شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى. 1 - ايدىڭ 1 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان امەريكا ۆاشينگتون شتاتى ورتا مەكتەبىندەگى وقىتۋشى - وقۋشىلار ۋاكىلدەرىنە قايتارا جاڭا جىلدى قۇتتىقتاۋ كارتچكاسىن جىبەرىپ، جاڭا جىل بايلانىسىمەن تىلەك تىلەپ، مىنالاردى ءبىلدىردى: 2025 - جىل − جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى. دۇنيە جۇزىلىك 2 - سوعىس كەزىندە، جۇڭگو مەن امەريكا بەيبىتشىلىك پەن ادىلەتتىلىك جولىندا بىرگە سوعىستى، ەكى ەل حالقىنىڭ دوستىعى قاندى كۇرەس سىناعىن باستان وتكەرىپ، ۋاقىت وتكەن سايىن جاڭاردى. جۇڭگو − امەريكا ەكى ەل جاستارى مەن جاس وسپىرىمدەرىنىڭ ”الداعى 5 جىلدا امەريكالىق 50 مىڭ جاس پەن جاس ٴوسپىرىمدى جۇڭگوعا كەلىپ اۋىس ـ كۇيىس جاساۋعا، ۇيرەنۋگە ۇسىنىس ەتۋ“ باستاماسىنا ۇزدىكسىز بەلسەنە ات سالىسىپ، اۋىس ـ كۇيىستى، ىقپالداستىقتى كۇشەيتىپ، ٴوزارا ٴتۇسىنىسۋدى ارتتىرىپ، ٴداستۇرلى دوستىقتى جالعاستىرىپ، جۇڭگو _ امەريكا قارىم ـ قاتىناسىنىڭ دامۋىن ىلگەرىلەتۋگە، دۇنيە ٴجۇزىنىڭ بەيبىتشىلىگىن جەبەۋگە كۇش قوسۋىن ٴۇمىت ەتەمىز.
وسىدان بۇرىن، امەريكا ۆاشينگتون شتاتى امەريكا _ جۇڭگو جاستار مەن جاس ٴوسپىرىم وقۋشىلار اۋىس ـ كۇيىس قوعامىنىڭ جانە لينكولن ورتا مەكتەبىنىڭ، دەنە تاربيە الاڭى ورتا مەكتەبىنىڭ ” 5 جىلدا 50 مىڭ“ باستاماسىنا قاتىناسىپ جۇڭگوعا كەلگەن وقىتۋشى ـ وقۋشىلار ۋاكىلدەرى ٴتوراعا شي جينپيڭ مەن حانىمىنا جانە بۇكىل جۇڭگو حالقىنا جاڭا جىلدى قۇتتىقتاۋ كارتچكاسىن جولداپ، 100دەن استام وقىتۋشى مەن وقۋشى قۇتتىقتاۋ حاتىنا قول قويعان بولاتىن. وقىتۋشى ـ وقۋشىلار قۇتتىقتاۋ كارتچكاسىنا جۇڭگو تىلىندە: ”جاپون شاپقىنشىلارىنا قارسى سوعىس جەڭىسىنىڭ 80 جىلدىعىن ەسكە تۇسىرەمىز، دۇنيە جۇزىلىك فاشيزمگە قارسى تۇرۋ سوعىس جەڭىسىنىڭ 80 جىلدىعىن ەسكە تۇسىرەمىز. جاڭا جىلدى قۋانا قارسى الامىز، بەيبىتشىلىك جاساسىن، جۇڭگو _ امەريكا دوستىعى ماڭگى جاساسىن!“ دەپ جازدى.
