۋ بارىسىندا تاسقىنداعان تىرشىلىك تىنىسىن ۇزدىكسىز قاۋلاتىپ، باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدى.
مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى قۇتتىقتالدى، جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعى قۇتتىقتالدى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسى اشىلدى، مەملەكەت قورعانىسى جانە ارميا رەفورماسى ۇزدىكسىز تەرەڭدەتىلدى... بۇكىل پارتيا، بۇكىل ەلدەگى ٴار ۇلت حالقى پارتيا تۋى استىندا ”بەرىك قۇرىش بولىپ“ ىنتىماقتاسىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، جاڭا جورىقتا ەكپىندەي ىلگەرىلەيتىن تەلەگەي ۇلى كۇش تۋىنداتتى.
كۇش ـ قۋات ۇلى رۋحتىڭ جەتەكشىلىگىنەن، ۇندەۋىنەن كەلدى.
التىن كۇزدەگى 9 ـ ايدا حالىق سارايىنىڭ جينسى زالىندا مەملەكەت وردەنىن جانە مەملەكەت داڭق اتاعىن تابىس ەتۋ سالتى وتكىزىلدى. رەتتى جاسىل اسكەري كيىم كيگەن 93 جاستاعى توڭكەرىستىك ساقا اسكەر حۋاڭ زۇڭدى دوڭگەلەكتى ورىندىققا وتىرىپ، قىزمەتكەرلەردىڭ سۇيەۋىمەن وردەن الۋ مىنبەسىنىڭ ورتاسىنا كەلدى.
باس شۋجي شي جينپيڭ دەنەسىن ٴيىپ، قوس قولىمەن حۋاڭ زۇڭدىنىڭ قولىن قاتتى قىسىپ ۇستاپ، وعان رەسپۋبليكا وردەنىن تاعىپ: ”قاريا، دەنساۋلىعىڭىزدى كۇتىڭىز“، ـ دەدى.
”حالىق قورعاۋشىسى“، ”حالىق ونەرپازى“، ”حالىق عالىمى“، ”حالىق اعارتۋشىسى“، ”حالىق ەمدەۋ ـ كۇتىمدەۋ قىزمەتكەرى“... مەملەكەت ەڭ جوعارى مارتەبەمەن قاھارمان ۇلگىلەردى ماداقتادى. مەدالدار، وردەندەر جارقىراپ، وشپەس ەلەۋلى ەڭبەكتى ەستە ساقتاپ، سان ميلليونداعان وتان حالقىن ەرلىكپەن العا ىلگەرىلەۋگە جىگەرلەندىرۋدە.
ۇلتتىڭ گۇلدەنۋى رۋحتىڭ جەتەكشىلىك ەتۋىن قاجەت ەتەدى، مەملەكەتتىڭ دامۋى قۇننىڭ جول نۇسقاۋىنا مۇقتاج.
33 ـ كەزەكتى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىندەگىلەردى قابىلداعاندا، وليمپيادا ساڭلاقتارىنىڭ بەينەسىن ماداقتاپ: ”جۇڭحۋا ۇلتى رۋحى مەن ٴداۋىر رۋحىنىڭ ٴبىر ـ بىرىنە ٴار بەرۋىنە مۇمكىندىك جاسادىڭىزدار“ دەدى؛ قۇربانداردى ەسكە الۋ كۇنىندە حالىق قاھارماندارىنا گۇل شارباق ۇسىنىپ، حالىق قاھارماندارىنا شەكسىز ساعىنىشىن جانە وسكەلەڭ قۇرمەتىن ٴبىلدىردى؛ فۋجيان ولكەسى دۇڭشان اۋدانى گۋ ۋىنچاڭ ەسكەرتكىش سارايىن ەكسكۋرسيالاعاندا ”حالىقتىڭ كوڭىلىندە ٴوز ەسەبى بار، اناداي ماداق، مىناداي ماراپاتتىڭ بارلىعى بۇقارانىڭ القاۋىنا جەتپەيدى“، ـ دەپ تاپسىردى؛ ”قاھارمان قالا“ حۋبەيدىڭ ۋحانىنا بارىپ قىزمەت تەكسەرگەندە ”دابيەشان رۋحىن، تاسقىنعا قارسى اتتانۋ رۋحىن، ىندەتكە قارسى اتتانۋ رۋحىن زور كۇشپەن اسقاقتاتۋ كەرەك“، ـ دەپ باسا دارىپتەدى...
باس شۋجي شي جينپيڭنىڭ جەتەكشىلىك ەتىپ ىلگەرىلەتۋىندە، تۇتاس قوعامدا قاھارمانداردى ارداقتايتىن، قاھارمانداردان ۇيرەنەتىن، قاھارمان بولۋعا تالپىناتىن تاماشا راي كۇن ساناپ قالىپتاسىپ، سوتسياليستىك وزەكتى قۇن كوزقاراسى كەڭىنەن تاراپ، بارلىق جۇڭحۋا پەرزەنتتەرى ۇلى رۋحتى ۇزبەي جالعاستىرىپ، جاڭا جورىقتا نىق قادام تاستالدى.
كۇش ـ قۋات جۇڭحۋا وركەنيەتىنىڭ ٴنار بەرىپ ماپەلەۋىنەن كەلگەن.
چينليڭ باۋرايىنداعى بيىك مۇنارالى ساراي ۇلگىسىندەگى شانشي باۋجي قولا قۇرالدار مۇراجايىنىڭ ايبىنى اسقاق.
قازىرگە دەيىنگى ”جۇڭگو“ دەگەن ٴسوز ەڭ ەرتە ويىلعان مەملەكەت اسىلى دارەجەسىندەگى قولا بۇيىم حىزۇننىڭ الدىنا كەلگەندە، باس شۋجي شي جينپيڭ كىدىرىپ، اينەك كورمە سورەسىن اقىرىن اينالىپ ٴبىراز ۋاقىتقا دەيىن قاراپ تۇردى.
”جۇڭحۋا وركەنيەتىنىڭ 5000 جىلىن تاعى ونان ارى اشىپ، ىشكەرىلەي زەرتتەپ، ونىڭ ٴمانى مەن رۋحىن ٴتۇسىندىرىپ، وندا قامتىلعان ۇلى اقىل ـ پاراساتتى ويداعىداي ۇگىتتەۋ، سول ارقىلى كوپشىلىكتىڭ اناعۇرلىم قاستەرلەپ، قىزۋ سۇيۋىنە، جۇڭحۋا وركەنيەتى جونىندەگى ماقتانىش سەزىمىن كۇشەيتۋىنە، وتانشىلدىق رۋحتى اسقاقتاتۋىنا مۇمكىندىك جاساپ، جۇڭحۋانىڭ تاڭداۋلى ٴداستۇرلى مادەنيەتىن ۇرپاقتان ـ ۇرپاققا جالعاستىرا ٴتۇسۋ كەرەك“. باس شۋجي شي جينپيڭ وسىلاي دەپ قاداعالاي تاپسىردى.
جۇڭحۋانىڭ مادەنيەت تامىرى ۇزبەي جالعاسىپ، مادەنيەت جاسامپازدىعى كۇن سايىن جاڭالاندى.
”بەيجيڭ ورتا ٴوس سىزىعى _ جۇڭگو ارمانداعىداي استانا ٴتارتىبى تاماشا تۋىندىسىنىڭ“ «دۇنيە جۇزىلىك مۇرالار تىزىمىنە» ٴوتىنىش ەتۋى ٴساتتى بولىپ، كونە قالانىڭ تىرشىلىك تىنىسى مەن وسى زامانعى تۇرمىس ٴتاسىلى ٴوزارا توعىسىپ بىرگە ٴومىر ٴسۇردى؛ ”كوكتەم مەرەكەسى _ جۇڭگولىقتاردىڭ ٴداستۇرلى جاڭا جىلدى قۇتتىقتاۋ قوعامدىق امالياتى“ بىرلەسكەن مەملەكەتتەر ۇيىمى وقۋ ـ اعارتۋ، عىلىم، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارى ۋاكىلدىك تۋىندىلارى تىزىمىنە ەنگىزىلىپ، ۇزىلمەي جالعاسقان جۇڭحۋانىڭ ٴداستۇرلى مادەنيەت تاڭباسى دۇنيە جۇزىنە ونان ارى بەت الدى؛ «شي جينپيڭ مادەنيەت يدەياسىن ۇيرەنۋ باعدارلاماسى» باسپادان شىعىپ تاراتىلىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزى ونان ارى بەكەمدەلدى...
جۇڭحۋانىڭ بايتاق دالاسىنا كوز جىبەرسەك، جاڭا داۋىردەگى جۇڭگوشا سوتسياليستىك مادەنيەت اناعۇرلىم قۇدىرەتتى يدەيالىق جەتەكشىلىك قۋاتىن، رۋحاني ۇيىستىرۋ قۋاتىن، قۇن باۋرامدىعىن، حالىقارالىق ىقپال كۇشىن ۇزدىكسىز قاۋلاتىپ، جۇڭگولىقتاردىڭ جىگەرىن، جالىنىن، قايراتىن بۇرىن بولماعان دارەجەدە ارتتىرىپ، بۇكىل ۇلتتىڭ جاڭالىق اشۋ، جاسامپازدىق جاراتۋ ومىرشەڭ كۇشىن تولىق تاسقىنداتتى.
كۇش ـ قۋات بارلىق جۇڭحۋا پەرزەنتتەرىنىڭ ورتاق كۇرەسىنەن كەلدى.
گۇلدەنگەن داۋىردەگى شامگۇل جايقالا اشىلدى. 2024 ـ جىلى 12 ـ ايدىڭ 18 ـ كۇنىنەن 20 ـ كۇنىنە دەيىن، اۋمىن وتان قۇشاعىنا ورالعاندىعىنىڭ 25 جىلدىعى ساتىندە، باس شۋجي شي جينپيڭ اۋمىنعا بارىپ، حاۋجياڭ حيكاياسىنىڭ شىت جاڭا تاراۋىن كەسكىندەدى.
كوكجيەك سىزىعىندا قابات ۇيلەر تەڭىزبەن ٴبولىنىپ جارىسا بيىككە بوي سوزىپ تۇرسا؛ تەڭىز جاعالاۋى سىزىعىنىڭ جانىندا جۇزدەگەن كەمە تولقىن جارا جارىسا العا ىلگەرىلەۋدە. ”ٴبىر ەل، ەكى ٴتۇزىم“ جاسامپاز امالياتىنىڭ جاندى ىقشام كورىنىسى، جۇڭگو ۇلگىسىندەگى وسىزامانداندىرۋدىڭ سان قيلى بەينەسى نانحاي جاعاسىندا بىرتىندەپ كەستەلەندى.
”جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە، ٴسوزسىز، اۋمىننىڭ اناعۇرلىم تارتىمدى تاراۋى جازىلادى“! باس شۋجي شي جينپيڭنىڭ ىقىلاستى ٴۇمىتى اۋمىن قوعامىنىڭ ٴار سالاسىنداعىلاردى قىزۋ ىنتامەن دامۋدىڭ جاڭا ٴورىسىن اشۋعا جىگەرلەندىردى.
”ٴبىر ەل“ ٴتۇپ نەگىزىن بەرىك ساقتاپ، ”ەكى ٴتۇزىم“ تيىمدىلىگىنەن ۇتىمدى پايدالانساق، شياڭگاڭ مەن اۋمىننىڭ مەملەكەتپەن بىرگە دامىپ، بىرگە گۇلدەنەتىن جولى بارعان سايىن كەڭەيەدى؛ ەكى جاعالاۋدىڭ ەكونوميكا، مادەنيەت اۋىس ـ كۇيىسىن، سەلبەستىگىن جەبەپ، ەكى جاعالاۋدىڭ ٴارقايسى سالاسىنىڭ توعىسا دامۋىن تەرەڭدەتسەك، اناعۇرلىم كوپ تايۋاندىق باۋىرلاستار، تايۋان كاسىپورىندارى وتان ۇلى قۇرلىعىنىڭ دامۋ، العا باسۋ جەتىستىكتەرىنەن يگىلىكتەنەدى. ەڭ ۇلكەن سەنترلەس شەڭبەر سىزىپ، ەكپىندەي ىلگەرىلەۋدىڭ وڭ ەنەرگياسىن ۇيىستىرساق، ەل ٴىشى ـ سىرتىنداعى جۇڭحۋا پەرزەنتتەرى ارمانعا قۇلاش سەرمەي العا ىلگەرىلەپ، ۇلى ىستەردى بىرگە ىسكە اسىرادى.
جول الىس بولعانىمەن، جۇرە بەرسەك جەتەمىز، قاجىماي ـ تالماي جالعاستىرساق، تاماشا كەلەشەكتەن ٴۇمىت زور.
2 ايدىڭ الدىندا ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا ايتىلعان باس شۋجي شي جينپيڭنىڭ ىقىلاستى ٴۇمىتى ٴالى دە قۇلاق تۇبىمىزدە جاڭعىرىپ تۇر _
”قازىر دۇنيە ٴجۇزى 100 جىلدا بولماعان زور وزگەرىسكە ٴدوپ كەلدى، وسىنداي ٴبىر ٴداۋىر جۇڭحۋا ۇلتىنىڭ گۇلدەنۋىنىڭ شۇعىلاسىن ٴتىپتى دە كوپ تۋىنداتادى“.
(شينحۋا اگەنتتىگىنىڭ 1 ـ ايدىڭ 1 ـ كۇنى بەيجيڭنەن بەرگەن حابارى)
